ماذا ستطبخين اليوم سيدتي..انستي..../الجزء الثاني/

[حاملـة المسك]

ههههههه حاملة المسك البارح النت هبلتني تخرج حاجة وحاجة لا قلت درك الانترنت راهي مليحة ليه ليه

هههه راني بعت لبسومة كأنها راقدة

كما قتلك راجية الرسائل كانت مفتوحة بلاك المشكل كان من اللمة


الغدا اليوم لوبية و خبز الدار
​

 

[dahbito]

صباح الخير عليكم كامل وصح رمضانكم وصح عيدكم
انا البارح برك باه جيت وكملت العطلة نتاعي والله غير توحشتكم بزاف بزاف توحشت لمتنا الزينة
سلامي للجميع​

 

[l'algeroise]

صباح الخير
نشالله تكونوكاامل يخير
أم منصف ربي يوفقك أنا تاني سجلت فالماجستار الامتحان في 9 أكتوبر وأنا مازال مابديتش نقرا هدا وين راني نحوس على الدروس مزيا كاين غير 2 modules
ما تنساوش تدعيولي ​

 

[ام ايناس]

ربي يوفقك انتي تاني لالجيرواز
دهبيتو اهلا بيك توحشناك وبصحتك العطلة
رغودة دوك نقيس عليها الما تفطن ههههههههه

 

[tasnim55]

حاملة المسك بصحتك الوبيا وخبز الدار
دهبيتو مرحبة بيك اختي خليتي بلاصتك وبالهناء اعليك العطلة
لالجيرواز ربي يوفقك في الدراسة
ام نيسو وش فطرتي حبيبتي وصح غداك
​

 

[ام ايناس]

بصحتكم واش راكم دايرين انا اليوم درت بركوكس ورخساس

 

[oumsif]

صباحكم بالخير لبنات واش احوالكم للجرواز ربي ينجحك انتي تاني , حاملة المسك بصحتك اللوبيا مع خبز الدار امممممممو ام ايناس بصحتك البركوكس و الرخسيس
dahbito على سلامتك اختي انشاء الله عطلة كانت موفقة
اليوم اغداي مقرونة سباقتي :like_1:

صح غداكم الكل

 

[oumsif]

ام سيف فطور يشهي مااحلها الجلبانة اممممممم بصحتك اختي وصح فطورك

 

[ام ايناس]

الله يسلمك سمورة وبصحتك السباقيتي دوك كي نقعد نحطلكم الصور تاع اليوم والنهارات لي فاتتو

 

[كوثر الوهرانية]

بصحت فطوركم لبنات سمورة سبايتي يشهي
دهبيتوا اهلابيك يا حبيبتي وين كنتي غايبة علينا
لالجيرواز ربي ينجحك و يوفقك في دراستك و في حياتك اختي
اليوم درت قرتان شوفلار بصلصة البيشمال و زدت معاه فريت

 

[dahbito]

صح فطوركم كامل
تايوم فطورنا لوبيا خضراء

 

[assia11]

السلام عليكم
هذا فطوري شوفلور

أم كوثرو سمورة بصحتكم أطباقكم
بصحتكم واش درتوا

 

[oumsif]

dahbito بصحتك اللوبيا الخضراء
كوثر واسيا11 تفهمتوا علي الشوفلير بصحتكم تاكلوه بالصحة

 

[كوثر الوهرانية]

اختي ام كوثر الغرايف كالتالي:
كيلة سميد يكون ارطب اقل من كيلة فرينة بيضة كاملة ملعقة كبيرة خميرة الخبز دريها في ماء دافئ مع شوية سكر, ملح خميرة الحلوى والماء عينك ميزانك تقريبا 3 كيلات الى 4كيلات ماء وخبطي جيدا بالمكسور حتى تشوفي الرغوة وخليها ترتاح حتى تتضاعف كي تجربي طيبي وحدة ومكانش الثقب بزاف دري 2 خميرة الحلوى وخبطي مرة اخرى بالميكسور وخليها 5 دقائق وطيبي رايحة تشوفي نتيجة ​

الف شكر حبيبتي على الوصفة بارك الله فيك انا كنت نضرب بالباتور و درك نجرب طريقتك راهي تبان شابة و اسهل
مرسييييييييييييييييي:sheer:

 

[كوثر الوهرانية]

اهلاااا بيك اختي اسيا وين كنتي غايبة علينا ليك وحشة كبيرة بصحتك الشوفلار رانا متفاهمين اليوم عليه هههههههههه

 

[assia11]

الله لا يغيبلك أحبيب أختي أم كوثرشكرا لك راني كنت عطلة فى البلاد
الله يسلمك سمورة شفتي 2أطباق مختلفة بالشوفلور :sheer:

 

[ام ايناس]

اممم بصحتكم الفطور ام كوثر واسيا نهار الشوفلور اليوم اسيا توحشناك وين كنتي

 

[Setifienne]

صباح الخير اعليكم
مازال ماشفتش واش ديرتو أنا هدا وين دخلت صبحت في السبيطار مع بنتي مازال الحمى قتلتها مع أنو ديتها لطبيب نهار الجمعة وأعطاتلها الدوا مافدهاش ديرتلها اليوم تحاليل خرجو الحمدو الله صافيين وبدلولها الدوا ان شاء الله تريح

 

[ibtesem]

حالياً الأعضاء النشيطين الذين يشاهدون هذا الموضوع : 29 (12 عضو و 17 ضيف) ‏ibtesem, ‏أم عبدالصمد, ‏أحلام 86, ‏ام تقوى, ‏بنت الجسور المعلقة, ‏l'algeroise, ‏samora68, ‏setifienne, ‏كوثر الوهرانية+, ‏tasnim55+, ‏عشقي الامارات, ‏قطورة الندى+

صباح الخير من عندي مساء الخير عندكم
بصحتكم واش تغديتو اممممممممممممممم على الاطباق
على سلامتك دهبيتو توحشناك حبيبتي
ربي اشافي بنتك اختي ‏setifienne
خير ان شاء الله
حمد لله على سلامت وليدك ام سيف
لالجرواز وام منصف ربي اوفقكم في الماجستار
مبروك ندى دخول المدرسي
لي عودة ادا كان عندي وقت او بعد دراسة

 

[كوثر الوهرانية]

بالشفى على بنتك اختي ستيفيان ردي بالك عليها الحمى صعيبة شمخيلها راسها بماء زهر بارد ينحي الحمى
الله يعافيها تقولي نمرض انا و ميمرضش الصغير والله