أرواح فهمنا واش راك تهدر في منتدى واش راك تهدر ....الملح

[nawal 88]

أهلا بييييييك نوال

ههه وش راح يحيرني مثلا
يعني بيناتنا ملح يعني بيناتنا ثقة ... منعرف
مالا نهار نخطب قبل مانزوج نجيب كيلو مليح نوكلو للمدام
ههههه وتحية لأحصاب المشرق
شكرا لك نوال
:re_gards:​

عندي صاحبي مزوج قالي ننصحك كي تبكيلك المدام قلها نديك للعرس
تسكت ههههه
يحيا العرس للصباح
[/center]

هههههه قلو هذي نصيحة ديرها انت بالاك تدير برايو ​

 

[mimi-ba]

ههههههههههههههه فووور الميضوع هذا خويا يعطيك الصحة
ايييييييييييهيه عالملح يقولو مليح بزاااف
أنا تاني عندنا وحدة في لافامي وحد المرة كنت مريضة بزاف وجات تطل عليا قالت لماما هذي سييير بيها عين وحكمت باطة تاع ملح كامل سبعتها على راسي والا معرف واش و رماتها في كل الركش تاع الدار خخخ
أنا مافهمت فيها والو ههههههههههههه تخاف صح نوليو نعبدو الملح تاني؟؟ ياخي حنا قدسنا كلشي مازالنا غير الملح بلاك ينظم للقائمة ههه
ألف شكر +تقيييم
​

 

[yasmine_1993]

آآآآآآآآآيوا الملح راهو لازم في الحياة كيما قالولك لازم اي ماكلة يجي فيها الملح و زيد على الملاحة نتاع الناس مانيش عارفة حوايج ياسر تعني الملح

 

[لاجودان شاف]

ههه و الله عندك تلحق في هادي
بزافالي قيسهم يقولولك الملح الي بيناتنا
بالاك لانو بدون الملح في كل الطبخات تجي مسوسة هههه

ههههه علابالي بلي عندي حق هههه
خلاص مالا يحيا الملح ....وراء كل كوزينة عظيمة شكارة ملح
هذا هو شعارنا
يعطيك الصحة ختي
:re_gards:​

 

[لاجودان شاف]

هههههههههه موضوع مليح

نسيت هذاك المثل نتاع المشاكل ملح الحياة


هذو العبارات ضحكوني بزاف

..قاتلي خانت الملح ..

طاكسي جديدة لوح عليها شوي ملح

سيرثو هذي ههههههههه


كلمة ملح - بالتركية - سبة وكلمة غير لائقة
الى يومنا هذا


اواه الملح هذا سير كاين كاش سر فيه من الزمن البعيد

مشكور اخي على الموضوع المسلي​

​

​

ههههه أهلا بيك ختي
كيفاه موضوعي مسلي ....يعني وليت نخدم حديدوان أنا هنا هههه
صح العروسة كي تجي تخرج يقسيو عليها شوي تراب وشوي مالح
باه كي تتلاح عليها عجزتها تلقاها مالحة بحر ههه
ويبقى سر الملح غامضا لحد هذا الرد
يعطيك الصحة كمايا
:re_gards:​

 

[لاجودان شاف]

حقيقة موضوع مليييييييييييح

سمعت خطرة وحدة جارتنا تقول الملح الي بيناتنا مي مافهمت والو في هاد الملح
لكن على مااظن ان الملح وراه حكاية مالحة تاع الصح
تستاهل تقييم مالح
**

مارسييييييييييييييييييييييييييي​

ههههه علابالي بلي موضوعي مليح
+
صح يقولو بيناتنا ملح وهذا هو سوجي تاع سوجينا هذا
ولا يزال سر الملح غامضا
يعطيك الصحة وشكرا على تقييمك المالح
:re_gards:​

 

[لاجودان شاف]

يسبعوا بالملح على خاطر رخيس بالف برك

يعني تشريلك كيلو سكر ب9 الاف باه تسبعلك ؟!
مي نو خسارة فيك 9 الاف تسبعلك بالملح و 8 ميل تخبيها
و الفلفل اكحل يديرلك الحساسية متقدرش تسبع بيه سينو تتحسس حياتك
الماء ب25 القرعة غالي !! و بزيادة كان تسبعلك بالماء تبلك
و تعشي تغسل في القش و تنشر فيه تسمى خدمة زايدة للوالدة الكريمة و يبقى الملح بقابلية "النفض" سيد الموقف
و لذلك يسبعوا الناس بالملح ^^
+

هذيك الكلمة التركية محجوزة لفخامة الرئيس الراحل و اولاده متدورش بيها خير !!​

هه مليح نظنك نتي الوحيدة لي فهمتي الكلمة التركيةi-o:
+
تسما في التسباع القضية قضية صوارد
خلاص أنا رح نعود نسبع بالرمل ..بلاش خلاص
باه لي نسبعلها تعود تضرب خط الرمل ههههه:scared:
يعطيك الصحة سيمو
:re_gards:

​

 

[لاجودان شاف]

ألف مبروك خييو لاجودان شاف الاشراف تستاهلً

الله يبارك فيك خويا شكرا لك​

 

[لاجودان شاف]

السلام عليكم​

يااااه قاع هاذ الحالة نايضة على الملح وانا لاخبر وا
هيييه يالاجودان وعلبالك باللي الملح اللي راه دوك يتباع بألف فرنك بكري كان كيفو كيف الذهب ويستبدلوه بالذهب ؟؟
وحتى كانو يفرضو عليه ضرائب بااهضة الى في وقت الدولة العثمانية ماكانتش تفرض عليه ماعلباليش علاه
غدوا نسقسي استاذة التاريخ ونجاوبك ههه
وحتى هنا مانقولوش الملح , نقولو الربح , ديما كي نقول لامي الملح تقولي وجه الشر قولي الربح
وكأنهم يتطيرو من كلمة الملح ولا يقولو الربح خاطر فيه الربح ؟؟؟ هذه تان ماعلباليش بيها
تاني كي ندفق الملح تقولي اماما اليوم تنوض المداوسة فالدار ... ؟؟
هذيك المرة شرا خويا لوطو قاتلو يما هاك قيس فيها شوية ملح قاللهاوعلاه مانقيس فيها السكر اوموا حاجة حلوة خير
تاني واحد المرة امي تشكي لعمتي من خويا قالتلها غي يزقي ويزعف قالتلها ديريلو شوية ملح في جيبو ههههههههههههه والله ماني عارفة علاه
المهم انا نظن الناس تحلف بالملح , لخاطر هو اللي يرومبلاصي الماكلة وماكانش ماكلة بلا ملح غي هذوك الحلويات واحنا الاساس الماكلة مش الحلويات نورمالمو كيماهاك
هيا يعطيك الصحة خويا لاجودان على الموضوع الهايل أس تلاثة °+ اذا خلاوني

سلااام​

هههه أهلا ايماان صح راهي حالة كبيرة نايضة على الملح
اييه يا حصراه لوكان جا الملح كي الذهب
كنت غدوة رحت خطبت ندي نعايا زوج شكار ب 2500:scared:
ونقولها هيا خيري بارير من هاذو ههههi-o:
+
وهاكي نتي ثاني دعمتيلي موضوعي وجبتلي أدلة بلني الناس تظن أنو الرح في ملح
ماماك قتلك سميه الربح ولو تسيحيه تصرا غوووغة:sheer:
+
هههه عليها انا جيوبي ديما ماالحين يبانو سبخة هه
+
شكرا لك وعلابالي بلي موضوع مليح وكثر خيرك على تقييمك
ولا يزال سر الملح غامضا
:re_gards: ​

 

[لاجودان شاف]

يا خي الملح مانقدروش نستغناو عليه رغم مذاقو بلا بيه الماكلة ماتجيش بنينة

وتاني يقولو بيناتنا عشرة ومليح
يعني يقصد انهم اكل معاه وذاك ملح دارهم يعني اكل دارهم
المقصود ماشي الملح او السكر​

هههه مادام منقدروش نستغنو عليه مالا لازم نديروره رايس تاعنا
يعني ظهر الملح هو الكحلوش تاع الفيلم
المهم يعطيك الصحة ختي
:re_gards:​

 

[لاجودان شاف]

واش راك ياش الشاف ....الملح مهم ويهدرو عليه بززاف ...لانو يدخل في كل ماكلة ...ولما تكون عشرة انت وانسان اخر راك تمدلو الماكلة ....وهوكدلك يعني تبادلتو الملح ....ومدام انكو كلى عندك وكليت عندو معنها انو العلاقة بيناتكم واطيدة وملزمش تخونها .....وفي فكة اخرى انو الملح الحاجة الوحيدة لي ما تخمرش اي ماتفسدش ....يعني حاجة طول بزااف ....وكل انسان يتمنى انو يدير علاقة متفسدش وماتنتهيش مع الناس ....هدا هو تفسير الملح ....يالمالح ....يعني يا الزين والباهي

أهلا بيك زهية بن عروس هههه راني لاباس
ههه مليح خلاص كل ما يعجبني عبد نروح نشريلو شكارة مليح باه يولي حبيبي
ونقولو بيناتنا ملح الصوديوم
وصح تاع ما يخمرش كاينة منها وأصلا يستعملوه في التقديد تاع اللحم
المهم ربي يهينك
وشكرا على الرد الزين والباهي
:re_gards:​

لي تلقى اجابة بيبيلنا
انا الحاجة لي عبالي بيها

الماكلة بلا ملح ماصطة هههه​

هههه مازال ما لقيتش اجبة
لازم نسقسيو سامي هاوي التجارب العلمية
شكرا لييييييييك
:re_gards:​

 

[lolitta]

vous ne savez pas que le sel était une monnaie pour acheter. .

