فهمنا واش راك تهدر في منتدى واش راك تهدر -2-القبر

[الزنبقة السوداء]

نقولو القبر لانه هادم للنفوس مثلا لوكان شفت حفار قبري نخلع ومنحبش نهدر معاه
مالا نهدرلو لحوايج السيئة الي صراتلي زعما يعجل ويحفرلي قبري درك

 

[روائ]

انا اول مرة نسمع بالامثال هذي على ماظن الامثال تقصد بالي الواحد كيتكثر مشاكلو يتمنى
يحكي همو لحفار القبور والله منعرف علاه الواحد ديما يتفائل بكلام تاع موت قبور ملقيناش باش نهدرو غير بالقبور وحفارينها
ربي يجيب الخير
شكرا

 

[لاجودان شاف]

و عليكم السلام

موضوع شباب ههههه على لقبور
ايه خلي مرة على مرة نتفكروهم لانو اخرتنا فيهم
المهم احنا هاد المثل ماعادش يستعملوه بزاف عندنا
مين ذاك مين يقولوه
واضافة للاخت كمايا السوريين عاد يقولوا تان
بترقصي ع قبري و بتنشي التراب عليه برجليك وو ...
عندهم حكايات كبار مع لقبور
يعطيك الصحة خو بانتظار الاتي

سلامي ​

وعليكم السلام ورحمة الله وبركاته
هههه مليحة بزاف مييين داااك ههههه
----------------
يعني كانو يقولوه عندكم والآن راح ...تهنيتو منو:re_gards:
وكيما قالت الأخت البارح السوارا يقولو تقبرني صح
هذا وين فهمتها
المهم يعطيك الصحة ختي
وفي الحلقة الجاية
شكرا لك
:re_gards:​

 

[wissam cut]

هههههههههههههههههههه جيت نحفرلوا قبر امو هربلي بالفاس لووول

 

[لاجودان شاف]

وشبيك؟ هذا يثبتلك أنو الـdz يفكروا في آخرتهم و يخدموا ليها >> وأبرز دليل واش راهو يصرا

>>>>>>ههههه

على كل........
شكرا على الموضوع........
و المرة الجاية دير على " السكر"
و بالمناسبة: موضوعك حلو سكر....!

هههههههه
غير dz لي مايفكروش في الآخرة ولو تفكريهم بـ 60 قبر هههه
منظنش
+
خلاص المرة الجاية راح ندير على الفرينة:scared:
شكرا لك ختي​

 

[لاجودان شاف]

سلاآم الله عليكم...~​

هههه وهذي اللي حيرتني
ما فهمتش تع الصح
انا اللي تحيرني تع الصح...كلمة أقعد واقف..نقولها ثم نستوعب واش قلت ونقعد نضحك هههه
.......
حناآ في الغرب هاذ الأمثال ما نقولوهاآش ...ربما كاينة لكن قليل
انا لحد الآن ما سمعتهاآش

.....
شووكرن على الموضوع الشباب =)

أسعدك ربي =)​

وعليكم السلام ورحمة الله وبركاته
اهلا بيك حالمة
تهنيتو مالا منها تكسار الراس برك
لا تحتاجو أمثال قولولنا برك وحنا نخدمولكم ونفصلولكم هههه
يعطيك الصحة شكرا
:re_gards:​

 

[لاجودان شاف]

السلام عليكم ورحمة الله وبركاته

تحياتي لاجوادن شاف
انا كي قريت موضوع القبر وعجبني بزااااااف غاضني موضوع الملح الي فاتني
ان شاء الله ما يزيدش يفوتني موضوع
انا المثل هذا اول مرة نسمعو
مي انا من رايي راه هايل باسكو يفكرنا بالموت والقبر وو
ثانيا ضحكتني بزاف وبانتلي راه عندك بروبلام مع حفار القبور
حفار القبور ماجابش الموت مي ايلي مات لازم واحد يحفرلو قبرو
المهم موضوعك فوووووووووووووووور بزااااااااااااااااااااااااااااااااااف
ننتظر السلسلة 3
وربي يطول في عمرك ​

وعليكم السلام ورحمة الله وبركاته
أهلا بيك ختي
سيpا تروطار ..هاو قدامك الرابط في الموضوع ديري طلة واعطينا رايك
ههههه هيه مانشتيش حفار لقبور ونحكم لي راح يحفرلي قبري:sad:
نجيفو هههه
عيطك الصحة ونتلاقاو في العدد 3
شكرا لك
:re_gards:​

