أرواح فهمنا واش راك تهدر في منتدى واش راك تهدر ....الملح

[iman la brune]

انا جاني المقصود من الملح مش الملح تاع الماكلة ولكن الملح من الملاحة

يعني لما تقول خانت الملح والعشرة يعني خانت التعامل معها بالمليح


​

 

[القطة الزهرية]

ههههه نشعر لاني شاعر مسوس​

تالمو لاطونسيو والسكر فيروس منتشر في الجزائر مي حنا نحبو غير المالح والحامض مافهمتش علاه هههه يسمى انت شاعر مسوس يخي يخي نشريلك شوي ملح او رخيس هذا الي نقدر عليه مكانش دراهم زواليا وهو الوحيد الي رخيس في هاذ لحياة علابيها هو برك مقدوري نشري لخويا ماش خسارة :shiny:

 

[ღحنين الروحღ]

السلام عليكم
وي عندك حق ساعات كاينين كلمات في لهجتنا احنا لالجيغواز تحير المخ
مي ناس بكري كي قالوا الملح ماقصدوش بيه الملح هدي استعارة يا اخي عن الطعام اي بينك وبين جارك طعام مشترك وخير مقسم يعني*كيما يقولوا كليتوا من صحن واحد يعني الخير بيناتكم
والملح ايضا كناية عن العشرة والطيبة والحب الي يجمع مابين زوج

ههههههههه
والله معلومات هايلة
انا نظن هكا
بحسب علمي
شكرا لك على الموضوع الهايل
ههههههههههه
موضوع هايل
+التقييم
​

 

[لاجودان شاف]

واش رايك ............

ههههه ملييح
وعلاه كارهة روحك كيعاد صغيرة
كنا نقولو هك وكي كبرنا شوي حبينا نرجعو للورا:sadwalk:
+
صح بربوشة ومحتجب بلا ملح صامطين
نحلف بربي ماتعرفي طيبي منهم غرام:santa_1:
+
مابربشت في التراث ما مالو
نحن لانبربش أحياننا فقط نتفتف
​

تالمو لاطونسيو والسكر فيروس منتشر في الجزائر مي حنا نحبو غير المالح والحامض مافهمتش علاه هههه يسمى انت شاعر مسوس يخي يخي نشريلك شوي ملح او رخيس هذا الي نقدر عليه مكانش دراهم زواليا وهو الوحيد الي رخيس في هاذ لحياة علابيها هو برك مقدوري نشري لخويا ماش خسارة :shiny:

هههه هذاك ماكان في الدار غير الملح ...اشريه ليك
طيبي بيه شوي محاجب وشخشوخة
انا رح نولي شاعر لذيذi-o:
​

 

[Moha le sage]

السلام عليكم ...

حبيت نضيف لموضوعك خويا لاجودان ... الملح يسموه في بعض المناطق الربح ... تيمنا بيه ربما ..


كاين بلاصة يخدمو فيها الملح و هي لوطاية ... اللي جاية في الدخلة تاع بسكرة ...


يقولو حتى كمثل سائد عندهم ... كي تهدر على الربح باي مناسبة ( زعما نحوس نربح ولا حاجة هكذا ... )

يقولولك الربح راه في لوطاية ...


بخصوص عشرة و ملح ... منعرفهاش ... لكن نحوس عليها ان شاء الله


و لو انو بيني و بينك .. راحت العشرة بين الناس و بقى غير الملح ....


خيك موح









​

 

[لاجودان شاف]

السلام عليكم

صح والله حاجة تحير
لكن رغم انو الملح ماهوش مليح لما تاكلو وحدو...لكنا ما نستغنوش عليه
يمكن بهاد المعنى ..كما قال اخي سفيان
اما حاجة اخرى ..راك حرت وحيرتني معاك هههه
ولا لما تطول حاجة تملاح زعما؟
ولا واقيلا زعما العشرة بلا الملح تولي سامطة ههه
والله راني نتفلسف وحدي
المهم نقولوها كيما قالوها جدودنا وخلاص
شكرا على الموضوع =)
ربي يهنيك​

أهلا بيك أختي
وانا ثاني حرت وعليها طرحت الموضوع هذا وعلاه الملح
قالك كيعاد يبنن الماكلة ...يعني مشكلنا غير بنة
وبصح راهم يسبعو ويربعو ويخمسو بيه يعني فيه حاجة
+
نتي حالمة الجنة قريب غلطت فيك وقتلك مالحة الجنة هههه
المهم يحيا الملح
شكرا لك ختي
:re_gards:​

 

[لاجودان شاف]

السلام عليكم ...​

حبيت نضيف لموضوعك خويا لاجودان ... الملح يسموه في بعض المناطق الربح ... تيمنا بيه ربما .. ​

