رجال قاعدون ... ونساء واقفات ظاهرة غريبة جدااا

[tarek ess]

وعليكم السلام
اولا بكرلاي كانت المراة شادة دارها كي تخرج الناس كامل تحترمها
ثانيا هدي هي المساواة التي تطالب بها النسوة
المساواة في كلش في الحافلة في كلمكان ماشي غير المناصب
ثالثا المراةحاليا شرطية وجمركية تعمل على الحدود ودركية هاد هادو كامل قدرتلهم والوقوف جاها صعيب
رابعا في الطريق في طريقة الحديث المراة مابقاتش تحشم ليس الكل تلقى حتى اللي تطيح عندها كلش عادي
وهادي جاتك غريبة
يا باركاونا من لهبال النية تقعد في البال
​

 

[tarek ess]

انا نوض لشيخ كبير عجوز كبيييييرة او حتى شاب كي نشوفو تعبان وغلبان
امالبنت شرطية خدامة ديبلاسي لمئات لكيلمترات وحدها هدي حشوة اسمحيلي

 

[kojak]

وقت النسا تواااا
ارجال يريتو
​

 

[إشراقة حب]

صحاااا حبووووبتي ومرحبا بيك ...
صح عدت ونتمنى عودك يكون أحمد..
باسكو بزااااف أعضاء تقلقو عليك
امممم نولو للسوجي الزيييييييييييييييييييييييييييين
شوفي حبيبتي..كان الأولى ليك تقولي رجال ميتون..ماشي قاعدون
دركا يالغاالية قلييييل لالااا سي غاغ اللي تلقايه يحشم من أنثى
توقف قدامو بالعكس يبقى يبلg في عينيه ويتمنى لوكان ماتخطيهش
خلاااااااااص..مي الحمد لله الكارتيي اللي نسكن فيها مازال فيها شوية قدر
والله صح ديفوا تعياااااي باش يقيمك واحد ويخليك تقعدي مي ماكاش\
هذيك الشرانية اللي نلقاوها فالمدن الكبرى كيما يسموها..
يعني كي الدوري شوية فالضواحي تلقاي بلي مازالت شوية حرمة وشوية قدر
ديجا شحال من مرة يطلعو بنات أصلا ماشي كبارات تلقاي ديجان هكا
والله يوقفو وكل واحد يآثر بلاصتو..وكل نهار وبركتو..
يعني في نظري*المتواضع جدااااا*هذ الظاهرة محصورة على سكان المدن الكبيرة
ثما وين راح الحيا والقدر..
هييييه طولت هنا نحبطو للادوزيام plat
انعم راني معاك مليون بالمية
ليجان تع وقتنا ولاو يكلبو كي يشوفو وحدة حتى ولو كانت أنذل مخلوقة
بصح المهم يشلو عينيهم والله عيب وعاااار...صراتلنا فقداش من بلااااصة
بصح شكون اللي تتجرأ وتهدر!!!
مستحيل نعيشو مع عيباد كيما هذو لازم تغيير جذري..بصح منين تبداي؟؟
يالالّا..الذكر في مجتمعنا-أغلب الذكور-صارت الديوثة عندهم تتباع بالgرام
وماكاش اللي يحشم على روحو ويفاقد بنتو ولامرتو ولاختو كيفاش تخرج من
باب الدار..بابا خصتني لبسة هاكي..ياراجل حوايجي قع طابو لازم نبدلهم..\شدي..اخطيني برك..ياخويا لعزيز تعيييش نهااار كامل ونا فالكوينة فششني
شوية أوهوووووووه هاكي واخطيني..امبعد نخرجو للطريق نلقاو معارض حية
متحركة..وفالأخير نقولو للشباب وعلاش راحو أخلاقكم ياو المشكلة والبلا بدا
مالدار..إيييييييييييييييييييه واش يحكي الواحد واش يخلي..
مالقيت مانقول ..غير ماراهي دايرة ختي هند فتوقيعها..
*بتصرف*نتعجب مالطفلة اللي تفتخر بكثرة الرجال اللي دايرين بيها
يخي السلعة الرخيصة تجبد بزااااااااف كليون...والحديث قياس...
ربي يهنيك حنوووووني تعيشيلنا..ومرحبا بيك للمرة الألف..منورة والله..
​

