مطبخك في رمضــــــآن سيدتي

[روز]

هذي صورة خبزالدار لي درتو قلت انوع شوية وصورت تارت الجبن وصورة الزلابية وريدة لي طلبتيها

حولت نقربلكم الصورة باش تبان طبقة الدجاج والخضر لي لتحت راني كنت مزروبة مالحقتش نعمللها ديكور مليح وتقطاع تاع الله الله هههه

الزلابية ياوريدة استنى شوية على الصور باش يطلعو

 

[تسنيم الهناء]

صح رمضانكم لبنات الكل
ان شاء الله تصوموه بالصحة و الهنا

روز صح فطورك حنا مازالنا الدوخة تدي و تجيب هههههههه
و بصحتك الفطور الشهي
​

 

[ourida17]

صحيتي روز ربي يحفظك
مدينا الوصفة تاع تارت الجبن
انا خدمت يوم la pate feuillete عياتني
راني كيما قالت الاخت راهي دوخة تدي وتجيب

 

[ourida17]

علااااااااااااااه روز علاه وااااااااااع خليلي حقي راني جاية ليك خرجلتك تهبلللل
والله يوم مفرغتش كنت رايحه نديرها
غدوة ان شاء الله نجربها

 

[ibtesem]

اممممممممممممممم روز شهتيني انا نخمم كفاش ندخل للمطبخ
بصحتك فطرتو ام مزال
صح فطورك

 

[روعة2005]

صحه فطورك روز ربي يتقبل ويثبت الاجر بحول الله
فطورك يشهي عجبتني لتارت هايلة تقول مسكوتشو امممممم ياريت تعطينا مقاديريها اكيد منين تكوني فارغة شغل حنونة بصحتك مرة اخرى

 

[روز]

يسلمك تسنيم ووريدة وعفوفة بنتها هايلة وتشبع حبة زوج تشبعي
ماتكثروش منها سييو المول يكون صغير شوية اذا كانت افراد العائلة صغيرة
فطرنا ابتسام تقريبا من ساعتين وحاجة
مني كنت صايمة كنت عادي انا فطرت وانا دخت،،،، النهار اللول دائما هكذا وامبعد نورمال

وصفة تارت الجبن
تارت الجبن للطلبوها ساهلة جداااااا
اول شي طيبي الدجاج في سوس بيضا مع الخضر مقطعة صغيرة ولما اطيب صفي الخضر حطيها وحدها والدجاج فتيه وحطيه على جنب

بعدها تحضري في صحن كبير :
مقدرا واحد من لاشابلور + مقدار واحد من الفرماج رابي+البيض حتى تصبح مثل المكوتشة يعني مطلوقة (على فكرة راهي تدي البيض بزاف) + و2 ولا 1 خمارة على حسب كبر المقدار لي عبرتي بيه

تأخذي المول الشكل لي حبيتيه كيك ولا مربع ولا مدور ادهنيه مليح حطي الخضر فوقها الدجاج مفتت فوقها الخليط نتاع البيض والفرماج ودخليها اطيب بعد ما اطيب اسقيها مباشرة بلاسوس البيضا لي طاب فيها الدجاج والخضر وقطعيها

تعلمتها لما كان في عمري 17سنة عندها ذكريات عندي

 

[ibtesem]

اممممممممم الام راها لاصقتني طول الشهر رمضان
ههههههههههه
ماتلومونيش
ممكن نجربها انشاء الله

 

[ibtesem]

نصلي الضهر نعود بعد الفاصل
لنواصل

 

[nada242008]

روز فطورك يشهي امممممم بصحتك سيرتو تارت الجبن هاايلة بصح وينهي الشربة ههههه
انا هذا وين طاب الفطور بصح مابقاتلي حتى حريرة باش نعدل طابلة الفطور :sad:
بقات نصف ساعة تقريبا ربي يقدرنا
بلا مانوصيكم تهلاو صوروا الموائد i-o:

 

[روز]

هههه راكي عارفتني ام ندى نصور الاطباق الرئيسية برك الجاري مافيهش الجديد
درت تشيشة فريك وبوراك بالديول تاع ابتسام وسلاطة طبعا وبسس

 

[السلطانة]

صحا فطوركم

يمممممممم فطورك يشهي ياروز
يعطيك الصحة على الوصفات

​

 

[nada242008]

صح فطوركم بالواحدة
هذا فطوري
جاري فريك

وخميرة الفرينة

وكفتة بطريقة جديدة

وحميس

وسلاطة اوردافر

وفواكه

وهذي المائدة وندوش حلفتني نصورلها قرعة الريحة تاعها ههههه

 

[merieme hassi]

السلام عليكم
صح فطوركم
جبتلكم صور فطوري
بالصحة و الهنا
نبدي بسم الله نفرق الصوم علي التمر و الحليب

ثم المائدة

​

 

[merieme hassi]

فطوركم يشهي حبيبتي ام ندي و روز
الله يدومها نعمة
​

 

[moonCne]

صح فطوركم عجبتني هاديك الكفتة واش فيها كامل

 

[السلطانة]

يمممممممممممم تسلم الايادلي ام ندى
فطورك هايل بصحتكم ​

 

[السلطانة]

بصحتكم مريم
تاكلو بالصحة ولهنا يممم​

 

[la_safa]

صح فطوركم كــــــآمل كيمـآ رآكــم أعضــــــــآء و مشــرفين و حتى زوآر

و يعطيــــكم الصحة على المـــآكلة لي طيبــتوهـــآ ليــوم تهبــل الله يبآركـ .. /

مرســـي عفوفــة عـــآلموضوع لي لـــم شـــآطرات اللمة
​

 

[السلطانة]

:shay:جبتلكم فطوري المتواضع ومتضحكوش على لي فوطو
باسكو فزدلي الكابل :scared:وحصلت
وليت جبت الصحونا قدام الميكرو وصورتهم بالكام وهيا متصورش مليح
:sadwalk:


هيا نبداو
هاذي شربة فريك اللحم شراه خويا معرفش
وخدنا بالشطوب :cra_zy:

هادي سلاطة

وهادا بوراك

هادي كسرة تاع لخسيس

هادي مرقة حلوة :sadwalk:
كي تفتفتها غلطت حطيتلها الثوم
:scared:نسيت عليه بلي ميتحطش فيها
جات فيها الريحة تاعو :sad:
قاتلي ماما باه تتولي المرة الجاية مليح i-o:
درس ههه

وهادي سالاد دوفروي
بالفقوص والدلاع ولعنب والياغورت والسيرو باسكو معندناش لي فروي بزاف قلت نديرها هك برك

وهادا فلون شوكولا

تحياتي
:re_gards:​