في هذي عندكم الحق يا لبنات ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
هذ الموضوع كان يدور في راسي يامات رمضان وقدر ربي اليوم نديرو
وهوا لعجايز والطفلة تسكن عند عجوزتها يعني أم راجلها
كنت بكري نكره انو الطفلة تشرط دارها وحدها وماتسكنش مع عجوزتها وتبالي بلي طفلة طماعة وماشي مليحة ووو
حتى شفت عمتي هذي، والله وحدي وحدي قلت في قلبي اه عندهم حق النسا مايحبوش يسكنو مع عجايزهم ....
ياخاوتي موصيبة صح صح وقبيحة وتحوس تلوح روحها في كلش وتأمر وتدبر حالة
هيا كبيرة شوي عندها 70 سنة تبالي ولا كثر
المهم ماكانش واحد يقعد الا وتجيه نوض ، امشي ، وو
يشعل واحد لاتيلي تجيه طفي لاتيلي طفي الضو
واذا قبلت يمشي تقلك دير الجزاير وتشعل بالحس والتيمتيم
وزيد تاكل رحمة ربي بصح اتمتم راكم ماوكلتونيش وماكليتش مليح ووو
ألي يسمع يقول صح جوعوها هههه
المهم حالة كبيرة وقالك هكذا مدايرة في عروستها، حتى ولات عروستها ماتعطيهاش الماكلة ، كي لاموها قالتلهم ألي يلومني يجيبها تقعد عندو سمانة ويشوف _o:
آى راني مع لبنات إذا مرا كيما هذي يالطيف راهي في دار باباها خير
ماكانش قد الطفلة تسكن وحدها، وحتى لوكان شرطت تسكن وحدها تبالي من حقها وماشي عيب
حتى لمرا تزوج وتكون فوق راسها وحدة موصيبة تعسها في كلش مايش معيشة ...
كنت نشوف فيها عيب بصح بدلت رايي ألي ماراحش يعجب لولاد هههه​

أيا ونتوما يا لبنات تشرطو هذ الشرط ؟؟؟
وإذا ماتحققش تقدري تعيشي مع أم راجلك ؟؟؟
واذا كان قبيحة واش اديري هههههه ؟؟؟​

الملاحظة:
راني كتبت الموضوع على عجل ...
ثانيا:
ماشي النسا ولعجايز كامل كي عمتي، هاهي يما نعم الناس يعني غير أقبلو بيا هههه
ثالثا:
ماكانش قد الواحد يعيش ليبر راسو راس مرتو ...​

 

[hannsg]

و علاش بانتلك الناس كامل كي عمتك؟ كاين و كاين نظن الواحد ما يسوئش النية قبل ما يعرف الناس
كاين لي تلقاها مزال متزوجتش اصلا و متخطبتش مامبا و ديجا حاطة في بالها بلي راح تدخل حرب مش زواج رغم انو ممكن تطيح في عايلة ناس ملاح و كاين لي العيب يجي منها مش من عجوزتها و كل واحد و كيفاش مش ناس كامل كيف كيف و كاين لي تلقاهم متفاهمين بيان
سوء النية مش مليحة يعني الواحد ميحكمش على الناس حتى يعرفهم

 

[ISMA.dz]

وإذا ماتحققش تقدري تعيشي مع أم راجلك ؟؟؟
واذا كان قبيحة واش اديري هههههه ؟؟؟

اللسان لحلو يرضع اللبة


والله كي تسايسها وتعاملها مليح تتبدل المعاملة انا شخصيا منيرvية مليار:cursing: والل خلط فيا ماسكلش:tongue_3: لكن العجوزة نساعفوها ونحطوها في عينينا خاطر هي ام واذا مارضاتش عليا تكون حياتي صعبة:du_nno:

انا والله مانشرط الدار ونبعد وليدها عليها كيما كان الحال صح اي وحدة تتحب تعيش وحدها :sly:بالصح ماراحش يكون شرط:sadwalk:

