مدونة الطبخ الرمضانية لعام 2011

[حاملـة المسك]

فوفة 2011

دارت 3عبار فرينة
عبر سمن نونورس مممممممم هايل و 2 مغارف زبدة
قرصة ملح
و بيضة وحكي كلش مليح
باكي لاليفوغ
وديري شويا زعفران في مزهر و ديريه في العجينة
امبعد ديري ماء و مزهر شويا وبدا تلمي فيه وتعركي فيه حتة تتحصلي على عجينة طرية و تقدري تحليها لاحلال
ديريها في فريجيدار ربع ساعة
وقسميها يعلى 6 يا على 8 انا يما تحب تاع 8 باش جي كي لاتخاس
امبعد ارفدي وحدا او حدا لالا ارفدي وحدا وحدا لالا
وعاودي شكلي ضفيرة واقليهم في زيت سخون​

 

[رآج ـية العفو]

فوفة 2011

عجيجآت الروز

روز /غليته ودرتله فرماج وزبدة وملح وفلفل اكحل وخليته ساعة في الثلاجة باش يتماسك ومن جهة تبلت لحم مرحي وقليته وعمرت بيه دوائر الروز ثم رمدتهم في بيض ثم شابلير وقلبيتهم
لصوص درت بصلة وطماطم وهريسة وكمون ولحم مرحي وجمرتهم
​

 

[حاملـة المسك]

imane27

طيبى لجاج مع حبة بصل وملح وفلفل لكحل كى يطيب لجاج فتيه واتفضى بالمرقة مترمهاش
قطعى بطاطا مكعبات صغار وقليها وصفيها
فى صحن كبير حطى بطاطا ولجاج واحكمى كاس من المرقة لى بقات حطلها 6حبات بيض وانا نضيف لكريم فراش هدا اختيارى بصح انا شفتها جى بنينة به وفرغيه على بطاطا ولجاج وخلطى
اومبعد قطعى جبن مكعابات تاع كيري ومعدنوس وضفيه على الخليط وفرغيه فى مول ودخليه للفور حتى يطيب ويحمار​

 

[حاملـة المسك]

روز22

انا نرابيلها الثوم ونقطعلها الكسبر (ولا نعملهم في الميكسورولا ندقهم في المهراس تاع الخشب )
ونقطع الجزر دوائر ونرابي حبة طماطم ورند وكمون وفلفل أحمر وملح ولاجمبو
و نحط شوي حمص وشوي زيت ونتكتك الكل مع بعض على نار هادئة
بعدها نقطع الكبدة قطع صغيرة نوعا مآ (مش صغير ياسر ) ونحطها ونخلطمليح بالشوي برك ونمرقها
وكي اطيب الكبدة نزيد طماطم نتاع القوابس باش تخثار
ونقلي معاهاالبطاطة تجي هايلة​

 

[حاملـة المسك]

ziassia

قطعت البطاطا دوائر و غليتها
و من جهة أخرى درت الروز يطيب و بعدها قطعت بصل و حمستو و ممبعد قليتو مع اللحم مرحي
و كي غلات البطاطا فرشتها و درت طبقة من البطاطا و بعد فرغت الروز و فوقوا اللحم المرحي و ممبعد كملت البطاطا ألي بقاتلي
و كسرت 3 حبات بيض و ضربتهم مليح و فرغتهم فوقو و درت الفرماج رابي و شوي اللحم المرحي و دخلتو للفرن
و النتيجة كيما شفت​

 

[رآج ـية العفو]

إيمـآن27

لي مونشون

لمنشون ينخدمو بالعجينة المورقة وتعمريهم بلبيشامال تاع فرماج
تحبى تشرى عجينة المورقة وانا شاخصيا نعمرهم بالفرماج وحدو يجى بنين بيه​

 

[رآج ـية العفو]

