مطبخك في رمضــــــآآآن سيدتي * الجـــ 4 ـــزء* ‏ ‏ والاخير بحول الله

[nada242008]

صباح الخيرات عليكم اهلا اهلا بصافيناز فرحت كي شفتك
راحت روز جيتي انتيا والله تقول تفاهمتوا هههههه
عفاف احكمي البيدون تاعك هههه والله غير كنت نايضة :sad:

 

[عفاف الجزائرية]

صباح الخيرات عليكم اهلا اهلا بصافيناز فرحت كي شفتك
راحت روز جيتي انتيا والله تقول تفاهمتوا هههههه
عفاف احكمي البيدون تاعك هههه والله غير كنت نايضة :sad:

هههههه شفتي والله حتى انا فرحت كي شفتها قلت اوماون تونسنا ماشي زوج يروحو اوموان تروح وحدة وتبقى الاخرى

كنتي نايضة وراقدة انيكنت حاسة بيك ههههههه
ايا منورة كي طليتي
والله نحب نشوف لامباتكم كامل مكونكتي لاشتة ماكمش قدام الميكرو اوموان نتهنى كي نشوفكم كونكتي

 

[M!ss D!or]

راكي تشوفي يا عفوف الحراير صبحو راقدين
مام انا كنت كيفهم الله غالب ليوم برك وين نضت بكري احتفالا بالكونيكسون
معليش لحقت علئ السمانة لاخيرة خير من والو و كيما قلتي نعدي معاكم العيد
الكوزينة ندخللها جوايه ال3 حتئ ال 7 مع الادان و انا ساعة نطيب و ساعة مع المسلسلات
ربي يحفضك عزيزتي​

 

[M!ss D!or]

اهلا ام ددوشة قلبي واش راكي و واش راكي مع الحمل و واش راهي ددوشة
وين ؤاحت روز غير الخير​

 

[عفاف الجزائرية]

روز راها تاني في البلاد
روز راها في الاغوااط تتمتع مع العايلة

 

[امة الرحمن]

ماشاء الله عليكم
موائدكم وأطباقكم رووووووعة
ربي يحفظكم ويخليكم
صحة فطوركم جميييييييعا

 

[ام ايناس]

اهلا بيك حبيبتي صافو منورة توحشناااك

 

[imane27]

مساء الخير عليكم واش راكم
اهلا صافو نورتينا مزيا لدرتى كنكيون من دزاير
هادا فطورى تاع لبارح
درت كباب الكوشة والباقى راه باين تاع كل يوم

 

[روعة2005]

مساء النور عليكم حبيباتي
اهلا وسهلا ب صفصوفة قلبي واش راكي الغالية ومبروك علينا رجعتك لينا
سامحوني مانيش ندخل بزاف والله اني مشغولة كثير تحياتي ليكم كامل وربي يقدرني ويقدركم
حقة طوابلكم تشهي الفوفات/شهرزاد/ايمان/ابتسام/مريومة/وكل البنات

 

[merieme hassi]

السلام عليكم
اهلا بصافيناز نورت اللمة بوجودك
فوفة توحشناك
انا جربت اليوم قاطو و عمرتو بالكابريس و الشكولاطة

 

[merieme hassi]

ايمان 27 مايدة ديالك تشهي كي العادة يعطيك الصحة

 

[روعة2005]

مريومة يتوحشك الخير وقاطوك امممممممممم يشهي قوليلي مقاديرو تعيشي

 

[ام ايناس]

فوفة ربي يكون معاك حبيبتي
ايمان طابلة تشهي كيما العادة
مريم جاك القاطو هايل يعطيك الصحة

 

[روعة2005]

تعيشي ام ايناس وربي معاك ثاني
انا نخليكم راجلي جابلي الكرعين ولازم نقيهم قالي سخفت على شطيطحة كوارع ومباعد ان شاء الله

 

[merieme hassi]

السلام عليكم
فوفة خدمت القاطو بعجينةالصابلي
المقادير
250غ فرينة
رشة ملح
ملعقة كبيرة سكر قلاصي
125غ زبدة
1 بيضة
رمدي الزبدة مليح مع السكر ثم زيدي البيضة و رمدي مليح ثم اظيفي الفرينة و رشة الملح اتركي العجينة ترتاح ثم وضعيها في التواسي الي عندك ثم الي الفرن حتي يحمارو
خليهم يبردو
انا عملت الكابريس و شوية زبدة في حمام مائئ كي دابو زدتلهم شوية فوندو هده اظافة من عندي
هنا عمرت التواسي بالكابريس و ثم زدتلهم الشكولاطة و زينتهم بالبيستاش

صح فطوركم

 

[كوثر الوهرانية]

مساء الخير يا اغلى احباب
مشاء الله عليكم طوابل تشهي الله يكثر الخير
عفافا راني نودت بالبيدون نتاع الماء نتاعك و الله مراني نجم نوض الصباح كي نرقدش بكري حتى مع اذان الصبح باش نرقد
مريم حاسي بصحتك الحلوى جاتك هايلة بصحتكم
سلامي لجميع اللمويات

 

[كوثر الوهرانية]

فوفة بصحتك الكرعين ربي يعاونك في التنضيف نتاعهم انا راني باغية الدوارة بصح مجابهليش كي عاد هو ميشتيهاش اه اه اه

 

[ibtesem]

سلام يالبنات واش راكم

على سلامتك صافو والله فرحت كي شوفتك كونكتي الحمد لله

 

[ibtesem]

عفاف الما وصل حتان عندي علاش عليك انا راقدة على 5 تاع الصباح
...................

مريومة الله ابارك فيك على ختمة تاع القران
انا تاني ختمت راني نعاود نطلب ربي اني نختم قبل العيد

 

[محاربة صحراء]

ام اهلا بيكم كل انا حاب نعرف قاطوا قطيفة وصفة انجح وشكرا بارك الله فيكم
​