ماذا ستطبخين اليوم سيدتي

[ام ابتسام]

مساء الخير عليكم يابنات ابتسام حبيبة انا ام عز الدين اهلا بيك بصحتكم كامل واش طيبتوا اليوم راني صايمة وعملت حريرة ولوبياء فصاص وكفته بالفريت

مشاء الله عليكم كلكم قافزات
ام ايناس انا تاني قالمية حبيبتي تشرفت بمعرفتك فوفة اختي عاد الصيام ثقيل هذا العام
شفتي كنا نصوموا ومايهمنا شي زادنا المرض هو الي متعبنه الله يشافيك
ويتقبل منا ومنك ربي الصيام برك ربي يعطينا القوة

 

[بنت الجسور المعلقة]

هذا هو الروز اللي نستعملو يا بنت الجسور هو نوع من الارز البسمتي الهندي
ونجمرو فقط ويجي فارك كل حبة وحدها وحتى بنتو هايلة .

يآآآآآآآآآآآه والله يعطيك الصحا شقيتك وزدتي صورتيه ربي يخليك والله كنت حاطتك ديري روز ((صوص))
هدا

باسكو حنا نستعملو هداك ويجي لاصق في بعضاه يولينا كي لمحلبي ههههه :scared:
أوكي حنونة خلاص عرفوتو دورك نعود غير نشريه مدامك مجربتو وشايفة أطباقك لي جي 10/10بيه
​

 

[بنت الجسور المعلقة]

السلام عليكم
كيراكم لبنات ان شاء الله تكونوا بخير
بصحتكم كامل واش طيبتوا من سوندوتشات لمحاجب لسباقيتي لشخشوخة وووووو بصحتكم و الله يعطيكم الصحة
اليوم درت شخشوخة الضفر للفطور اعطوني رايكم فيها

الله الله الله يعطــــــــيك الصحة على شخشوخة الظفر جاتك 10/10
:thumb_up1:

 

[imane27]

سلام لبنات طيبتو لعشاء ولا مزال
راني معولة على لوبية فصاص وكاش ما نزيد راني صايمة

 

[ام ايناس]

ربي يتقبل منك ايمان انا قليت الحوت ودرت سلاطة فلفل دوك نحط الصور

 

[ام ايناس]

بصحتكم كااامل العشا انا درت حوت مقلي وسلاطة فلفل

 

[الاختان سوسو ونونا]

مساء الخير يالبنات كامل وشراكم؟
صحا عشاكم وانشاء الله تكونو بخييييييييير
هده الصورة جبتها على جال ابتسام نهديهالك والسبب انه ماهر الزين يشبه لولدك ربي يحفظو عيسى ..فوتوكوبيي كل ماتجيبي تصويرة تاعو نقولو سبحان اللهعندهم نفس الضحكة
واشرايكم صح ولالا؟؟
تحية لكل البنات كل وحدة باسمها

 

[tasnim55]

السلام عليكم
كيراكم لبنات ان شاء الله تكونوا بخير
بصحتكم كامل واش طيبتوا من سوندوتشات لمحاجب لسباقيتي لشخشوخة وووووو بصحتكم و الله يعطيكم الصحة
اليوم درت شخشوخة الضفر للفطور اعطوني رايكم فيها

اممممممممممممممممممممم جات تهبل تهبل الله يبارك بصحتكم ام كوثر:showoff::showoff::showoff:

 

[ام ايناس]

اهلا بيك ام ابتسام وبناس قالمة

 

[tasnim55]

بسومة راني جيت سباقيتي روووووعة تفتح النفس مدريش طماطم حب و البصل و بصحتكم
ايمانو الشطيطحة وعليها الكلام تهيييييييي بصحتكم اختي
ام نيسو عشاء يشهيييي بصحتك البياوالسردين امممممم
ام ندوش فوفة لالجيرواز سمورة ام فاروق وايناس بائعةالكبريت تحياتي لكم وصحة اعشاكم كامل
وانا لعشاء درت روز
​

 

[l'algeroise]

مساء الخييييررر عليكم صح عشاااكم كااامل
أنا عشاياا شوا و فريت و سلاطة

 

[ام ايناس]

بصحتكم الروز تسنيم
لالجيرواز عشا خفيف وبنين يعطيك الصحة

 

[كوثر الوهرانية]