:schmoll::schmoll:
لكن عمتك حالة خاصة يعني سمعت بالعجايز وشفت الشريرات لكن عمتك داتهالهم في كلش_o:


ربي يجيب ساعة الخير خويا سفيان

سلام:sheer::sheer:​

 

[zahya]

واش سفيان .....الى محكيتش على الزواج تحكي على جوارينو.....ايه قبل لا ننسى بصحتك اللقب ....العضو المتألق ....زينة هدي وحقا انت دايما متألقالمهم نرجع للموضوع .....عندك الحق كاين عجايز يخرجوك من رحمة ربي ....والله غير شفتهم بعينيا واش دايرين في عرايسهم ...... وكاين العكس تلقها عجوزة حلوة كيما السكر .......والحقيقة انا مانشرطش هدا الشرط......رغم انو عزوجتي توفاة ربي يرحمها .....والله كنت نحبها وكنت نتمنى نعيش معاها كانت طيبة وحنينة بزااف ....ربي مكتبش..... المهم مكانش كيما الهناء وراحة البال سواء عايش ليبر مع مرتو ولا عايشين مع والديهم .....المهم الهناء وراحة البال ......يا المتألق دائما

 

[ماكانش]

شكرا لقبول الموضوع

 

[عاصفة الورود]

ياخويا عمتك هذي وحدها ههه
الناس ماشي كيف كيف تلقى لملاح وتلقى القباح
نعرف بزاف عايشين مع عجايزهم نورمال اصلا كي يلقاوك عاقل يعقالو بسيف عليهم
شكرا ليك خويا ويعطيك الصحة

​

 

[ISMA.dz]

شكرا لقبول الموضوع

هههههه روطار​

 

[ماكانش]

و علاش بانتلك الناس كامل كي عمتك؟ كاين و كاين نظن الواحد ما يسوئش النية قبل ما يعرف الناس
كاين لي تلقاها مزال متزوجتش اصلا و متخطبتش مامبا و ديجا حاطة في بالها بلي راح تدخل حرب مش زواج رغم انو ممكن تطيح في عايلة ناس ملاح و كاين لي العيب يجي منها مش من عجوزتها و كل واحد و كيفاش مش ناس كامل كيف كيف و كاين لي تلقاهم متفاهمين بيان
سوء النية مش مليحة يعني الواحد ميحكمش على الناس حتى يعرفهم

بلعقل برك وارخف روحك يهزك الما ...

 

[programmeur]

ماكانش قد الواحد يعيش ليبر راسو راس مرتو ...​

موضوع على الزواج كي العادة هههههههههههههههههه
وكلامك هدا هو الصح

 

[ماكانش]

وإذا ماتحققش تقدري تعيشي مع أم راجلك ؟؟؟​

واذا كان قبيحة واش اديري هههههه ؟؟؟​

اللسان لحلو يرضع اللبة​

والله كي تسايسها وتعاملها مليح تتبدل المعاملة انا شخصيا منيرvية مليار:cursing: والل خلط فيا ماسكلش:tongue_3: لكن العجوزة نساعفوها ونحطوها في عينينا خاطر هي ام واذا مارضاتش عليا تكون حياتي صعبة:du_nno:​

انا والله مانشرط الدار ونبعد وليدها عليها كيما كان الحال صح اي وحدة تتحب تعيش وحدها :sly:بالصح ماراحش يكون شرط:sadwalk:​

:schmoll::schmoll:
لكن عمتك حالة خاصة يعني سمعت بالعجايز وشفت الشريرات لكن عمتك داتهالهم في كلش_o:​

ربي يجيب ساعة الخير خويا سفيان​

سلام:sheer::sheer:​

أهلا ايسما
يعطيك الصحة على الرد الباهي
دزيرية حرة ربي بارك
قالك الدزيريات يعيشو ويحبو الراجل برك ، وكاين ألي يحبو المادة ووو
صح ماكانش ألي مايتمناش يعيش وحدو ولكن مايكونش شرط
بصح تبالي بلي أغلب لعجايز عندهم مشاكل مع عرايسهم و لالا ؟؟؟​

 

[hannsg]

بلعقل برك وارخف روحك يهزك الما ...