يسلمك حنونة تعيشي بك وهلا
تعرفي مالقيت مانزيد على واش قلتي كفيتي ووفيتي
فعلا والله العظيم عندك الحق قلة الحياء وغياب الحشمة راهي اكثر فالمدن الكبرى كيما العاصمة لاخاطر حاسبين رواحهم من كوكب اخر لوكان يشوفوا واحد يحشم ويقادر البنت ليجان يضحكوا عليه ويقولوا ضعيف .
ولا كاش واحد يحشم كي توقفي قدامه خلاااص الحشمة والله لوكان تحطي رأسك فالأرض وتمشي يجي يجي اللي يبالاك ويقول كلام وسخ .
صح مشيييت وشفت في المدن الصغرى والله مازال كاين حاجة اسمها الحياء والحشمة والرجولة وفي العاصمة كاين العكس تماما
والله قلبي عاد يوجعني بزااف من هكذا أمور ... حتى كرهت الدراسة من أساسها
الحمد لله هذا العام اللخر ...
بالنسبة لتعليقك الثاني ايضا لقد كفيتي ووفيتي ماخليتيلي مانزيد ربي يبارك فيك حنونة ... غياب الرقابة في البيت هو سبب انتشار الفساد الأخلاقي واللباس الفاضح للمرأة ... اي رجل يقبل المراة نتاعو تحرقس كي العروس وتلبس لباس ضيق جدااا وهي سمينة الا الديوث طبعا الذي لا يغار على زوجته واهله
في وقتنا هذا لا العائلة ولا المدرسة يربوا وانما رانا نشوفوا المسلسلا والقنوات الهابطة هي اللي راهي تربي فالأجيال نتاع هذا الوقت
لك 10/10 في تعليقك اختي ذروة الجراح
بارك الله فيك اعجبني ماقلتي .... دمتي بود :re_gards:
​

 

[إشراقة حب]

خيتو واش الفرق بين الراجل والمرا في هذا الوقت
سلام
​

اممممم سؤال صعب جدااا ممكن تفيدنا اختي
فأنا لا أعرف الجواب ...ممكن تفيدينا انت
سلام دمتي بود اختي
​

 

[إشراقة حب]

..
هنــا انتــ وصلتـــي للمسقي
وي كاين فرقــ ... مي الله غالب ا
المرأ حبتــ تولي راجلـــ
هادي هي
الراجلـــ ... راجلــ
مي المر ا حابــةـ تولي راجلــ بداعي التحرر و الطغيــان على القطاعــ العملي
....
هادي هي .. المرأة هي السبب السبب لسبب في كل شيء
​

والرجل ايضا هو السبب السبب السبب في كل شيء
تحبوا تحقروا المرأة وتعفسوا عليها غاضتكم كي حبت تتعلم
وتكون عندها شهادة ... يعني حابين تغرسوها فالدار تولي محترمة
اذا خرجت باه تتعلم ماتستحقش الحشمة
اخي اللي يقادر يقادر واللي يحشم يحشم ماشي لازم يكونوا شروط

شكرا لك اخي الكريم
​

 

[إشراقة حب]

لالاااااا يا غزاااال ماشي هكا الهدرة!!!
كيفاش المرأة هي السبب..يخي لولا هذالمرأة..لما كنت هنا..
اصبر ياخويا..روح اضرب دورة يصفا بالك وعاود ارجع...
وعلاش ماشي الراجل حب يتفرعن كتر وكتر؟؟
هااااه فهمنا ياسيدي....:santa_1:
​

هاكي تشوفي حنونة حابين يحقروا ولا مكاش
:re_gards:
​

 

[إشراقة حب]

ايه الحشمة و القدر كانت بكري و راحت مع مواليها...
و درك الله غالب تهدري ماكان الي يسمع ...الله يهدينا و يحسن حالنا
مشكورة على طرح هاد الموضوع​

أمين يارب العالمين
شكرا لمرورك اختي بالموضوع
بارك الله فيك وجزاك الله عني كل خير
​

 

[إشراقة حب]

ربي يهدي ماخلق
والله العظيم تكرهي حياتك كي تتفكري هذو الظواهر بفففففف
والدوزيام ماعندي مانعلق عليها راكي قلتيها سلبته لبه هعهع
ربي يهدي امثال الرجال هاذوك
شكرا اختي وربي يوفقك وينجحك ​

امين يارب
شكرا لمرورك اختي وبارك الله فيك
وشكرا لدعائك
لك بالمثل
​

 

[إشراقة حب]

ـــــالسلام عليكمـــ
ممممــــ فعلا ظاهرة منتشرة :cra_zy:وبكرثة
يا ترى واش راح يكون فالـ2012
الله يهدي ما خلق ..:scared:
المهم فريتي الشغل مع موبيليس

