مطبخك في رمضــــــآن سيدتي

[nada242008]

روز الشي اللي طيبتيه كامل لوحيهولهم في البرم وخلي ليك غير قيس ماتاكلوا هههه ..شوقتينا للصور
البنات مرحبا بيك معانا شرفتينا وانستينا وان شاء الله نوانسوك في غربتك
بالشوية ضرك تتعرفي على الشلة كاملة خطراه اللي نكتبوه على يومياتنا كثر من الوصفات:shay:
شكون هي اختك هل هي مسجلة معانا في اللمة

 

[البنات]

الله يمرحب بيك بالخير اختي ندى
اه نظن انتي ام ندوش كيما تقولها
ان شالله هذي اول مشاركاتي معاكم وان شالله نولي كيفكم
ايه اختي مسجلة في اللمة وتضال لاصقة فيها
عفاف الجزائرية

 

[روعة2005]

صباح النور روز ربي يعاونك حنونة اليوم
ام ندى كيف الحال واش حقة راكي كونجي في رمضان ....هكا خير تصومي في غرضك ماشي زرب زرب
بصحتك لتاي بسومة على بالي ضرك تسحري تصلي وتولي ترقدي بصحتك
البنات اهلا وسهلا بيك حبيبتي متشرفين بيك واكيد انضمامك لينا يفرحنا

 

[روعة2005]

الله يمرحب بيك بالخير اختي ندى
اه نظن انتي ام ندوش كيما تقولها
ان شالله هذي اول مشاركاتي معاكم وان شالله نولي كيفكم
ايه اختي مسجلة في اللمة وتضال لاصقة فيها
عفاف الجزائرية[
حتى انا شبهت الطفل يخي رياض على مانظن راحلي الاسم المهم اهلين باخت الغالية حبوبتنا عفوفة والله فرحت بيك تاع الصح/معاك ام لميسو/

 

[nada242008]

الله يمرحب بيك بالخير اختي ندى
اه نظن انتي ام ندوش كيما تقولها
ان شالله هذي اول مشاركاتي معاكم وان شالله نولي كيفكم
ايه اختي مسجلة في اللمة وتضال لاصقة فيها
عفاف الجزائرية

ايه انا ام ندوش
الله يبارك اخت عفاف مالا راكي ختنا كامل
يا الف مرحبا :sheer::sheer::sheer:
نورتينا وان شاء الله تشاركي معانا يوميا
--
فوفة صباح الفل هههه اسكتي ماتفضحنيش راني ماخرجتش كونجي
مخبياتو للزيادة باش ندي كوطة تاع كونجيات
راجلي راهو يخدم في بلاصتي هههه هو نورمالمون كونجي بصح راني مخدماتو // + لاكراش تاع ندى تغلق في اوت

 

[وردة الروح]

مرحبا بكن جميعا
يوم طيب
معطر بالورد و الفل و الياسمين
على حساب الشوفة
مازالكم هنا
مادخلتوش للكوزينة
مازل الحال أنا عندي الساعة العاشرة والنصف
ديجا راكم شاطرات نضتو بكري

و هذب أحلى باقة ورد
للفحلات ديا اللمة ​

 

[روز]

السلام عليكم ورحمة الله وبركاته
صباح الخير عليكم
اولا نعرفكم على نفسي لمياء متزوجة ام ل 3 بنات وطفل مغتربة
كنت ديما نسمع على هذا المنتدى لكنما جاتنيش الفرصة انني نسجل ونكون معاكم
لكن هذا رمضان كثرت اختي تحكي وتطيب وتصور شوقتني ليكم اكثر وتحمست وسجلت معاكم
يعني الفضل ليها الي دارتلي القلب وسجلت
نتمنى انني نكون اخت معاكم وسامحوني اني شوي مبتدئة معاكم في المنتدى
ماشي كيما الشيطانة نتاع اختي تعرف الخرايب كامل
ديما تحكيلي على ام ندوش وبسومة وروزوفريدة وام لميس هاذو ديما تقول فلانة طيبت وفلانة طيبت
ماذا بيا نتعرف على اخوات اختي كامل باه نكونو كامل عايلة واحدة
شكرا ليكم

وانا روووووووووز:sheer:

مرحبا لمياء بيك اهلا وسهلا
راكي بين خواتاتك ان شاءالله نستفادو من بعضانا

 

[روعة2005]

عبير فطورك يشهي والمطلوع جاك يشهي
معليش ام ندى المهم راهو كاين لي رومبلاسيك راكي في غلبة ربي +صيام+حمل+سخانة+ندوش هههه ايا بصحتك وبصحتو ههه
صباح النور وردة الروح كشما عولتو على الفطور اليوم حابة نطيب بكري شوي

