ونتوما يا لبنات تعرفو تحطو السينيا ؟؟؟ ...

[نسيم الربيع]

ــــــــــــــــــ سلام أخ ماكانش ـــــــــــــــــ
صح كاينة منها عندي خالتي تهتم بهذه الأمور الحمد لله وليدها مازالو صغير ههه
وعلاش ولاو يهتمو بالتفاهات ...وماشي يحوسو على الأخلاق ...ربي يهدي ما خلق

لازم تقعد على رجليها كحرف z...تعرفوها ياخي يالبنات..وتحط سينييا بالعقل ومبعد
....راهم 4 أسطر إلا حبيتو نزيد نزيدلكم باه تتعلمو ....ههههه...تعلمتها من خالتي الغالية هه
​

انا هذي منعرفهاش واش حكاية حرف زاد هذا ثاني:no_no:​

 

[ماكانش]

السلام عليكم
بون الحاجة الالولة صحبت خالتي بطلت من وحدة راحت تخطبها لولدها قالتنا الما و ما تعرفش تمدو و هي علاه ما عجبتهاش قالتنا يا الرب الزين كل فنجان من لون و واحد صاد للقبلة و لا خر صاد من الجهة الالخرة وقالتنا جابتلي الما في كاس نيلو ن هههههههههههه بالاك ام صاحبك هاك
و احنا خالتي قالتنا انا المرا من النشير تاع اللبسة نعرفها و نخطبها تعلمت ننشر على يد الشرع هههههههههه

هههههههه
أهلا هيبة
والله ضحكتيني
واقيلا حتى هذ الطفلة دارت لبهادل هههههههه
الطفلة كي تكون دايخة هكذا او تقعد في دارها خير هههههه
يعطيك الصحة بصح نشير القش على الشرع مافهمتهاش ؟؟؟​

مواضيعك كلها هايلة يعطيك الصحة

اما كيفاه نحط سينيا صراحة هدى حاجة تافهة انا نحطها عادى كيما متعودة ادا معجبش لحال الله غالب ناقص نمشى مشية تاع عارضة ازياء ...هدى لحوايج خاطيتنا ماش لينا تصلح للغرب.لما تكون خطوبة هى مسكينة تحشم و هو راسو ميطلعوش و يماه ديرلها سكانار كيفاه راح تركز و تحط سينية مليحة ادا دخلت سلامات............سلام ​

أهلا بيك فوفا
ربي يحفظك
هههه
كيما قلتي بقات غير توليو عارضات ازياء ويكيلوكم ههههه
مليحة الطفلة تكون عادي وماتكلفش روحها
الرسمي الحشمة ولعقالة ...
يعطيك الصحة فوفا​

سلام

انا وصلت روطار نشوف كل مرا عندها وين تحكم على طفلة بلي راه مليحة ...وكل وحدة كيفاه ايا وش رايك في تحكم عليها كيفاه تسيق
وكيفاه دير لميناج ادا كانت بنت فاميليتهم "تقدر تشوفلها هاد لحوايج"
انا على يما عندها غير تشوف في وحده مام تكون وحده من صحباتي من عينيها تقولي وكيفاه تخزر وتهدر تفهم وانا نقول طفلة تبان من لبسها فدار وكيفاه حاكمه شعرها مام مشيتها كلش يبان:shay:​

وهادا درسي الشااااااااااااامل ​

"لكل وحده حابة تتعلمـ حصريا على اللمة "​

وصح السينيا تبين طفلة تجي حاكمتها بلعقل وماشي ملصقتها في حوايجها ولا مبعدتها بزااف​

وممبعد تحطها بحداهم وتسقسي كل واحد كيفاه يحب قهوتو وممكن القاطو تانا تسقسيهم عليه دنيا ادوااق..
.ايا تصب وتبدا من جيهه وحدهوممبعد تكمل اللي فشمبرا لكل ماشي كل مرة تعطي لواحد ​

ولازم كي تعطي القهوة تكمل بالقاطو لكل واحد ماشي واحد تعطيه قهوة ويسنى دوروا في لقاطو لاخر مازال ماحكم والوا.......​

.ماتخليش القهوة تبرد وهي تتكسل باه توجد كلش​

تخليهم ف غرضهم يشربو "باسكو كي ترفد سينيا شغل سيبون اخرجو كملت القعده "ايا جيست يكملو ممكن ام لعريس تقولها ارفدي ولا امها يعنى تريبوزي ومش لازم تخليها مقابلتهم بزااااااف
((بفففففففففففففففف حللت وفسرت بزاااااف انا هادا واش تعلمت ونشوف بلي انسب طريقة وكل واحد وراييو ))​

مارسي خيو يعطيك الصحه ...:re_gards:

