مدونة الطبخ الرمضانية لعام 2011

[ام ايناس]

ام كوثر

لي فول او فوا محشيين على طريقة اختي روز بالخضرة مقطعة قطع صغيرة و مغلية بالماء و الملح و كي يطيبوا صفيهم و درت معاهم تونة و فرماج و زيتون مقطع و خلطتهم بالميوناز و زينتهم بالفرماج رابي​

 

[حاملـة المسك]

تحية معطرة بأطيب نفحات الورد تحية من قلبي لقلوب الجميع دون إستتناء​

 

[ام ايناس]

روز 22

كنت موالفة نزيد شوية رز للحم المطحون هذ المرة بدلت درت البرغل شمختو شوية في الماء وخلطتو مع اللحم المطحون والتوابل والكسبر والبيض​

 

[ام ايناس]

nada242008

المكونات
عجينة ال 10 دقائق
مارغارين بدرجة حرارة الغرفة

للتزيين
صلصة طماطم
والباقي اختياري

الطريقة
نحضر عجينة ال 10 دقائق
نخليها تختمر
ومن بعد نقسمها الى كويرات
كل كويرة نحلها باقل سمك ممكن
ندهنها بالمارغارين او الزبدة
نطويها بهذا الشكل
وكل مانطوي ندهنها
ومن بعد نقطع الاطراف بالجرارة// اذا تحصلنا عليها سميكة نزيد نحلها شوية
نحطها في بلاتو ونزينها بالصوص ..زدت معاها فطر
خليها تختمر قليلا
ندخلها الى فرن مسخن مسبقا 200 درجة
ونقدمها
جات هايلة وتتقرمش ..ان شاء الله تجربوها وتعجبكم​

 

[ام ايناس]

ابتسام​

بسم الله

2 م ص خميره
1\4 ك حليب سائل
1 م ك سكر ​

3 و 3\4 ك - 4 ك فرينة
1 بيضه بحراره الغرفه
1 م ك ملح
1\3 ك زبده بحرارة الغرفه
1\2 ك حليب سائل دافي
اولا نحل الخميره ب بربع كوب الحليب ونتركها حتى تطلع
نخلط الفرينة والملح ونضيف عليه الخميره وباقي الحليب والبيضه
نعجن تم نضيف الزبده ونعجن لمده لا تقل عن 15 د
نغطيها ونتركها تختمر حتى تتضاعف لمدة ساعة ونصف
نبدا الشغل
الحشو حسب رغبة كل واحد مايريد
حاولو متطلقوش العجينة باش تتحكمو في الضفرة
اليكم الصور
​

نغطيها ونقطعها على اربعة لم الى الى اربعة اخرين واربعة المجموع 12 تقطيعة متساوية
ونلفو كا اثنين مع بعض مثل في الصورة ​

​

هنا عملناهم كامل ​

​

ندهنها بالصفار البيض ​

​

ندخلها الى الفرن ​

​

هدي بالصلصة الكماكم والفرماج فقط
الصورة الاولى تاع اول فطيرة لعملتها
ان شاء الله تكونو فهمتوني
شهية طيبة للجميع ​

 

[ام ايناس]

ابتسام​

​

​

​

الوصفة
نسيت ماخديتش المراحل
راني نقلتهم كيما طبقتها
من الاخت نور الياقوت
المقادير :200غ جوز محمص و مكسر باليد وانصاف جوز للتزيين...300 غ عسل...3بياض بيض ...75غ ماء.....250غ سكر عادي....فانيلا
التحضير :
نضربو البياض مع الفني ورشة ملح حتى يولي جامد
نحضرو سيرو بالماء والسكر ونخليوه يغلي ........نسخنو العسل على نار هادئة
وكي السيرو يجهز (135درجة ) نضيفوه للعسل ونخلطو شوي فوق النار ثم نحيوه
ونصبوه بشكل خيط رفيع على الميرانغ لي حضرناه بصح بلاما نحبسو الخلاط
....نبقاو نخبطو حتي نتحصلو على ميرانغ ايطاليان ( هاذ الميرانغ يستخدم في دهن لي تارت كلّي كريم شانتي )
نرجعو للموضوع... لما تبدى الجوزية تجمد نحطو الوعاء في حمام مريم على نار
هادئة (الوعاء لازم يكون إينوكس إذا كنا نستعملو خفاق كهربائية أو يكون
الوعاء تاع العجانة هو أصلا إينوكس ) نستمرو في الخلط بملعقة كبيرة او
سباتولا كيما قلت بدون توقف باه تنشف الجوزية وهاذ المرحلة تدي شوي وقت وجهد حوالي ساعة ونصف