كاين بلاصة يخدمو فيها الملح و هي لوطاية ... اللي جاية في الدخلة تاع بسكرة ...​

يقولو حتى كمثل سائد عندهم ... كي تهدر على الربح باي مناسبة ( زعما نحوس نربح ولا حاجة هكذا ... )​

يقولولك الربح راه في لوطاية ...​

بخصوص عشرة و ملح ... منعرفهاش ... لكن نحوس عليها ان شاء الله ​

و لو انو بيني و بينك .. راحت العشرة بين الناس و بقى غير الملح ....​

خيك موح​

وعليكم السلام ورحمة الله وبركاته
أهلا بالأخ محمد العاقل عندنا .......شرف ليا
+
الحمد لله وافقتني ودعتني بأدلة قوية وظاهرة
صح كيف حتى سمو هاذ البلاصة وقالو انو الربح فيها
اكيد كيعاد فيها الملح
ويبقى السؤال مطروح وش علاقة الملح بالربح؟؟؟
+
وكيما قلت راحت الناس والملح مازل في لاليمونتاسيو ههه
شكرا لك موح على المشاركة والمعلومات القيمة
:re_gards:
​

 

[لاجودان شاف]

ارتيست شريكي بموضوعك ​

سمحلي مغاديش نكتب بزاف
كيفهموك فهمني يآك تفاهمنا ــ
+ تقييم مالح ​

أهلا بيك أخي للأسف مالحقتش عليك ونتا حي
وانا مازل مافهمتش السر لحد الان
كي نفهم نقولك
بصح وييين نلقاك
شكرا لك
+
تقييمك وصل مالح مرداية:scared:
:re_gards:​

 

[بيكهام]

واش لاجودااان راك تحكي علا الملــــــح

ههههههههههههههه

حبيبي توحشتك والله وراس الملح لبيناتنا

واش تحب اصلا انسان الجزائري غريب جدا

وغير مفهوم علماء النفس حارو فيه

تحياتي ليك وبرك الله فيك على كلمات الرائعة لحكيتها

تشاو تشاو لعزيز

بيكـــــــــــــــهام

​

 

[لاجودان شاف]

شحال مالح الموضوع انتاعك .....اخخخ تف تف

والله
اشربي وراه الماء تتنحالك الملاحة
مرسي
:re_gards:​

على الموضوع هذا الله لا تربح العديان

تستاهل تولي مشرف تاع الصح
بصح على روحك ​

صحيت آالسلفي الاثري
علابالي نستاهل نولي مشرف مالح
+
فتشلنا انت في الكتب تاعك لعلو نلقاو سر الملح هذا
​

 

[لاجودان شاف]

واش لاجودااان راك تحكي علا الملــــــح​

ههههههههههههههه​

حبيبي توحشتك والله وراس الملح لبيناتنا ​

واش تحب اصلا انسان الجزائري غريب جدا ​

وغير مفهوم علماء النفس حارو فيه ​

تحياتي ليك وبرك الله فيك على كلمات الرائعة لحكيتها ​

تشاو تشاو لعزيز​

بيكـــــــــــــــهام​

هههه أهلا بيييكام
واش رحت PSG نسيييتنا
عطااااوك شكارة مليحة ...اعطينا حتى 1000 اوروم نزوج ونحل سيبار ههه
+
شفت شفت خويا وليت نهدر على الملح نبان عمي البقال
عاونا نتا وفتش معانا وشي هو سر الملح هذا
لماذا الجزائري انسان ملاح
+
شكرا لك بزااااااف
:re_gards:​

 

[لاجودان شاف]

الملح كناية عن العشرة و كي يقولك فلان اكل ملح فلان يعني تقاسم معه الطعام نتاعوا و بكري كان الفقر يعني واحد كي يتقاسم معاك طعام نتاعوا يعني راك جزء منوا يخي زيد يقولوا الملح يشكل ويعكل كي تخون واحد كليت معه الطعام و الرزق وجرب كول مسوس سمانة وردلي لخبر

أهلا بالمشرفة هوم ورك
صحيح الملح ديما يضربو بيه المثل في العشرة
وهذا هو لب موضوعنا
علاه الملح مع انو شيء مخفي خلاص في الطعام
ومش غير هو الاساس
مثلا
الخميرة هل نقدرو نستغناو عليها في الخبر ....هههه منظنش
علاه مانقولوش مالا بيناتنا خميرة وعشرة
ويبقى الاشكال مطرووح
شكرا لك أختي
:re_gards:
​

 

[لاجودان شاف]

ساهلة، الملح يطلع لاطونسيو والشعب الجزائري دائما قالق ومنرفي وطالعتلو لاطونسيو .. تحليل علمي :showoff:


(ربي يقطع الملح مع لي pــوطو)​

ههههه أهلا بالمشرفة
تحليلك منطقي صح
كي يقولو يناتنا ملح يعني ياخي دابزنا وتقابضنا بزاف
مالازمش نفرطو في بعض
+
ربي يقطع السارق
شكرا لك
:re_gards:​