أهلا بيك لؤلؤة
صح، كل عجوزة وكيفاش توزن الطفلة هههه

وإذا كانت من فاميلتهم هذيك أي ساهلة تقدر تعرف عليها كلش وتقدر حتى تعاشرها ...
و لمرا ألي تعرف راهي توزن الطفلة من هدرتها وشوفتها ووو، كيما يماك ربي يحفظها
اي باينة الطفلة الباخصة وقليلة الحشمة من الحشامة لعويقة و لالا ؟؟؟ هههههه
مام انا نوزن العبد كي نشوف معاه خلاص نعطيك الرسمي تاعو هههههه
والوصفة كوبي كولي ونخبيها تقراها لمرا ان شاء الله تتعلم
يعطيك الصحة لؤلؤة على ردك الباهي تستاهلي تقيييييييييم ...​

احم احم ,, السلام عليكم

راكـ هنا يا سفيان وانا قلبت عليك السينية .آآه قصي المنتدى ومالقيتكش

المهم هاذي حكاية السينية أنا تبانلي تعبير مجازي والمقصود منو طريقة استقبال الطفلة للضياف ,, يعني لما تدخل بالسينية تاعها اكيد تحطها على الطابلة وتسربي القهوة ،، واهنا لازم الطفلة تعرف كيفاش تسربي وواش تسربي قال واش تشربي الحاجة ؟؟ وبيان سور تسبق في الرجال ومن بعد النسا تسبق في الضياف ومن بعد اهل البيت ..

وداخلة فيها تسريحة الشعر ،، يعني اذا كان شعرها طايح على عينيها يولو يعيفو هاذيك القهوة ههه
وفيها ثاني طريقة الجلوس وطريقة الوقوف واكيد المشية لي تدخل بيها هههه نورمالمو هاذو هوما لي تيكنيكـ لي راك حاب تعرفهم هههه ..

بالنسبة ليا ديما نجيب السينية للضياف ونسربي عادي / وجهي صحيح ههههه/ واكيد بطريقة مميزة ههههه

علابالي بلي عندي -5 لاني تجاوزت عدد الاسطر المحددة هههه

تقبل مروري اخ سفيان ^^

أهلا فاتي
ههههههههههه
ربي يحفظك من العين راكي تعرفي ليتيكنيك يا الشاطرة هههههه
صح مليحة تعرف تبدا بالضياف قبل مالين الدار
بصح ماتعرضهمش يعني ماتقلهمش تاكلو القاطو ؟؟؟ هههه اي باين ماراحش يقولولها هيه هههههههط
او عند زائد 5 وتقييم من الفوق يا شطورة​

أهلا سفيان

ههههه والله تضحك ههههه جيب واحد المواضيع واش نقولك فور​

ايه كاينة منها وخاصة فى واحد المناطق ​

يعنى العجايز ربي يطول في عمارهم كي يجيو يشوفو الطفلة اللى رايح يخطبوها لازم يكيلوها ويركزو عليها بزاف ويقرو طريقة تفكيرها​

وبطريقة اللى تسربي بيها القهوة تقدر تميزها وتعرف كيفاه عقليتها اذا رزينة ولا لالا​

اذا مثلا خلطت كلش في يعضاه وتفرفجت معناها الطفلة هذي مكان مكان​

راك فهمت عليا ياك هههه​

​

أهلا بيك آمل
ربي يحفظك
هههههههههه ضحكتيني
كيفاش زعما تجيب الكيسان معوجين العقلية ماكان ماكان ؟؟؟؟ هههههههههه
تبالي حاجة منطقية وصحيحة و لالا
كيما هذيك ألي قاتلك جابتلهم يشربو في كاس تاع نيلو ههههههه
ايه بصح نتي علابالي شطورة وفحلة ممممم
ربي يحفظك آمل

اي لازملك 100 الف يا لفحلة باش ندير تطبيق ...مممممممم "انا عجوزتكم هنا":shay:​

ساعدي خواتاتك يا الفحلة
وراني معاك بالنص انا صاحب الموضوع هههههه
​

ههههههههههه شابة هدي تاع سينيا معا انا نحشم بزاف باين نقلبها على راسها

هههههههههه
أهلا سيما
تقلبيها يطلقوك ماشي يخطبوك ههههههههه
لازملك يومين ونتي تونتريني وتكسري 4 فناجل وتقلبي الطارموس زوج مرات باش تخرجي عليها مليح هههههههه
يعطيك الصحة


​

 

[Toufik.dz]

هههههههه والله يا خويا راك ضحكتني
انا نشوف فيها خلاص حنا لي باش نولو نحطوها
اذا ماحطيتش السينيا روج جيب وحدة صينية خخخ.. ولا اقعد باير ههههه
مارسي ليك
​

 

[إيمان قلب]

ههههههه
مالا قعدت في دارنا وربي كبير
انا تجيني ضيفة نورمال
نجاهد باش نحطلها السنيوة هههه
نموت بالحشمة
مابالك بوحدة جاية تديرلك في سكانار
و تديرلك امتحان في ال
Psychosomatics
وتقعد تترجم فحركاتها
وتشوف ال
Signification psychologique
نتاعهم ههههههه
وقفتها معوجة
قعدتها نتاع متكبرة
مشيتها جايحة
خزرتها ستوتة ههه
........وهكدا هههه
جداتي حكاتلي
قاتلي بكري كانو يجيبو الطفلة يحطوها في صحين والا حوش ويعطوها بالي
ويقولولها اكنسي هههههه ولجنة التحكيم تشوف معاها
اذا خرج يبرق الحوش معناها فحلة
واذا لقاو وراها مزال التراب معناها ماتصلحش ههههه
هههههه ربي يبعثلنا لجنة تحكيم حنينة برك هههه
شكرا سفيان
موضوع باهي
سلامي خيي
​