 

[لاجودان شاف]

عبارة مشهورة كيما المح على السنة عامة الجزائريين
مشكور على طرح الموضوع التاني من السلسلة
بالتوفيق

اهلا مابقاش بزاف
يا درا قريب ولا مازال ههههه
صح عبارة مشهوووووورة ههه
يعطيك الصحة ختي
شكرا لك
:re_gards:

​

 

[لاجودان شاف]

مرحبا بك اخي لاجودان شاف شوفلنا كاش بلاصة في لارمي برك لواحد تكسر خاطرو هههههههه

وش نقولك ا حبيبي هادي هي الدنيا يعني أجدودنا بكري كانوا يلفضون بألفاظ تجي حلوة على لسانهم و جيل عبر جيل فاتت هادي الكلمات​

السلام عليكم ورحمة الله وبركاته
أهلا بيك مارادونا هههه خلطهالنا ههههه
بدلتلنا اسمك عييت نعرفك هههه
ياو نتا الجينرال انا آجودان :santa_1:برك...ارضى علينا نتا برك
+
كيما قلت جدودنا الكلمة لي يقولوها تولي مثل
يقعدو يقصرو شوي ينوظو بربعة ولا خمس أمثال
انا نظال نهدر ..عييت نركب جملة موزونة
المه يعطيك الصحة مون جينيرال
دير في ربي وطلعني كابورال ههه:sheer:
شكرا لك
​

 

[لاجودان شاف]

نقولو القبر لانه هادم للنفوس مثلا لوكان شفت حفار قبري نخلع ومنحبش نهدر معاه
مالا نهدرلو لحوايج السيئة الي صراتلي زعما يعجل ويحفرلي قبري درك

هههه أول مرة نسمع تفسير يبان منطقي شوي
زعما يعني كي تحكيلي بلي راكي تسوفري يزرب يحفرلك قبرك باه تتهناي
ياو المشكل كي نتعذبو في القبر ...لمن راح نشكيوi-o:
القبر وتحفر ...الحفار وروح
اذا مازال المشكل قايم ختي
على كل حال شكرا لك
:re_gards:​

 

[zagane]

سلام عليكم

سلسلة في سلسلة في الجبال مكسلة فيها بوك فيها خوك فيها قائد الملوك المقبرة
يا كلني الحوت و ما ياكولنيش الدود
يحلفوا حتى بي القبر
شفته بي عيني هده لي ياكلهم الدود

 

[لاجودان شاف]

انا اول مرة نسمع بالامثال هذي على ماظن الامثال تقصد بالي الواحد كيتكثر مشاكلو يتمنى
يحكي همو لحفار القبور والله منعرف علاه الواحد ديما يتفائل بكلام تاع موت قبور ملقيناش باش نهدرو غير بالقبور وحفارينها
ربي يجيب الخير
شكرا

أهلا بيك ختي
ممكن في منطقتكم ما يهدروش بيها بزااااف
حنا عندنا موجودة
وكيما قلتي الناس تتفائل وحنا نهدرو بالقبور وحفارينها
شكرالك
:re_gards:​

 

[لاجودان شاف]

هههههههههههههههههههه جيت نحفرلوا قبر امو هربلي بالفاس لووول

هههههه شفت خويا هاذيك الهدرة
ربي يجب الخير
شكرا لك
:re_gards:​

 

[miss meryy]

في دزاير ياما تسمع وتحير

 

[لاجودان شاف]

سلام عليكم

سلسلة في سلسلة في الجبال مكسلة فيها بوك فيها خوك فيها قائد الملوك المقبرة
يا كلني الحوت و ما ياكولنيش الدود
يحلفوا حتى بي القبر
شفته بي عيني هده لي ياكلهم الدود

وعليكم السلام ورحمة الله وبركاته
ههههه عييت نفهم كلامك ...شعر ملحون ولا نظم مدقون هههههه
هيه كاين لي يحلفو بالقبر وبعينيهم لي راح ياكلهم الدود ههه
شكرا لك
:re_gards:
​

 

[لاجودان شاف]

في دزاير ياما تسمع وتحير

صح ختي كلامك صحيح
تسمع وتشوف العجب
شكرا لك
:re_gards:​