مريم حـآسي​

الشاي الصحراوي ​

​

نعناع أخضر​

شاي أخضر​

سكر حسب الرغبة​

* قومي بتسخين الماء لدرجه الغليان​

* في ابريق شاي عادي أو اذا كنت تتوفري على الابريق المغربي​

* ضعي بعض حبات الشاي​

* وضعي فوقها القليل من الماء حوالي كأس واحد​

* تقومين بهذه الطريقه بغسل حبات الشاي​

*تسكبي الماء
في ابريق اخر ثم كرري العملية مرتين ​

* و ضعي الابريق فوق النار كي يغلي الشاي و يأخد لونه​

و أضيفي السكر حسب الطلب​

* بعد ذلك تقومي بتقليبه في كأٍس كي يخلط السكر بطريقه جيده
*نظفي أوراق النعناع و أزيلي عنها الجذور​

* ضعيها في الابريق ​

معلومه اضافيه:​

يتغير لون الشاي حسب الكميه التي قمت بوضعها في الابريق​

أذا وضعت كميه كثيرة يصبح لونه على سواد​

أما اذا وضعتي كميه قليله جدا فسيعطيه لون أصفر وهذا ليس بشاي صحراوي هههههههههههههههه يقال في تمنراست شاي الاطفال
حاولي أن تضعي مقياس ملعقتين صغيرتين لكي تحصلي على اللون المطلوب أو حسب الطلب الذي تريدينه.
فوضع النعناع يغلي مع أوراق الشاي سيقلل من نكهة النعناع في الشاي فيجب إضافة النعانع بعد نزع ابريق الشاي (البراد) من على النار وقبل القيام بتقليبه لخلط السكر وحتى نحصل على شاي الصحراء يجب ان تكو ن النار التي يطهى عليها الشاي (هادئة) ..ملاحظة: علميا عملية تقليب الشاي من الابريق الى الكأس عدة مرات تسمح بدخول جزيئات الاكسجين في الشاي وهو ما يعطي الشاي خصائصه التي يشتهر بها (الخ والله أعلم ​

 

[حاملـة المسك]

​

 

[رآج ـية العفو]

أم ندى

تحلية بعصير البودرة
الوصفة للأخت الطفلة البريئة والتطبيق للغآلية أم ندى

1 لتر ماء
8 ملاعق كبيرة سكر
8 ملاعق كبيرة نشا
وساشي تانج //قالت بذوق الليمون تجي احسن
تخلطي كلش بارد في بارد وتحطيها على النار وتخلطي حتان تعقاد
تصبيها في الاكواب وتخليها تبرد
​

 

[حاملـة المسك]

merieme hassi

المقادير :
للعجينة 100 غ مرغرين
100غ سكر عادي
3 بيضات
الفرينة
3 ملاعق صغيرة بيكربونات
3 ملاعق كبيرة عسل

نضع 100غ سكر عادي + 100غ مرغرين+ 3 ملاعق العسل على نار هادئة حتي يذوب الكل و نبعد عن النار و نترك الخليط يبرد قليلا ثم نضيف 3 بيض و نخلط جيدا و اخيرا البيكربونات و نلم بالفرينة نقسم الي كرات متساوية الحجم
و نحل كل كرة رقيق و نضعها في صينية دائرية و نطهو بالواحدة حتى نكمل جميع الكرات نضع الكريمة او معجون المشمش فوق الطبقة الاولى هكذا و زينيها كي تحب​

 

[رآج ـية العفو]

روز

محنشة

الحشو لوز مطحون متوسط مع سكر وقرفة وبرش الليمون وماء الزهر حتى تتجمع قليلا مش شرط تولي عجينة بعدها تفتحي زوج ورقات ديول وحدة فوق نص الاخرى بعضاهم وحطي الحشو بالطول وماتكثريش ياسر وتلويها مليح ونتي تضغطي حتى تولي كي السيقار الطويل بعدها تزيدي ادوريها على روحها وتحمكيها بالكوردون باش ماترجعش تتفتح وامبعد تقليها وتعسليها وتعملي فوقها بيستاش مطحون في الوسط كزينة
​

 