:scared: :scared: :scared:

واش هذا واش وصيتك على الردود الطوال ؟؟؟؟ هذا رد ولا موضوع ؟؟ هههه مسوطية
ههههه عجبتني تاع الخزرة أما تقولهالي كي تشوف صحباتي
تقولي نعرف الشيرات من خزرتهم هههه يابن عمي شحال يعرفو يسكانيو هههه
اسمحلي يالشيخ سفيان تعرفني نمووت على التعليق ههههه

​

 

[شجـ الروح ـون]

:scared: :scared: :scared:

واش هذا واش وصيتك على الردود الطوال ؟؟؟؟ هذا رد ولا موضوع ؟؟ هههه مسوطية
ههههه عجبتني تاع الخزرة أما تقولهالي كي تشوف صحباتي
تقولي نعرف الشيرات من خزرتهم هههه يابن عمي شحال يعرفو يسكانيو هههه
اسمحلي يالشيخ سفيان تعرفني نمووت على التعليق ههههه

​

مسوطية خارجة ليك عمري ههه
اسكتي تراه لا نجيك هههه
تبعتيني حتى هنا ؟؟؟
علمتيني نثرثر ومزالك تهدري
والله انا تاني امي تقولي
احنا كنا نحشمو عينينا مانرفدوهمش
مش كيفكم لا حيا لا حشمة ههه
ووجوهكم صحاح
وين لقيتو جماعة تجمعو
ههه ماش عليا تحكي:shay:
على بنات الجيل هذا
خيتك تشوف الغاشي تدور طريق
المشية تتلفلي هههi-o:
سامحنا سفيان
راهي التيارتية تحكي بزاف
وانا مانتوصاش هههه
​

 

[ماكانش]

واش راك سفيان......اول حاجة انا عجبني التوقيع ديالك .....مورالي كان طايح كي شفتاه شحال ضحكت المهم ربي يحفظك من العين ...يا الزين...
وعودة للموضوع .....انا هداك واش نكره غير هدوك التفهات نتاع النساء تقول....راك تخدم في اوطيل ( فندق)...لازم هدي ولازم هدي .....اي تشرب القهوة وتروح تنبق لدارها وتبعث وليدها نتفاهم انا وياه ......
انا حقيقة بحم اني جاوني الكثير من النساء يخطبوني نتصرف عادي ونحط سينية بكل بساطة لا اقل ولا اكثر ......ولي ماتحبنيش على جال السنية....ماتلزمنيش

اهلا بيك زهية
ههههههههه
ربي جومها ضحكة يا زهية
بصح مالازمش المورال يكون طايح حاجة ماتستاهل تكسري عليها راسك يا زهية
ورانا هنا كاشما يخض زهية ...
علابالك قتلنتي بالضحك تاع تبعث ولدها نتفاهم معاه ههههههههههه
هههههههههههه
هذاك هوا الرسمي والنسا غير شكليات
ربي جيبها في الصواب زهية وربي يحفظك ...​

هههههههههههههههههههههههه
وانا نقول علاش بارو لبنات

ههههههههههههههههههههههههه
راكي فقتي بيها ههههههه
سينية قهوة وراهي راحت العنوسة هههههه​

men hatane ta3 sniwa 7na ngololha sniwa eltofla tbane
est ce que rzina ou pas
wtbane elnitham w eln9a kolach ybane
yak golt bine 2w4 sttor welghachi kteblek jornane .

أهلا بيك لاميلام
هاه كي وصلت لردك راح نرد عليه
راني بالترتيب ماديري والو في بالك ختي
---
ههههه
وانا زعما قلت نكتب 4 سطر باش مايتعبوناش ههههه
ايا مليح هدرتهم كامل زينة
صح تبان الطفلة من حطان السينية تعرف تعيش وتحق وانيقة
ويعرفوها بلي راح تشرف بوليدهم
بصح مانجعلوش السينية شرط للقبول
يعطيك الصحة لاميلام وماديري والو في بالك
​

ايييييييييهيييييييييييييييييييييييييه جديدة هادي .......كي تفهم فهمنا

المهم السينيا تكون مرتبة
ايييييييييييا و البنة انتاع القهوة:sheer:

ههههههههه :scared::schmoll::schmoll:ياك تعرف النسا​

ههههههههههههههههه
راهم فهموني وفهمت هههههههههههه
البنة علاه راح يخطبو فاكتو ؟؟؟ هههههههههههه
يعطيك الصحة ​

 

[مسلمة وافتخر باسلامى]

