ماذا ستطبخين اليوم سيدتي..انستي..../الجزء الثاني/

[كوثر الوهرانية]

لبنات الاخت فوفة عندها يومين مابانتش ان شاء الله خير مراه معطلها علينا

 

[imane27]

مساء الخير عليكم واش راكم
ام منصف ولجرواز الله يوفقكم ومبرو دخول ندي للمدرسة
كوثر واسيا بصحتكم شفلور
دهبيتو واش راكي هادي غيبة
ام سيف بصحتك سباقتي
لبارح عشايا كان
جوازة بسباس زعلوك بتنجال تاع ابتسام وسلاطة

صح فطوركم كامل​

 

[ام ايناس]

امممم ايمان شهيتيني في جواز تاع البسباس عندي مدة مادرتوش بصحتكم
صح اختي كوثر انشا الله ما يكون غير الخير وسلاااامي للجميع نروح نرقد شوية ونرجعلكم رغودة كملت

 

[faloussa]

سلام لبنات واش احوالكم
ايمان طبق البسباس رائع بصحتك اختى

 

[imane27]

الله يسلمكم فلوسة وايناسو
غير الخير علي فوفة انشاء الله

 

[ام منصف]

اختي رغودة اكيد رح نكون معاكم ونعاونكم لكن هاذو الايامات يعني ما نقدرش نتواجد يوميا باسكو راني مدايرة قارد مالاد لاختي في المستشفى يعني ما نقدرش نكون موجودة كل يوم
اطلبي ربي ترتاح هاذ الاسبوع وتخرج تتهنى واكيد رح نعاونكم
حاكمينها في السبيطار باسكو لاطونسيون نتاعها ما حبتش تطلع وتتريقل وكي راها بالحمل ما قدروش يدوزيولها الدواء
على هذا ما لقاو ما يعملو راهم حاطينها تحت المراقبة
​

ربي يشفيها
طهور ان شاء الله
وربي يسلك وحلها

​

هذا هو الشكل .. اللي تعرف تفيدنا

زوووووم

حتى انا كليتو في نفاس بنت خالة زوجي
كومونداتو من محل بيع الحلويات
الناس تاكل
وانا نحلل في الحبة كيفاش مخدومة :shay:

يعطيهم الصحة لبنات اللي عطاونا الطريقة:showoff:
​

 

[حاملـة المسك]

ام منصف ربي يوفقك في الماجستار
لتيت بالدراري و نسيتك

ام إيناس :thumb_up2:
في انتظار راجية :crying_1:
بعدها نزيدو نتفقو على ما تبقى​

 

[أم نيفين]

صباح الخير على الجميع

توحشتكم كامل
هذه الايامات راني لاتية مع القراية شاركت في الماجيستير
ادعولي ربي ينجحني​

وهذه صورة ندى اول ايام الدخول المدرسي​

​

واشراكي حبيبتي إن شاء الله لاباس
ربي يوفقك في دراستك و لعقوبة للدكتوراه
و هذيك حبوبتي ندى خمسة و خموس عليها ربي يحفضها و ينجحها في قرايتها و توصل للدراسات العليا يا رب

 

[أم نيفين]

الف شكر بسومة على الوصفة

 

[nada242008]

مساء الخيرات عليكم
صح غداواتكم جميعا
مرحبا بيك دهبيتو توحشناك
ام منصف الله يبارك على الامورة ندى ربي ينجحها
ندى الايام وصفة الكوكا كالتالي
العجينة المورقة مشرية تحليها بسمك رقيق جدا ومن بعد تقطعيها مربعات وكل مربع تثقبيه قليلا بشوكة تدهني اطرافو بالبيض وتحطي الحشو ومن بعد تحطي فوقو مربع اخر وتغلقي الاطراف بشوكة وتزينيها بزيتونة وتدهنيها بالبيض تدخليها الى فرن مسخن مسبقا 260 درجو مئوية حتان تطيب وتحمار
--
انا راجلي كانت عندو قضية في بسكرة لصقت فيه ورحت لدارنا .. زعما ماعنديش يومين ملي شفتهم بصح انا طماعة ههههه
تغدينا حسوة اممممممممممم
وهذا وين لحقت للدار
سلامي لكن جميعا

 

[أم نيفين]

اختي ام كوثر الغرايف كالتالي:


كيلة سميد يكون ارطب اقل من كيلة فرينة بيضة كاملة ملعقة كبيرة خميرة الخبز دريها في ماء دافئ مع شوية سكر, ملح خميرة الحلوى والماء عينك ميزانك تقريبا 3 كيلات الى 4كيلات ماء وخبطي جيدا بالمكسور حتى تشوفي الرغوة وخليها ترتاح حتى تتضاعف كي تجربي طيبي وحدة ومكانش الثقب بزاف دري 2 خميرة الحلوى وخبطي مرة اخرى بالميكسور وخليها 5 دقائق وطيبي رايحة تشوفي نتيجة ​

مشكورة حبيبتي على الوصفة
بصح قوليلي وشمن كيل كيلتي بيه(المقدار شحال) باش نعرف كمية البيض و الخميرة

 

[أم نيفين]

ربي يجيبلك الشفا حبيبتي راجية إن شاء الله لاباس

 

[أم نيفين]

السلام عليكم
انا فطوري تاع البارح كان طاجين الجلبانة
فريكاسي
مطلوع وسلاطة حشيش وعصير كوكتال
زلابيةوبنان

صح فطورك اختي ام سيف فطور يشهي و إن شاء الله سيف راهو لاباس
بصح قوليلي نتي وشمن جيهة في سطيف؟

 

[أم نيفين]

صباح الخير

نشالله تكونوكاامل يخير
أم منصف ربي يوفقك أنا تاني سجلت فالماجستار الامتحان في 9 أكتوبر وأنا مازال مابديتش نقرا هدا وين راني نحوس على الدروس مزيا كاين غير 2 modules

ما تنساوش تدعيولي ​

ربي يوفقك و ينجحك و عقبال الدكتوراه

 

[أم نيفين]

بصحتكم كاااااااااااامل واش طيبتو
حنا ليوم جاونا ضياف من فرنسا (عمة عجوزي و بنها) و زادت جات سلفتي و راجلها هاذو يسكنو غير هنا
و درت بطاطا مقلية و escalope بالشومبينيو و la crème fraiche و قليت les stèque و سلاطة خضرا و خيار و سلفتي جابت معاها الغريف
و الديسار :عنب اصفر و احمر و خوخ و نيكتارين و تفاح

 

[أم نيفين]

واقيلا الجماعة كامل مدايرة la sièste

 

[كوثر الوهرانية]

ندوشة بصحتك زيارت الاهل و اكلة الحسوة بالصح و الهناء
ام نفيف بصحتك الفطور اليوم وربي يعاونك اختي عل القديان و الضياف
درت شربة فارمسال للعشاء و مرانيش عارفة واش نزيد معاها:sadwalk:

 

[nada242008]

بصحتكم ام نيفين
كوكو الله يسلمك .. انا قلت نقلي ليسكالوب ونزيد معاه سلاطة طماطم بالتونة
فوفة اين انت :sad:

 

[ام ايناس]

بصحتكم كااامل واش طيبتو راني نخمم في العشا ما لقيت واش ندير

 

[faloussa]

انا درت شوربة وحميص وكسرة معجونة ورايحة نقلى شوية فريت للفطور