 

[كوني طيبة]

الملح هنا مجرد كناية او تشبيه بديع هههه
يعبرو بيه على الشي لي اذا فقدناه في حياتنا تولي بدون طعم
تقدر تعيش طول عمرك تاكل في ماكلة بلا ملح مثلا ؟؟؟
اكيد ماتقدرش
بكري الملح حاجة كبيرة بزاف يصدروه من بلاد لبلاد
يعطيك الصحة
عجبني الكاشي لي في اخر الموضوع فكرة هايلة ​

 

[nour mary]

السلام عليكم
ههههههههههه
اليوم برك كنت نحكي مع صحبتي فهاد الموضوع
الملح مليح واش خاصو كاين لي ياكلوه واحدو
كاين واحد الحكايا على الملح
واحد الملك عندو 3 بنات راح لعندهم وقال لكل واحدة شحال تحبيني
اللولة قاتلو قد السماء
التانية قد الكون
و التالتة قاتلو قد الملح
تقلق منها وخرجها من الدار
ومرة دخلت بالتخبية و قالت للخادمة ماديريش الملح فالماكلة
كي جاو باش ياكلو ماقدروش جاتهم صامطة
راحت لباباها وقتلو شفت قيمة الملح مانقدروش نستغناو عليه كيفك نتا

ايا ســـــــــلام وتهالا فالملح​

 

[لاجودان شاف]

هههههههههههههههه موضوع هايل كي العادة والعوايد ...تسمية ملح جاءت من البنة يعني في الماكلة تجي سامطة كي يكون ناقصها ملح ....وهكذاك شبهوها بالملح ...وممكن ثاني لي يقول بيناتنا عشرة وملح يقصد بيها أنو يعرفو من زمان وكلا من ماكلة دارهم يعني من ملحهم هههه أنا هاكذا فسرتها والله أعلم يعطيك الصحة على الموضوع المالح معلش مليح المهم ماهوش جايح ههههههههه نتمسخر برك يعطيك الصحة

ههههه علابالي بلي موضوع عايل
صح لي عندك معاه عشرة تقوليلو بيناتنا الملح
بصج كاين اعضاء هنا قالك مش غير العشرة
قالك راهو فيه الربح
وهذا الشي لي عييت نفهمو
المهم بي يعطينا الربح
ههه موضوع مالح وماهو ش جايح
شكرا ليك ختي
:re_gards:
​

 

[لاجودان شاف]

انت دكرتني بقصة بنت ملك
كي جمع بناتو قاللهم كل وحدة تقولي قد واش تحبني كل وحدة قالتلو قداش غير بنتو صغرى قالتلو انا نحبك قد ملح تغشش ملك سحتها من قصر روح زمان و جي زمان بنتو دات ملك قالتلو عرض لي ملك فلان هو باباها طيبتلو ماكلة كلها بلا ملح كي جا ياكل ما قدرش ياكل من ثم خرجتلو قاتلو قتلك اني نحبك قد ملح من ثم عانق بنتو وعرف قيمة حبها ليه

​

ههههههههههه مليحة هاذ القصة
اناه الملح وما أدارك ما الملح
والعجيب مادام الملح راهو بهاذ القيمة العالية علاه راهو يتباع رخيس
عييت نفهم :cra_zy:
المهم شكرا لك أختي
:re_gards:​

 

[لاجودان شاف]

ههههههههههههههه فووور الميضوع هذا خويا يعطيك الصحة

ايييييييييييهيه عالملح يقولو مليح بزاااف
أنا تاني عندنا وحدة في لافامي وحد المرة كنت مريضة بزاف وجات تطل عليا قالت لماما هذي سييير بيها عين وحكمت باطة تاع ملح كامل سبعتها على راسي والا معرف واش و رماتها في كل الركش تاع الدار خخخ
أنا مافهمت فيها والو ههههههههههههه تخاف صح نوليو نعبدو الملح تاني؟؟ ياخي حنا قدسنا كلشي مازالنا غير الملح بلاك ينظم للقائمة ههه
ألف شكر +تقيييم​

ههههه الله يسلمك علابالي بلي موضوعي فوور
ههه رجعتلك راسك اوملات ...معلش اصبري برك
ههه راني قتلك مانعياو في السبخ بلباس الاحرام
ربي يستر برك
يعطيك الصحة
:re_gards:​

 

[youyousra20]

تحيا الملح

 

[لاجودان شاف]

آآآآآآآآآيوا الملح راهو لازم في الحياة كيما قالولك لازم اي ماكلة يجي فيها الملح و زيد على الملاحة نتاع الناس مانيش عارفة حوايج ياسر تعني الملح

آآآآآآيوا هو بينا ملح وعيش ياختي هههه ...جوسيوي كوميديان زعما:shay:
لالا مش أي حاجة
البقلاوة ديري فيها الملح تجي صامطة
شكرا لك ياسمييين
:re_gards:​

 

[لاجودان شاف]

تحيا الملح

ونتي من أهلوi-o:​