بصح عندك واحد المواضيع هههههههههه معلاباليش منين تجيبهم
صح بصراحة النسا يروماركيو بزاف امور السني كيما قلت انت
حنا نقولو سنيوة ههههههه
المهم اولا لازم النيوة تكون تشعل ومش مصدية هههههه وتحط فيها نابرون تع قماش هههههه
والسرفيس لازم يكون كامل نفس النوع ونفس الالوان ومتناسق مع التيرمو
وزيد لازم يكون مغسول مليح منشف يشعل
خاطرش عيب كبيير الضيف يلقا ه مغبر ولا حاجة :scared::scared:
مممممم وزيد لازم تتاكد بلى كاين السكر فى السكرية ههههههههه هادى تقولهالى يما دايما
وتقولى ردى بالاك مغرفة السكرية وحدها
وتقولى متدخليش المغرفة فى السكرية كى تكون مشمخة
وزيد نقولك حاجة تضحك خويا مكانش مرة قالتلى كيفاش تفرغى القهوة قبل الحليب
قالتلى لالا لازم الحليب ممبعد القهوة
حتى خالتى تقولى الحليب ممبعد القهوة
يخى يخى تسااااااااالونى بففففففففف :scared::scared:
القهوة هادى حكاية كبييرة النسا يروماركوها بزاف بزاف
مرة واحدة راحت تخطب لوليدها قالت على العروسة متعرفش تحط السنيوة حطتلها كل فنجان من لون هههههههههه
والله مش مهم نعجبهم ومش مهم يعجبونى المهم السنيوة ههههههههههه كى تعجبهم السنيوة الدنيا وما فيها
بلاد العجائب
واش نديرو

 

[ماكانش]

ههههههه

مالا قعدت في دارنا وربي كبير
انا تجيني ضيفة نورمال
نجاهد باش نحطلها السنيوة هههه
نموت بالحشمة
مابالك بوحدة جاية تديرلك في سكانار
و تديرلك امتحان في ال
psychosomatics
وتقعد تترجم فحركاتها
وتشوف ال
signification psychologique
نتاعهم ههههههه
وقفتها معوجة
قعدتها نتاع متكبرة
مشيتها جايحة
خزرتها ستوتة ههه
........وهكدا هههه
جداتي حكاتلي
قاتلي بكري كانو يجيبو الطفلة يحطوها في صحين والا حوش ويعطوها بالي
ويقولولها اكنسي هههههه ولجنة التحكيم تشوف معاها
اذا خرج يبرق الحوش معناها فحلة
واذا لقاو وراها مزال التراب معناها ماتصلحش ههههه
هههههه ربي يبعثلنا لجنة تحكيم حنينة برك هههه
شكرا سفيان
موضوع باهي
سلامي خيي​

اهلا بيك سامية
والله قتلتيني بالضحك هههههههه
مليحتلهم يتسماو لجنة التحكيم هههه
وألي يقولوها بزاف هدرتها ستوتة هههههه
مام مسكينة ماتكثرش الهدرة يقلك راهي صامطة ههههه
وحدة علابالهم بلي راهم يشوفو فيها تكنس في الحوش أي باين تولي فحلة ذراع تلحس لرض كيما يقولوهههههههه
يعطيك الصحة وربي جيب الخير لينا وليكم
ربي يحفظك سامة ....
​

ســــــــــلآآآآم ​

اهلا خويا ماكانش .. هاذا قداه و انا غايبة على هاذا الركن
و رجعت و مازالك برك مع الزواج :schmoll: هههههه​

انا السع جامي سمعت بيها هاذي .. لحوايج لجديدة كامل تبدى من عندكم هههه
اما على السينية ايييييه راهو فن الديكور قولولي و انا نجاوبكم :shay:​

بصح اي وحدة تعرف تحط السينية يعني ماشي حاجة gـــراف
باه يشوفو عليها الطفلة ... :cra_zy:
تعرف النسا قريب يوليو يعسو آسكو تعرف تلبس الخاتم ولا لا هههههه​

جوبونس فتت 4 سطورا ههههه
ايا الى لقــــــــــــآء قـــــــــآدم
:showoff:​

اهلا صفصوفة
والله لازملك بروصي راكي غبتي علينا الله لاتغيبك
ما تغيبيش بزاف رانا نعزوكم ديرونا طلة ساعة على ساعة
هوا صح ما يصلحش يحكمو على الطفلة ويرفضوها من السينية تاع القهوة
بصح بلاك زعما منها يعرفوها تحق وتعرفلها ولا لالا
شكليات برك بالنسبة ليا الرسمي الحشمة ولعقالة
يعطيك الصحة والى اللقاء ...​

هههههههه

اهلا وردة
ههههههه درتلي اسم وانا معلاباليش خخخخ ايا معليش سمي برك
هههه
هذيك موصيبة كبيرة
علابالك قالك واهرة تخرج الطفلة ولوجوه كامل تشوف فيها ههههه
ايه تخيل روحك في الموقف هذاك يادرا واش يصرالك خخخخخ
لازم يومين وهيا تونتريني هههه
في يومين تع لونترانمون نظمنلك نص الماعن تع الدار يروحو فيهامن الخلعة تع العجوز ههههههههه
يعني لازم بكيسان جوتابل ومانعرف هههههه ​

