ماذا ستطبخين اليوم سيدتي..انستي..../الجزء الثاني/

[oumsif]

صباح الخير ام منصف ربي ينجحك في الماجستر و يعيشللك ندى الله يبارك خمسة وخموس اعليها

 

[ام سيف]

صباح الخير عليكم حبيباتي
واش راكم بصحتكم كامل واش طيبتو
بايتا قاعدة مع بنتي الحمى مي الحمد لله راهي بدات تريح مازالها مع الدواء
عفاف الرشتة جاتك روعة يعطيك الصحة
ابتسام المقرونة اتشهي
ندى نتمني ان الاخوات يفيدونا بالوصفة بالمراحل باه نستفادو
راجية العفو صح عيدك
حاملة المسك يعطيك الصحة و الله يعينك وموفقة ان شاء الله
وسلامي لكم جميعا بنت الجسور المعلقة ،كوثر الوهرانية ،ايمان27،تنسيم55،ام ايناس ،أم سيف و اللي نسيتهم يسمحولي

ربي يكون في العون اختي و يشفيلك بنتك
الحمد لله سيف صبح لباس :sheer:

 

[ام ايناس]

صباح الانوار عليكم البارح هبلتني النت كانت قليلة عندي
ام منصف ربي ينجحك ويحفظلك ندى ماشاء الله تهبل

 

[ام سيف]

صباح الخير ام سيف واش راكي اختي ريحتي انت شوية
وليدك كي راه لاباس خير من البارح
ربي اشافكم راه الجو بدا يتبدل انا تاني وليدي بايت في حالة من سخانة مبعتوش يقرى

صباح الخيرابتسام ولله الحمد لله صبح يلعب
بالشفاء على وليدك وقيل صبناه بالعين 5وخموس عليه_o:

 

[tasnim55]

صباح الخير يا اغلى احبابي
ام منصف ربي يوفقك اختي في الدراسة وندى مشاااااااااااااء الله وخموس اعليها ربي ينجحها ويحفضها
ام سيف ايمانو وشراهم اولادكم
بسومة اختي وشبيه عيسى ربي يشفيه ويحميه
والبانيني جاك امممممم هايل بصحتكم وسلامي للبنات حبيباتي
​

 

[رآج ـية العفو]

السلـآم عليكم ورحمة الله
يسعد صبـآحكم يالغآليآت كي صبحتو
بصحتكم وآش طيبتو البـآرح الله يبآرك عليكم
أنآ اليوم صبحت شوية مريضة
أم نيفين مرحبـآ بيك معآنآ منورة ختي
اللي ولآدهم مرضى ربي يشآفيهم ان شـآء الله
فوفتنآ الغآلية مآ بآنتش البـآرح وحتى اليوم وينهآ ؟؟​

اختي رغودة اكيد رح نكون معاكم ونعاونكم لكن هاذو الايامات يعني ما نقدرش نتواجد يوميا باسكو راني مدايرة قارد مالاد لاختي في المستشفى يعني ما نقدرش نكون موجودة كل يوم

اطلبي ربي ترتاح هاذ الاسبوع وتخرج تتهنى واكيد رح نعاونكم
حاكمينها في السبيطار باسكو لاطونسيون نتاعها ما حبتش تطلع وتتريقل وكي راها بالحمل ما قدروش يدوزيولها الدواء
على هذا ما لقاو ما يعملو راهم حاطينها تحت المراقبة
​

حبيبتي عفوفة ربي يشآفيهآ ان شآء الله ويقومهآ بالسلآمة

راجية وحاملة المسك صح عيدكم، ربي يتقبل صيامكم.أم سيف اهلا بيك راك في دارك.

أمين يآآرب مرسي حبيبتي
​

مساكم خير لبنات الكل

كنت نحوسلكم على القريوش لي حطاتو الاخت ام ندوش و لقيت الوصفة في احدى المنتديات و صراحة انا ما عملتوش و الصور منقولة من هناك ان شاء الله تستفيدو و لي فهمت تفهم اختها:shiny:


