مطبخك في رمضــــــآن سيدتي

[أم فاروق]

السلام عليكم تقبل الله صيامكم وقيامكم انا هذا وين خلصت القيام الحمد لله رب العالمين ماشاء الله ماشاء الله على طوابلكم كامل تسخفو
عندي طلب ممكن كيفية المتوم الاصلية تعيشو ا اذا مافي ازعاج
ربي يخليكم

 

[أم فاروق]

عندي طلب ثاني الاخوات الي يسكنو بالعاصمة اذا كاينة واحدة تعرف كاش طبيبية نسائية مليجة ومشهورة دلني عليها وشكرا

 

[ibtesem]

هدا فطوري لي هو سحوركم هههههههه

 

[merieme hassi]

السلام عليكم
ام فاروق ان شاء الله تلقاي الي يعاونك
كاين عيادات نفسية افتراضية ابحثي في النت
متنساوش تعرضوني للعرس و انا نجيب معايا الشدة التلمسانية و نلبسها لك يا عفاف الجزائرية

بصحتكم كامل موائد تشهي
صح سحوركم​

 

[imane27]

صح سحوركم لبنات طوابلكم يشهو
ام فاروق كاينة واحدة فى باب الواد ولا تعرفيها شكرولى فيها خواتاتى جاية قدام بن صارى ولا تعرفيه يبيع ايس كريم انا كى هبت لجزائر مرة لفاتت روحت ليها درت فزيتا

 

[عفاف الجزائرية]

السلام عليكم
ام فاروق ان شاء الله تلقاي الي يعاونك
كاين عيادات نفسية افتراضية ابحثي في النت
متنساوش تعرضوني للعرس و انا نجيب معايا الشدة التلمسانية و نلبسها لك يا عفاف الجزائرية

بصحتكم كامل موائد تشهي
صح سحوركم​

صباحكم بالخير والعافية
ان شالله الكل باف خير
اختي مريم حاسي انا هاذي التلمساني نويت اذا كتب ربي وكنا من الحيين نخرج بيها
​

 

[راضية حامدة]

السلام عليكن جميعا
الجماعة راهي هايلة
في الحقيقة كامل موايدكم تشهي ما شاء الله
اخت عفاف بارك الله فيك على الوصفات لي تقدميهم منين ذاك
تاع الصح يشهو
كامل كامل بارك الله فيكم
استفدت بزاف و اخذيت بزاف افكار و طرق
صدقوني مازال ما فكرتش واش نحضر اليوم
كي نقرر راني نوليلكم

 

[mina87]

صباح الخير عليكم
‏أم فاروق, ‏دنيا البسمة, ‏labed93, ‏nada242008, ‏wijdane
و كل لبنات الغائبين

 

[nada242008]

صباح الخير على الجميع :sheer:مينا وعفاف وام فاروق وام زهرة وخليل
روز وينك i-o:

 

[ibtesem]

صباح الخير عليكم يالبنات كي صبحتو

 

[ibtesem]

فجر رايدن نخليكم يا جماعة الخير
ربي تقبل صيامنا وقيامنا يارب

 

[nada242008]

فجر رايدن نخليكم يا جماعة الخير
ربي تقبل صيامنا وقيامنا يارب

صح سحورك ابتسام

 

[روز]

صباح الخير على الجميع :sheer:مينا وعفاف وام فاروق وام زهرة وخليل
روز وينك i-o:

صباح الخيرات على اهل اللمة وبام ندى الزينة اليوم اصبحت نضت وحدة وحدة ههه:shay:
ان شاءلله الكل بخير وصحة..
صح سحورك ابتسام

 

[روضة نجاح]

 

[قطورة الندى]

صباح الخير بنات كيف الحال
ويعطيكم الصحة موائد تشهي تسلم الايااااااااااااااااااااااادي
ام ندى معليش تقوليلي على وصفة السقار
جاك هايل يعطيك الصحة

​

 

[روز]

لبنات راهو في خاطري التاي الصحراوي وكي شرحتلي مريومة الغالية عييت نستوعب ههههه
كاش وحدة تسهلي الشرح ولاتخدمو تصورولي وعندها اجر فيا والله راح نموت عليه راني شريت التاي والنعناع ونستنى :re_gards:
------------
شفتي ياروز زوجناها وحنينالها وعرضنارواحنا وخلاص هههها

عفوفة شوفي صحاب غرداية يخدموه روووووعة وعلى 3 درجات من الثقيل للمتوسط للخفيف وتختاري
رايحة نقلك كفاش نخدموه حنا في الاغواط طريقة سهلة تخيلي برك باش تقدري تفهمي مليح

