مطبخك في رمضــــــآن سيدتي

[روعة2005]

الله يبارك ام ايناس وام فاروق وشوشو والاختان مايداتكم تشهي الله يبارك
والله شكرا على النصائح ام دودو انا مانحبش نرمي وراني عرفت قيس عايلتي ونقصت الحمد لله الماكلة مش تبقى
وربي يرزقك يا ام فاروق ب فاروق وتعودي تحطينا تصاورو في التوقيع تاعك بحق هذه الليلة المباركة ياااارب
وفلوسة وكل محروم وكل حامل وقفة ساهلة وكل مريض الشفاء العاجل وكل صبية عريس ومكتوب زين وكل عاطل خدمة ورزق حلال وكل سائل جواب يا ارحم الارحمين

 

[أم دودو]

ام فاروق وريمة وشوشو ولم ايناس طوابل هاايلة بصحتكم
تسنيم صح فطورك
ام دودو عمرة مقبولة ان شاء الله لزوجك وذنب مغفور وان شاء الله يرجعلك بالسلامة
اللهم آمين يا أم ندوش و لعقوبة ليك ان شاء الله
انا كيفك يا فوفة غدوة مانطيب والو
وكي تبقى بقايا الاكل عندنا دجاجات عرب نبعثلهم هههه راهم سمانوا من اطباق رمضان وكانت كاينة واحدة ما تجيبش البيض خلاص ..عادت كل يوم تولد
ربي يرزقك يا ام فاروق وفلوسة ويفرحكم بحق هذا الشهر الكريم وكل المحرومات

صح سحورك و بوسيلنا ندوشة

 

[روعة2005]

الله يسلمك اختي وردة الروح عينيك الباهين وكلك ذوق حنونة

 

[l'algeroise]

مساء الخير عليكم كامل و صحا فطوركم موائد هايلن يعطيكم الصحة
أنا اليوم ماطيبتش بقالي ملبارح و زدت قليت إيسكالوب
صح سحوركم تصبحو بخير​

 

[المتفائلة_91]

تفضلو فطورنا :

نبداو بالتمر والحليب

شوربة فريك

البوراك

المطلوع

سلاطة فول

حميس

البيتزا

الديسير عنب

 

[ourida17]

saha shourkom kaaaamel

 

[tasnim55]

فكرتيني ام دودو جارتنا مرا كبيرة كبيرة تجيب بلارة تاع بلاستيك من لكبار
تجيب زوج منهم وكل ماتبقالها تشيشة تحطها في هذيك البلارة وكي تبقالها الشربة تحطها في الاخرى
هكذا شهر كامل وكي يكمل الشهر ويجي العيد تفوت نهاراتها تعييد على الناس وتدخل متأخرة لدارها
كي يسقسوها على عشاها تخرجلهم هاذاك الجاري ومرات حتى بعض الطواجن كما طاجين الزيتون والجلبانة ههه تموووت في حوايج هاذوم تخرج تسخن وتاكل تتحفها بشوي كسبر وثومة وهيا فرات...هههه

تسنيم مرحبا بيك مادخلتيش اليوم اسفقدتك..
ام فاروق كثري من الدعاء الاتي

ربِ لا تذرني فردا وأنت خير الوارثين

راهو مستجاب قوليه كل ماتقدري خصوصا في الصلاة وربي يجيب الخير ويرزقك بالذرية لي تفرح قلبك

تعيشي حبيبت قلبي الاغالب كان عندي شغلات وفوت عند الطبيب خطراش مريضة ضربني لهوى واليوم الصباح تاني نروح عندي قضيان في الغربة لازمك المعاونة وتجري بالسيف راكي مجربة والحمد لله :re_gards:

 

[أم فاروق]

صحة سحوركم كامل ادعيلوا مع صلاة لفجر ادعيو يخي عندك ماتدعيوش
ههههههههههه كرهتلكم حياتك

 

[tasnim55]

امين امين ام فاروق فلوسة كيما قالت اختي الغالية روز كثرو من هذا الدعاء وخاصتا في السجود انتي وزوجك

ربِ لا تذرني فردا وأنت خير الوارثين
رب هب لي من لدنك ذرية طيبة انك سميع الدعاء
ونشاء الله يارب تفرحونة في قريب العاجل غير اجل يارب
​

 

[A_abir]

, ‏Ahlem&mou, ‏أم دودو, ‏أم فاروق+, ‏المتفائلة_91, ‏الاختان سوسو ونونا, ‏ام ايناس, ‏اسال الله الفردوس, ‏fati mosta, ‏High hopes, ‏ibtesem, ‏imane27, ‏l'algeroise, ‏meriem104, ‏mimi53, ‏mina87, ‏moonCne, ‏nour0726, ‏ourida17, ‏prncess fifi, ‏rima29, ‏soussen, ‏كوثر الوهرانية, ‏tasnim55, ‏wassila21, ‏فايزة1207

السلام عليكم/////
صباح الخير ـ
وشراكم
وصح فطوركمــ
​

 