 

[لاجودان شاف]

وعليكم السلام

شكرا اخي بلبل على الموضوع الطيب
بالفعل هناك مصطلحات نستعملها في لهجتنا تكون جد غريبة
نسيت على الركن بلي تاع دارجة الور نبدل اللهجة
بون هدرتنا بزاف كوكتال
وهادي تاع الملح معرف شكون شيعها في الشعب تاعنا دارت شهرة كبيرة ههه
معناها واش ؟
ههه الله اعلم

تقبل مروري ​

أهلا بأميييييييرة اللمة :re_gards:
الور حنا ثاني مافهمناش شكون لي شيع كلمة الملح هاذي
وسبب البركة ليه فيه
هاو قالنا موح العاقل بلاصة يخدمو فيها الملح سماوها بلاصة البركة
علاه منعرف
الملح يا الملح خفيييت اسرار واسرار...اييييييه
المهم شكرا لك على المرور البارفيميi-o:
:re_gards:​

 

[لاجودان شاف]

السلام عليكم ورحمة الله تعالى وبركاته

والله لهجتنا غريبة عجيبة مرات فيها كلمات كيما هاذي اللي راك تحكي عليها كانوا يقولوهم زمان وحنا نعاودووو نقولوهم

مي جامي سقسينا عليهم


موضوووووع مميز اخي الكريم
بارك الله فيك
تحياتي الحارة لك

وعليكم السلام
صحيح ختي لهجتنا غريبة وفيها كثيرة من الامور الغامضة
والسبب هوما ناس بكري لي لصقو فينا هاذ الالفاظ
ناس تورث الصوارد
وحنا نورثو في الملح....الزهر
المهم شكرا لك
:re_gards:​

سمعت خظرة واحدة تقول لواحدة ​

ملحي لي كليتيه وخدعتيني .ان شاء الله يضربك للركايب تتشلي
الملح يضرب للركايب ثان سجل
يعطيك الصحة اخي الكريم ​

أهلا بالأخت فاطمة
خلاص سجلنا
الملح فيه البركة وتقلقو يحشك للركايب
شكرا لك على المرور
:re_gards:​

 

[لاجودان شاف]

السلام عليكم​

تجي تفهم تحير آلور ماكالاه تفهم باش ماتحيرش ههههه
يعني انت ماعجبكش كي جا الملح رشقتلك على الملح كي جا ينباع بألف فرنك؟
ياسيدي نبدلوها بالسكر راه طلع شانو تعجبك هههه
ربي يهدينا
شكرا على الموضوع المزيون
سلام​

وعليكم السلام ورحمة الله وبركاته
اهلا بيك ختي
هيييه وعلاه ينباح بألف فرنك ووهو فيه البركة
نورمالمو يكون غالي
خلالص من اليووم نقولو بيناتنا عشرة وسكر Gلاسي
شكرا على المرور ختي
:re_gards:​

 

[nawal 88]

أهلااااااااااااااااااا شاف لاباس
مزيا برك حيرك الملح ومش حاجة اخرا
الملح يا شاف معناتها واحد يقلك كلا ملحنا يعني كلا ماكلتنا ودخل دارنا وتبالي ماكاش قد واحد يدير فيك ثقة ويدخلك دارو وتاكل ملحو هههههه قصدي ماكلتو
علاه غير حنا الجزايريين هام صحاب المشرق العربي يقولو صار في بينا خبز وملح ههههه
فهمت ضروكا ولا ​

 

[nawal 88]

والوالدة تاعك عندها حق وحدة بيناتهم عشرة وملح وماتعرضهاش للعرس أرواح أنت وفسرها هههه
وعلابالي حنا نساوين أعطينا لعراس برك:sheer:​

 

[عاصفة الورود]

السلام عليكم
الملح وما أدراك مالملح والله حاجة تحير
بالاك يقولو بيناتنا ملح زعما مشتقة من مليح ولا ملاحة ههه
ولا ممكن من الطعام كي نقولو ذاق ملحهم زعما كلا ماكلتهم
والملح هذا عندو اساطير وقصص مام فالماريكان زعما متحضرين وكلش تلقاهم يرمو رشة تع ملح على كتفهم يقولك تجيب الحظ ههه
واش نقولك كل مرة تخرجنا بخرجة محصلتش ههه
حقا مازلنا في انتظار حلقة جديدة من مسلسل انوثة في خطر هههه
ايا سلام ​

 

[مابقاش بزاف.Dz]

ههه و الله عندك تلحق في هادي
بزافالي قيسهم يقولولك الملح الي بيناتنا
بالاك لانو بدون الملح في كل الطبخات تجي مسوسة هههه