أرواح فهمنا واش راك تهدر في منتدى واش راك تهدر ....الملح

[كمايا]

هههههههههه موضوع مليح

نسيت هذاك المثل نتاع المشاكل ملح الحياة


هذو العبارات ضحكوني بزاف

..قاتلي خانت الملح ..

طاكسي جديدة لوح عليها شوي ملح

سيرثو هذي ههههههههه


كلمة ملح - بالتركية - سبة وكلمة غير لائقة
الى يومنا هذا


اواه الملح هذا سير كاين كاش سر فيه من الزمن البعيد

مشكور اخي على الموضوع المسلي

 

[Black heart]

حقيقة موضوع مليييييييييييح
سمعت خطرة وحدة جارتنا تقول الملح الي بيناتنا مي مافهمت والو في هاد الملح
لكن على مااظن ان الملح وراه حكاية مالحة تاع الصح
تستاهل تقييم مالح
**
مارسييييييييييييييييييييييييييي​

 

[لاجودان شاف]

دحمان الحراشي والاغنية الشعبية يانكارة الملح والطعام

هههههه
ان شاء الله جاوبت على سؤالك
=)​

هههههه دحمان الحراشي ثاني مفهمش سر الملح
عليها غنا علييه
ولايزال سر الملح غير معروف لحد الآن
شكرا بشطووووووووووووووووووطة
:re_gards:​

 

[simou11]

يسبعوا بالملح على خاطر رخيس بالف برك
يعني تشريلك كيلو سكر ب9 الاف باه تسبعلك ؟!
مي نو خسارة فيك 9 الاف تسبعلك بالملح و 8 ميل تخبيها
و الفلفل اكحل يديرلك الحساسية متقدرش تسبع بيه سينو تتحسس حياتك
الماء ب25 القرعة غالي !! و بزيادة كان تسبعلك بالماء تبلك
و تعشي تغسل في القش و تنشر فيه تسمى خدمة زايدة للوالدة الكريمة و يبقى الملح بقابلية "النفض" سيد الموقف
و لذلك يسبعوا الناس بالملح ^^
+
هذيك الكلمة التركية محجوزة لفخامة الرئيس الراحل و اولاده متدورش بيها خير !!​

 

[إنسانة ما]

يسبعوا بالملح على خاطر رخيس بالف برك
يعني تشريلك كيلو سكر ب9 الاف باه تسبعلك ؟!
مي نو خسارة فيك 9 الاف تسبعلك بالملح و 8 ميل تخبيها
و الفلفل اكحل يديرلك الحساسية متقدرش تسبع بيه سينو تتحسس حياتك
الماء ب25 القرعة غالي !! و بزيادة كان تسبعلك بالماء تبلك
و تعشي تغسل في القش و تنشر فيه تسمى خدمة زايدة للوالدة الكريمة و يبقى الملح بقابلية "النفض" سيد الموقف
و لذلك يسبعوا الناس بالملح ^^
+
هذيك الكلمة التركية محجوزة لفخامة الرئيس الراحل و اولاده متدورش بيها خير !!​

سيمو كنت نستنى في ردك كاشما تحكيلنا على الحاجة مهرية كيفاه تسبع بالملح ..
كانش نهار دعت عليك وقالتلك يدgـــك ملحي وينفذ في ركايبك؟؟؟
هاني نستنى في جوابك ..

​

 

[simou11]

سيمو كنت نستنى في ردك كاشما تحكيلنا على الحاجة مهرية كيفاه تسبع بالملح ..
كانش نهار دعت عليك وقالتلك يدgـــك ملحي وينفذ في ركايبك؟؟؟
هاني نستنى في جوابك ..

​

كنت معولة نكتبلكم على شلبية نهار ناسبها الهوال سبعتلوا و قالتلو لكان نفعتينا ملحنا يبارك ليك و لكان ضريتينا يخرج فيك
ملحنا في دقيقنا و دقيقنا فيك !
و لكان زليتينا تجيك الحاجة مولاة الملح و الطبع للدار تدي حقنا و تملحلك ياماتك تعود تشوف السبت جمعة و الجمعة اثنين
اه يا ربي لاكان تقلقلي بنتي يملحهالك ربي قدامك و وراك
روح ربي يفتح شكاير الملح في وجهك حتى تعود تشوف الدنيا بيضاء مشي بيضاء كحلة مشي كحلة حمرة
نسكت برك كان يسمعني عمك لاجودان يبهدلني على نسابو !​

 

[بيّاع الورد]

ألف مبروك خييو لاجودان شاف الاشراف تستاهلً

 

[ماكانش]

يرجى عدم الدردشة وإخراج الموضوع عن محله بارك الله فيكم
--
هاني بديت نوعار يا لاجودان ههههههه​

 

[لاجودان شاف]

