ونتوما يا لبنات تعرفو تحطو السينيا ؟؟؟ ...

[meriem150491]

هههههههههه
أهلا مريومة
عاش من شافك راكي غبت علينا الله لاتغيبك
او قالك يحشمو مساكن كي يدخلو والنسا تكيل فيهم ههههههه​

ههههههههههههه الله لا يغيبك كانو عندي ظروف برك

هههه هيه حنا نحشمو :shay::shay::shay::shay:

 

[ماكانش]

هيه صح تفكرت في العيد هدا حطيت الصينية مي مشفيتش كيفاش حطيتها هههههه المهم شربو القهوة وتلقو راسهم

ههههههههه
او ماجربتيش جايين يشوفوك وراح يخطبوك ونتي داخلة عليهم بسينية وهوما يكيلو فيك
والله اذا ماتثبتيش روحك تقلبيها عليهم ههههههه
​

ههههه موضوع روعة نرجع ممبعد ان شاء الله

اهلا بيك سمية
ونتي اروع
مرحبا بيك ​

 

[meriem150491]

ههههههههه
او ماجربتيش جايين يشوفوك وراح يخطبوك ونتي داخلة عليهم بسينية وهوما يكيلو فيك
والله اذا ماتثبتيش روحك تقلبيها عليهم ههههههه
​

اهلا بيك سمية
ونتي اروع
مرحبا بيك ​

كي يجيو يخطبو نقولهم قولولها اي تغاشات خخخخ

 

[hiba14]

السلام عليكم
بون الحاجة الالولة صحبت خالتي بطلت من وحدة راحت تخطبها لولدها قالتنا الما و ما تعرفش تمدو و هي علاه ما عجبتهاش قالتنا يا الرب الزين كل فنجان من لون و واحد صاد للقبلة و لا خر صاد من الجهة الالخرة وقالتنا جابتلي الما في كاس نيلو ن هههههههههههه بالاك ام صاحبك هاك
و احنا خالتي قالتنا انا المرا من النشير تاع اللبسة نعرفها و نخطبها تعلمت ننشر على يد الشرع هههههههههه

 

[fofabriyanka]

مواضيعك كلها هايلة يعطيك الصحة
اما كيفاه نحط سينيا صراحة هدى حاجة تافهة انا نحطها عادى كيما متعودة ادا معجبش لحال الله غالب ناقص نمشى مشية تاع عارضة ازياء ...هدى لحوايج خاطيتنا ماش لينا تصلح للغرب.لما تكون خطوبة هى مسكينة تحشم و هو راسو ميطلعوش و يماه ديرلها سكانار كيفاه راح تركز و تحط سينية مليحة ادا دخلت سلامات............سلام
​

 

[اللؤلؤة المصونة]

سلام
انا وصلت روطار نشوف كل مرا عندها وين تحكم على طفلة بلي راه مليحة ...وكل وحدة كيفاه ايا وش رايك في تحكم عليها كيفاه تسيق
وكيفاه دير لميناج ادا كانت بنت فاميليتهم "تقدر تشوفلها هاد لحوايج"
انا على يما عندها غير تشوف في وحده مام تكون وحده من صحباتي من عينيها تقولي وكيفاه تخزر وتهدر تفهم وانا نقول طفلة تبان من لبسها فدار وكيفاه حاكمه شعرها مام مشيتها كلش يبان:shay:​

وهادا درسي الشااااااااااااامل

"لكل وحده حابة تتعلمـ حصريا على اللمة "​

وصح السينيا تبين طفلة تجي حاكمتها بلعقل وماشي ملصقتها في حوايجها ولا مبعدتها بزااف

وممبعد تحطها بحداهم وتسقسي كل واحد كيفاه يحب قهوتو وممكن القاطو تانا تسقسيهم عليه دنيا ادوااق..
.ايا تصب وتبدا من جيهه وحدهوممبعد تكمل اللي فشمبرا لكل ماشي كل مرة تعطي لواحد

ولازم كي تعطي القهوة تكمل بالقاطو لكل واحد ماشي واحد تعطيه قهوة ويسنى دوروا في لقاطو لاخر مازال ماحكم والوا.......

.ماتخليش القهوة تبرد وهي تتكسل باه توجد كلش

تخليهم ف غرضهم يشربو "باسكو كي ترفد سينيا شغل سيبون اخرجو كملت القعده "ايا جيست يكملو ممكن ام لعريس تقولها ارفدي ولا امها يعنى تريبوزي ومش لازم تخليها مقابلتهم بزااااااف
((بفففففففففففففففف حللت وفسرت بزاااااف انا هادا واش تعلمت ونشوف بلي انسب طريقة وكل واحد وراييو ))


مارسي خيو يعطيك الصحه ...:re_gards:​

 

[M!ss_f@ti]

احم احم ,, السلام عليكم

راكـ هنا يا سفيان وانا قلبت عليك السينية .آآه قصي المنتدى ومالقيتكش

المهم هاذي حكاية السينية أنا تبانلي تعبير مجازي والمقصود منو طريقة استقبال الطفلة للضياف ,, يعني لما تدخل بالسينية تاعها اكيد تحطها على الطابلة وتسربي القهوة ،، واهنا لازم الطفلة تعرف كيفاش تسربي وواش تسربي قال واش تشربي الحاجة ؟؟ وبيان سور تسبق في الرجال ومن بعد النسا تسبق في الضياف ومن بعد اهل البيت ..

