اليومين هذو نشريه ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله

قبل رمضان بيومين ولا ثلاثة ولاتني حكاية مع وحدة من العاصيمة :shay:، حكاية عادي غير ماتتوسوسوش وهيا ألي حابة تدصر احم هههههه
أيا بدات تحكي ياخاوتي دبدبتني وقتلتني بالفرونسي هههههه مافهمت فيها والو غير نشبه في الكلمات، وساعات نجاوب برك ههههه
أيا مانعرف واش قالت فهمت غير بجاية وتيزي وزو، أيا قلتلها شوي
قاتلي اه شوي _o: عرفت بلي مايجاوبوش على سؤالها بشوي هههههه
بلاك قاتلي ويناه ألي خير وانا قلتلها شوي هههه
أيا مانعرف حكاية تدخل في حكاية ، حتى قاتلي انا الراجل كي يكون (واحد الكلمة هكذا ) يكسبني ويدي مني كلش وعاودتها بزاف وانا عييت نفهمها وعييت نشفا عليها باش نسقسي ههههههه
تبالي فيها حرف السين يعني الأس هههه
وانا زعما حبيت نلوح كلمات فرونسي قاتلي واش درت بعد ماكملت قرايتك قلتلها خدمت في سطيف كات موا (4 أشهر) هذا واش عرفت هههه
ولحت شوي كلمات تاع فرونسي هذوك تاع التيليكوموند والبورتابل (وي، ونو ،وايكسيت ،وروتور ) هههههههه
المهم حالة وتمرميدة، كي راحت قلت أواه لازم اليومين هاذو نشري هذاك الكيد تاع " تعلم الفرنسية بنفسك" هههههههههه
أيا من بعد بديت نمسح في الموس في والدينا ألي ماعلموناش لفرونسي
بصح الله غالب عليهم ثاني كانو ماهمش متعلمين ...
أيا ونتوما واش رايكم في السبب ألي يرجعلو عدم تعلم الفرنسية
هل كي عاد ماقريناش كي كنا صغار ؟؟؟
ولا والدينا ماقراوناش وماكانوش يهدروها في الدار ؟؟؟
انا تبالي السبب الثاني بنسبة كبيرة والأول شويا
أنا بابا يقول ورديناس وكارتانتيتي وكلمات الشياب هذوك هههه
لأنو رانا نشوفو في ولاد صغار مازال مادخلوش يقراو يهدرو بالفرونسي لأنو والديهم يحكيولهم بيها في الدار ...
البيئة تلعب دور كبير في تعلم لفرونسي، وهاكم شفتو لقباي والدزيريين كامل ربي بارك يعرفوها مع أنو تلقى ألي جامي دخل للمدرسة ...

ملاحظة:
قريبا ندير موضوع واش دار في الجلسة وياربي لا يحذف كموضوع الأمس وقبل الأمس ...
ثانيا:
قالولي برنسيسة اللمة تعرف لفرونسي والإسبانية مليح غير ديريلي ليكور ههههههه
وجماعة ليسونس فرونسي ثاني (معاك يا الخضراء، فاطمة الزهراء 05) ...
ثالثا:
الحمد لله بلاك بالغت شوي يعني نفهم كلمات ولكن ماشي بزاف يعني حابس شويا ...
(راني قلت هكذا باش ماتضحكوش عليا برك هههه)​

 

[ماكانش]

وأخيرا وبعد عذاب شديد قبل موضوعي هذا
فلا حول ولاقوة الا بالله العظيم
حفظ الله المراقب دحوني​

 

[نسيم الربيع]

اسمع اسمع ماتجمعش انا نفهم لفخونسي هههه
صح سفيان كيما قلت الصح باه تتعلم الفرونسي هوما الوالدين
حنا فالدار خاوتي قراب لبابا ولبنات قراب ليما
يما تهدرلنا الفرونسي وبابا لالا
حنا لبنات تلقانا على 10 سنين نبداو نسلكو شوي ريساننا
والطفل تلقاه 16 سنه مايفقه والو فيها
الوالدين والبيئه هوما اللي يخلوك تتعلمو
والجامعه طبعا ليها الدور الاكبر للي لحقها وقرا فيها بالفرونسي
ياو خطاك والله تعييك الفوخ والزوخ والعشا مكانش هههه
مارسي عليك وربي يكمل هههه​

 

[ماكانش]