ههههـــ



...دمتـِ فيـِ رعاية الله
​

وعلييكم السلام ورحمة الله تعالى وبركاته
ههه الله غالب الخوف من 2010 واش رايح يكون
اييه فريتو ولوكان مارفيتوش مانيش معاكم هنا
دمتي في رعاية الله وحفظه اخي الكريم
شكرا لمرورك ومشاركتك
​

 

[إشراقة حب]

الحمد لله أنه ليس كل الشباب هكذا، وأنا شخصيا عندما أركب الحافلة أو غيرها، أفضل الوقوف في الخلف، لأنني أشعر إذا وقفت أمام الجالسين، أنني أشحذ رحمتهم، أو شفقتهم

وكيما يقولو: الفاهم فاهم

وبصراحة، اللي يخليلي بلاصتو نبقى ندعيلو في دعاوي الخير حتى نهبط

إذا كاين واحد من الأعضاء في يوم خلا بلاصتو لكاش وحدة، وفتح عليه ربي، يعرف بللي أنا هي :shiny: :shiny: :shiny:​

هههه دعاوي الخير هذوك هم الصح
شكرا لمرورك اختي وبارك الله فيك
دمتي بود
​

 

[إشراقة حب]

صح عندك الحق اختي والله هاذي الظاهرة منتشرة ياسر هنا عندنا في الجزائر

واش راح اديري كون جات غير على هك ياو كاين امور اهم من هاذ الشيئ وشايفينو وساكتين نسبو زعمة في الدولة نتاعنا والسياسة نتاعنا ونطالبو بتغيير الحكم
ياو غيرو في ارواحكم ومبعد غيرو ناس اخرين

ياخي كون يعودو شباب الجزائر كامل هاكذا يتنحى واحد من الحكم يجي واحد كيفو

تبقى نفس القضية تدور للاسف هادي حياتنا ولازم نرضاو غصبا عنا.
​

بارك الله فيك اختي ...الاصلاح يبدأ من النفس
لازم نصلحوا أنفسنا من بعد نطالب بإصلاح سياسي ولا غيره
اكيد اختي اصلا قوليلي شكون اللي راهم حاكمين المناصب الفوق
ياك هما شعب كما حنا ...مالا اذا كنا حابين التغير الصحيح
نغيروا أنفسنا للخير ومن بعد كي يوصل واحد ملييح للفوق
نرتاحوا ونكونوا مهنيين
الله يهدينا هذا مانقولوا ...بارك الله فيك وجزاك الله خيرا
​

 

[soussou.31]

كاين منها بصح منعرف هادو كيخمو

 

[إشراقة حب]

انا والله غير ديما ننوض للبنات كي نكون في الحافلة مانحملش نشوف طفلة واقفة محشورة وسط رجال و انا قاعد في الكرسي
لكن نقولك علاش كاين لي ولاو مايهمهمش انه ينوض للمرأة لانه يفكر تفكير انو النسا تاع ضرك ماش نسا تاع صح كي نتاع بكري وين كانت المرا زينها حيائها و يقول المرا حبت تزاحم الراجل برا مالا يقولك خليها توقف كي هي كي الرجال!!
ربي يهديهم هادا واش نقولوا!! لكن يا اختي مازال كاين شباب ينوضوا و يخلوا اماكنهم للكبار و للنساء يعني ماش ناس كامل كيف كيف

و كيما قلتلك أنا ما نحملش اني نقعد في كرسي و مرا واقفة تتحشر وسط رجال مالا نحكيلك قصة صراتلي انا
مرة كنت مع زميل ليا في الجامعة و ركبنا الحافلة و قعدنا و من بعد دخلو زوج بنات قلتله هيا نوضو نخليوهم يقعدو قالي انا ننوض لوحدة كي هادي؟ قالي شوف شوف كيفاش راهم لابسين!! ايا ماكثرتش معاه الهدرة و حكمت نضت و خليت وحدة منهم تقعد قلت دك يحشم ينوض مي هو بقى قاعد ماتحركش :blink:!هههه

بارك الله فيك خويا يعطيك الصحة هكذا الرجال ولا خلي
راك تشوف خويا ..يعني المرأة كي حبت تتعلم وتخرج من دائرة الجهل
ولاو يشوفوها ماتحشم لأنه ماقعدتش فالدار وماتستحقش الاحترام او المقادرة
لأنها اردت التعلم...حقارين من يفكرون بهذه الطريقة
وغيورين هكذا مكان...لأنه الوحدة اللي تحشم تبقى تحشم وان ارسلتها لأخر نقطة في العالم .
ماشي يعني كي خرجت خلااص ماتستاهلش
ربي يهديهم وانت نقولك ربي يجازيك خويا واااصل هكذا
وربي يعطيك ماتتمنى
دمت بود
​