نتمسخر برك ايا مرسي خويا ويعطيك الصحة

ههههههههههههههه
اهلا وردة
خلاص من اليوم نعيطلك وردة ياوردة هههههه
إذا في لونترالمو طيحتهم غير ماتخرجش عليهم في الصح هههههه
​

ههههههههههههههه والله موضوعك هايل بزاف

ههه ياو صح عندك الحق مالا نقلك حوايج اخرى ما تعرفهاش​

كان واحد يقري فيا و قاللنا حاجة كيما يروحو النساء يخطبو
قال كيما يروح يخطب هو لـ وليدو لازم يوصي مرتو تشوف مظهر الدار من برا
اذا كانت نظيفة و الا مسخة من بعد يدخل للكوزينا
يشوف الكاكوطا اللي طيبو فيها في هذيك الدقيقة لعادت مسخة و الا نظيفة
يدخل لطوالات و يشوف الطوالات​

ياو عاد الزواج كونكور ببببببببببببببف بالصح ما تخافش كل البنات

بالمعرفة و الرشوة راح تربحو الكونكور كيما العادة المعروفة في بلادنا ههههههههههههههههه​

هههههههههه
اهلا بيك اميرة
هههههههههه
هذا يبان مرا ونسواني ههههه
هذي جاية تخطب ولا جاية راح تشري الدار تسركل فيها بيت بيت هههههههه
وكيما قلتي لبنات عندهم الحل وينجحو ههه راهم شاريين الماتش مع الطفل ههههه
يعطيك الصحة

راني نسمع غير الجديد الزواج قسمة و نصيب الله يهديهم هد لعجايز الناس تمشي بنيتها وهوما قاعدين غير للعسة
الله يهدينا ياربي.

اهلا سوسن
زعما يحبو لخير لولادهم، ومازالو بعادات بكري
ذرك الطفل والطفلة راهم متفاهمين وهيا تشوف للسينية ههههههههه
يعطيك الصحة ...

​

 

[سمية 16]

ايه وانا رجعت صح انا نقولك حاجةقبل ما نرد على الموضو ع على المافيا لي عندي ( ايا وحد النهار جاتنا وحدة تشكي من وليدها زعما باش نساعدوه في لقرايا هاديك ونديرولو ليكور سبيسيال ليه ايا الجماعة كامل ماكانش غير انا والمافيا ويما ايا جيت نحط السينيا قريب نوصل للباب جا المافيا ودارلي قرعة قازوز في السينيا وطاحت ودارت انفجار ههههه والحمدلله ماطاحتش قدام لمرا وديجا هي ما شي جاية تخطب ههه )
اما بالنسبة للسينا تاع الخطوبة هادي سبيسيال معليش الطفلة كي تعرف الايتيكات مي ما شي هي المفيد والانسان العاقل يشوف اولا الدين تم الاخلاق والباقي كل واحد وهمو وماكان حتى واحد كامل من كل شيء

 

[ماكانش]

و الله يعطي الصح خويا لعزيز اعطيتلنا اشكالية جديد من بعد نقسي يما على لافار تاع السينية هادي و موضوع جميل يعطيك الصح و بنت حلال تعرف تحط السينيا هههههههه

اهلا بيك خويا حمد
هههههه
سقسينا الحاجة معاك وردنا لخبر واش تقلك ههههه​

سلام
صحيت سفيان واش لحوال
ياي ضرك مابقاش راهم يكونو تعارفو كي طلعت للسيام ههه ونهار يبعث يماه يقولها روحي برك رانا متفاهمين يعني غير تروح دير التمثيليه
انا عندي صحبتي ماخرجتلهمش هي ختها المزوجه حطت السينيه وهي ماراحتلهمش حتان سقساو عليها (وينهي عروستنا؟؟) وتبالي راح ندير كيفها
فهذاك النهار مام تكون الطفله تعرف تولي متعرفش تولي غير ترجف
انا راني خايفه غير تحكمني الضحكه ونطرطق فوجوههم
معليش راني ندير الفيلم ونحكيلك ان شاء الله كيفاه فات
مارسي عالموضوع الباهي​

أهلا بيك صباح
ههههههه
ياي ماتخرجيلهمش وماتجيبيش السينية خلاص يقولو ماشي فحلة وماقيمتناش ومانعرف واش تقولو نتوما النسا هههههههه
هي التبهديلة فيها فيها مليحة لعجوزة تكون ساهلة برك
يعطيك الصحة وربي جيبنا لقسم الزين الباهي الساهل ....
​