 

[روز]

روز الشي اللي طيبتيه كامل لوحيهولهم في البرم وخلي ليك غير قيس ماتاكلوا هههه ..شوقتينا للصور
البنات مرحبا بيك معانا شرفتينا وانستينا وان شاء الله نوانسوك في غربتك
بالشوية ضرك تتعرفي على الشلة كاملة خطراه اللي نكتبوه على يومياتنا كثر من الوصفات:shay:
شكون هي اختك هل هي مسجلة معانا في اللمة

هههههه ماشكيتش نفطر اليوم يا ام ندوش ههه

لي بلون الاحمر يالحبيبة هذاك راه أفونتاج للمغتربات ضايقة ارواحهم يشدلكم فينا :shiny:

عفوفة صباح الورد

 

[nada242008]

افونتاج لينا كامل والله ..
انا بقالي كلش من فطور البارح كشما نزيد لي فول اوفون وفيها الف براكة

 

[عفاف الجزائرية]

صباح الخيرات على جميع الحاضرات والغايبات البنات
شوفو شوفو شكون سبقتني ليوم
علىا لسلامة لمياء
درك ماراحش نتفارقو لا سكايب لا تلفون لا منتدى ديما مع بعض

بنات حبيت نعرفكم هاذي اختي لمياء الي في لغربة

 

[nada242008]

عفوفة صباح الفل ..اختك غلباتك اليوم :showoff:
ماتنساوش تتهلاو في ضيفتي تاع اليوم
https://www.4algeria.com/vb/showthread.php?t=296609

 

[روعة2005]

اهلا وسهلا باخت الغالية على جميع القلوب عفوفتنا .........اكيد راها ولات في معزتك لمياء ياعفاف

 

[عفاف الجزائرية]

يهااااااااااو اني خايفة لا ترموني انا للور
هههههه
ربي يبارك فيكم ان شالله ويخلي جمعتانا كيما راها يا رب

نعترفلكم بحاجة
راها جديدة وما تعرفش تخرب بزاف
حيح اني بيعت بيك المياء هههههه

 

[بيكهام]

زعما صح تعرفو طيبو ؟؟؟؟
​

 

[روز]

كاش وصفة نتاع خبز الكوشة نخدمولهم دوائر صغيرة
يكون رطب وخفيف عاودي مديهلي ام ندوش نسيتو

مرحبا باختك عفوفتنا اهلا وسهلا بيها
حتى كي تغيبي نشمو فيها الريحة نتاعك هه

 

[عفاف الجزائرية]

بنات عندي وصفة نتاع فلفل محشي انا عندي جديدة الله اعلم عملتوها من قبل ولا لالا
درك شوي ونحطها كموضوع

-----------

الله يخليك اختي روز

 

[merieme hassi]

السلام عليكم
صباح الانوار علي فحلات اللمة
بصحتكم كامل
روز الله يعاونك نعرفك فحلة و تقدري علي شقاك
اخت لمياء مرحبا بيك في لمتنا العزيزة انا ام مريم واسيا
يوم مبارك

 

[nada242008]

كاش وصفة نتاع خبز الكوشة نخدمولهم دوائر صغيرة
يكون رطب وخفيف عاودي مديهلي ام ندوش نسيتو

مرحبا باختك عفوفتنا اهلا وسهلا بيها
حتى كي تغيبي نشمو فيها الريحة نتاعك هه

رطل فرينة
ملعقة كبيرة ونصف خميرة خبز
م ك سكر
نصف فنجان زيت
بيضة
م ص محسن
4 م ك لحظة
ملح
تبسيها مليح وتعجنيها بالماء الدافي وماء الزهر وترخفيها مليح
بعد ماتدلكيها مليح وطبعا تكون مرخوفة وتلتصق
حطي ملعقتين كبار زبدة باردة ودخليها في العجينة وخليها تخمر مرتين ونزليها
ومن بعد تبسطيها في مول مدهون بالزيت وتخليها تخمر للمرة الثالثة
تدهنيعا بصفار بيض مخلوط بالحليب وترشب عليها شوية سكر وجلجلانية
وتدخليها تطيب
تجيك الخبزخفيفة وبنتها قريبة للبريوش وبالمحسن النتيجة افضل وافضل

 

[ام ايناس]

صباح الانوار عليكم اولا نرحبو بلمياء اخت الغالية عفاف نروح نخدم شغالاتي ونرجعلكم