مطبخك في رمضــــــآآآن سيدتي * الجـــ 4 ـــزء* ‏ ‏ والاخير بحول الله

[عفاف الجزائرية]

اساس المائدة للرجال نتاع الدار

والمثوم

كبدة مشرملة

والعائلة

 

[nada242008]

عفاف طابلة هايلة بصحتك
ابتسام وايمان الله يسلمكم
الاخت اللي تقول جربت وصفاتنا يعطيك الصحة على التطبيقات وصحا فطورك

 

[imane27]

بصحتكم عفاف طابلة تشهى يعطيك الصحة

 

[عفاف الجزائرية]

الله يسلمكم ندوش وايمان
ومشكورة الاخت اللي طبقت كل وصفة من وصفات الاخوات وعملت فيهم الثقة
منورة اختي

 

[محاربة صحراء]

صح فطورك البنات

 

[ام منصف]

الى كوثر الوهرانية

قال تعالى :
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ}[هود: 52].

في الحديث الصحيح :
​

( من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب ).

أستغفر الله الذي لا إله إلا هو الحي القيوم وأتوب إليه
​

 

[moonCne]

شكرا عفاف في بالي نسقسيك على الصابلي مناه الغريبية شفتها من قبل
المهم يعطيك الصحة

 

[shahrazad]

صحا فطوركم
الله يبارك كل طابلة تنسي في ختها

هدا فطور الي درتو اليوم

اسكالوب فارسي بالفيونداشي والخضر

لي شوصون

سردين مقلي

و الخبز والشربة

​

 

[the summer]

ام سلام عليكم الله يخليكم حاب طريقة مليحة باش تجي كسرة مليحة وطريقة نتع فلان لي يعرف يقول

سلام اختي محاربة الصحراء رح نعطيلك طريقة ساهلة بصح تدي الوقت فالخمور انتاع الكسرة
احنا فادار كيفاش نخدمو الكسرة
2 كيسان ماء دافي مغرف ونص خمارة الدار رشة صغيرة سكر ملعقة الاكل عمريها ملح تقدري كاضافة تديري شوية سانوج وشوية حبة طيبة تخلطي الكل وتبداي تضيفي فالفرينة وتخلطي بيدك حتى تتحصلي على عجينة طرية (اذا خدمتيها بالخلاط الكهربائي تجي روعة ) لما تتلم وتبدا ماتلتاصقش فاليدين ضيفي ملعقة اكل زيت وخلطي بيدك (ماتدلكيهاش كامل ) في علبة بلاستيكية امسحيها من الداخل بشوية زيت حطي العجينة وخليها تخمر شي 45 دقيقة حتى يتضاعف حجمها خرجيها حطي في قصعة شوية فرينة حطي فوقها العجينة وقطعيها قرص صغار وشكليهم دائرة بيدك وكانك تفرغيهم من الهو اوحطيهم في فوطة مخصصة لعجن خليها ترتاح شي 10 دقائق تلقايهم عاودو تنفخو من جديد خرجيهو وابسطيبهم حتى تشكلي دائرة سمكها 5 سنتيمتر ضعيها في الفوطة واتركيها ترتاح من 10 الى 15 دقيقة تلقاي حجمها زاد شوي
اشعلي الميني فور انتاعك وطيبيهم ولا طيبيهم على الريشو
فقط ملاحظة عجينة الطاجين تكون ناشفة شوي وترققي الدوائر كي تخبزيها وعجينة الميني فور تجي طرية بزااف وسمكها اخشن
نتمنى نكون افدتك وعلى فكرة هاذي الكسرة تجي خفيفة بزاااف وشابة
الفلون انا سييت انتاع فلون باغيزيا flan parisien hاذا حبيتي نعطيك الوصفة

 

[كوثر الوهرانية]

انا كى جي لدزاير نروح عند كوثر نكل حريرة وهران
على الراس والعين مرحبا بيك حبيبتي عندي في داري و نطبيلك مشي غير الحريرة كل لي نفسك فيه يا اختي يوم المنى يوم اشفوك و افرح بيك

 

[كوثر الوهرانية]

الى كوثر الوهرانية​

قال تعالى :
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ}[هود: 52].​

في الحديث الصحيح :​

( من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب ).

أستغفر الله الذي لا إله إلا هو الحي القيوم وأتوب إليه​

مشكورة اختي ام منصف راكي تخممي فيا
والله نهار و اليل و انا نستغفر و نشهد و نحمد في ربي
استغفر الله الغفور الرحيم
لا اله الا الله
و لا حول ولا قوة الا بالله بالغفور الرحيم

 

[كوثر الوهرانية]

عفاف الله الله على هديك الميدة كل شيء فيها مشاء الله و البنة راهي خارجة من الميكروا امممممممم شميتها
بالهناء على قلوبكم ربي يكثر الخير
شهرزاد فطورك هايل اختي و لي شوصوا جاوك شابين بو الخبز نتاع الكوشة روعة بصحتكم

 

[the summer]

