مطبخك في رمضــــــآن سيدتي

[عفاف الجزائرية]

فلفل محشي على طريقتي ----ومن مطبخــــي---​

 

[المتفائلة_91]

سلام لبنات

واش مقررين

حنا
دايرين طاجين كفتة بالجلبانة كوصفة اضافية بالاضافة الى الاساسيات
يعني شربة فريك
بوراك
حميس
سلاطة
مطلوع
بريوش
الفواكه


ويمكن ندير غراتان ، دبرو عليا وش من نوع ندير ،،​

 

[faloussa]

سلام لبنات واش احوالكم ان شاء الله تكونو بالف خير
انا اليوم رايحة ندير شوربة ودجاجة محشية بالروز
مي حابة نسقسيكم شكون عندها وصفة مليحة لدجاج المحشي وحابة ندير معاها لاصوص
دمت في رعاية الله وحفضه

 

[أم فاروق]

صح صيامكم كامل
أختاي أم فاروق وفلوسة ربي يرزقكم الذرية الصالحة إن شاء الله ماتحبسوش من الإستغفار والرقية أنا درتها مدة خمسة أشهر والحمدلله رزقني الله ب عبدالصمد بعد إنتظار ستة سنوات
بقيت نتعالج مدة خمس سنوات وصدقوني كنت نستعمل الإبر وكل مرة إيزيدولي في لدوز ولكن النتيجة متغيرتش لأنوا كان عندي ضعف كبير في التبويض،وشهر قبل الحمل كان عندي موعد مع الطبيبة وعملت لي إيكوا لم تصدق قالت لي أن التبيض ممتاز،مصدقتش أشحال وأنا نستنا في هذه الكلمة
والحمدلله والآن عبدالصمد أقريب إيدير ستة أشهرإن شاء الله
أسمحولي طولت ياسرعنكم بصح حبيت أنصبركم وأنقلكم متيأسوش من رحمة ربي فهو على كل شيء قدير

مساء الخير اختي ام عبد الصمد ربي يخليكي انشاء الله وجزاكي الله عني وعن الاخت فلوسة كل خير يارب راني نقوم الليل الحمد لله ودايما لمسبحة في ايدي نستغفر وربك كريم سبحانه

 

[أم فاروق]

صباح الخير عليكم
ندى الجزائرية بصحتكم أختي أطباق هايلين الله يبارك
روز ربي يعاونك
أم فاروق تعيشي ختي أعطيني لوصفة تاع لكبة لمقلية جربت وصفة لقيتها في أحد المواقع بصح ماعجبتنيش
ربي يعاونكم كاااااامل

اسمحيلي اخي لالجيرواز انا ليوم دخلت روطار بصح ربي يحليها ام ندى قايمة بالوجاب شكرا اختي

 

[l'algeroise]

شكرا أم ندى على رابط الوصفة يعطيك الصحة نشالله تصلحلي
أم فاروق اله يخليك أختي معليش مارانيش رايحة نديرها اليوم ​

 

[ourida17]

السلام عليكم راكم لباس
ام ندى روز وابتسام وام دودو ين راهم مبانش حسهم يوووم سور راهم في كوزينة
انا درت حريرة وجيت نضرب طلة ومزالي خير للقدام يسنى فيا
ام فاروق معليش نسقسيك؟
تعيشي وجدت عجينة la pate aphilo
باش ندير البقلاوة ودرتها في فريجيدار شفت روحي بلي ميكفينيش وقت باش ندير فطور
خليتها غدوة ونديرها معليش متخسرش في فريجيدار؟
تعيشو قولولي خايفة لا تخسر

 

[عفاف الجزائرية]

اختي وريدة عجينة فيلو ما تخسرش حتى وتحطيها في المجمد ما تخسرش
موالفة انانخدمها ونخبيها
​

 

[أم فاروق]

السلام عليكم راكم لباس
ام ندى روز وابتسام وام دودو ين راهم مبانش حسهم يوووم سور راهم في كوزينة
انا درت حريرة وجيت نضرب طلة ومزالي خير للقدام يسنى فيا
ام فاروق معليش نسقسيك؟
تعيشي وجدت عجينة la pate aphilo
باش ندير البقلاوة ودرتها في فريجيدار شفت روحي بلي ميكفينيش وقت باش ندير فطور
خليتها غدوة ونديرها معليش متخسرش في فريجيدار؟
تعيشو قولولي خايفة لا تخسر

اختي لعجينة شريتيها ولا درتيها فالدار
المهم تاع برا راهي تخرجك من حبال عقلك تلقايها كاملة مقطعة من لداخل لازمك بزاف انا شريت ربعة على خاطر نصهم مقطعين
بصح اذا درتيها افالدار تخرجلك ممتازة
بكلتا الحالتين تقدري تخبيها عادي كيما تخبي وراق لبوراك تلفيها بشكير ولا طرشونة كبيرة ومبعد في صاشية وتغلقيها مليح اما كون تكوني شريتيها عادي راهي مغلفة تخبيها عادي

 

[روز]

لالجيغواز تفضلي رابط الكبة المقلية راهي حطتها موضوع ام فاروق
كبة مقلية
بصحتك مريومة مسبقا ..
انا قلت نخدم لي سيقار سخفت عليهم
ام دودو واش راكي دايرة فيها
وروز مابقاش على وقت فطورك يا درى كملتي ولا مازال