كيما يقول عبدو مواضيعك مليحة للقراجم هههههه

واش نقولك ا سفيان او عليها يقولو سوق النساء سوق مطيار
انعم ا خويا الحطان نتاع السني فيه امور لازم ديرها
تحط الفناجن مبعد السكرية وبورت كويار ولي سارفيات
مبعد الصحان نتاع القاطو وفلخر خلاص تحط القهوة والحليب
مثلا كيما فلعراس تحط الجاري والطاجين ومبعد البربوشة مع السلاطة
هك حنا عندنا ونتوما مانعرف ​

احم احم كاش ماكان خطااااااااااااااااااااااب

أهلا بيك نجاة
ههههه
انا بانتلي حط برك هههههه
مليح ولازم كلش يتحط مع بعضاه ماشي تضال رايحة جاية ههههه
ألقايلي خطوبة وساهل الحال ههههههه​

ــــــــــــــــــ سلام أخ ماكانش ـــــــــــــــــ

صح كاينة منها عندي خالتي تهتم بهذه الأمور الحمد لله وليدها مازالو صغير ههه
وعلاش ولاو يهتمو بالتفاهات ...وماشي يحوسو على الأخلاق ...ربي يهدي ما خلق​

لازم تقعد على رجليها كحرف z...تعرفوها ياخي يالبنات..وتحط سينييا بالعقل ومبعد
....راهم 4 أسطر إلا حبيتو نزيد نزيدلكم باه تتعلمو ....ههههه...تعلمتها من خالتي الغالية هه​

وعليكم السلام
اهلا سجدة
اسمك هايل
ايه كملي كملي مممممممم هههههههه
كيفاش هذي قعدة z ؟؟؟
باين تيكنيك قاوية
غير كمليهانا وعلمي لبنات لا يبورونا هنا هههههههه
كيما قلتي مهما يكون يبقى الرسمي الحشمة والتربية والأخلاق ...
في انتظار حرف z ههههههه

حـتى السينيا وعادو يشوفو ليها لحماوات ربحت ^^

مـي كون تشـوف لآزم تكون السينيا متحوفـة وتآع شآن ولقـدر
وثاني طرق تعبية لـpـلآ تآع القهوة لازمها الطفلة تمشي مشية مستقيمة
وماتزيـgزاgيش بزاف ^^
انا حسبت هاذو الطبايع راحو خآطر عندنا الطفل طول يقولها لمو تروح معاه
بلا مايوريلها الفوتو تاع الطفلـة وطول يديرو لخطبة لكبيرة ​

أهلا بيك ملاك
كيما قلتي ذرك ولا الماتش مشري يديها ديراتك تخطبلو
راهو متفاهم مع الطفلة من قبل، غير هذاك الي يزوج الزواج التقليدي ههههه
اما السينية اي باينة اذا عباتها وكانت كبيرة راهي تجيبهالهم فوق وجوهم هههههههه
يعطيك الصحة

​

 

[جزائرية كوول]

ايييييييييييييييييييه افار السنية قديمة

ضك الخطبة ما هي الا شكليات بمعنى كلمة شكليات
نعطيكم مثال من الواقع
بن خالتي عرف وحدة وتلقاو وهادرين في التلفون
ونهار راحو يخطبو زعما راح يشوفها على اساس انو عمرو ما شافها وزعمة دخل عليها ومعاها خوها ودارت خمار :cra_zy:
اوووووووووووووووف يا القهر
واسمحولي خرجت شوي على الموضوع بصح متلومونيش قلبي معمر
مرسي سفيان على الموضوع الرائع
​

 

[lamilam88]

ماتفهمنيش بالنقص خويا سفيان لكن قليل وين ترد عليا:schmoll::schmoll:
أنا راني نصارح باش تدير في بالك :santa_1:
المهم مايبقى والو غير العيب اللي يبقى:shay:
تهلا فروحك لاخاطر راني حنغيب عاللمة:sadwalk: سلاااااااااااااااااااااام:re_gards:.​

 

[عفاف الجزائرية]

اذا كانو النساء كامل هكذا
رح يكون سبب من اسباب زيادة نسبة العنوسة
ربي يجعل الخير
​

 

[ماكانش]

ماتفهمنيش بالنقص خويا سفيان لكن قليل وين ترد عليا:schmoll::schmoll:

أنا راني نصارح باش تدير في بالك :santa_1:
المهم مايبقى والو غير العيب اللي يبقى:shay:

تهلا فروحك لاخاطر راني حنغيب عاللمة:sadwalk: سلاااااااااااااااااااااام:re_gards:.​

قليل وين نرد عليك لاخاطر نسالك دراهم ومانيش متفاهم معاك وباباك متقابض مع بابا
وخويا خطبكم وماعطيتوهش ؟؟؟
يا طفلة وعلاه مانردش عليك هذا ؟؟؟
والله حيرتيني
انعلي عليك ابليس وماديريش في بالك
راني قتلك منهجيتي في المواضيع
ربي هنيك
وانا بغيت نروح من اللمة لأجل هذ الكلام والتصرفات ...​

 

[ماكانش]

لي عودة للرد عليكم كامل
في امان الله وتصبحو على الف خير

 

[lamilam88]

