مطبخك في رمضــــــآن سيدتي

[روعة2005]

ربي يتقبل لبنات وصح فطور الجميع
ام ندى صحه لفطور مايدتك تشهي وهذيك الكفته احنا نسموها قالب الضرة
مريومة بصحتكم حبيبتي مايدتك تشهي والسارفيس النوار التقليدي زاد فيها النص
انا درت جاري وطاجين الحلوو سلاطة وحميص وبوراك وكسرة بصح والله ماكلينا حاجة ماعدا حسينا شوي شربة والبوراك وانتم لبنات قدرتو تاكلوووووو?

 

[روعة2005]

بصحتك شوشو فطورك يشهي رانا تقريب طيبنا كيف كيف /معليش مزلتي صغيرة ومع الوقت تتولهي لكش

 

[ام سامي]

مممممممممممممم يعطيكم الصحة


ماشاء الله


تبارك الرحمن

 

[merieme hassi]

بصحتك شوشو و فوفة يعطيكم الصحة

يا فوفة عندك الحق قولي كلينا شوية حريرة و شوية سلاطة
انا راهو بقيلي البوراك و المعقودة و الطاجين الحلو و الفلفل
غدااا ان شاء الله منطيبش
ربي يهنيكم​

 

[l'algeroise]

 

[nada242008]

صح فطوركم مريم حاسي وشوشو وفوفة ولالجيغواز
موائد تشهي الله يبارك
حنا ثاني كلينا غير الشربة وشوية كفتة برك
فوفة هذي الكفتة شفتها في العرس اللي رحتلو هزيت المودال وطبقتها اليوم
هذا رابط الموضوع
كفتة بطريقة جديدة من مطبخي

 

[روعة2005]

بصحتك الجيغواز مايدتك باهية الله يبارك
يعطيك الصحة عفوفة جاك علكيف .....بصح واش قامهم في العرس ههههه

 

[merieme hassi]

بصحتك اختي لالجيرواز يعطيك الصحة

 

[السلطانة]

بصحتكم طاطا فوفا راكم طيبتو محسوب كيفنا كيما قلتي ههه
بصح انتي الحم لحلو تاعك ماجاش بالثوم كيما تاعي ههه
باين كل الاكلات بنينة يعطيك الصحة
واختي لالجيغواز مايدتك تشهي بالصحة والهناء
​

 

[l'algeroise]

صح فطوركم
روز بصحتكم أطباق روووووعة
أم ندى بصحتكم فطورك يشهي
يا فوفة الطاجين كيما تاعي و الملاحة تاني ههههه لقلوب عند بعضاها يعطيك الصحة طابلة تشهييي
أصعب يوم راهو فات ​

 

[nada242008]

بصحتك الجيغواز مايدتك باهية الله يبارك
يعطيك الصحة عفوفة جاك علكيف .....بصح واش قامهم في العرس ههههه

جابو الطباخ في العرس سينو راهم داروها كعور ومد لعور ههههه
لاصال تاع طريق تازولت فيها gروب تاع طباخين وانت تخيري ويناه الي يطيبلك
انا كونتيتي قليلة وحكمتلي الوقت وينك يالعرس

 

[روعة2005]

الله يسلمكم حبيباتي ايه الجيغواز بصح انا الطاجين صغير تاعك راهو كبير الله يبارك والملاحة شفتي واش باهين انا نعشق في الملاحات نضال نشري

 

[عفاف الجزائرية]

بون
باينة الاولى طاجين حلو
التانية بطاطا مسكرفجة وظدتلها الفرماج والمعدنوس وبيضة وفرينة حتان تتلمد نقليها ومباعد نحطها في الفور مع شويا زيتون اخضر مقطع وبولات نتاع لحم وصوص طوماط تجي بنينة في الاخيرة نديرلها الغرويار
الثالثة بوراك
وبعدها لقيمات
الاخيرة صورة المائدة مي زربوني جات شويا فلو
غدوا نديرلهم حرب على صوارة ونولي نتفنن بيها
سامحوني على رداءة الصور
​

 

[l'algeroise]

الله يسلمكم كامل لعقوبة لليامات لجايين
فوفة لملاحة لبارح وين شريتها شفتها original خطفتها و الطاجين من بجاية ​

 

[la_safa]

بصحتــكم عفـــآف المــآكلة هـــآيلة و كل طبــق يشــهي
كثـــر مــن خـوه
صحيتــــــي .. /
​

 

[l'algeroise]

merieme hassi صح فطورك ختي يعطيك الصحة مايدة تشهي و لماعن هايلين بصحتكم قوليلي وشنهي لي في الطبسي لي منا؟؟؟؟؟ ​

 

[ام سامي]

صح فطوركم يا اخواتي


هذا فطوري اليوم

هذا خبز الدار بعثتهولي امي الغالية

 

[l'algeroise]

عفاف الجزائرية شرطية اللمة و أم سامي صح فطوركم بصحتكم أمممممممم​

 

[روز]

بصحتكم الله يبارك طوابل تشهي أم ندى عجبتني الكفتة نتاعك جات هايلة ماشاءالله
مريم حاسي فطورك يشهي والاطباق والحطة هايلة بصحتك
شرطية اللمة بصحتك وش طيبتو..
لالجيرواز هايل فطورك امممم يشهي,,,
عفاف كي العادة متألقة الحميس هذا غدوة نديرو ان شاءالله حتى وراني ميتة نذوق هذاك لي تعملوه في المهراس بالفلفل الحار اممممم نجي للمسيلة بارك باش ناكلو
بصحتك ام سامي الحلو شكلو يشهي
بصحة كامل لي فطرو يعطيكم الصحة
بقات ابتسام نسحرو بفطورها ههه

 

[nada242008]

عفاف صح فطوركم طابلة تشهي
انا راجلي وجد روحو بدا يفطر قتلو مازال بعد التصوير :showoff: قالي غدوة ان شاء الله نصلي المغرب في المسجد تاع البلاد باش مانجي نوصل تكوني كملتي التصوير ههههه
ام سامي بصحتكم وربي يحفظلك الوالدة
الله يسلمك روز ..ابتسام وايمان شكيت راهم في الكوزينة