يرجى عدم الدردشة وإخراج الموضوع عن محله بارك الله فيكم​

--​

هاني بديت نوعار يا لاجودان ههههههه​

أولا مبارك لك سفيان
هههه هاني نشوف فيك
+
معلش اليوم خلي الدردشة مسموحة باروك تاعك للأعضاء
وغدوة اخدم خدمتك ​

---

يبارك فيك يا الشيخ
هههههه
مالا راهي ليهم اليوم
فقط يجيبونا الباروك وماشي حاجة مالحه ههه ...​

 

[إيمان قلب]

السلام عليكم
يااااه قاع هاذ الحالة نايضة على الملح وانا لاخبر وا
هيييه يالاجودان وعلبالك باللي الملح اللي راه دوك يتباع بألف فرنك بكري كان كيفو كيف الذهب ويستبدلوه بالذهب ؟؟
وحتى كانو يفرضو عليه ضرائب بااهضة الى في وقت الدولة العثمانية ماكانتش تفرض عليه ماعلباليش علاه
غدوا نسقسي استاذة التاريخ ونجاوبك ههه
وحتى هنا مانقولوش الملح , نقولو الربح , ديما كي نقول لامي الملح تقولي وجه الشر قولي الربح
وكأنهم يتطيرو من كلمة الملح ولا يقولو الربح خاطر فيه الربح ؟؟؟ هذه تان ماعلباليش بيها
تاني كي ندفق الملح تقولي اماما اليوم تنوض المداوسة فالدار ... ؟؟
هذيك المرة شرا خويا لوطو قاتلو يما هاك قيس فيها شوية ملح قاللهاوعلاه مانقيس فيها السكر اوموا حاجة حلوة خير
تاني واحد المرة امي تشكي لعمتي من خويا قالتلها غي يزقي ويزعف قالتلها ديريلو شوية ملح في جيبو ههههههههههههه والله ماني عارفة علاه
المهم انا نظن الناس تحلف بالملح , لخاطر هو اللي يرومبلاصي الماكلة وماكانش ماكلة بلا ملح غي هذوك الحلويات واحنا الاساس الماكلة مش الحلويات نورمالمو كيماهاك
هيا يعطيك الصحة خويا لاجودان على الموضوع الهايل أس تلاثة °+ اذا خلاوني
سلااام​

 

[لاجودان شاف]

السلام عليكم

موضوعك شباب يعطيك الصحة راك نحيت عليا غمة ربي ينحي عليك هموم الدنيا
الملح بزاااااااف شايع لانو من التراث و التقاليد و اساسيات المائدة
بصاح علاه نهدروا عليه بزاف؟؟؟ما نعرف الله اعلم
و زيد تاني نهدروا بالخبز بزاف يقولك فلان يدور على الخبزة يعني الخدمة و هداك يشقا على الخبزة
ايييييه الجزائري مميز بادق تفاصيله

شكرا​

وعليكم السلام ورحمة الله وبركاته
هههه هيا مليح مادام نحينا عليك الغمة ...تورمالمو تسلكييينا
هيه حكاية الخبزة هذا لاحظها واحد من قبل وقال علاه نسموها الخبزة
قالهم جامي شفت gاوري كي تقولو الله يعاونك
يقولك الله غالب c est le pinههههه
ويبقى سر الملح غامض ؟؟
شكرا ليك ختي
:re_gards: ​

 

[sali-sali]

يا خي الملح مانقدروش نستغناو عليه رغم مذاقو بلا بيه الماكلة ماتجيش بنينة
وتاني يقولو بيناتنا عشرة ومليح
يعني يقصد انهم اكل معاه وذاك ملح دارهم يعني اكل دارهم
المقصود ماشي الملح او السكر
​

 

[لاجودان شاف]

انا جاني المقصود من الملح مش الملح تاع الماكلة ولكن الملح من الملاحة​

يعني لما تقول خانت الملح والعشرة يعني خانت التعامل معها بالمليح ​

أهلا بيك ختي
ممكن يكون المقصود هو ذاك ...لكن اغلب الاعضاء قالولك هو ملح الطعام
الله أعلم
ولايزال سر الملح غامضا
مشكووورة ختي بزاف
:re_gards:​

 

[لاجودان شاف]

السلام عليكم

وي عندك حق ساعات كاينين كلمات في لهجتنا احنا لالجيغواز تحير المخ
مي ناس بكري كي قالوا الملح ماقصدوش بيه الملح هدي استعارة يا اخي عن الطعام اي بينك وبين جارك طعام مشترك وخير مقسم يعني*كيما يقولوا كليتوا من صحن واحد يعني الخير بيناتكم
والملح ايضا كناية عن العشرة والطيبة والحب الي يجمع مابين زوج​

ههههههههه

والله معلومات هايلة
انا نظن هكا
بحسب علمي
شكرا لك على الموضوع الهايل
ههههههههههه
موضوع هايل
+التقييم​