اسمع اسمع ماتجمعش انا نفهم لفخونسي هههه

صح سفيان كيما قلت الصح باه تتعلم الفرونسي هوما الوالدين
حنا فالدار خاوتي قراب لبابا ولبنات قراب ليما
يما تهدرلنا الفرونسي وبابا لالا
حنا لبنات تلقانا على 10 سنين نبداو نسلكو شوي ريساننا
والطفل تلقاه 16 سنه مايفقه والو فيها
الوالدين والبيئه هوما اللي يخلوك تتعلمو
والجامعه طبعا ليها الدور الاكبر للي لحقها وقرا فيها بالفرونسي
ياو خطاك والله تعييك الفوخ والزوخ والعشا مكانش هههه

مارسي عليك وربي يكمل هههه​

أهلا بيك نسيم
واش يكمل هذا ؟؟؟ هههههههه
ياخي تعرفيني خاطيتني الدصارة ...
يعني راكي معايا في الراي انو الوالدين ليهم النسبة لكبيرة في تعلم لفرونسي
والله حبينا نتعلموها باش نفهمو ونفهمو ماشي باش نزوخو
يعطيك الصحة وديريلي بري مليح ندير عندك ليكور ههههههه​

 

[adel-mz]

ههههههههههههههه
فكرتني في حكاية
قالك واحد يحوس على وحدة كي راح ليها زعمة حاب يحكيلها بالفرونسي ،اي يمشي من وراها قاعد يقولها اسمعي انا عندي بزاف وانا ،،نروموركي ،،فيك ههههه زعمة،، نروماركي ،، وراني باغي ،،نكومونديك ،، ههه زعمة ،،ندومونديك ،،ههه وهي تاني كيفكيف قاتلو اسمع انا خاطيني هادو الصوالح بصح نقعدو ،،دي زانيمو،، ههه زعمة ،،دي زامي ،،
المهم يا خي الفرنسوية هادي مليح تقراها باش تحارب بيها عدوك مي ليقراها باش يزوخ ويتكسل بيها على خاوتو هدا انسان فارغ .
وانا نعطيك واحد السيت مليح لتعليم اللغة الفرنسية :
www.francaisfacile.com
بارك الله فيك.

 

[♥بنت عنابة♥]

صح فطوركم
خويا انا ملي دخلت للمنتدى نلقاك تهدر على الزواج كنت راح نقلك شوف كاش ميقرية بالصح
ماتبانليش تخرج عليك ههههههههههه نقصر برك خويا ماتزعفش
المهم ا لفرونسي انا درت ليكور عند عمي الفايسبوك علمني كلشي ههههههه
مرسي على الموضوع الزين ​

 

[07 _H@yThm]

هاااااااااااااااااااامكانش سحيبي صحا فطورك
كاش جديد ههههههههههه كيعاد غير لقديم مع زواج
رني نرجع نقرعج ع ميضوعك

 

[fifi-la-brunette]

السلام عليكم ورحمة الله وبركاته صحا فطوركم كامل
موضوع في غاية الاهمية
انا في رايي يبقا للوالدين دور كبير في تعلم ولادهم للفرونسي او اي لغة اخرى
انا ليسانس فرونسي كي كنت في cemو الليسي كنت ندي دي بون نوت في الفرونسي مي كي دخلت للجامعة ودرتها سبيسياليتي جاتني صعيبة شوي باسكو مايهدروهاش في دارنا مي ذرك كي درتها اختصاص ولينا نهدروها انا وخواتاتي وهاذي هي لا لونg اذا تحب تتعلمها لازم تهدرها مام درت دي فوت مع الوقت تهزها باذن الله
ورانا هنا كشما خصك نعاونوك

 

[بنـ MaPa ـت]

وعليكم السلاام

كي العادة سفيان ومواضيعو المميزة

بصراحة يا خويا الفرونسي نتكلمها بطلاقة عندي لي بروبلام في الكتابة...النطق جيد الكتابة برك والتريف هادا واش بقالي خخخ ديفوا في الدار نحكي بيها مع ماما برك بابا كي نهدر معاه بالفرونسي يقولي مشي خطيني نتي تاني وليتي تعرفي الفرونسي هههه هنا انا يحبسني ماشي يقول يا سعدي هه....الحمد لله راني نعرف الانجليزية بامتياز والتركية تعلمتها يامات نديسكوتي يعني نسلك راصي هههه...ياو مارانيش نزوخ عليك راني نقولك برك ههه
المهم كيما قلت الجو العائلي يلعب دور كبير في تربية الانسان لو الوالدين يتكلمو مع ولادهم مرة على مرة بالفرونسي او بلغة اخرى يتعلمو غير بالعقل + التحضير قبل سن الدخول الى المدرسة يخلي الطفل يتعلم بسرعة وسهولة
ويا ريت دوك كل واحد يدير مع ولادو هكدا ونصيرو شعب متحضر شوية

