ماذا ستطبخين اليوم سيدتي

[naGam]

رانا هنا باش نسقسيو ونتعلمو من بعضانا
مكان ازعاج مزالز حبيبتي
سباقيتي عادي طيبتو في الماء والزيت والملح
ويتصفى
لصوص
انا عملت الزيت زيتون اولا ثم ال5 فصوص تاع ثوم مع علبة تاع نصف رطل طماطم ملخ فلفل احمر حار والراس الحانوت شوية ماء باش تتحل الطماطم
خليها تتغلى وطفي عليها
خلطيها مع السباقيتي
عملت مايوناز تاع الحليب البودرة زدتلها الفلفل اسود وسنة ثوم
مع الهريسة
ان شاء الله تعجبك اختي راني هنا في اي وقت

بارك الله فيك اختي وردك شجعني اكثر باه نزيد نسقصيك:shay:
الطماطم انتاع العلبة انتي قلتيلي تجي نص باطة نديرها كاملة ولا كيفاه
والمايوناز تعيشي قوليلي كيفاه درتيه
​

 

[nada242008]

هذا هو الروز اللي نستعملو يا بنت الجسور هو نوع من الارز البسمتي الهندي
ونجمرو فقط ويجي فارك كل حبة وحدها وحتى بنتو هايلة .

 

[naGam]

مرحبا بيك يالغالية nada242008والله ليك وحشة
توحشتك ياسررررررررر
من رمضان ماتلاقيتش بيك
صحا عيدك وواش راكي عيدتي بخير
وواش راكي من بعد العيد وواش راها بنوتك وزوجك وداركم عيدوا لاباس
وواش راكي مع الحمل
وربي يسلك راسك ان شاء الله على خير
وبصحتك انتي غذاك اختي
ومرة اخرى ماتغيبيش علينا كيما هاك
ارواحي اقعدي معانا برك بالتصاور بلاتصاور قابلينك كيتكوني معانا برك هاذيك الفايدة
والله ليك وحشة
​

 

[ibtesem]

بارك الله فيك اختي وردك شجعني اكثر باه نزيد نسقصيك:shay:

الطماطم انتاع العلبة انتي قلتيلي تجي نص باطة نديرها كاملة ولا كيفاه
والمايوناز تعيشي قوليلي كيفاه درتيه​

شوفتي علب تاع نصف رطل انا استعملتها كاملة
اما الميوناز
هي كالتالي
تحطي كل شئ مرو واحدة
ملعقة تاع اكل خل
ملعقة تاع اكل عصير قارس
سنة ثوم ملعقة تاع قهوة موطارد
2 ملاعق حليب بودرة
2 حبات بيص كاملين
ملح وفلفل اسودخلطي كل شئ مع بيعص مليح في الخلاط الكهربائي
ثم اضيفي الويت بشوية مع تخلاط في نفس الوقت
الى ان تتجمد تجي احلى من تاع البرة
ربي اوفقك فيها اختي

 

[naGam]

شوفتي علب تاع نصف رطل انا استعملتها كاملة
اما الميوناز
هي كالتالي
تحطي كل شئ مرو واحدة
ملعقة تاع اكل خل
ملعقة تاع اكل عصير قارس
سنة ثوم ملعقة تاع قهوة موطارد
2 ملاعق حليب بودرة
2 حبات بيص كاملين
ملح وفلفل اسودخلطي كل شئ مع بيعص مليح في الخلاط الكهربائي
ثم اضيفي الويت بشوية مع تخلاط في نفس الوقت
الى ان تتجمد تجي احلى من تاع البرة
ربي اوفقك فيها اختي

شكرا ليك بزاااف اختي واسمحيلي مرة اخرى
وبارك الله فيك

 

[حاملـة المسك]

اهلا كوتر
تعرفي التين كنسموه بالعامية ما بانت ت و لا ط
تخلطنا ما بين الدزيري و البسكري

شطيطحة وسلطة عليهم الكلام إيمان 1

بسومة يعز مقدارك و يعلي شأنك يا الحبيبة
حايب يتعلم الطبخ :showoff:
لالا جا كشما يشرب نشفولو ريقو في المنتدى السياسي
إبتسام نسيي السباكتي براس الحانوت

إيمان 2 مقلتيش وش من دوبارة...تاكلوها بالصحة
في انتظار الخفاف إيمان 3

حلوة هدي جماعة الدوبارة :sheer:
بصحتكم السندويتش ندى

راني نشوف لا حلاوي لا كيكات و الطياب لوبية و دوبارة يا حمص :music_whistling:يا فول
عيانين و لا تركم رمضان
يعني فرغت الجيوب​

 

[حاملـة المسك]

ثم اضيفي الويت بشوية مع تخلاط في نفس الوقت

جابلي ربي بالناف يجي خير :shiny:

و الحاء تكتبي فيها خاء...سلامتك​

 

[ibtesem]

هههههههههههه
وحدك رغود ايمان تاهاني راني نسيت مقلتش راس الحانوت خطئ مطبعي فقط
اليوم بادن الله سردين والخبز عربي وفريت وسلطة
راني خرجتك من الحبوب رغود
تفضلي