[حاملـة المسك]

imane27

نصف لتر حليب حطيه يغلى
فى صحن حطى 4حبات بيض ودربيهم بلباتور مع 150غ سكر وساشى لفانى
كى يغلى لحليب ضفيه غير بشوية وخلطى باش ميطيبش لبيض
فى كسرونة دري شوية سكر وخليه حتى يولى كرمال وفرغيه فى قوالب وفرغى فوقو لفلون وحتيه فى سنوة فيها حمام مائى ودخليه للفرن يطيب باش تعرفى بلى طاب دخلى موس ولا خرج نقى صافى طا​

ب

 

[رآج ـية العفو]

أم فاروق​

كبة مقلية​

​

المقادير
لحم خروف هبرة صافي من دون شحم مفروم
كاس برغل ناعم مغسول ومنقوع ثم يصفى
ملح
بهارات مشكلة وفلفل اسود
الحشو
لحم مفروم
بصلة مقطعة رقيق
فلفل اسود وملح
صنوبر او جوز محمص
وسمنة
طريقة التحضير
نقوم بفرم اللحم بالمكينة مرتين او ثلاثة حتى يصبح مثل المرهم وبعد تصفية البرغل من الماء نقوم بصحنه بالماكنة مع اللحم ونتبله ونضيف القليل من الماء ونعجنه جيدا بين يدينا
الحشو نقوم بتحمير البصل مع ملعقة سمنة ثم نضيف اللحم المفروم والتوابل ومن بعدها نقوم بتحميص القليل من الصنوبر او الجوز
حضري صحن صغير فيه ماء بارد لكي تبللي يدك عند عمل كل قرص
وابدئي باحضار كمشة صغيرة وباصبع يدك الشاهد بتجويف الكبة بشكل طولي وضعي ملعقة صغيرة من الحشو واغلقيها وهكزا الى ان تنتهي من العجينة ثم تقلى بزيت غزير ويجب ان يكون حامي بس ديروا بالكم الى ان ننتهي من القلي ونضعها في طبق التقديم وتزين بالليمون ​

​

 

[رآج ـية العفو]

عفآف الجزآئرية​

فلفل محشي على طريقتي ----ومن مطبخــــي---​

​

اولا نشويو الفلفل ونحطوه في عليه ونغلقوه عليها ولا في كيس غدائي
باه يعرق ويتنحالنا القشرة بسهولة
نحاولو ما نقطعوهش
​

بعد ذلك ننضفوه من الزريعة مليح وننحيولو السلوك نتاع الحرورية(الخيوط اللي من الداخل هوما اللي يمدو الذوق الحار)

ندهنوه بالبيض
​

نحضرو الحشو حسب الاختيار وحسب الموجود عندك لحم او دجاج او فطر او حتى طون يعني حسب ذوقك او ممكن فرماج وبطاطا حسب واش عندك

نديرو الحشو ونلهوثوه
ونمرروه في الفرينة
ثم البيض
ثم لاشابلير
​

​

بعد ذلك نحضرو صلصة بيشاميل نديروها فرماج وخلطة الاعشاب زعيترة وكسبر اخضر
نحطو الفلفل اللي لهوثناه في لاخطوات وقليناه من بعد
نحطوه في الاطباق اللي نقدموه فيها
ونديرو عليها الصلصة
​

​

ندخلوه للفرن مدة 10 دقائق يذوب الفرماج مليح
ونخرجو نقدموه
​

 

[رآج ـية العفو]

روز

دجاج ايفيلي محشي باللحم المطحون والفرماج

الدجاج ايفيلي انا نسلخ الدجاجة كاملة مش الصدر برك باش تكفيني و نفرشها ونرابي فوقها الثوم والفلفل اسود والكاري والملح والزنجبيل
واللحم المطحون نديرلو بالكسبر والثوم والفلفل اسود والملح وبيضة و نديروحربوش طويل ونحطو فوق الدجاجة المفروشة ونلويه ونشدو بالخيط دوائر دوائر باش نزيرها ولا بالكيردون وامبعد نجيب لاكريم فريش ولا القشطة وندريلها الثوم والموطارد وشوي ملح والزنجبيل والزعفران اذا حبيتي وندهن بيها الدجاج من فوق مليح ونخليه في الثلاجة نص ساعة ولا اكثر وامبعد نطيبو وكي يطيب نقطعو دوائر
​

 

[رآج ـية العفو]

تسنيم الهنآء

حلوة الظفيرة


للي سالت على الحلوى هي كانت كالاتي ''نفس العجينة للشابو و للسنبلة''
العجينة: 4 كيلات فرينة + كيلة سمن ذايب + صفار بيضة + ماء نلم بيه

الحشو: 4كيلات لوز ''او اي مكسرات و ممكن نواد كوكو ثاني'' + كيلة سكر + مبشور حبة ليمون + شوية فاني + بيض حتى نتحصلو على حشوة متماسكة.