المشاركة الأصلية كتبت بواسطة the summer

راكي تتوحمي على شخشوخة الظفر واش نقوللختي راكي حابتها انا نعرفها بصح ماجاياش نصنعها
نقولك الصح تعلمتها على وحدة وقبل رمضان بنهار درتها وجات هايلة
تجي مصنوعة بالمسمن ناشف والهرماس (هذا مانيش عارفة كيفاش تسموه هو مشمش مجفف ) اذا حابة نعطيلك اطريقة مكاش مشكل
​

انا وحدة منهم حابة نعرف طريقتك والف شكر حبيبتي وصح سحورك:re_gards:
سلام تسنيم وصحا فطورك وفطور ك ابنات انتاع اللمة
كنت حطيتيلي هذا السؤال وانا مالهيتش باه نجاوبك كنت نحوس عليه باه نجاوبك
رح نخبرك بطريقتنا في شخشوخة الظفر وتجي شابة نحبها بزااف
اولا العجينة تجيبي دقيق رطب تديريلو الماء حتى يشد روحو تتحصلي على عجينة طرية مش طرية بزاااف ابقا ي تدلكي فيها في قصعة قريب 20 دقيقة حتى تتخلصي من حبيبات السميد ومن بعد ضيفيلها الماءوالملح وابقاي تعجني تتحصي على عجينة طرية اتركيها ترتاح شي 20 دقيقة على الاقل ومن بعد غطسي يدك فالزيت واعمليها اقراص صغيرة وايضا خليها ترتاح مدة معينة ومن بعد ديري ازيت وفاالقصعة ولا صينية مسطحة ولى على الرخام كيما حبيتي وصنعيهم مربعين كيماالمسمن اصنعيهم كامل واطويهم كيما الرسالة كس تكمليهم كامل وجدي المقلاة انتاعك ديري الزيت ماتكتريش وابداي ابسطي العجينة تى تكون بحم المقلاة اقليها كيما المسمن بصح ماتدييش الزيت بزاااف باه تجي ناشفة اصنعي وبنفس الوقت قطعيا بظفرك قطع صغيرة ولا بالمقص كيما تحبي خليها بجنب
روحي درك للهرماس (مشماش يابس ) وهو فاحقيقة لازم تخدميه هو الاول اغسليه مليح وديري في كسرونة الماء سخون فرغي الهرماس فيه وظيفيو ربع مقدار الهرماس تمر معجون واتركيه كي يتشمخ مليح افركيه بيدك ومن بعد جيبيمصفاة وصفيه فيها العصارة انتاعو ظيفيلها بصلة مقطعة مربعات صغار وخلطي مليح ضيفي 3 ملاعق او اربعة كبار سمن وفرغي الشخشوة الي صنعتيها وعلى النار حركي الخليط باه يمتازج مع بعض ومن بعد تبرد وباصحة والهنا

 

[imane27]

انا كى جي لدزاير نروح عند كوثر نكل حريرة وهران
على الراس والعين مرحبا بيك حبيبتي عندي في داري و نطبيلك مشي غير الحريرة كل لي نفسك فيه يا اختي يوم المنى يوم اشفوك و افرح بيك

الله يسلمك اختى كوثر والله يعطيك ما تتمناي والله علبالى كريمة الله يحفضك ويخليك الراجلك ولداتك يارب:sheer:

 

[سهيلة سوسو]

تبارك الله موائدكم تشهي
ماتتلهوش بالمطبخ برك
راهو قرب يخلاص رمضان
ماتنسوش الصلاة وقراة القران
واللهم بلغنا ليلة لاقدر
صح سحوركم كامل

 

[ام ايناس]

صباح الانوار عليكم ام ندى وابتسام وعفاف و شهرزاد طوابلكم يشهيو يعطيكم الصحة
the summer يعطيك الصحة على طريقة الشخشوشة هادي جديدة عليا انا حابة تاع المرقة الحمرة امممم
صبحتو راقدين اليوم

 

[merieme hassi]

السلام عليكم
كاش ختمات قرانية انا الحمد لله راني قريب نكمل الختمة الثانية و ندخل في الثالثة هدا من فضل ربي



يوم مبارك

 

[عفاف الجزائرية]

صبحتو راقداااااااااات
اني جاية مع بيدون الماء

 

[M!ss D!or]

صباح الخير
و اخيييييراااااا جبت كونكسيون للداااااااار
من اليوم بادن الله نتبرانشالكم
سلامي لكل احبابي

عفعف انا راني نايضة اعفيني من هداك البيدون​

 

[عفاف الجزائرية]

ياااااااااااااه نوضو اغطنو نورمالمون ليوم كامل راكم نايضين
صافيناز هنا وانتم راقدين ههههههه
اهلا اهلا اهلا مريومة
على سلامتك وعلى سلامة الكونكسيون للدار
ايا مليح يا سيدي اوموان نعيدو مع بعض
منورة
هيا شمري على ذراعتيك وادخلي للكوزينة ههههههه