بصحت عشاكم لبنات الله يقوي الخير و يقدجرنا على الوقاف فالكوزينة انا وحدة من الناس كرهت و عيت سيرتوا مع العشاء كون نصيب منطيبش بصح ما باليد حيلة لازم في جال الدراري و باباهم اما انا منتعشاش
اليوم العشية درت البغرير جات اختي تقهوة عندي

و العشاء درت حاجة خفيفة بيري و ايسكالوب نتاع دجاج مشرمل و مقلي

 

[ام ايناس]

اممم كوثر بصحتك البغرير توحشتو
والعشا خفيف وبنين يعطيك الصحة

 

[l'algeroise]

الله يسلمك أم ايناس بصحتك الحوت
كوثر الوهرانية غريف يشهييي بصحتكم لابيري و ليسكالوب ​

 

[كوثر الوهرانية]

الله يسلمكم ايناس و لالجيرواز راكي شهيتيني بالشوا بصحتكم

 

[ibtesem]

اهلا ام ابتسام ولفناك بام عزالدين
الى اسيا 11 الزيت حتى تتخثر تصبح مايوناز
انوسة رانا كيف كيف اليوم بصحتك
شكرا اختان نونو سوسو ربي يحفضكم
لي عودة الى ردود

 

[assia dz]

مساء الخير عليكم يا البنات واش أحوالكم إن شاء الله راكم بخير، بصحتكم العشا، صح فطور الصايمات ، وصح عيد اللي كملو الصيام. أطباقكم تشهي شخشوخة وعليها الكلام أم كوثر وإلا البغرير ما عندي ما نقول، بصحتك شطيطحة جاج إيمان، وصح فطورك، بصحتك لالجيرواز الشوا اممممممم ريحتو وصلتني للدار،هو والسردين تاع أم إيناس، بصحتك الساندويشات ابتسام وصح عيدك انت وفوفة وام كوثر بصحتكم كملتو الصيام، مرحبا بيك ام ندى واش راكي توحشناك إن شاء الله يكون تحل مشكل الميكرو، وياعمري على ندوش خموس عليها ربي يخلينا ضحكتها.
أنا عشايا لوبيا فصاص(gريني) مع الكسرة

 

[momoude]

سلام عليكم لبنات
وصحى عشواتكم كامل
انا عشانا كان نفس عشا كوثر بيري دجاج في الكوشة

حالياً الأعضاء النشيطين الذين يشاهدون هذا الموضوع : 33 (16 عضو و 17 ضيف)
الله يبارك عليكم كامل
‏momoude, ‏amina-amouna, ‏assia dz, ‏وصال تسنيم, ‏ام مراس, ‏ام تقوى, ‏faloussa, ‏ibtesem, ‏حاملـة المسك, ‏l'algeroise, ‏nassima88, ‏oumniati, ‏sara76, ‏كوثر الوهرانية+, ‏عقد اللؤلؤ, ‏قوتة

 

[l'algeroise]

tassnim تفضلي الوصفة تاع المقلوبة
المقادير
4 حبات باذنجان (ممكن أقل ممكن أكثر حسب حجم البلاطو)
2 حبات طماطم
دجاج أو لحم مرحي
بصلة
سنة ثوم
ملح
فلفل أكحل
قرفة
زعفران
كركم
زيت
روز
طريقة التحضير
نحضر أولا المرقة نفرم البصل و الثوم و الدجاج و التوابل كاملة و الزيت و تقليها فوق النار منبعد تمرقي و تخليها طيب
ثم تنقي الباذنجان و تقطعيه شرائح بالطول و ديريلو الملح و تقليه و تخليه جانبا
شمخي الروز و صفيه كي الطيب المرقة نحي الجاج و فتيه و خليه جانبا لوحي الروز يطيب كي يطيب خلي فيه شوية مرقة و جيبي بلاطو يكون ما يلسقش فرشي الباذنجان في سطح البلاطو و في الجوانب أيضا ثم الطماطم مقطعة دوائر ثم الدجاج المفتت ثم الروز و دخليها في الفرن تكمل تنشف المرقة كي تنشف نحيه من الفرن و قلبيها في طبسي
ملاحظة
إذا درتي لحم مرحي ماديريهش في المرقة طيبيه وحدو في مقلة مع شوية زيت باه تقدري ديريه فوق الطماطم
​