وداخلة فيها تسريحة الشعر ،، يعني اذا كان شعرها طايح على عينيها يولو يعيفو هاذيك القهوة ههه
وفيها ثاني طريقة الجلوس وطريقة الوقوف واكيد المشية لي تدخل بيها هههه نورمالمو هاذو هوما لي تيكنيكـ لي راك حاب تعرفهم هههه ..

بالنسبة ليا ديما نجيب السينية للضياف ونسربي عادي / وجهي صحيح ههههه/ واكيد بطريقة مميزة ههههه

علابالي بلي عندي -5 لاني تجاوزت عدد الاسطر المحددة هههه

تقبل مروري اخ سفيان ^^

 

[صفـاء و نقـاء]

أهلا سفيان

ههههه والله تضحك ههههه جيب واحد المواضيع واش نقولك فور

ايه كاينة منها وخاصة فى واحد المناطق

يعنى العجايز ربي يطول في عمارهم كي يجيو يشوفو الطفلة اللى رايح يخطبوها لازم يكيلوها ويركزو عليها بزاف ويقرو طريقة تفكيرها

وبطريقة اللى تسربي بيها القهوة تقدر تميزها وتعرف كيفاه عقليتها اذا رزينة ولا لالا

اذا مثلا خلطت كلش في يعضاه وتفرفجت معناها الطفلة هذي مكان مكان

راك فهمت عليا ياك هههه





​

"لكل وحده حابة تتعلمـ حصريا على اللمة "​

وصح السينيا تبين طفلة تجي حاكمتها بلعقل وماشي ملصقتها في حوايجها ولا مبعدتها بزااف​

وممبعد تحطها بحداهم وتسقسي كل واحد كيفاه يحب قهوتو وممكن القاطو تانا تسقسيهم عليه دنيا ادوااق..
.ايا تصب وتبدا من جيهه وحدهوممبعد تكمل اللي فشمبرا لكل ماشي كل مرة تعطي لواحد ​

ولازم كي تعطي القهوة تكمل بالقاطو لكل واحد ماشي واحد تعطيه قهوة ويسنى دوروا في لقاطو لاخر مازال ماحكم والوا.......​

.ماتخليش القهوة تبرد وهي تتكسل باه توجد كلش​

تخليهم ف غرضهم يشربو "باسكو كي ترفد سينيا شغل سيبون اخرجو كملت القعده "ايا جيست يكملو ممكن ام لعريس تقولها ارفدي ولا امها يعنى تريبوزي ومش لازم تخليها مقابلتهم بزااااااف
((بفففففففففففففففف حللت وفسرت بزاااااف انا هادا واش تعلمت ونشوف بلي انسب طريقة وكل واحد وراييو ))​

مارسي خيو يعطيك الصحه ...:re_gards:​

هههههه أيوه هذى هيا ​

الدرس هذا لازم يتحفظ ولازم لو تدريبات هههه​

 

[اللؤلؤة المصونة]

​

هههههه أيوه هذى هيا ​

الدرس هذا لازم يتحفظ ولازم لو تدريبات هههه​

اي لازملك 100 الف يا لفحلة باش ندير تطبيق ...مممممممم "انا عجوزتكم هنا":shay:​

 

[sima91]

ههههههههههه شابة هدي تاع سينيا معا انا نحشم بزاف باين نقلبها على راسها

 

[صفـاء و نقـاء]

اي لازملك 100 الف يا لفحلة باش ندير تطبيق ...مممممممم "انا عجوزتكم هنا":shay:​

واش من 100 ألف؟

راكى حطيتى الدرس وخلصتى دوق نطبق وحدى :shiny:

ههه لعجوز متعلمش لعجوز تعس باه تعكى برك :showoff:​

 

[zahya]

واش راك سفيان......اول حاجة انا عجبني التوقيع ديالك .....مورالي كان طايح كي شفتاه شحال ضحكت المهم ربي يحفظك من العين ...يا الزين...
وعودة للموضوع .....انا هداك واش نكره غير هدوك التفهات نتاع النساء تقول....راك تخدم في اوطيل ( فندق)...لازم هدي ولازم هدي .....اي تشرب القهوة وتروح تنبق لدارها وتبعث وليدها نتفاهم انا وياه ......
انا حقيقة بحم اني جاوني الكثير من النساء يخطبوني نتصرف عادي ونحط سينية بكل بساطة لا اقل ولا اكثر ......ولي ماتحبنيش على جال السنية....ماتلزمنيش

 

[اميرة الجزآئر]

هههههههههههههههههههههههه
وانا نقول علاش بارو لبنات

 

[ماكانش]

اممممممممم انا اول مرة نسمع بيها​

بالصح نظن ماشي النسا الي يروحوا يخطبوا كامل هكا
شكرا على الموضوع القيم ​

أهلا صفصوفة
ايه مام انا حيرتني شوي، بصح زعما تقلك لازم تحمر وجهي ووجه وليدي
يعطيك الصحة ...​