[A_abir]

الله يبارك فطوركم كامل يشهي وربي يدومها نعمة انشاء الله
حبيت نشاركم في الصفحة هدي ونحطلكم فطوري ديما نقول نحط مي التحميل يهبلني
اولا شيئ نحب نشكر ابتسام على وصفة خميرة الفرينة مرسي حنونة ليك ويعطيك ماتتمناي وام ندى الي وضحتلي ربي يحققلكم وش تتمناو انشاء الله
درناها اليوم للفطووور جات فووور
​

روز على الطريقة العراقية

حميس كي العادة

وهذا الفطور المتواضع
ربي يدومها نعمة
نعتذر منكم الشوربة طبعا والبيتزا مي التحميييييل ناقص هبلني

صح سحوووركمـــ
​

[/CENTER]

 

[merieme hassi]

السلام عليكم
ام فارووق و فلوسة قلبي راه معاكم و راني حاسة بكم
اكثرو ا من الصلاة و الدعاء في هدا الشهر العظيم
صح سحوركم ​

 

[imane27]

حالياً الأعضاء النشيطين الذين يشاهدون هذا الموضوع : 45 (22 عضو و 23 ضيف) ‏imane27, ‏Ahlem&mou, ‏أم دودو, ‏أم فاروق, ‏المتفائلة_91, ‏الاختان سوسو ونونا, ‏ام ايناس, ‏اسال الله الفردوس, ‏fati mosta, ‏High hopes, ‏l'algeroise, ‏maria13, ‏meriem104, ‏merieme hassi, ‏mimi53, ‏nour0726, ‏ourida17, ‏rima29, ‏كوثر الوهرانية, ‏tasnim55, ‏wassila21+, ‏wijdane
صح سحوركم راكم نضتو حنا مزال مرقدناش

 

[روز]

صباحاتكم خير صباح النور ام ندى على بالي تدخلي بعدي

ان شاءالله نهاركم سعيد يا صحاب الكوزينة

الاختان سوسو ونونا جربي ماتكبريهاش وحمليها مباشرة وشوفي
انا فطوري لازم يكون واجد على 4 وراهي قريب 10 املا نروح نبدا بالمهم

 

[كوكة27]

صباح الانوار كي راكم لبنات؟؟؟؟؟؟؟؟؟؟؟؟

 

[nada242008]

صباح الفل روز ههه حتى انا خممت في عرضتك قلت ندخل نلقاها حطت رد وخرجت:showoff:
ربي يكون في عونك ..اليوم يوم جهاد عندك ربي يجعلها في ميزان حسناتك
عبير يعطيك الصحة مائدة رائعة وخاصة الخميرة والروز
والمتفائلة ايضا يعطيك الصحة

 

[ibtesem]

صباح الخير ندوش راهو سحور راني امام الجهاز نشرب في التاي هههههههههههه

 

[nada242008]

صباح الخير ندوش راهو سحور راني امام الجهاز نشرب في التاي هههههههههههه

اهلا ابتساام هاتي كاس ما هههه عطشت مع الصباح:sad:

 

[روز]

ناس تتسحر وناس اطيب في الفطور...:showoff:
بصحتك لاتاي كثري من الما ابتسام نوصيك ههه

خدمت تارت الخضر تاع نور ودرتها في الثلاجة باش تبرد مليح
وسلخت دجاجتين وسجيتهم وحشيتهم ودهنتهم بالقشطة والتوابل ودرتهم في الثلاجة.. شوية ونحطهم يطيبو
ودوزنت الجاري ولاسوس بالشومبينيون ولي بولات
كي يكون قريب الحال نخدم الميني بيتزا والبوراك باش يجيهم سخون
ونخدملهم شوي خبز

ههههه ام ندى لو شفتي الماعن لي شراهملي باش يدي فيهم الماكلة:scared: تخلعي حسيت روحي باش نطيب للخدامة تاع الشركة كاملين... وش يعمرهم..:crying:
نصورهملك كي نكمل

 

[البنات]

السلام عليكم

السلام عليكم ورحمة الله وبركاته
صباح الخير عليكم
اولا نعرفكم على نفسي لمياء متزوجة ام ل 3 بنات وطفل مغتربة
كنت ديما نسمع على هذا المنتدى لكنما جاتنيش الفرصة انني نسجل ونكون معاكم
لكن هذا رمضان كثرت اختي تحكي وتطيب وتصور شوقتني ليكم اكثر وتحمست وسجلت معاكم
يعني الفضل ليها الي دارتلي القلب وسجلت
نتمنى انني نكون اخت معاكم وسامحوني اني شوي مبتدئة معاكم في المنتدى
ماشي كيما الشيطانة نتاع اختي تعرف الخرايب كامل
ديما تحكيلي على ام ندوش وبسومة وروزوفريدة وام لميس هاذو ديما تقول فلانة طيبت وفلانة طيبت
ماذا بيا نتعرف على اخوات اختي كامل باه نكونو كامل عايلة واحدة
شكرا ليكم