المقادير كالتالي:1 كغ فارينة 250غ مارغرين ملح 3صفار البيض ملعقة ماء الزهر ملعقة خل قليل من الماء الطريقة : اخدمي المارغرين جيدا بيدك حتى تصبح ك المرهم ثم اضيفي 3صفار البيض + ماء الزهر + الخل +ثم ضعي الملح و شيحي بالفارينةولمي العجنة مع اضافة الماء و لمي العجينة وتكون عادية وضعيها في كيس ترتاح قليلا وبعدمدة اقسمي العجينة الى كرات الطريقة تشبه الشخشوخة اطرحي العجينة بالقنوط حت تنهي الكمية ومبعد طيبيها في مقلاة تيفال تشيحيها فقط وضعي بين كل وحدة قطعة قماش حتى تنهي الكمية ومبعدخدي واحدة وروليها ولصقي الحافة ببياض البيض ومبعد جيبي موس وقصي القصة مائلةمثل المقروضات ويكون العرض تاع الاصبع فقط تحكمي الحبة تجبدي ريشة من جهة تخرج ريشة من الجهة الاخرى وزيدي مع الريشة الثانية والثالثة والرابعة تصبح عندك فراشة هي صح متعبة لكن مداقها و شكلها ينسيانك التعب بطبيعة الحال عندما تنهي كل الكمية اقليهم عسليهم

​

الله يحفظك ختي تسنيم يع ـطيك الصحة
مشكورة لأنك جبتيلنآ الصور هذآ وين فهمت
الطريقة حتى شفت الصور

salem alikoum ya banet
rani jit bel mouhawala ta3i
bessah ngoulkoum hadi takhdemha wahda balha twiiiiiiiiiiiiiiiiiiiiiiil mais elli ki halti ghir ma kalleh
sawart les etapes kima dertha ana ma tayabthech fi tajine, necheft la3jina b maizina w baki les etapes baynine
bessah ma kdartch nkemel heureusement ma kethrtch 3jina
elli bkatli kameltha normal

1 halit la3jina
2 kata3t ziada
3 dert maizina w roulit
4 lessakt b blanc d'oeuf
5 lazem tkat3i mayel bezzaf
6 tejabdi richa bricha

tebssi lekher bsahatkoum khiwa

الله يبآرك عليك جبتيهآ يع ـطيك الصحة
​

مساء الخير عليكم

صح عشاكم كامل
أنا اليوم فالغدا درت لغريف الوصفة تاع tassnim جا هايل
يعطيك الصحة على الوصفة
وبصتك الروز يبان يشهي

​

هذآ مآ نبغي ممممممممم
بصحتكم ختي لآلجيروآز ويآريت الوصفة
​

اختي كوثر وراجية العفو صيامكم في الجنة وصح فطوركم
​

اللهم أمييييييييييين ربي يخليك حبيبتي أنآ البآرح عيدت :sheer:
​

صباح الخير على الجميع

توحشتكم كامل
هذه الايامات راني لاتية مع القراية شاركت في الماجيستير
ادعولي ربي ينجحني

وهذه صورة ندى اول ايام الدخول المدرسي

​

سلـآم ختي الغآلية ام منصف توحشنآآآك
ربي يوفقك حبيبة والله يحفظلك أمورتك وينجحهآ يآآرب
​

صباح الخير يا اغلى احبابي​

ام منصف ربي يوفقك اختي في الدراسة وندى مشاااااااااااااء الله وخموس اعليها ربي ينجحها ويحفضها
​

​

يسعد صبآحك يالغآلية وآش رآكي حبيبة
​

 

[رآج ـية العفو]

رغوووودة رآكي معطلة خآصية الرسآيل ؟؟؟​

 

[ام سيف]

salem alikoum ya banet
rani jit bel mouhawala ta3i
bessah ngoulkoum hadi takhdemha wahda balha twiiiiiiiiiiiiiiiiiiiiiiil mais elli ki halti ghir ma kalleh
sawart les etapes kima dertha ana ma tayabthech fi tajine, necheft la3jina b maizina w baki les etapes baynine
bessah ma kdartch nkemel heureusement ma kethrtch 3jina
elli bkatli kameltha normal

1 halit la3jina
2 kata3t ziada
3 dert maizina w roulit
4 lessakt b blanc d'oeuf
5 lazem tkat3i mayel bezzaf
6 tejabdi richa bricha

tebssi lekher bsahatkoum khiwa

هدا وين فهمتها الله يعطيك واش تتمناي امنياتي

 

[tasnim55]