قليل وين نرد عليك لاخاطر نسالك دراهم ومانيش متفاهم معاك وباباك متقابض مع بابا

وخويا خطبكم وماعطيتوهش ؟؟؟
يا طفلة وعلاه مانردش عليك هذا ؟؟؟
والله حيرتيني
انعلي عليك ابليس وماديريش في بالك
راني قتلك منهجيتي في المواضيع
ربي هنيك

وانا بغيت نروح من اللمة لأجل هذ الكلام والتصرفات ...​

شوف علاه راك حاب تتضارب يا وليد الناس راني قلتهالك غير هكاك برك واش بيك
ويلا ظلمتك يا خويا سمحلي هادا ماكان ويلا على الروحة أنا اللي راني رايحة

 

[lamilam88]

و ديجا نزيد نقلك حاجة أنا مانيش نتبلا فيك و اسمحلي مرة أخرى أنا اللي بديت
اسمحلي اسمحلي خويا ربي يعيشك تهلا فروحك وابقى على خير.............​

 

[ღحنين الروحღ]

اهلا اهلا بيك
عندي مدة ماشفتش موضوع ليك
ولا انا الي ماصادفنيش
المهم
هههههههه ضحكتني في امر 15.و 1 سنتيم يخي حالة واين تتوله لعجوز
اييييييييييه نخمو على رواحنا امالا
مي الحمد لله من صغري علمتني ماما ليتيكيت نتاع السنية +وي فيه اتيكيت لازم كل حاجة في بلاصتها
+لازم توجد ليسيكوب والكيسان نتاع لحليب هم لولين
تهزهم بيهم بفناجلهم ايه يا مكانش شفت كيفاش اي حاجة تتعلق بينا فيها التعب
خوفتنااااااااااا يا ماكانش "حتى في هاذي تتوله ليها "
اسناني نشوف هل فتت اربع اسطر هههههههههههه
يلا سلام
وموضوع هايل كي العادة
سر بيناتنا"حابة نسمع بيك ش ئ نهار انك خطبتي وحتتزوج يارب"هههههههههههههه
لك مني كل الاحترام

​

 

[ماكانش]

هههههههه والله يا خويا راك ضحكتني

انا نشوف فيها خلاص حنا لي باش نولو نحطوها
اذا ماحطيتش السينيا روج جيب وحدة صينية خخخ.. ولا اقعد باير ههههه
مارسي ليك​

أهلا بيك خوا توفيق
ربي دومها ضحكة هههههههههه
اي جايا دالتنا فالسينيا ههههه
يعطيك الصحة ​

بصح عندك واحد المواضيع هههههههههه معلاباليش منين تجيبهم
صح بصراحة النسا يروماركيو بزاف امور السني كيما قلت انت
حنا نقولو سنيوة ههههههه
المهم اولا لازم السنيوة تكون تشعل ومش مصدية هههههه وتحط فيها نابرون تع قماش هههههه
والسرفيس لازم يكون كامل نفس النوع ونفس الالوان ومتناسق مع التيرمو
وزيد لازم يكون مغسول مليح منشف يشعل
خاطرش عيب كبيير الضيف يلقا ه مغبر ولا حاجة :scared::scared:
مممممم وزيد لازم تتاكد بلى كاين السكر فى السكرية ههههههههه هادى تقولهالى يما دايما
وتقولى ردى بالاك مغرفة السكرية وحدها
وتقولى متدخليش المغرفة فى السكرية كى تكون مشمخة
وزيد نقولك حاجة تضحك خويا مكانش مرة قالتلى كيفاش تفرغى القهوة قبل الحليب
قالتلى لالا لازم الحليب ممبعد القهوة
حتى خالتى تقولى الحليب ممبعد القهوة
يخى يخى تسااااااااالونى بففففففففف :scared::scared:
القهوة هادى حكاية كبييرة النسا يروماركوها بزاف بزاف
مرة واحدة راحت تخطب لوليدها قالت على العروسة متعرفش تحط السنيوة حطتلها كل فنجان من لون هههههههههه
والله مش مهم نعجبهم ومش مهم يعجبونى المهم السنيوة ههههههههههه كى تعجبهم السنيوة الدنيا وما فيها
بلاد العجائب
واش نديرو

أهلا بيك مسلمة
هههههه
ربي يحفظك ويبارك فيك ويحفظلك يماك
أيا مليح راكي علمتي شوي لبنات ووصيتيهم
ومام انا نكره المغرف مشمخة ويلوحوها فالسكر هههههه
قادر تحكيهالي يما على الي راح تشوفها نقلها بطلت مانخطبش هههه
هذو امور مايبانوش بزاف مثلا لحليب قبل القهوة ومغرف السكر وحدها قليل ألي تعرفهم وهذو هوما سر المهنة وحلاوتها هههههه
اما لفناجن كل فنجان بلون هذي تبالي ألي ديرها مليحتلها طريحة هههه
يعطيك الصحة وربي يرزقنا كل خير ​