 

[إشراقة حب]

وعليكم السلام ورحمة الله وبركاته ومغفرته

عادي سمية علاه راكي منفعلة

وكيف لا أنفجر في مثل هذه المواقف
​

يعني مرة كنت مع أمي والمطر راه ينزل بقوة وكي اشرت للطاكسي ماوش وقفلي وقف بعد أمتار لبنت كاسية عارية

وأمي كانت ماوش قادرة توقف

ماوش مشكل بويسك هذي موضة وتطور وحضارة

بالنسبة لموضوع الرجال قاعدة والنساء واقفة هاذ هو الصح

والسبب : باش الرجل عندو عمل ولازم يكون مرتاح كي يقدرو يقومو بعملو على أكمل وجه خخخخخخخخ

أوسسي الرجل يحب يتواضع ويحب يكون مستوى راسو أخفض من راس المرأة وهكا يضمن هالشي خخخخخ

أضيفي أنو النساء عنا مرتاحات

غسالة أتوماتيك

جلّاية أوتوماتيك

ميكروييف للطبخ

ويمكن يكون عندها خادمة سيرلانكية وبهكا الرجل كي يدرس كل هالأمور يلاقي إنو لازماه يقعد وهي اللي توقف

أختيتو رانا صرنا مافي غيرة ولا احترام ولاتقدير

وهذول الشباب مافيهم شيء اسمو نخوة وكي تحللي دمهم يطلع o نجس +

والله كل اللي يصرا فينا منا

ما بقينا نحترم الشيوخ ولا النساء وبقا كل شاب مداير على وحدة حلوة باش يعملي صاحب شهامة

او يعمل طناش وصدقيني هذوما مافيهومش ذرة شرف

لا وننادي بالاصلاح :cra_zy:ياعمي أصلح نفسك بالأول

هدرة عاملة أكسيدان ببعضها مي المسؤول الوحيد أسرة ياسمين عنابة

_o:_o: شكوووون هنا _o:_o: شكووون شاركنا _o:
الله يبارك خويا محمد راه معانا هنا ...نورت الموضوع خويا محمد ونورت قسم واش راك تهدر بأكمله .
واش تعلمت الدارجة راني نشوف وليت تفهمها مليييح وراك تهدر ملييييح
نجوزوا لتعليقك خويا محمد .
والله مايحشم صاحب الطاكسي ومافي قلبه رحمة ..والله كاين بزاااف كما هذا الرجل هم من يشجعون النساء قليلات الحياء على التمادي أكثر وأكثر بالكرض وراءهن ..افففف من هكذا رجولة .

نفوتوا لتعليقك الثاني :
اولالالا اولالالا اوللالالا على كلمتي اوسييي و بويسك :shiny: خخخخ جبتها هايلة
هههه ياعيني احنا رانا مرتاحين عالأخر غير هم اللي يعايوا ويخدموا ويجروا
والله حسب واش راني نشوف المرأة تخدم بارا وزيد فالدار وماتقولش اييي ياراسي .مناضلة :shiny: واش بيك انت
اكيد وانت تعتبر جااان صغير قاعد وامرأة او شيخ او عجوز واقف عنده رأسه راجل ... وانما يشبه فقط الرجال لكن الداخل كيما قلت لا يملك نخوة ولا ذرة رجولة .
واش يجيك من زمان ولاو الرجال يلبسوا فيه منقوشة وسلسلة وخاتم ولهم أظافر طويلة ويصبغون شعرهم ... واش يجيك منهم قولي
الله يهدينا ويهدي بنا .
خخخخخ بالنسبة لهدرتك الأكسيدوا لم تكن خطيرة تعرضت بعض كلماتك لبعض الرضوض الخفيفة .
لكن ادهشتني والله قول الصح شكون ساعدك ...هييي اكيييد
خخخ والله فرحت بزاااف لما شفت شاركت هنا خاصة اني شفتك مرة قلت انك ماتفهمش بعض دارجتنا لكن ماشاء الله تتعلم بسرعة
المعلمة هذي شاطرة

شكرا لمرورك اخي محمد تشرفت بهذا المرور وبارك الله فيك
​

 

[اسماء16]