وكيما قال محمد البارصا لي مايتقنش 3 لغات على الاقل يعني راه متاخر

يعطيك الصحة على الموضوع المميز + الفرونسي دوك ماراهيش تgزيزتي راهي الاسبانية و الانجليزية عالميا

تحياتي خويا سفيان وصح رمضانك
​

 

[ماكانش]

ههههههههههههههه
فكرتني في حكاية
قالك واحد يحوس على وحدة كي راح ليها زعمة حاب يحكيلها بالفرونسي ،اي يمشي من وراها قاعد يقولها اسمعي انا عندي بزاف وانا ،،نروموركي ،،فيك ههههه زعمة،، نروماركي ،، وراني باغي ،،نكومونديك ،، ههه زعمة ،،ندومونديك ،،ههه وهي تاني كيفكيف قاتلو اسمع انا خاطيني هادو الصوالح بصح نقعدو ،،دي زانيمو،، ههه زعمة ،،دي زامي ،،
المهم يا خي الفرنسوية هادي مليح تقراها باش تحارب بيها عدوك مي ليقراها باش يزوخ ويتكسل بيها على خاوتو هدا انسان فارغ .
وانا نعطيك واحد السيت مليح لتعليم اللغة الفرنسية :
www.francaisfacile.com
بارك الله فيك.

هههههههههه
أهلا بيك خويا عادل
مالا كان يروموركي فيها ههههه وهيا زادت عماتها هههههههه
كيما يقولو فردة ولقات ختها
حنا نتمناو نتعلمو لفرونسي باش نسلكو ريسانا وخاطينا الزوخ
نعرف ناس ربي بارك ولكن مايحكيش بيها خلاص الا في بلايصها
يعطيك الصحة ...​

 

[هدى]

ههههههههههههههههههههههههههههههههههههههههههههههههههههه
والله من نهار دخلت للمنتدى عمري ما ضحكت على موضوع كيف هدا
احنا في الليسي والله تقرينا وحدة ميقرية حرف عربي ماتنطقوش ياو كي تعود تهدر معانا تلقانا كاااااامل
صم بكم عمي لا يعقلون هههههههههههه
انا عندي وحدة صحبتي عنابية لقيتها مرة قتلها واش نجحتي ولالا قاتلي اني رحت درت ( وحد الكلمة فرنسي ) قتلها اه مليحة زعمى سكتت عليا ههههههههه بالاك كاشما قاتلي وانا العبد الفقير لله ههههههههه
شوف خويا انا نقلك انو البيئة الي تعيش فيها هي العامل الاول في هذا ومن ثمة الاسرة تاعك
وممبعد الموهبة ياك والله تلقى ناس عندهم موهبة بعد في اللغات تقول مين يجيبوها
احنا عدنا حلت ايكول جديدة تقري فرنسي للمبتدئين وباش تدخل ديرلك تاست تشوف المستوى تاعك انا لقاتني 3 \ 12
بصح اني في تطور مستمر هههه كي نتعلم نجي نعلمك
ايا في امان الله خويا ماكانش +++++ تقييم تساهل نحيتلي على بالي شويا
​

 

[ماكانش]

صح فطوركم

خويا انا ملي دخلت للمنتدى نلقاك تهدر على الزواج كنت راح نقلك شوف كاش ميقرية بالصح
ماتبانليش تخرج عليك ههههههههههه نقصر برك خويا ماتزعفش
المهم ا لفرونسي انا درت ليكور عند عمي الفايسبوك علمني كلشي ههههههه

مرسي على الموضوع الزين​

ههههههه
اهلا بيك بنت عنابة
راكي تشوفي المكتوب يجي عند أفامنا وحنا نفرطو فيه هههههه
الفايس بوك مانعرفش نخدم بيه بزاف
نبداو بالكيد هذاك ونشوف التطور كيفاش هههه
يوليو مواضيعي كامل بالفرونسي وفيهم كلمة المارياج ههههههه
يعطيك الصحة ​

 

[ياقوتة الصحراء]

والله ما يخلعك لي يهدر بلفرونسي
اصلا راهي رايحة تنقرض
مانيش عارفة علاش بلادنا ما زال شادة فيها
ايا صح سحوركم ​

 

[ماكانش]

هاااااااااااااااااااامكانش سحيبي صحا فطورك
كاش جديد ههههههههههه كيعاد غير لقديم مع زواج
رني نرجع نقرعج ع ميضوعك

أهلا خويا لعزيز هيثم
مرحبا بيك وجيبنا شوي حلويات ...