علاه السينية ثاني ولاو عندها ديتيكنيك ههه
جامي سمعت بيها هذي العفسة
يخي المهم متسيحش القهوة على الضياف وخلاص هههههههههه ​

هههههههه
اهلا وردة
هههه
هذيك موصيبة كبيرة
علابالك قالك واهرة تخرج الطفلة ولوجوه كامل تشوف فيها ههههه
لازم يومين وهيا تونتريني هههه​

 

[القطة الزهرية]

سلام
حبيت نسقسيك انت برك الي قبلولك موضوع جديد ؟؟؟؟؟؟؟؟

 

[lamilam88]

men hatane ta3 sniwa 7na ngololha sniwa eltofla tbane
est ce que rzina ou pas
wtbane elnitham w eln9a kolach ybane
yak golt bine 2w4 sttor welghachi kteblek jornane .

 

[silka143]

ايييييييييهيييييييييييييييييييييييييه جديدة هادي .......كي تفهم فهمنا
المهم السينيا تكون مرتبة
ايييييييييييا و البنة انتاع القهوة:sheer:
ههههههههه :scared::schmoll::schmoll:ياك تعرف النسا​

 

[ماكانش]

سلااااامو
والله صح يمات صاحبك عندها الحق راهي تعرف ملييييح :re_gards: :shay:
إيه كاين طريقة تنحط بيها السنيوة للضياف ، يعني ماشي ترفد و تحط برك ، كي تحطها فوق المايدة لازم بالعقل ماشي كيشغول راهي تخبط فالعجين هههههه و كي تحط السكر تحطو بالمغرفة و تحطو ماشي ترميه كيما ترمي الحجر في الواد :shiny: و غيرها من الحاجات اللي يعتبروهم ناس بكري اللي يحبو ''الطبع و الشان ''من الضروريات عند المرا
بالنسبة ليا غير السنيوة ما نحطهاش ههههه و الله من الحشمة و الخلعة ندفق كلشي:shay::shay::shay::shay::shay::shay::shay::shay::shay::shay::shay::shay::shay::shay:


صحيت على موضوعك الباهي

أهلا بيك يلديز
ههههه
آآآآآآآ مالا كاين ديتيكنيك وانا ماعلاباليش ههههههههه
قالك ولازم تبعدها على قشها ووو، او رانا نتعلمو ونعلمو هههه
يعطيك الصحة ...​

سلالالالالالالام
السينية نعرفوها بلا متشرحا اذا هذي ماعرفناهاش واش بقا ...............:shiny::shiny::shiny:
التقنية هذي كيفاه نحطو السينية جااااااااامي سمعت بيها خلاص او هدي العقلية تاع بكري هههههه ضك يشوفو كيفاه ادير المكياج في وجها ولبستها ههههههه وهدرتها ........نقل حاجة كيما ادير ماتعجبهمش
تضحك ......مخك صغير
تلبس مليح .......مخلوع
عاقل ....هايشة
طاير ......ماكش متربي
غني ......درتها بالحرام
قرااي ...الي قرا قراا بكري
ماكش قراي .....ماكش بنادم
حدك حد روحك .....متكبر
تحكي مع الناس الكل ......ناقص معريفة
امالا ادفن روحك ....وبلاك يصيبوك ويجبدوك
..............ارضاء الناس غاية لاتدرك ........مشكور

أهلا بالشاطرة والفحلة تاعنا :shiny:
كيما قلتي قليل ألي يتوله للأمور هذي
غير للبسة وتعرف ادير الماكياج و لالا ، ووو ...
ولمليحة بزاف تعرف ادير الماكياج وتلبس وماشي فنيانة فحلة مممممم هههههه
وكيما قلتي ألي يتبع الناس مايلقاش راسو
يعطيك الصحة وربي يطيحك في عجوزة توزنك شبر شبر هههه​

ياي وحدة متعرف تحط السينية يا سفيان مالا كامل ماراحش نزوجو​

اي غير ازربو ديرو ليكور هههه كشما تمنعو رواحكم​

هههههههههههههه
عليكم وعلى اللؤلؤة المصونة راهي عطاتكم الحلقة اللولة ههههه​

 

[ماكانش]

سلام
حبيت نسقسيك انت برك الي قبلولك موضوع جديد ؟؟؟؟؟؟؟؟

لالا قطوطة قبلو 5
وموضوعي هذا عندو 3 ايام وهوا يستنا ....

 

[القطة الزهرية]

لالا قطوطة قبلو 5
وموضوعي هذا عندو 3 ايام وهوا يستنا ....

قبلو 5 مابانوش المهم انا درت موضوع اليوم 3 ايام ومزال ماقبلوهش وديجا واحد ودروه خلاص لحد الان ماسمعتش بيه مي علاش يطولو هك ........
وبالنسبة لنلقى عجوزتي تقلبني شبر شبر ياو بطلت يالمصيبة خلاص ندي واحد يتيم هههههه هكا نتهنى i-o::shiny: