مدونة الطبخ الرمضانية لعام 2011

[حاملـة المسك]

فوفة2011​

​

الوصفة لبنت بلادي​

في مقلة ذبلي بصل مقطع+لحم مرحي+جزر مرابي+فلفل اسود+ملح/بعد مايذبلو اجبديهم من النار وزيدي الروز المفور وخلطي كلش مليح +معدنوس مقطع
من جهة اقلي البطاطا دوائر
وفي مول تاعك ادهني مليح بزبدة ومبعاد حطي طبقة بطاطا ثم فرغي فوقها بيضة مخلطة ثم حطي خليط الكفتة والارز ثم بطاطا ثم ارز ثم بطاطا وفي الاخير خلطي 4 بيضات /فلفل اكحل وملح/ وكبي فوق الطبقات وطيبيه خليه يبرد شوي وقلبيه

​

 

[حاملـة المسك]

imane27

400غ فرينة
120غ زبدة
2 بيض
ملعقة جلجلان
باكي خميرة حلوة
زست تاع قارص
حليب
خلطي كل المقادير ولمي بالحليب وشكلي كوران وجوزيهم فسكرفاج وقليهم ويتعسلو
ودردري عليهم جلجلان

​

 

[ibtesem]

l'algeroise​

مكونات العجينة:
دقيق
ملح
ماء
لعجينة جي ناشفة متكونش جارية ​

تحليها بالحلال ​

تحليها فالمشينة تاع الرشتة بالترتيب في رقم 1- 4- 6 -8 أو 9
تحطيها تنشف ماشي حتى تولي تتكسر
تحليها
تفوريها مرة هدا شكلها بعد التفويرة الأولى
تحليها بالزيت منبعد تفوريها مرة ثانية
تزيدي تفوريها مرتين كل مرة تشمخيها بلماء
ترشيها بالماء زهر و شوي قرفة ثم تفوريها للمرة الأخيرة
يعني كلش 5 تفويرات ​

مكونات المرقة:
بصلة مقطعة قطع صغيرة
سنة ثوم
ملح
فلفل أسود
عود قرفة
حمص
لحم أو دجاج أو في زوج
تقليهم في الزبدة و الزيت
قرعة (جريوات) + لفت ​

هذا شكلها النهائي ​

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 600×400 و حجمها هو 261 كيلوبايت.

ملاحظة
تقدري توجديها يوم أو يومين من قبل بصح تفوريها مرة وحدة برك تحطيها في كيس بلاستيكي و تحطيها فالثلاجة كي تكوني رايحة طيبيها تكملي تفوريها 4 تفويرات لي بقاو​

ملاحظة
كاين طريقة أخرى للتقديم تحطي الرشتة في صينية تفرغي فوقها المرقة و دخليها للفرن حتى تشرب المرقة (أنا شخصيا مجربتش هاد الطريقة بصح لي جربوها قالو جي بنينة) ​

 

[حاملـة المسك]

الروز للي يحب الروز

مع تمنياتنا لكم بالإستفادة والإستمتاع​

 

[حاملـة المسك]

ام منصف

كاس حليب
كاس فرينة
بيضة
شمة ملح
شوية فانيليا
مغرف خميرة القاطو


​

 

[حاملـة المسك]

merieme hassi

فوفة خدمت القاطو بعجينةالصابلي
المقادير
250غ فرينة
رشة ملح
ملعقة كبيرة سكر قلاصي
125غ زبدة
1 بيضة
رمدي الزبدة مليح مع السكر ثم زيدي البيضة و رمدي مليح ثم اظيفي الفرينة و رشة الملح اتركي العجينة ترتاح ثم وضعيها في التواسي الي عندك ثم الي الفرن حتي يحمارو
خليهم يبردو
انا عملت الكابريس و شوية زبدة في حمام مائئ كي دابو زدتلهم شوية فوندو هده اظافة من عندي
هنا عمرت التواسي بالكابريس و ثم زدتلهم الشكولاطة و زينتهم بالبيستاش​

 

[ibtesem]

رآج ـية العفو

إلى بسووومة

l'appareil à flan

بآت بريزي : 250غ فرينة + 125غ زبدة + 1 صفآر بيض
1/2ك مآء ( كآس تآع لآتآي) + رشة ملح + 25غ سكر
نخدم العجينة وترتآح سآعة في الثلآجة
ثم تفرد في قآلب وتدخل للفرن تطهى نصف طيآب ونخرجهآ ونحضر
الحشو
5ك مآء + 1 بيض + 350غ سكر + 3م ك لحظة +
50غ نشآ + 150غ فرينة + ملون أصفر + عطر موز أو فآني

في كسرونة نحطو 3 ك مآء مع سكر وفوق النآر يغلو
ومن جهة أخرى نخلط 2 ك مآء مع البيض والنشآ واللحظة والفرينة
والملون والعطر نخلطهم مليح ونفرغ عليهم السيرو ونخلطو ونرجعو
كل شي فوق النآر حتى تثقل شوي تفرغ على العجينة وتدخل للفرن
حتى تطهى ثم تزين بنبآج أو عسل أو مربة ولوز إيفيلي

هآذ الكمية تخدم لك تورت كبيرو ووحدة متوسطة ​

 

[ibtesem]

رآج ـية العفو

إلى أم كوثر


ديسآر بالتفآح مرحي والكريمل

كرميل: 2 م ك زبدة + 1 ك شآي سكر + نذوبهم فوق النآر +
2 م ك مآء ونتركهآ على نآر هآدئة حتى يصبح لونه أصفر خفيف


ونحضر الديسآر : 1ل حليب ننزع منه كآس حليب ونحطوه في ميكسآر
+ 2 حبآت تفآح كبآر ونرحوهم ونضيفو 3 م ك نشآ ونخلطوهم
وفي كسرونة نضع الحليب الآخر مع 1 ك سكر فوق النآر كي يبدآ
يغلي نضيفو خليط التفآح المرحي والنشآ ونخلطو كي تبدآ تثقل نضيفو
الكرميل ونخلطو ونقطع تفآح مربعآت صغآر أو أي فآكهة ونضيفهآ
للخليط ونخلطو كل شي وكي تثقل نفرغوه في أكوآب يبردو
والتزيين حسب الرغبة ​

 

[حاملـة المسك]

meriem104

المقادير : 500غ زبدة طرية - كاس قازوز سكر ناعم - كاس و نصف ميزينه - ملعقة قهوة فانيليا او زوج اذا حبيتي - 4 ملاعق كاكاو ممكن كثر على حساب نوعية الكاكاو - ملعقة قهوة خمارة كميائية - فرينه حسب الحاجه
--
نخلطو كامل المقادير و نلايمو بالفرينة حتى تولي عندنا عجينة ماشي يابسه ، حليها و قطعيها كيما حليتي بطابع و شكل لي تحبي
--
كي طيب لصقيها بالمربى او الشكلاطه او نيسلي كيما تحبي " انا نفضل شكلاطه يجي ذوق بنين "
امبعد ذوبي شكلاطه و غطسيهم فيها و زيني بورود بعجينه التزيين
--
راح يقطلعلك 70 حبه و ممكن كثر راه زاكي " و من الاحسن خدمي بشكلاطه نتاع MOKA " هايله
--
هاذي طريقة باه تذوبو الشكلاطه :
نقولكم انا فلول كيفاه كنت نذوبها كنت نديرها فطبسي فحمام مائي و لا نديرها فكسرونه و كنت نخدم غير حبات و نعاود نرجع للفورنو نذوبها و نظل رايحا جايه بلا لماعن نوسخهم و الا درتها فالكسرونه تلصق منجي نكمل لقاطو و كامل لحبات حتى نكره حياتي

درك لالا رجعت نذوبها هكذا : تجيبي كسرونه ديري فيها لماء و تحطيها فوق الفورنو و تخلي الماء يغلي متعمريهاش
جيبي باطا نتاع زبدة نتاع صول مثلا نتاع 500 ولا نتاع 250 غ تكون فارغه دخلي فيها لعلبه نتاع الشكلاطه و حطيهم فوق الكسرونه ، ردي بالك تخلي الما يدخللها راح تخسرلك و ميجيكش قلاصاج شباب ، و خلي حتى تذوب شكلاطه امبعد نحيها من فوق النار و خدمي كي تكملي اغلقي العلبة نتاعك و خليها تبرد و رديها لثلاجة حتى تعاودي تخدمي بيها لمره الجايه
هكذا تكملي تخدمي قلاصاج نتاع القاطو نتاعك فدقيقه و متوسخيش الماعن تاوعك


​

 

[ibtesem]

رآج ـية العفو

قنيدلآت تآع طآجين الحلو

1بول كوكآو مقلي ومطحون 1ك شآي تآع خبز مقلي ومطحونرطب
و3 بيآض بيض و 1 بيضة كآملة 1 ك شآي سكر و ملعقة صغيرة
خمآرة حلوة وفآني وتخلطيهم مع بعض وتدهني أي قوآلب عندك تآع مآدلآن
صغآر وتفرغي الخليط وحطيهم يطيبو ومن بعد حطيهم في لآصوص تآع الحلو
وحدهم حتى يشربو وقت التقديم حطيهم مع الحلو


ومرسي ختي أوريدآ وختي أم كوثر ان شآء الله بعد العيد
كل وصفة نحطهآ في موضوع بالشرح بالصور درك مآ نقدرش
من ضيق الوقت وبصحتكم وآش طيبتو أمونة وبسومة
وكل لبنآت بصحتكم ويع ـطيكم الصحة
وفلوسة تشآرآك جآك هآيل يع ـطيك الصحة

وحبيبة ملكة الجمآل سمحيلي على التأخير درك نكتب لك​

 

[ibtesem]

رآج ـية العفو

البسبوسة هي للأخت الغآآلية ميميشآ يع ـطيهآ الصحة جآت روعة

السيرو: 1 ك سكر + 1 ك مآء + عصير 1 ليمونة + فآني
فوق النآر تغلي طفي عليهآ وخليهآ بجهة

العجينة : في خلآط حطي 4 بيض + 1 ك زيت + 1 ك سكر
+ 1 ك سميد رقيق+2 م ك و1 م ك نوآة كوكو +1 يآغورت
فآني أو مشمش سعة 100غ + قشور ليمونة + 1و1/2 خمآرة
خلطي كل شي مع بعض مليح وخليه 5د يرتآح وعآودي خلطي
مليح وخليه يرتآح 5د وخلطي وفرغي في المول تدخل للفرن لتطهى
حتى تتحمر الأطرآف حمريهآ من فوق وقلعيهآ وطفي الكوشة
سقيهآ بنصف كمية السيرو ورجيعآ للفور وهو طآفي
وخليهآ 1/4 سآ وسقيهآ مرة أخرى بالكمية المتبقية وخليهآ تبرد
بعد 2 سآ قطعيهآ ​

 

[حاملـة المسك]

samora68

الوصفة انتاع الجلجلانية للاخت وصال والاخت 93لابد هي 500غ مرغرين،كأس سكر كأس جلجلانية ،2كأسان كاوكاو ،نصف باكي لفير ،وفرينة باش تلمها تخلط كلشي مع بعض وديرهم حربوش وتقصهم مقروضات وتحطهم يطيبوا و كي يطيب حطوا فورافي السكر قلاصي . ووصفة الصابلي هي 500غ مرغرين ،كأس سكر، 2صفار بيض، لفاني ، نصف باكي لفير، و الفرينة باش تلمها تقريب كيلو او كيلو حسب الفرينة،الطريقة تطرحها وتقطعها باقالب الصابلي وتحطها الطيب وكي الطيب لسقها بشكولة مكان المعجون .

​

 

[ibtesem]

nada242008 ​

بوراك بالحوت جا خفيف ومقرمش

اي نوع حوت مطبوخ
نقيه من الشوك ونفتتو مليح
نحل ورقة الديول ونحط شوية من الحوت وشوية بصل مقطع رقيق ورشة معدنوس
وزيتون مقطع شرائح
ونطويه ونقليه في الزيت​

وبقاتلي من العجينة تاع البيتزا درت بيها دي شوصون

عجينة ال 10 دقائق
نحلها ونقطعها الى دوائر
كل دائرة نحط عليها الحشو // اختياري
انا استعملت صلصة البيتزا وفرماج مبشور وزيتون ولحم مرحي
ندهن الاطراف بالبيض
ونغلقهم بواسطة شوكة
وندهنها من فوق ايضا
نخليهم يختمرو ونطيبهم في فرن مسخن مسبقا
​

 

[ibtesem]

ايمان التلمسانية

والبرقوق بالدجاج

​

 

[ibtesem]

ام منصف

اورديفر بالشعيرية

طاجين المكفت او ملفوف اللحم بصوص بيضاء

​

 

[حاملـة المسك]

 

[ibtesem]

كوثر الوهرانية

تنضفي الدجاج و تنحيلها العضام و تحكمي الكفتة و تبليها ملح فلفل اسود سكنجبير و بصل مرابي و ثوم و معدنوس تحطيه في وسط الدجاجة و تضيفي شوبينوا مقطع و فرماج و تغلقي الدجاجة مليح وبالخيط و تبليها بصل مرابي ثوم و ملح فلفل اسود ملعقة موطارد سكنجبير و قليل م الزعفران اوراق من الرند و ملعقة زبدة تحكي
بهدي التبليل الدجاجة مليح و تحطيها في مول و تحطي عليها كاس ماء و دخليه الفرن تطيب حتى تحمار مليح تقلي البطاطا و تزيني بيها

.........................
خمسة عبار فرينة و عبر زبدة دايبة و رشة ملح و نصف كيس خمارة الحلوى بيضة و نلمها بالماء نخليها ترتاح نرش طاولة العمل بالفرينة و تورق العجينة و نحشيها باي حشوة موجودة
انا حشيتها فلفلة مقلية مع كفت مدبلة بالبصل و التوابل و زدت فرماج نخدمها هليلات و ندنها بالبيض و ندخلها تطيب

.................................
التارتولات لعجين استعملت تلات عبار فرينة و عبر زبدة دايبة و زوج ملاعق موطارد و اربعة حبات فرماج ملح فلفل اسود و سكنجبير و زوج بيضات و نلمها بالماء نخليها ترتاح و نحلها بالوراق و نعمرها في لي مول اع التارتولات و ندخلها تطيب
الحشوة صلصة البيشمال و قليت كروفات خلطتهم و عمرت التارتولات و رشيت الفرماج رابي و دخلتهم الفرن

 

[ibtesem]

meriem104

 

[حاملـة المسك]

imane27​

اما بتنجال تحليهم على زوج اومبعد وجدى لحم مرحى مع بصل ملح فلفل لكحل قرفة شوية روز وفرماج رابى وحبة بيض تخلطيهم وتعمري بتنجالودريى صوص توما ت عادى وتستفيهم فى بلا وحطى عليهم صوص طومات ودخليه للفرن كى يطيب دردري عليه فرماج رابى وخليه يحمار​

 

[حاملـة المسك]

فوفة 2011​

عجينةالسوفلي هيانا عملت نص الكمية
كيلو فرينة+مغرف كبيرة خميرة/تاع الخبز/+قرصة ملح+1باكي ونص خميرة قاطو+فنجان ونص زيت تخلطي المقادير وتعجني باالماء بلا ماتدلكي غير تلمي برك وخليها تريح ربع ساعة ومباعد ولي شكلي دوائر واثقبي بالفرشيطة وعمري وغلقي باالفرشيطة وادهني بالبيض​

الحشو انا دهنت العجينة بشوية مايوناز وهريسة غير شوي ثم حطيت اللحم المرحي المتبل ومقلي وزدت فوقهم قطعة فرماج تعرفي جات تذوب في الفم هايلة
هذه اول مرة نجرب هذه العجينة ولقيتها في واحد السيت وربي يجازي صاحبتها فعلا تجي روعة​