لما تجهز الجوزية نحيوها من حمام مريم ونضيفو الجوز المكسر ونخلطوه ونفرغو
المزيج في بلاطو مغلف بورق سولفيغيزي ونعدلو السطح بوضع ورقة أخرى على
الوجه ونملسو باليد ونوزعو أنصاف الجوز

إضغط هنا لرؤية الصورة بحجمها الطبيعي.
باه لما تجمد نقطعو كل قطعة فيها نصف ​

 

[ام ايناس]

عفاف الجزائرية​

السلام عليكم ورحمة الله وبركاته
ان شاله تكونو كامل بخير عليكم
خدمة قاطو الغريبية بالنسبة ليا انا بطريقة جديدة واقتصادية جا خفيف وزاكي وبنين
حبيت نفيدكم بيه عارفة العيد على الابواب​

المقادير نتاعو:
3 كيلات فرينة( مقدرة ب 350 غ او 3 كيسان - كل مغرف اكل كبيرة تقارب 25 غ للي ما عندهاش الميزان)
كيلة سكر رطب (100 غ )
كيلة مخلطة بين سمن وزيت (ما يقارب كاس نتاع الاينوكس)
مغرفة فاني
و 6 مغارف جنجلانية محمصة

نخلطو الحوايج الناشفة كلها مع بعض
وبنداو نعجنو بكاس الزيت والسمن المذاب يكون بارد
حتان نتحصلو على عجينة تقدري تقولي متماسكة لانها مادامها معجونة بالزيت برك رح تبقى تتفتت​

​

بعد ذلك نحلوها بالشوية بالحلال ونستعملو شوي فرينة وساعة ساعة نريقلوها باليد حتان نتحصلو على سمك يكون متوسط تقريبا 2 سم
نقطعو الشكل اللي نبغوه
ونرشقو فيه لوزة او حبات بيسطاش

بعد ذلك ندخلوه للفور يطيب بشرط نكونو مقابلينو يطيب مليح من الاسفل ومن فوق يبقى شوي ابيض على زهري
كي يطيب نغطسوه على الجوانب في المعجون
ونلهوثوه على الجنجلانية​

وعلى جنب كل حبة نغطسوها في لامعجون مرة تانية ونحطوها في بيسطاش مرحي

هذا شكلهم بعد الانتهاء من التزيين
وهذا الشكل النهائي​

​

 

[ام ايناس]

ام كوثر

زيتون روندال غليته مليح في الماء و القارس تلاث مراة و درت صوص طماطم عادية تطيب و صفيت الزيتون و درته يطيب في صوص تاع الطماطم نخليه يطيب حتى تنشف الصلصة مليح منبعد ندير عليه المعدنوس مقطع رقيق و من جهة اخرى نقطع كبد الدجاج او الخروف الي حاضر فالدار و نتبله بالملح و الفلفل اسود و الثوم مرابي و المعدنوس و نديره في قليل من الزبدة و الزيت نغلق عليه و نخليه يتقلى حتى يطيب ناخد صحن نضع الزيتون و نزين بكبد الدجاج و نرش المعدنوس​

 

[ام ايناس]

ام كوثر

التحلية هديك محلبي تشري الروز مطحون راه يتباع في بايط و ديري نصف لتر من الحليب و تفرغي محتوى الصاشي تاع الروز مطحون و ديري خمسة ملاعق تاع اكل تاع سكر و خمسة ملاعق اكل ماء زهر على نار قليلة مع الخلط المستمر حتى يبدى يغلي خليه مدة تلاث دقائق و نتي غير تحركي طفي عليه حطيه في اكواب تاع الفلا و زيني بالقرفة​

 

