مطبخك في رمضــــــآن سيدتي

[mina87]

وينكم يا لبنات كاش فطور

 

[nada242008]

الله يسلمك روز ..كاينة باتيسري هنا تخمهم مليح وpar commande
يعني لازم توصيهم قبل بنهار .. وكي نجو نطيبوهم نكومونديو ب 30 حبة للعايلة كامل
عجوزتي وسلفتي وولادهم يعني نطيبوهم في نهار واحد ههههه
--
اسراء صح فطورك وبصحتك لي سيقار ..انا رايحة نخبيهم في الكونجيلاتور
عندي راجلي مخرب الرجيم كي ابتسام هو بفمو قالي خبيهم عليا خلي غير2
--
ايمان مايدة تشهي
صح فطور الجميع مينا وكل الملتحقات:sheer:

 

[imane27]

صح فطةركم لبنات
ندى طابلة تشهى سغتو لفلفون وقيلا نعندك راح الحال راجلى ميشرهمليش دورك

 

[faloussa]

صحا فطوركم البنات
انا هذا واين قعدت
انا فطوري الليلة شوربة بوراك دجاجة فارسي بالروز اليكم الصور

 

[روعة2005]

وانت مينا كاش فطور عندك باين عليك فحلة حطينا نذوقو صنعة يديك ................صحه فطورك:shiny:

بصحتكم الفطور روز الله يبارك طياباتك بكل يشهو يعطيك الصحة فطور كامل ومنوع بصحتهم ناس الخليج ماكلة الدزيرية هههه
بصحتك ام ندى فطور يشهي وديكور السلطة جاك هايل بصحتكم السيقار مممممممم
فلوسة بصحتك ذيك الجاجة البوبونة تشهي اممممم
بصحتكم عفوفة وwiches وايمان التلمسانية وكل الحاضرين والغابيبن زاده
فطوري اليوم جاري+سلطة+طاجين اللحم المروكي+ديسار وعصير الخوخ الطبيعي
هنا قلت لزوجي صورلي كنت نوجد في سنية القهوة بعدها مترتين هههههها

هذه صورت الطاجين لكان عجبتكم راني صورتو نحطلكم الطريقة راكم تلحسو صباعكم من البنة

 

[عاشقة الوردة]

الله الله على موائدكم
صحا فطوركم كامل

 

[nada242008]

فلوسة فطورك يشهي والدجاجة جاتك امممم
فوفة ازربيلنا بوصفة الطاجين باين بنين من الصورة
ويعطيه الصحة راجلك عرف يصور هههه
..انا يمنكر بيا انا نصور وهو يحرش في ندى فسديلها المايوناز تاع السلاطة :sneaky2:

 

[تسنيم الهناء]

صحا فطوركم لبنات كل وحدة باسمها

للي سالت على الحلوى هي كانت كالاتي ''نفس العجينة للشابو و للسنبلة''
العجينة: 4 كيلات فرينة + كيلة سمن ذايب + صفار بيضة + ماء نلم بيه

الحشو: 4كيلات لوز ''او اي مكسرات و ممكن نواد كوكو ثاني'' + كيلة سكر + مبشور حبة ليمون + شوية فاني + بيض حتى نتحصلو على حشوة متماسكة.

للسنبلة
تلوني نصف العجينة بلون لي تبغيه و النصف الثاني تخليه ابيض، تحلي يالالة مليح و تخدمي 2 مستطيلات من العجينة كل واحد يكون طولو 30 سم و عرضو 5 سم
و نحطوهم حذا بعضاهم حيث انو يكون شريط يركب فوق الاخر جوست جوست و نحطو حربوش الحشو في النص و الطراف لي من و من نشلطوهم بالموس و نبداو نظفرو
و هاذ الصور ممكن توضحلكم الطريقة

اما الثانية الشابو فنفس العجينة نقطعوها دوائر بحيث الدائرة الصغيرة تجي لتحت و نعملو كرة من الحشو في النص و نحطو فوقها دائرة العجينة الاكبر لفوق و نحاولو نسويها بشكل قبعة و ندورو عليها الشريط من العجينة الملونة بشكل عقدة ''neoud''
و نلوحوها تطيب و كي تخرج تتعسل و نحطو عليها اللماع''بريون''

و صحة و عافية
​

 

[عفاف الجزائرية]

يعطيكم الصحة على الطوابل ما خليتو حتى شي
ام ندوش وعفوفة وفلوسة وبسومة وروز وتسنيم وكلكل البنات
انا ليوم نحالي الصوارة وداها زعمى يخدم بيها
راني مخنوقة
مي ما تفوتنيش
صورت بالتلفون
نقعد ونحط التصاور
​

 

[روز]

بصحتكم لي فولولون ام ندوش مني كنت في الدزاير نلقاهم ونشريهم هنا مايصلحوش قع
مرسي عفوفة ربي يخليك طلعتيلي المورال :luve_1:
وبصحتك الفطور ييشهي مانقولوش لالا على الطواجين حطي بلاما تسقسي
تصوير راجلك خيرمن تصويرك ههه :surrender:
جابلي ربي راجلك قصير شوية على حساب الارتفاع المسجل ولا لالا عندي فوبيا الاماكن المرتفعة راني دخت ههه ..:thumb_up1:
الله يبارك ويخليك ليه:angel:

 

[imane27]

فطوركم يشهى فلوسة وفوفة بصحتكم

 

[روز]

بصحتك فلوسة وش طيبتي ان شاءالله العام الجاي وليدك في الكرسي الاخر
دعوتي راهي مستجابة ديري حسابك ^^
ربي يفرح قلبك يارب

 

[عفاف الجزائرية]

بصحتك فلوسة وش طيبتي ان شاءالله العام الجاي وليدك في الكرسي الاخر
دعوتي راهي مستجابة ديري حسابك ^^
ربي يفرح قلبك يارب

انا تاني اني نستنى
​

 

[روعة2005]

هاكي ندى راني هزيتها من يوتوب تاع الطواجن المغاربة
اولا سخني الطاجين وفرغي فيه زيت زيتون انا استعملت الزيت العادي
ثم تبلي الكفتة واقليها في الزيت

نحي الكفته بجيهة وحطي البصل المقطع يذبل

ثم تكونيرحيتي 2حبات طماطم كبار+مغرف طماطم باط+مغرف هريسة+فلفل اسود+ملح+سكنجبير+جوزة الطيب +ملح
وتفرغيها فوق البصل لي ذبلتيه
وهي تغلي وانتي رجعي بولات الكفته

غطي الطاجين وخليها تتجمر على نار قليلة
وفي الاخير افقصي البض على حسب افراد عايلتك ودريلو رشة فلفل اكحا ملح ومعدنوس وغطي وخلي البيض يطيب راهو يجي اكثر من راائع نتمنى تجربوه ويعجبكم

 

[imane27]

يعطيك الصحة فوفة هايلة

 

[nada242008]

يعطيك الصحة فوفة باين بنين والطاجين تاع الفخار زاد فيه النص
نجربو في اقرب فرصة باذن الله .

 

[روعة2005]

بصحتكم لي فولولون ام ندوش مني كنت في الدزاير نلقاهم ونشريهم هنا مايصلحوش قع
مرسي عفوفة ربي يخليك طلعتيلي المورال :luve_1:
وبصحتك الفطور ييشهي مانقولوش لالا على الطواجين حطي بلاما تسقسي
تصوير راجلك خيرمن تصويرك ههه :surrender:
جابلي ربي راجلك قصير شوية على حساب الارتفاع المسجل ولا لالا عندي فوبيا الاماكن المرتفعة راني دخت ههه ..:thumb_up1:
الله يبارك ويخليك ليه:angel:

الله يسلمك روز همني حطيت الطاجين
بصح في الطول راكي غالطة 100/100 راجلي 1.85 لازمن دايما العالي (دايما نتعنكش هههه)

 

[روز]

انا تاني اني نستنى
​

نتي راني من دركة نوجدلك في (كادو عرسك حاساتك قريب^^)

عفوفة الطاجين ماخلاش فيا والله لو نلقاه بمليون نشريه

 

[روعة2005]

والله راهو رخيص الطاجين ياروز يدير 250 الف دج يتباعو بين دائرة بريكة وولاية باتنة في بلدية يسموها تيلاطو تعرفي يحلف مولاهم بلي جابهم من مروك بصح والله الطياب فيه بنين تاع الصح يجي مجمر وفيه نكهة خاصة

 

[mina87]

وانت مينا كاش فطور عندك باين عليك فحلة حطينا نذوقو صنعة يديك ................صحه فطورك:shiny:

حنونتي صح فطورك ولله يعطيك الصحة
انا ليوم ما درتش لفطور بقالي تاع البارح و زيد ليوم فطرت وحدي :sad::sad:
غدا ان شاء الله راح نشاركم بالفطوري
راكم معروضين عندي:shiny::shiny::shiny:
سلام