اختي ام كوثر الغرايف كالتالي:
كيلة سميد يكون ارطب اقل من كيلة فرينة بيضة كاملة ملعقة كبيرة خميرة الخبز دريها في ماء دافئ مع شوية سكر, ملح خميرة الحلوى والماء عينك ميزانك تقريبا 3 كيلات الى 4كيلات ماء وخبطي جيدا بالمكسور حتى تشوفي الرغوة وخليها ترتاح حتى تتضاعف كي تجربي طيبي وحدة ومكانش الثقب بزاف دري 2 خميرة الحلوى وخبطي مرة اخرى بالميكسور وخليها 5 دقائق وطيبي رايحة تشوفي نتيجة ​

 

[tasnim55]

راجية العفو ربي يشفيك اختي وصفة لغرايف راني كتبتها لاختي ام كوثر
ام نيسو وشراكي لغداء ليوم روبو عندي صديقة عزيزة اهنا ريحة تبعثلي المحكوك يعني لمرخوس للغداء
​

 

[رآج ـية العفو]

يع ـطيك الصحة حبيبتي تسنيمو
ميكسور تآع اليد أو تآع العصير أو لآخر؟ ​

 

[ام ايناس]

صباح الانوار لي لتاحقو بينا
حاملة المسك افتحي الموضوع راني كملت

 

[ام سيف]

السلام عليكم
انا فطوري تاع البارح كان طاجين الجلبانة
فريكاسي
مطلوع وسلاطة حشيش وعصير كوكتال
زلابيةوبنان

 

[tasnim55]

راجية العفو اختي انا اندير كولش في قدرة ونخلط بالميكسور تاع اليد والا كمية صغيرة ديري في خلاط العصير
​

 

[tasnim55]

السلام عليكم
انا فطوري تاع البارح كان طاجين الجلبانة
فريكاسي
مطلوع وسلاطة حشيش وعصير كوكتال
زلابيةوبنان

صح فطورك اختي بالهناء والصحة

 

[حاملـة المسك]

رغوووودة رآكي معطلة خآصية الرسآيل ؟؟؟​

السلام عليكم

راجية خاصية الرسائل مفتوحة من الامس لعيونكم
بالشفا عليك

أم إيناس البارح طلبت من بسومة تحلو و قعدت نسنى :sadwalk:
و الساعة الرملية علاش حطيتها
مي يعطيك الصحة راك أنفون انفون :showoff:

أم منصف ما شاء الله على بنتك ربي يحفظها و ينجحها​

 

[ام ايناس]

ههههههه حاملة المسك البارح النت هبلتني تخرج حاجة وحاجة لا قلت درك الانترنت راهي مليحة ليه ليه

 

[رآج ـية العفو]

راجية العفو ربي يشفيك اختي وصفة لغرايف راني كتبتها لاختي ام كوثر​

ام نيسو وشراكي لغداء ليوم روبو عندي صديقة عزيزة اهنا ريحة تبعثلي المحكوك يعني لمرخوس للغداء​

أمييييييييين يـآآآرب​

راجية العفو اختي انا اندير كولش في قدرة ونخلط بالميكسور تاع اليد والا كمية صغيرة ديري في خلاط العصير​

آه نفس طريقتي حتى أنآ ندير هآك برك قلت نسقسي
يلآ طريقتك كيفي أو بخلآط العصير مرسي حبيبة ​

السلام عليكم​

راجية خاصية الرسائل مفتوحة من الامس لعيونكم
بالشفا عليك​

أم إيناس البارح طلبت من بسومة تحلو و قعدت نسنى :sadwalk:
و الساعة الرملية علاش حطيتها
مي يعطيك الصحة راك أنفون انفون :showoff:​

أم منصف ما شاء الله على بنتك ربي يحفظها و ينجحها​

وعليكم السلـآم ورحمة الله​

مرحبـآ حبيبة كنت رح نرسلك مي لقيت الخآصية
مغلقة المهم العشية رآني نقوم بالمهمة تآعي النت عندي عيآن​

سمحولي أنآ نخرج والله مآني قآدرة حآسة لآقريب
رح تحكمني والله يستر من مرضي أنآ
نشوفكم على خير ​

 

[ندى الأيام]

و علاش ما جاوبتونيش على طريقة عمل الكوكا

 

[ام ايناس]

و علاش ما جاوبتونيش على طريقة عمل الكوكا

راهي حطت الطريقة ام ندى وزادت حطتها ايمان دوك كي يجو يجاوبوك عليها