للسنبلة
تلوني نصف العجينة بلون لي تبغيه و النصف الثاني تخليه ابيض، تحلي يالالة مليح و تخدمي 2 مستطيلات من العجينة كل واحد يكون طولو 30 سم و عرضو 5 سم
و نحطوهم حذا بعضاهم حيث انو يكون شريط يركب فوق الاخر جوست جوست و نحطو حربوش الحشو في النص و الطراف لي من و من نشلطوهم بالموس و نبداو نظفرو
و هاذ الصور ممكن توضحلكم الطريقة

اما الثانية الشابو فنفس العجينة نقطعوها دوائر بحيث الدائرة الصغيرة تجي لتحت و نعملو كرة من الحشو في النص و نحطو فوقها دائرة العجينة الاكبر لفوق و نحاولو نسويها بشكل قبعة و ندورو عليها الشريط من العجينة الملونة بشكل عقدة ''neoud''
و نلوحوها تطيب و كي تخرج تتعسل و نحطو عليها اللماع''بريون''
​

 

[رآج ـية العفو]

فوفة2011​

طآجين الكفتة بالطريقة المغربية​

اولا سخني الطاجين وفرغي فيه زيت زيتون انا استعملت الزيت العادي
ثم تبلي الكفتة واقليها في الزيت
​

نحي الكفته بجيهة وحطي البصل المقطع يذبل
​

ثم تكونيرحيتي 2حبات طماطم كبار+مغرف طماطم باط+مغرف هريسة+فلفل اسود+ملح+سكنجبير+جوزة الطيب +ملح
وتفرغيها فوق البصل لي ذبلتيه
وهي تغلي وانتي رجعي بولات الكفته
​

غطي الطاجين وخليها تتجمر على نار قليلة
وفي الاخير افقصي البض على حسب افراد عايلتك ودريلو رشة فلفل اكحا ملح ومعدنوس وغطي وخلي البيض يطيب راهو يجي اكثر من راائع نتمنى تجربوه ويعجبكم

​

 

[رآج ـية العفو]

روز​

الشـآي

عفوفة شوفي صحاب غرداية يخدموه روووووعة وعلى 3 درجات من الثقيل للمتوسط للخفيف وتختاري
رايحة نقلك كفاش نخدموه حنا في الاغواط طريقة سهلة تخيلي برك باش تقدري تفهمي مليح ​

تطبخي الماء مليح حتى يولي يتقلب في كاش كسرونة تكوني تطبخي فيها الما برك لانو لاتاي حساس واذا طبختي الما نتاعو في اي شي موالفة اطيبي فيه الحوايج تاع الماكلة الطعم نتاعو يتبدل حنا نطيبوه في حاجة سبيسيال امبعد نصورهالك نسموها الكفاتيرا مش عارفة اذا الاسماء تتغير​

بعد مايتغلى الما مليح جيبي مقدار من لاتاي نسموه الورgـة تغسليه في مصفاة بماء بارد مليح مليح وتغسلي النعناع الاخضر مليييييح وتحطيهم كلهم في هذاك الماء المغلي و تغطي وتخليه يتلقم حنا نقولولو هكذا يعني يطلق اللون الاخضر هذاك
خليه مدة طويلة نوعا ما يعني اخدميه قبل الفطور وخليه
بعدها تجي باش تحطيه هذي خدمتو:​

سخنيه وابداي فرغي من الابريق لكاس لاتاي ورجعي وعاودي وعاودي العملية شحال من مرة
ثم صفيه وديري السكر في كاس كبير شوية كمية كبيرة شوية تاع سكر وفرغي عليه شوي اتاي لي خليتيه يطلق اللون نتاعو وخلطي حتى يذوب السكر
بعدها نحي نص الاتاي لي في الكاس ( لي بنين ) وفرغيه في ابريق لاتاي
وديري العملية من الابريق لكاس لاتاي وعاودي رجعي و وعاودي حتى تحسي السكر دخل في لاتاي
وامبعد اذاحسيتيه مخصوص سكر كملي النص الباقي تاع الكاس الكبير لي درتي فيه السكر وفرغية في الابريق وعاودي فرغي من الابريق لكاس لاتاي
هاذي طريق وضع السكر في لاتاي يعني ماتخلطيش بالمغرف كما بعض الناس ادير لاتاي تاع الصحرا يلزم التخلاط من الابريق لكاس لاتاي وهكذا حتى يجيك بنين كما تحبيه وحاولي ونتي تفرغي لاتاي من الابريق للكاس لاتاي حاولي المسافة تكون بعيدة يلزم تسمعي صوت لاتاي ههه على الكاس ويعمل فقعات هاذيك نكهة لاتاي في هذيك الفقعات
اذا مافهمتيش نزيد نفهمك حتى تكرهي
هذي اسهل طريقة لعمل لاتاي نتاع غرداية معقد وصعيب يلزم تشوفي مي يخرج روعة​

وعلى فكرة الرجال يحبو لاتاي العاقد يعني بيان دوزي باش يجيك كما يحبوه يلزم تكثري شوية من لاتاي حاولي تختاري النوعية المليحة لانو بعض النوعيات تجي مرة شوية​

 

[رآج ـية العفو]

أم ندى​

السيقار حلوى رمضانية من مطبخي ​

المكونات
كمية من الجوز واللوز مفرومين خشن

ماء الزهر
يعني الكمية الكافية الي تلم الحشو
2 م ك سكر احرش
ديول
عسل + شوية ماء زهر
الطريقة
نحط كمية من الحشو في اوراق الديول ونلويها

ونقليها في زيت متوسط الحرارة ومن بعد نعسلها

​

 

[ibtesem]

روز22
لي كريب بالدجاج
وصفة غنية بكل مكونات الغذائية

أتمنى أن تجبوها


عجينة لي كريب:

100غ فرينة
2بيض
قليل من الملح
ربع لتر ماء
ربع لتر حليب

خلطي كل المكونات مع بعض بالباتور ثم بملعقة الأكل الكبيرة (la louche) ضعي في مقلاة تيفال متوسطة الحجم مدهونةإذا استلزم الأمر وتكون على نار متوسطة فرغيها وخليها اطيب..




وقلبيها على الجهتين حتى يصير لونهابني



وحطيها في منديل وغطيها أهم شيء وكملي بقية العجينة حتى تتحصلي على فطائر لي كريب..وحاولي توزعيهم على المنديل ماتحطيهمش فوق بعضهم البعض حتى مايلصقوش في بعضهم البعض



الحشو

-حبة كورجيت أو كوسة خضرا مرابية
-حبة جزر مرابية
(والإثنين اطبخيهم في الماءوقليييل من الملح وصفيهم واتركيهم على جنب)
-فطر (شومبينيون)
-زيتون أخضر مقع دوائر
-موزريلا أوفرماج رابي
-صدر دجاج أو أفخاذ دجاج مسلوقة
وضعي أي نوع توابل أردتي أنا مثلا وضعت الزنجبيل وفلفل أسود
وأمزجي باليد الكل مع بعض جيدااا

ثم ضعي فطيرة من لي كريب ووزعي الحشو عليها ثم ضعي فطيرة أخرى فوقها من لي كريب وضعي ايضاالحشو فيها ثم الويها (مثل البيسكو غولي)وبعدها قطعيها دوائر متوسطة العرض يعني عرضها ممكن يقطعلك 5قطع اقلبيها وضعيها في الفرن وضعي فوقها الفرماج رابي كما في الصور

​