ههههه صح ختي والله تحيري
وراكي زدتيلنا كلمات جدد
قالك كلينا من صحن واحد ..وكيعاد كلينا من صحن واحد
راح تولي صاحبي
هانا في العرس نظالو ناكلو من صحن واحد..يعني بناتنا عشرة
هههه
ولايزال سر الملح غامضا لحد الساعة
شكرا لك ختي trop
:re_gards:​

 

[zahya]

واش راك ياش الشاف ....الملح مهم ويهدرو عليه بززاف ...لانو يدخل في كل ماكلة ...ولما تكون عشرة انت وانسان اخر راك تمدلو الماكلة ....وهوكدلك يعني تبادلتو الملح ....ومدام انكو كلى عندك وكليت عندو معنها انو العلاقة بيناتكم واطيدة وملزمش تخونها .....وفي فكة اخرى انو الملح الحاجة الوحيدة لي ما تخمرش اي ماتفسدش ....يعني حاجة طول بزااف ....وكل انسان يتمنى انو يدير علاقة متفسدش وماتنتهيش مع الناس ....هدا هو تفسير الملح ....يالمالح ....يعني يا الزين والباهي

 

[nina bonoise]

لي تلقى اجابة بيبيلنا
انا الحاجة لي عبالي بيها
الماكلة بلا ملح ماصطة هههه

 

[لاجودان شاف]

أهلااااااااااااااااااا شاف لاباس

مزيا برك حيرك الملح ومش حاجة اخرا
الملح يا شاف معناتها واحد يقلك كلا ملحنا يعني كلا ماكلتنا ودخل دارنا وتبالي ماكاش قد واحد يدير فيك ثقة ويدخلك دارو وتاكل ملحو هههههه قصدي ماكلتو
علاه غير حنا الجزايريين هام صحاب المشرق العربي يقولو صار في بينا خبز وملح ههههه​

فهمت ضروكا ولا

أهلا بييييييك نوال
ههه وش راح يحيرني مثلا
يعني بيناتنا ملح يعني بيناتنا ثقة ... منعرف
مالا نهار نخطب قبل مانزوج نجيب كيلو مليح نوكلو للمدام
ههههه وتحية لأحصاب المشرق
شكرا لك نوال
:re_gards:​

والوالدة تاعك عندها حق وحدة بيناتهم عشرة وملح وماتعرضهاش للعرس أرواح أنت وفسرها هههه

وعلابالي حنا نساوين أعطينا لعراس برك:sheer:​

عندي صاحبي مزوج قالي ننصحك كي تبكيلك المدام قلها نديك للعرس
تسكت ههههه
يحيا العرس للصباح
​

 

[لاجودان شاف]

السلام عليكم

الملح وما أدراك مالملح والله حاجة تحير
بالاك يقولو بيناتنا ملح زعما مشتقة من مليح ولا ملاحة ههه
ولا ممكن من الطعام كي نقولو ذاق ملحهم زعما كلا ماكلتهم
والملح هذا عندو اساطير وقصص مام فالماريكان زعما متحضرين وكلش تلقاهم يرمو رشة تع ملح على كتفهم يقولك تجيب الحظ ههه
واش نقولك كل مرة تخرجنا بخرجة محصلتش ههه
حقا مازلنا في انتظار حلقة جديدة من مسلسل انوثة في خطر هههه

ايا سلام ​

وعليكم السلام ورحمة الله وبركاته
هههه عيينا نفهمو سر الملح هذا من الملاحة
ولا من الماكلة وكيعاد كليت ماكلتك ومن بعد...مافهمناش
وكيما قلتو لماريكان ويآمنو بالملح
ويبقى سر الملح مجهول لحد هذا الرد
شكر ليك ختي بزاف
:re_gards:​

 

[souhila_95]

هههههههههههههههه موضوع هايل كي العادة والعوايد ...تسمية ملح جاءت من البنة يعني في الماكلة تجي سامطة كي يكون ناقصها ملح ....وهكذاك شبهوها بالملح ...وممكن ثاني لي يقول بيناتنا عشرة وملح يقصد بيها أنو يعرفو من زمان وكلا من ماكلة دارهم يعني من ملحهم هههه أنا هاكذا فسرتها والله أعلم يعطيك الصحة على الموضوع المالح معلش مليح المهم ماهوش جايح ههههههههه نتمسخر برك يعطيك الصحة

 

[زهرة الجنوب9]

انت دكرتني بقصة بنت ملك
كي جمع بناتو قاللهم كل وحدة تقولي قد واش تحبني كل وحدة قالتلو قداش غير بنتو صغرى قالتلو انا نحبك قد ملح تغشش ملك سحتها من قصر روح زمان و جي زمان بنتو دات ملك قالتلو عرض لي ملك فلان هو باباها طيبتلو ماكلة كلها بلا ملح كي جا ياكل ما قدرش ياكل من ثم خرجتلو قاتلو قتلك اني نحبك قد ملح من ثم عانق بنتو وعرف قيمة حبها ليه