 

[hiba14]

الا نسان وليد بيئته
يعني المحيط تاعو اللي هوما الوالدين
هادا رايي هي صح كاينين شواد بصح لايقاس عليهم

 

[معاك يا الخضراء]

و عليكم و السلام يا مصيبة قتلتنيييييييييييييييييييييييييييييييييييي بالضحك
ههههههههههههههههههههههههههههههههههه وش داك للي خاطيك
اولا اللي مايعرفش الفرونسي مش عيب
لانها ماهيش لغتنا الام
وحنا نجريو بش نتعلمو لغتهم
وهوما علاه مايتعلموش عربيتنا ؟؟
ماعلينا انا الشيخ اللي خيرلي الفرونسي
كون مش هو مانديرهاش خلاص
هههههههههههههههه تعلمتها شوي من صغري خاطر عندنا بزاف الزماقرة
+ كنت نقرا الكتابات بالفرونسي
+ مالغري راهي اختصاصي الى اني نغلط فيها احيانا
وهادا بلا حرج
راني نتعلم بالشوي
هادي مش لغتي الام
صحيييييييييييت ا سفيان ضحكتني ليل ليل ههههههههههههههههه​

 

[Orodent]

يعطيك الصحة على الموضوع
مام انا لازمني واحد خويا سفيان
ولازمني واحد لتعلم الشاوية
انا عيا فيا بابا كي اديت لباك قالي ديري فرونسي
خشنت راسي وقتلو ابدا
قتلو نقراها بريvي خير
شوف خويا هي مليح لواحد يعرفها
ياك يقول من عرف لغة قوم امن شرهم
بصح ماشي نحكي بيها في حياتي اليومية
ما تصلحش رانا عرب وقبل هاد الشي مسلمين
مرسي وصح سحورك
​

 

[adraa]

هههههههههههههههههههههههههههه قتلتني بالضحك...

و الله وحدكك....

انا و الفرونسي عادي...مي انا نفضل لونجلي عليها...

على بيهاراحتلي شوية و راني نسترجع فالمهارات السابقة

مبعد نعتلك الطريقة و لا يهمك ههههههههههه
​

 

[sisou023]

عندك الحق العائلة تلعب دور كبير فالدار بابا يهدر شوي فرو نسي تعلمت منو يعني كون مجاش هو مشجعني باه نقرا كتب تاع فرونسي و نتعلم كون هاذي اللغة ماني فاهمة فيها والو ذرك ونت زير السنتورة واتعلم كاش متحكم وحدة ميقرية تتفاهم معاها ههههه

 

[المتفائلة_91]

اهلا خويا سفيان
واش راك

صحا رمضانك


نجيو لموضوعك


الصراحة تعلم الفرنسية يبدا في الصغر
وانا معاك انو الوالدين عندهم دور في تعليم ابنائهم الفرنسية ، بصح حتى المجتمع ثاني

نعطيك مثلا انا

تعلمت شوي فرنسية من الوالد ، ديما ملي كنت صغيرة كان يعلمني كلمات ، ساعات جمل وعبارات
بصح بكون المجتمع اللي نعيش فيه ما يهدرش خلاص الفرنسية بقيت ناقصة فيها ، نسلك راسي مليح بصح مانيش فور فيها
الى غاية لما دخلت الجامعة وراني نقرا ادب فرنسي وليت مليحة الحمد لله


بصح بيناتنا حتى اللي يلعبوها يهدرو فرونسي طول ماش ملاح ومعقدين ، شغل حنا ماعندناش لغة بش نهدرو بالفرنسية ، صح ثقافة مليحة ، بصح مش نستبدلوها بثقافتنا



يعطيك الصحة خويا على الموضوع الهايل والمفيد



وراني في الخدمة

صح فطورك





صح سحورك​