ولله فكرتيني في موقف كنت في حافلة وكانو معنا شباب وشيوخة
وصلت الحافلة لوحد البلاصة طلعو نساء كاين الي نادو وقعدو في بلايصهم الا وحد المراة محبوش يندولها وكان وحد جان قاعد ندلها وحد شيخ قتلو المرا ولله متنود يا الحاج انا الي لازم نودلك ماشي انت لخاطر راك كبير وطيح
قاتلو الي لازم ينود الي مزالو صغير قاعد يسمع ويشوف ودير روحو مرهوش هنا وراهي تشوف في هداك جان
هداك شاب دار تيلفون في ودنو حشاكم وقعد يسمع في الغناء وخلاه تهدر
ضاهرة تبكي للاسف شكرا حنونة على تطرق الى هدا الموضوع
تقبلي مرور اسماء
​

 

[ĂÝǾΰb]

السلام عليكم ورحمة الله وبركاته

كاين بزاف لي راهم يقولو درك مكانش رجال وعلاه درك كاين نساء ؟

انت تقولي وقت جدك كان الرجال يخلو النساء يقعدو فالبيس وقت جدك كانو النساء يلبسو كيما درك ؟

كان نرجعو للشريعة الاسلامية واحد ما يمدلك الحق تخرجي وحدك لازم حريم شرعي و لباس شرعي بصح انت راكي تركبي فلبيس وحدك وتروحي للموبيلس وحدك وكل ما يلزم الله يبارك

مدام بعدنا على الاسلام خلينا نعشو الوقت كيما راهي

المرأة عطاها الاسلام كامل الحقوق ساوى بينها وبين الرجل المرأة في اوروبا يعاملوها كيف الحيوان ودارو مؤتمر باه يفصلو فيه اسكو المرأة حيوان ولا انسان و المرأة في اوروبا مجرد وسيلة لاشباع الشهوات والغريزة لا غير بصح هنا راكم بقدركم يعني لي راهي تعصي معندها حتى حجة لانو فلقانون والشرع تاعنا الرجال قوامون على النساء ميش كيما فالغرب تقاسم المسؤولية ....... واش نقول واش نخلي


هل لنا كنيسة تطاردنا في يقظتنا ومنامنا بالضرائب والخضوع المذل لرجال الدين ، وتعتبر المرأة إنسانا نجسا؟؟!!
هل تعاليم الدين العظيم فيها شيء من ظلم المرأة؟؟
هل أعطيت المرأة في بلادنا أجورا اقل من الرجل ؟؟!!

هل تركت المرأة وحيدة بدون من يساعدها على أعباء الحياة ،؟؟!!!

هل منع الرجال من الزواج بأكثر واحدة ، فلم يجد النساء الطريق الصحيح لقضاء حاجتهن الجنسية؟؟!!

هل هناك تلازم بين التقدم العلمي والانحلال من الأخلاق الإسلامية؟؟

هل يحق لبنت الإسلام ان تقلد النساء الكافرات في كل شيء ؟
​

هذي حقوق عطهالك الاسلام و كاين حقوق عطتهالكم الدولة بصح الموضوع لي راكي تحكي فيه شكون لي يمدلك الحق تحكي فيه ؟
بما يخص الشهامة والرجولة و الفحولة الراجل لي يبينها في خوه ميش المرأة دليل بسيط الأغلبية الساحقة تاع البنات تحب واحد وتشوفو بوجه من بعد يضهر بوجه واحد آخر يعني صعيبة عليك باه تقدري تعرفي الراجل

ومع كل هذا منيش مع الفكرة تاع كي ينوض واحد يخلي طفلة ولا شيخ ولا عجوز ولا حتى واحد شاب كان خدام تعبان يريح
بلاك ناس بزاف تفهم من كلامي بلي راني معقد بصح هذا هو الواقع أنا منحبش نهرب من الواقع باه نرضي اي واحد ولا وحدة


واسمحيلي اذا طولت عليك تقبلي مروري



​

 

[INATA LOTUS]

ih rana ghir nziiidou netseguement m3ak hak okhti
hada massirna f 2011

 

[MĺŹǾ žĕĥÔŖ]

حنـونة كـاينـة منهــــــــــا

الله غـالب واحد مايفهـم ...عــــــــــــــــــــــيب والله غير عـــــــــــــــــــــيب

الله يهديهــــــــــــــــــــم هدا مانقولو​

 

[روح الوفاء]

وعليكم السلام ورحمة الله وبركاته
الله يبارك عليك يا سمسوووووووومتي
يا حبوووبتي...تغيبي...وكي تولي تجيب مواضيع في القمة
لي عودة بااذن الله
[راهي جاتني الدوخا تاع الدوا...ادعيلي]
دمتي بود
​