[ام ايناس]

imane27

طيبي مرقة بيضاء بلحم بصل زيت ملح فلفل لكحل قرفة خليها تتقلي وضفي جلبانة وخليها حتي يطيب اللحم وجلبانة ومن جهة اخرى نقي قرنون وجدي لحم مرحي مع بصل شوية روز ونفس التوابل لحطتيهم فالمرقة وعمري لقرنون ودريه يطيب فالمرقة وخليها حتى تعقد وقدميها مع رشة معدنوس وقارص​

 

[ام ايناس]

nada242008​

المكونات​

قاطو بيمو
حليب محلى ومكثف نستلي
حفنة مكسرات جوز ولوز
شيكولة نوار​

الطريقة​

نفتت حبات البيمو ونحطها في الميكسور مع الجوز واللوز ونرحيهم​

ثم نضيف النستلي ونخلط​

ثم نشكلها كويرات وداخل كل كويرة نضع نصف جوزة​

نذوب الشيكولة في حمام مائي ونضيفلها ملعقة صغيرة زبدة
نغطس الكويرات في الشيكولة الدائبة ونضعها في صحن مغلف ببلاستيك حتى يسهل نزعها فيما بعد​

ندخلها للثلاجة حتى تجمد الشيكولة ثم نخرجها ونزينها بملأ la seringue بالشيكولة الذائبة
ونتركها تبرد مرة ثانية
ثم تقدم في اكياس ورقية

وان شاء الله تجربوها وتعجبكم :surrender:
​

 

[ام ايناس]

روز 22

كنت مانخدموش خلاص مالغري نموووت عليه بسكو كان يتفتت ويهبلني
حتى وليت نكره خدمتو مي دركة لقيت حيلة هي كي نخدمو ونقطعو
قبل لنقليه ندخلو للثلاجة نص ساعة ولااكثر وبعدها نقليه مباشرة ونقص النار عليه
هكذا ولا مايتفتتـليش​

 

[ام ايناس]

عفاف الجزائرية​

سلام بنات
ان شالله تكونو كاملين بخير
جبتلكم كي العادة قاطو خدمتو وجاني مليح ووافي واقتصادي وزاكي وكل شي
والبنة ما عندي ما نقول فيه
المهم اسمو المشقوق
نروحو للمقادير:
500غ جوز الهند
300غ سكر رطب
مغرفة فاني
ملون اخضر واحمر او حسب الذوق
من 3 الى 4 بياض بيض​

للتزيين
لوز ابيض منسل
وسكر رطب​

طريقة التحضير:
نرحيو النوادكوكو نتاعنا مرتين

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 588×441.
(ما تشوفوش ليا انا باسكو عملت كمية كبيرة)
نخلطو النواد كوكو مع السكر والزاست نتاع البرتقال ولا الليمون​

ونديرو الملون في بياض البيض
ونعجنو بيه النواد كوكو
نتحصلو على عجينة متماسكة وطرية

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 555×417.​

بعد ذلك نشكلو دوائرة متوسطين
ونرمدوهم في السكر الرطب
بعد ما يطيب طول نقدموه
وهذا الشكل النهائي
.

يجي مشقق والالوان تظهر اسفل السكر

​

 

[ام ايناس]

ام دودو

​

القريوش
3 كيسان فرينة + 2 مغارف جلجلان مقلي + رشة ملح + 4 مغارف زبدة غير مذابة يعني بحرارة المطبخ + أكثر من مغرفة سكر و تبسسي مليح و من بعد ضيفي نص مغرفة كبيرة خميرة فورية + نص مغرفة صغيرة خميرة الحلويات و نخلط و نضيف 2 مغارف خل و بيضة و نكمل نبل بماء زهر و نجمع العجينة و نقسمها إلى 4 أقسام و نغطيها و نخليها تتخمر و من بعد نأخذ بالقسم و نحلها بالنشابة و نكمل نقطعها بطريقة القريوش

 

[ام ايناس]

ام دودو

رطل قطايف نوعية الرقيقة
نص رطل زبدة ذايبة
فانيليا
نص رطل جوز مقلي و مرحي خشين
باطة نستلي طايبة في طنجرة الضغط
شوي بيستاش للتزيين
العسل
الطريقة
تفتفتي القطايف مليح و ترشي عليها شوي فانيليا و تسقيها بالزبدة الذايبة واتركيها على جهة
و من جهة أخرى خلطي كمية الجوز بالنستلي ( باطة تاع رطل )
تجيبي فنجان صغير الحجم و تعملي طبقة تاع قطايف و تكون على شكل حفرة و ضعي فيها مغرفة صغيرة من مزيج النستلي و الجوز و غطي بطبقة أخرى تاع قطايف و تضغطي عليها مليح و تقلبيها في صينية الفرن و هكذا حتى تكملي كل الكمية و تدخليها الفرن و عند خروجها مباشرة إسقيها بالعسل و زيني بالبيستاش​