مرسي ندوش راكي حاطة معايا ههه
ياريتو كان بموعد الفطور كنت تهنيت شوية الوقت كان ضيق قالي يلزم يوجد على 4
انا زدت نص ساعة ماكفانيش الحال :shiny:
4ونص وجد الفطور ودالهم تهنيت درت ميناج للمطبخ والدار هذاوين ريحت
شوية ونحطلكم الصور يعطيك الصحة على الكبة لي حطيتيها كل مانقول نجربها ننسى

 

[ام منصف]

مساء الخير عليكم
وصحى رمضانكم كل وحدة باسمها
الكوزينة راهي عياتني مع السخانة غير ربي يساعدنا
توحشتكم كامل
واهلا وسهلا باخت الغالية عفاف الجزائرية نتشرف بانظمامك الى كوزينتنا ومنتدانا
​

 

[meriem104]

السلام عليكم صح رمضانكم
وشراكم خواتاتي ، ان شاء الله كامل لاباس عليكم، واش راكم معا رمضان ؟ الحمد لله جا خفيف نهار راه يفوت بلخف
راكم تغيرو بنشاط نتاعكم و بطوابلكم ، تبارك الله عليكم
حبيت خدمة منكم خصني وصفة عجينة الفيلو نتاع الدار لأنو قالولي نتاع برى تتقطع ، حبيت نجرب بيها قاطو أسمو * الشامية *

http://dc17.**********/i/02841/h28umczeb7vg.jpg

و لي عندها وصفتها ماذابيها تمدهالي
كي هدرتي عليها اختي وريدة فكرتيني بيها

​

 

[ourida17]

يعطيكم الصحة عفوفة وام فاروق هكدا هنيتوني
بويسك اول مرة نجربها وخايفة متخرجليش والله يما ترميني من بالكون هههه خليتها حتى رقدت ودرتها
لانو تولي واقفة عند راسي وتقولي ديري هادي ومديريش هادي
هههههههههههههههههه ريحي شوي روز بلعقل عليك حنونة ادا حبيتي نجي نعاونك بصح ورا رمضان ههههههههههه
مرحبا بيك ام منصف لرجعتي منورة المنتدى من جديد ان شاء الله تكوني بخير ومنصف راهو بخير كاش قباحة؟؟

 

[ourida17]

اوكي حنونتي ميكون غير خاطرك
هاكي المقادير:3 عبارات فرينة بعبر مايزينة ,نص عبر سمن,مغرف كبيرة لفاني.تلميها بالماء الزهر والماء
انا هكد\ا وراتهالي الحلواجية لي راني نتعلم عندها والله اعلم
انا اول مرة راح نجربها شفتها كيفاه خدمتها
وتحليها بالمايزينة اوك مريومة وكاش حاجة مفهمتيهاش راني هناااا

 

[ام منصف]

ربي يخليك اختي وريدة
منصف راهو راقد وشوية مريض السعلة والسخانة خاصة مع الكليماتيزور

زيد مانيش متولهة بيه الايامات اللي فاتو بسبب الظروف نتاع الدار​

 

[nada242008]

صح فطورك يا روز ..نزيد شوية ونضرب طلة على فطورك
انا هذا وين رايحة للكوزينة

 

[ourida17]

ربي يشافيه حنونة ويقدرك نتي تان حليلكم ربي يعطيكم الصبر
ردي بالك عليه من كليماتيزور
انا نروح نغسل ماعن لي وجدت فيهم باش نقص على روحي
ايا درررك شوي

 

[meriem104]

اوكي حنونتي ميكون غير خاطرك
هاكي المقادير:3 عبارات فرينة بعبر مايزينة ,نص عبر سمن,مغرف كبيرة لفاني.تلميها بالماء الزهر والماء
انا هكد\ا وراتهالي الحلواجية لي راني نتعلم عندها والله اعلم
انا اول مرة راح نجربها شفتها كيفاه خدمتها
وتحليها بالمايزينة اوك مريومة وكاش حاجة مفهمتيهاش راني هناااا

يعطيك الصحة حنونه ، مفهمتش حاجه برك كيفاه تحليها بالمايزينه

 

[mina87]

مساء الخير يا لبنات
حسب ماني قاعدة نشوف راني روطار ههه
انا لفطور بقالي تاع لبارح بلاك نزيد نقلي لي فيلي و خلاص
و زيد ليوم راني نفطر وحدي ولله راني كارهة
يا ريت تجيو عندي تفطرو معايا راهي جايتني سااااااااااااامطة
روز يعطيك الصحة و لكل بنات اللمة لحرايرتبارك الله عليكم

 

[tasnim55]

السلام عليكم وشراكم
عندي سؤال حبيباتي على بات افيلو شريت بزاف وخليتها في ثلاجة ولدات في سبتمبر تموت يعني كون انديرها في الكونجيلاتور وكي نسحق وقت الحاجة نستعملها ياك معليهش و لالالا خطراش ديمة مدة الاستعمال تقريبا 3 شهور
ومرحبا بالغالية اخت عفاف الجزائرية معنا

وصح فطوركم
​