ايه وانا رجعت صح انا نقولك حاجةقبل ما نرد على الموضو ع على المافيا لي عندي ( ايا وحد النهار جاتنا وحدة تشكي من وليدها زعما باش نساعدوه في لقرايا هاديك ونديرولو ليكور سبيسيال ليه ايا الجماعة كامل ماكانش غير انا والمافيا ويما ايا جيت نحط السينيا قريب نوصل للباب جا المافيا ودارلي قرعة قازوز في السينيا وطاحت ودارت انفجار ههههه والحمدلله ماطاحتش قدام لمرا وديجا هي ما شي جاية تخطب ههه )
اما بالنسبة للسينا تاع الخطوبة هادي سبيسيال معليش الطفلة كي تعرف الايتيكات مي ما شي هي المفيد والانسان العاقل يشوف اولا الدين تم الاخلاق والباقي كل واحد وهمو وماكان حتى واحد كامل من كل شيء

أهلا سمية
هههه
عندك يديرهالك مع الخطابة ولثم لبهادل صح ههههههه
وعلى السينية والله عندك حق وهكذاك قلت الرسمي الحشمة والتربية والباقي مايهمش بزاف
إلا إذا جاتهم و3 فناجن مكسرين والسكر ساحت عليه القهوة، والطارموس ما يسيحش مليح القهوة هههههههه
نضحك برك
يعطيك الصحة سمية 16​

ايييييييييييييييييييه افار السنية قديمة ​

ضك الخطبة ما هي الا شكليات بمعنى كلمة شكليات
نعطيكم مثال من الواقع
بن خالتي عرف وحدة وتلقاو وهادرين في التلفون
ونهار راحو يخطبو زعما راح يشوفها على اساس انو عمرو ما شافها وزعمة دخل عليها ومعاها خوها ودارت خمار :cra_zy:
اوووووووووووووووف يا القهر
واسمحولي خرجت شوي على الموضوع بصح متلومونيش قلبي معمر
مرسي سفيان على الموضوع الرائع​

أهلا بيك جزائرية
ههههه
اسكتي من لحكاية هذي انا تعمر قلبي منها بكري
وهيا زعمة تحشم وكي يشاوروها تقلهم واش تشوفوه نتوما مليح هذاك هوا
ربي بارك حشامة وبنت فاميليا والراي راي والديها، وهيا راهي معاه ومتفاهمين على كلش بعامين قبل ...
يعطيك الصحة جزائرية​

اذا كانو النساء كامل هكذا

رح يكون سبب من اسباب زيادة نسبة العنوسة
ربي يجعل الخير​

أهلا بيك عفاف
اوا ماشكيتش النسا كامل هكذا
وإلا كيما قلتي تكثر العنوسة لأنو لبنات تاعنا الله يجيب يعرفو يخدمو بلا سوغي ولكلاvي ...
يعطيك الصحة​

اهلا اهلا بيك

عندي مدة ماشفتش موضوع ليك
ولا انا الي ماصادفنيش
المهم
هههههههه ضحكتني في امر 15.و 1 سنتيم يخي حالة واين تتوله لعجوز
اييييييييييه نخمو على رواحنا امالا
مي الحمد لله من صغري علمتني ماما ليتيكيت نتاع السنية +وي فيه اتيكيت لازم كل حاجة في بلاصتها
+لازم توجد ليسيكوب والكيسان نتاع لحليب هم لولين
تهزهم بيهم بفناجلهم ايه يا مكانش شفت كيفاش اي حاجة تتعلق بينا فيها التعب
خوفتنااااااااااا يا ماكانش "حتى في هاذي تتوله ليها "
اسناني نشوف هل فتت اربع اسطر هههههههههههه
يلا سلام
وموضوع هايل كي العادة
سر بيناتنا"حابة نسمع بيك شئ نهار انك خطبتي وحتتزوج يارب"هههههههههههههه
لك مني كل الاحترام​

أهلا بيك عبير الروح
ربي يحفظك ويحفظلك يماك لعزيزة ويخليك
راني ديما هنا في اللمة بلاك شوي نقصت المواضيع ونتي تاني ليا مدة ماشفتكش
الله لا تغيبك يا غالية
مالا فيها حتى لحليب ؟؟؟ ههههههه
كاين امور أساسية في طريقة حطان السينية والقهوة لازم الطفلة ماتخرجش عليهم
كيما قلتي تبدا بكذا وتزيد كذا اي باينة يومين يتعلموهم هههه
يعطيك الصحة عبير​

 

[Orodent]

سلآم
عآش من قرآ موآضيعك
بصح هآدآ وحدو يقتل ضحك آ خويـــآ سفيآن
والله صح كــــآينين لي يتولوهو لهآد لحوآيج
وينوتيو عليهم في الخطبة
عملت مليح كي فيقتنآ الوآحد كآن غآفل
ايمــــآلا نجريو على روآحنآ ونبدآو نستآجيو من ليوم ويآ ربي
°رآنى في انتظآر الدورة التدريبية لي وعدتنآ بيهآ نحتآجوهآ urgent °
أيـــــآ يآ من عآش​