 

[ام ايناس]

nada242008​

المقادير
العجينة تباع جاهزة ومطبوخة او تصنع في البيت بالعجينة المورقة كالتالي

نفرد العجينة المورقة

ثم نقوم تقطيع دوائر حسب الذوق ​

​

​

​

​

و دوائر اخرى فيها ثقب فى الوسط بهذا الشكل

ندهن الدوائر الاولى ببياض البيض
و نضع فوقها الدوائر الاخر و ندهنها بالصفار البيض كما فى الصورة​

​

الحشو
كوب من مرقة دجاج
لحم مرحي + بصلة مفرومة ومعدنوس وفلفل اكحل وملح + بيضة
تشكليها كويرات وتحشي كل كويرة بقطعة فرماج روج ومن بعد تقليهم شوية حتان يتحمرو
وتحضري صوص بيضا تاع دجاج تصفيها طبعا وتلوحي فيها كويرات اللحم المرحي يكملو طيابهم فيها
تجيبي les vols au vents اللي شريتيهم ولا خدمتيهم وتسقيهم شوية بمرقة دجاج ومن بعد تحطي كويرة لحم مرحي + شوية زيتون اخضر مقطع + فرماج مبشور وتسقي بمرقة الدجاج شوية
وتكرري العملية لمرة ثانية في كل حبة
ماتسقيش بزااف باش ما يترنخوش وكي تكملي رشة معدنوس ودخليهم للفور لمدة 10 دقايق

 

[ام ايناس]

nada242008​

المكونات
صدور دجاج
حبة بصل كبيرة
خبز مرحي ( la chaplure)
ملح + فلفل اكحل
بيضة
زيتون اخضر منزوع النوى
معدنوس
فطر معلب​

الطريقة
ننزع العضم من صدور الدجاج
العضام تاع الصدر ننصب بيه مرقة بيضاء عادية يعني
نقطع نصف حبة بصل + شوية زيت + ملح وفلفل اكحل وزنضيفلها العضام المنزوعة من الصدور نقلي شوية ومن بعد نمرق ونخليها حتان تطيب ومن بعد نصفيها ونخليها ​

في ميكسور نحط الصدور المقطعة + نصف حبة بصل مقطعة+ معدنوس ونرحيهم
ومن بعد نضيفلهم بيضة + ملح + فلفل اكحل + شوية خبز مرحي

ونشكلهم صبيعات

ونعاود نمرغهم في الشابلير

ومن بعد نقليهم حتان يتحمرو ونحطهم على ورق المطبخ

نغلي الزيتون مع نصف قارصة ونصفيه مرتين
نسخن مرقة الدجاج المحضرة سابقا ونضيفولها الزيتون وصبيعات الدجاج وفي الاخير نضيفولها الفطر

ونزينوها بالمعدنوس ونعصرو عليها القارص

​

****
​

 

[ام ايناس]

 

[ام ايناس]

imane27

250غ فرينة و125غ زبدة وحبة بيض شوية ملح ومغرفة ماء بارد
تحطي فرينة مع زبدة مقطعة مكعبات تكون باردة وتخلطى مليح حتى تدخل فيها اوبعد زدي بيص وماء وغلفيها بورق ودريها فافرجدار تريح
الحشو انا درت صدر جاج طيبتو مع بصل واضفت لو معدنوش ملح فلفل لكحل لبيض فرماج وكرم فراش وتحلى لعجينة فالمول وتفرغى الخليط ودخليها للفور حتى طيب ​

 

[ام ايناس]

nada242008

2 كيسان فرينة
ملعقة كبيرة ونصف خميرة خبز
ملعقة كبيرة سكر
4 ملاعق كبيرة لحظة // هذي زدتها
ملعقة ونص زيت وتعجني بالما الدافي وطبعا العجينة تكون مرخوفة شوي​