رانا بلعقل يا خويا و علاش كشما حسيت من كلامي ولا؟ !:blink:

 

[ماكانش]

واش سفيان .....الى محكيتش على الزواج تحكي على جوارينو.....ايه قبل لا ننسى بصحتك اللقب ....العضو المتألق ....زينة هدي وحقا انت دايما متألقالمهم نرجع للموضوع .....عندك الحق كاين عجايز يخرجوك من رحمة ربي ....والله غير شفتهم بعينيا واش دايرين في عرايسهم ...... وكاين العكس تلقها عجوزة حلوة كيما السكر .......والحقيقة انا مانشرطش هدا الشرط......رغم انو عزوجتي توفاة ربي يرحمها .....والله كنت نحبها وكنت نتمنى نعيش معاها كانت طيبة وحنينة بزااف ....ربي مكتبش..... المهم مكانش كيما الهناء وراحة البال سواء عايش ليبر مع مرتو ولا عايشين مع والديهم .....المهم الهناء وراحة البال ......يا المتألق دائما

أهل بيك زهية
يبارك فيك
ونتي ثاني مبروك عليك الراجل راني نقرا غير عجوزتي عجوزتي ههههههه
مالا عجوزتك كي يما
الوالدة تاعي تبالي تشتي عرايسها كثر من بناتها ...
يعطيك الصحة وربي جيب ألي فيه الخير ...​

 

[ماكانش]

ياخويا عمتك هذي وحدها ههه
الناس ماشي كيف كيف تلقى لملاح وتلقى القباح
نعرف بزاف عايشين مع عجايزهم نورمال اصلا كي يلقاوك عاقل يعقالو بسيف عليهم
شكرا ليك خويا ويعطيك الصحة ​

أهلا بيك عاصفة الورد
ههههه آ كاريثة كبيرة صح هههههه
وحاجة باينة ماشي كامل كيف كيف
كاين ألي لاباس عليهم كي تكون لعروسة تساعف شوي عجوزتها
لأنو من طبيعة ام الراجل انها تبالها بلي مرت ولدها راهي مضيعاتو ووو أمور النسا هذوك
يعطيك الصحة ويرزقك ربي عجوزة سكر ههههه​

 

[ISMA.dz]

أهلا ايسما
يعطيك الصحة على الرد الباهي
دزيرية حرة ربي بارك
قالك الدزيريات يعيشو ويحبو الراجل برك ، وكاين ألي يحبو المادة ووو
صح ماكانش ألي مايتمناش يعيش وحدو ولكن مايكونش شرط
بصح تبالي بلي أغلب لعجايز عندهم مشاكل مع عرايسهم و لالا ؟؟؟​

اساس المشكل هو الغيرة وانا نعذرهم تربي وليدها تكبرو وترجعو حاجة كبيرة من بعد تجي وحدة في غفلة تديه وهي من الغيرة تعمل هاك لكن لو تشوف عروستها توصيه على يماه وتحبها وتتهلى في وليدها وماتخليهش يتغير صدقني راح يكونو سمن على عسل

يعني كلشي بيد العروسة كيما تحب تعيش ماشي تشكي وتقول عجوزتي ظلمتني
:cra_zy:

 

[ماكانش]

موضوع على الزواج كي العادة هههههههههههههههههه
وكلامك هدا هو الصح

أهلا بيك خويا لعزيز
ههههههههه
اي لازم الملح ههه

 

[hind*alg-]

موضوع شباب والاعتراف ديالك شباب كثر:sheer:

ولله كاين عراس مساكن نسمع بيهم عاشين في لميزيرية مع عجوزتهم
وكاين وحدوخرين عيشين سمنة على العسل
انا نشوف بلي لعجوزة لي تكون متفاهمة مع عروستها هي لعجوزة لي تكون رزينة وماشي غيورة ونعم العجوزة
اما لي دايمن في لمشاكل راهي عجوزة غيورة _o:
..............
نتمنا تكون عجوزتي مليحة حتى وادا ماعشتش معاها:shay:
وادا ماكانتش مليحة رجعها مليحة بسيف عليها :shiny:

.................