 

[ibtesem]

ثم اضيفي الويت بشوية مع تخلاط في نفس الوقت

جابلي ربي بالناف يجي خير :shiny:​

و الحاء تكتبي فيها خاء...سلامتك​

راكي كي القط تشمشمي في كل بلاصة مامخليا والو
الزيت الويت حذف الواو ههههههههههاضافة الزاء :sheer:

 

[nada242008]

راني نشوف لا حلاوي لا كيكات و الطياب لوبية و دوبارة يا حمص :music_whistling:يا فول
عيانين و لا تركم رمضان

يعني فرغت الجيوب​

ههههه تعبت المعدة يا رغووود والنفحة راحت شوية والسخانة قالتلهم اسكتوا:schmoll:
---
ايمان الهاني ربي يخليك اختي وصحا عيدك انت ثاني وكل عام وانت بالف خير
راني رجعت هههه ماعندي وين نروح ..قاسي يموت هنا في اللمة :showoff:

 

[حاملـة المسك]

هههههههههههه
وحدك رغود ايمان تاهاني راني نسيت مقلتش راس الحانوت خطئ مطبعي فقط
اليوم بادن الله سردين والخبز عربي وفريت وسلطة
راني خرجتك من الحبوب رغود
تفضلي

رحمة على الوالدين أعملي تصحيح قريب وخذتينا :angry:
دري الخبز كما قلتلكم البارح يجي ناشف روعة و البنة والليونة
وشنو كتجي رايحة تلوحيه في المقلة و لا الطاوة رشيه بشويا ماء
هههه إملا بدات الكموسة تتعمر
ربي يطرح البركة​

 

[ibtesem]

كفاش تحطيه فوق النار مفهمتش
يارغود معنديش العربية كي راني نكتب رني مليحة والفي تعودي تفهميني هههههههههههه

 

[حاملـة المسك]

ههههه تعبت المعدة يا رغووود والنفحة راحت شوية والسخانة قالتلهم اسكتوا

النفحة صح راحت بصح المعدة راهي فارغة ..راني صايمة
:islam_slat1:نوض نصلي منبعد للعشا​

 

[روعة2005]

اهلا بالحلوات كيف الحال
كيفك عفوفة..........والله صدقتي انا راني غير بوخفيف وكملت صيام شوال وزادتني المرضا عيت نطيب الكوزينة ندخلها مجبرة

 

[ibtesem]

انا نخليكم وقت باش نروح نكرى ههههههههههههه
اقراي رغود
في المساء ان شاء الله صح فطورك رغود ادعينا حبيبتي معاك
صح عشواتكم يالبنات

 

[assia11]

السلام عليكم
بصحتكم كامل واش درتوا
للعشاء إن شاء الله شربة عدس و عجيجات بطاطا بالتون

إبتسام ما قولتيش شحال نحطوا الزيت في المايونيز و شكرا لك

 

[ام منصف]

ثم اضيفي الويت بشوية مع تخلاط في نفس الوقت

جابلي ربي بالناف يجي خير :shiny:

و الحاء تكتبي فيها خاء...سلامتك​

وانا زي الاطرش في الزفة
هذه انت يا بائعة الكبريت وانا من هذاك النهار وانا نقول شكون هذه حاملة المسك
عرفتك من تعليقك على بسومة في هذا الرد
مبروك اللقب الجديد
​

 

[حاملـة المسك]

كفاش تحطيه فوق النار مفهمتش
يارغود معنديش العربية كي راني نكتب رني مليحة والفي تعودي تفهميني هههههههههههه

قتلك احذفي راس الحانوت لا توخذينا حنا و الزوار جماعة كبيرة على قول ندى
أما الكتيبة والفناها سفي لوووونتن :sheer:​

اليوم يا البنات عملت الخبز اللبناني نشفتو غير شويا في الطاوة منبعد كملت الطياب مباشرة على النار
يا البنات يجي غير شكل و البنة اطيب من المقلى و لا الفور
يستاهل التجربة....

كشما إستفسار راني هنا مابين الكوزينة و الميكرو
...............
راني نقرا ...اللهم زدني علما
​

 

[حاملـة المسك]

وانا زي الاطرش في الزفة
هذه انت يا بائعة الكبريت وانا من هذاك النهار وانا نقول شكون هذه حاملة المسك
عرفتك من تعليقك على بسومة في هذا الرد
مبروك اللقب الجديد
​

يبارك فيك أم منصف راني نزلت التصريح في العام
كلش يمشي عندي بالقانون
و لي عندو إعتراض يتقدم
ترفض الطعونات بعد 6 اشهر

أنا الممضي اسفله أصرح

بيني و بينك وعلاش هدا الرد بالذات..؟​

 

[ام ايناس]

مساء الانوار عليكم عليكم وبصحتكم واش طيبتو
ابتسام انا تاني اليوم حوت للعشا وسلاطة بزاف كرهنا مالكوزينة
ام منصف ما تقوليليش حاملة المسك هي بائعة الزلاميت راكي هنا وحنا راقدين يا الفحلة