تطبخي الماء مليح حتى يولي يتقلب في كاش كسرونة تكوني تطبخي فيها الما برك لانو لاتاي حساس واذا طبختي الما نتاعو في اي شي موالفة اطيبي فيه الحوايج تاع الماكلة الطعم نتاعو يتبدل حنا نطيبوه في حاجة سبيسيال امبعد نصورهالك نسموها الكفاتيرا مش عارفة اذا الاسماء تتغير

بعد مايتغلى الما مليح جيبي مقدار من لاتاي نسموه الورgـة تغسليه في مصفاة بماء بارد مليح مليح وتغسلي النعناع الاخضر مليييييح وتحطيهم كلهم في هذاك الماء المغلي و تغطي وتخليه يتلقم حنا نقولولو هكذا يعني يطلق اللون الاخضر هذاك
خليه مدة طويلة نوعا ما يعني اخدميه قبل الفطور وخليه
بعدها تجي باش تحطيه هذي خدمتو:

سخنيه وابداي فرغي من الابريق لكاس لاتاي ورجعي وعاودي وعاودي العملية شحال من مرة
ثم صفيه وديري السكر في كاس كبير شوية كمية كبيرة شوية تاع سكر وفرغي عليه شوي اتاي لي خليتيه يطلق اللون نتاعو وخلطي حتى يذوب السكر
بعدها نحي نص الاتاي لي في الكاس ( لي بنين ) وفرغيه في ابريق لاتاي
وديري العملية من الابريق لكاس لاتاي وعاودي رجعي و وعاودي حتى تحسي السكر دخل في لاتاي
وامبعد اذاحسيتيه مخصوص سكر كملي النص الباقي تاع الكاس الكبير لي درتي فيه السكر وفرغية في الابريق وعاودي فرغي من الابريق لكاس لاتاي
هاذي طريق وضع السكر في لاتاي يعني ماتخلطيش بالمغرف كما بعض الناس ادير لاتاي تاع الصحرا يلزم التخلاط من الابريق لكاس لاتاي وهكذا حتى يجيك بنين كما تحبيه وحاولي ونتي تفرغي لاتاي من الابريق للكاس لاتاي حاولي المسافة تكون بعيدة يلزم تسمعي صوت لاتاي ههه على الكاس ويعمل فقعات هاذيك نكهة لاتاي في هذيك الفقعات
اذا مافهمتيش نزيد نفهمك حتى تكرهي
هذي اسهل طريقة لعمل لاتاي نتاع غرداية معقد وصعيب يلزم تشوفي مي يخرج روعة

وعلى فكرة الرجال يحبو لاتاي العاقد يعني بيان دوزي باش يجيك كما يحبوه يلزم تكثري شوية من لاتاي حاولي تختاري النوعية المليحة لانو بعض النوعيات تجي مرة شوية

 

[nada242008]

صباح الخير بنات كيف الحال
ويعطيكم الصحة موائد تشهي تسلم الايااااااااااااااااااااااادي
ام ندى معليش تقوليلي على وصفة السقار
جاك هايل يعطيك الصحة

​

تفضلي اختي
السيقار حلوى رمضانية من مطبخي ‏
---
بصحتك يا روز كي تروحي للدزاير تخلينا بلاصتك
الكفاتيرة حتى حنا نسموها هكا يخي هذاك البريق الاصفر السمين هههه
انا عندي عقدة من التاي مانشتيش نطيبو خلاص:sad:

 

[روز]

ايه هذاك هو بالذات والصفات حنا هذاك نخلوه للتاي برك ممنوع يتعمل فيه شي آخر
جربي طريقتي راه ساهلة ماتتعقدي ماوالو
ناس غرداية يشربوه ورا الغدا وورا العشا الله يبارك صحتهم مليحة
وجسمهم بالاغلب معتدل يعني مايسمنوش ياسر

ايه رني قريب نروح
رايحة انا تاني نتوحشكم حتى دارنا ماعندهمش النت ):

 

[nada242008]

ايه حتى حنا هذاك غير للتاي..درتيلي الكوراج والله
نشري النعناع برك ونجربو.
تروحي وترجعيلنا بالسلامة ان شاء الله...
بائعة الكبريت وينك ووقتاش ترجعيلنا ..توحشناها

 

[merieme hassi]

السلام عليكم

صباح الانوار علي فحلات اللمة

بصحتكم كامل واش طيبتو و شكرااا ليك روز علي اعادة شرح لفوفة كيفية اعداد الشاي
هدا فطوري تاع البارح













اليوم معولة علي شوربة فارميسال و سلاطة و بقالي قراتان البدنجال