شكرا اخ على الموضوع ولله هدي راهي مشكة تعيشها جميع المجتمعات
​

 

[النورس]

يا خويا صعيبة في وقتنا بش تخرج وحدك؟
تقدر تشري دار ولا تبنيها و انت مولا 25 ولا 30 ؟؟
تقلي نكري.؟؟؟ الكرا تاني متحسبوش ساهل

انا نسيبورتي لي يخلي مرتو في دارهم العام الاول تهز عوايد دارهم و تتأقم معاهم
ممبعد يشوف كفاش يطلق راسو

و ربي يكون في عون العروسة لي عندها عجوزتها كيما هادي هههههههه
و متنساش حتى الراجل يتعب و يهبلووه كي تكون الحالة كما هك

ان شاء الله متكونش كاش عجوزة مكونكتيا هنا تهز علينا دعوة ههههه
تقلك ان شاء الله تقعد باير طول عمرك يا مكانش ههه
​

 

[ماكانش]

رانا بلعقل يا خويا و علاش كشما حسيت من كلامي ولا؟ !:blink:

الدخلة تاع الهدرة تاعك شوي ماعجبتنيش
داخل ديراكت واش تحسب ؟؟؟

اساس المشكل هو الغيرة وانا نعذرهم تربي وليدها تكبرو وترجعو حاجة كبيرة من بعد تجي وحدة في غفلة تديه وهي من الغيرة تعمل هاك لكن لو تشوف عروستها توصيه على يماه وتحبها وتتهلى في وليدها وماتخليهش يتغير صدقني راح يكونو سمن على عسل

يعني كلشي بيد العروسة كيما تحب تعيش ماشي تشكي وتقول عجوزتي ظلمتني
:cra_zy:

يعطيك الصحة ايسما على الهدرة العسل هذي
والله هكذا انا ثاني نشوف فيها
كلش بيد لعروسة وكيما قلتي لازم تقربو من يماه
وحتى الناس تاعنا ديما يلومو لعروسة يقلك راهي بعدت فلان عن والديه ...​

 

[ماكانش]

موضوع شباب والاعتراف ديالك شباب كثر:sheer:​

ولله كاين عراس مساكن نسمع بيهم عاشين في لميزيرية مع عجوزتهم
وكاين وحدوخرين عيشين سمنة على العسل
انا نشوف بلي لعجوزة لي تكون متفاهمة مع عروستها هي لعجوزة لي تكون رزينة وماشي غيورة ونعم العجوزة
اما لي دايمن في لمشاكل راهي عجوزة غيورة _o:
..............
نتمنا تكون عجوزتي مليحة حتى وادا ماعشتش معاها:shay:
وادا ماكانتش مليحة رجعها مليحة بسيف عليها :shiny:​

.................​

شكرا اخ على الموضوع ولله هدي راهي مشكة تعيشها جميع المجتمعات​

أهلا بيك هند
هههه
كيما قلتي الغيرة وراني حكيت وحكات عليها ايسما ونتي ثاني
الأم مهما يكون راح تغير تولي تشوف بلي لمرا راهي اداتلها ولدها ههههههه
ولازم لعروسة ثاني ماتعاندش وماتبعد ولدها منها
يعطيك الصحة وياسعدو ألي اداك ترضيلو يماه بالسيف هههه​

 

[hannsg]

الدخلة تاع الهدرة تاعك شوي ماعجبتنيش
داخل ديراكت واش تحسب ؟؟؟

يا خويا اذا قلقناك اسمحلنا
و انا مكان قصدي والو انا ناقشت الموضوع و خلاص بعيد على اي حاجة اخرى
سلام:re_gards: