البنت بين الدراسة والزواج

[bilal22]

وعليكم السلام
وشكون قال لحباب تاع بكري راحو مازال واقفين :d
موضوعك يحكي على الزواج أثناء لقراية
تسمى انا معفية من الرد عليه ههه
الحمد لله خلصت قرايتي في 23 سنة بديت نخدم
وقبل العروض تاع الزواج لي جاتني بيان سير رفضتها
باسكو عارفة روحي منجمش نوافق بين الدار وبين لقراية
كنت دراري وقتها ههه
(ياو خليوني من الزواج نبور خير :pصحيت على الموضوع
وهادي تحية سبيسيال سبيسيال لناس مسيلة لعزاز على قلبي أوي أوي

صحيت خيو بلبل
خير ههه )
​

ها حسبتهم تبحرو كامل يال شوشو خيتي ههههههههههه
مي علابالي ديما نتي تبقاي حيه حيه متتبدليش هههه
هاو نتي 23 ودرك طلبات بدات تقل مش كي بكري هههههههه يعني لي يجي هاداك هو
شوشو تحوس تبور هادي منصدقهاش ههه
انا تبانلي غالطه لي تبقي ترفض علا جال الدراسه
مرسي اوي اوي يا شوشو والله حتي انا نشتيك ونحبك حب اخوي بزاف بزاف هههههه
مرسي شوشو نورتي

 

[bilal22]

اواه .. حتا بابا يحاوزني ههههه
العفو
شكرا ليك

مالا اكري دار بشهريتك وعيشي بايره عزباء في سعاده وهناء
هههههههه

 

[bilal22]

السلام عليكم
اكيد ماكانش قاعدة تنطبق
كل وحدة وضروفها
انا ضد انو الطفلة تقعد تجري على قرايتها و تقول الزواج مكتوب
مام القراية مكتوب و قادرة تتسابوطا و ماتنجحش
ولا تتخرج و ما تخدمش
لازم تدرس الوضع و العرض تاع الزواج من الجوانب كامل
و تخمم مليح
لانو قداه من وحدة ماتزوجتش غير على جال القراية
انا مانقولش ماتقراوش
مي ماتسبقوهاش على حوايج اهم
و كل واحد و رايو
سلامو​

اول مره نتفاهمو سيمو ههههههههههههه
صح الطفله تقرا مي كي يجي مكتوب مليح ملزمش ترفضو بحجه انها مزالت تقرا
لازم تخمم بلي حتي وتطير راح تحكم الدار في الاخير يعني مش شرط تكمل وتتخرج
شكرا لك مهبوله لعاقله في نفس لوقت ههه

 

[mohamed ali 1992]

مالا اكري دار بشهريتك وعيشي بايره عزباء في سعاده وهناء
هههههههه

:-o :-o

 

[*RAHMA]

انا عندي نورمال الطفله تقدر تخدم مي نهار لي تجيب لولاد خلاص مبقاتلهاش خدمه برا
شوفي خيتو كون نديرو تصويت هنا نلقاو كامل يقولولك ندوها متخدمش وكون تروحي ليهم برا كامل يقول انا جيبها خدامه تعاوني هههههههههه
تقراي 15 وبلاك كشما تزيدي سنوات وزيديلها وشحال وباه تبداي تخدمي هادك هو دخلتي في 30 ههههههه وشكون لي راح يقبل بعجوز ههه
اواه هادي نتي لي مطفره فيك نتاع يقبل هكا ولا لا لازم تكون وساطه
شكرا لك خيتو

ايه لفوطو هادا يفكرني في وش بيك عمو الادمين مديقوتي هههه

خويا عندي 21 سنة
24 سنة نكون كملت القراية و العريس موجود
و منعاونوش غير ميتكلش هههههههههه :regards01:
اذا كامل محبوهاش تخدم كامل ميتزوجوش ههه

 

[hiba14]

شوف نبغي المواضيع تاعك ما علاباليش علاش مي هاد المرة شوي ما عجبتنيش الديماراج تاعك
و زيد تاع المرا الخدامة تنقص من الاهتمام في المنزل راك غالك من حتى نهار اللي نمووووووووووت باسكو اللي جايحة و رامجة ماشي الخدمة سبتها و رانا قاع علابالنا
و دروك نجاوبك لا ما نخليش قرايتي لاي سبب و صرالي و اني اتخطبت و انا في 3 جامعي و ما بقالي والو و كنت في العاصمة و السيد عارف من بعد شا قال لا رواحي هنا في وهران عاد راه ما قاليش حبسيها و رفضت باسكو كنت في مدرسة و الراجل نعرفوه ولد عمتي و لاباس بيه و شباب عليا ههههههههه
المهم و مام الخدمة نحبسها كي انا نشوف ضرورة و نكون مقيومة هي صح الهنا يغلب الغنا بصح علاش نعيش مستحة و هانية و انا قادرة نكون مهنية و ماشي مستحقة
شوف نقولك انا نبغي نهدر و عييييييييت من الكتبة و خايفة تعيا من القراية بزاف
و صحيت و تقييم

 

[secret de coeur]

ممكن بعد ما تكمل تكون علا مشارف البوران ههه ضحكه برك هه


​

وعليگم السلآم ورحمةة الله وبرگآته
اللولة نعلق على مشآرف البورآن هدي خخخ زعما علاش گي تجي تدي ديبلوم تآعهــآ تگون رآح تبور :s 25 سنةة بآآيرة !!
أنــآ مني لاآزم لــآزم نگمل قرآيتي والا نحس روحي مآدرت والو في دنيتي
أقلها ندي ليسونس [مآلغري ماراهش يـgـزيستي :down: مآستر هو الصح.. خدمة مليحةة تتآني >> وآقيل انــآ بعقليتي نگملها بايرة ههههه
اما البنت الي تزوج وهي تقرى وولا تخدم يتوقف الشي على حگمتها فالتعامل مع ولادها وراجلها فالدار
الا تقدر تعدل بين برا ودارها وما تهمل تا حاجة باسگو رآهي مسؤولية صعيبــةة

...وآآو واش هدرت خخ
هيا سلام
خلصلي حق الحروف :p
​

 

[بنـ MaPa ـت]

وعليكم السلآم
اهلا بلال عاش من شافك

بالنسبة ليا شرطي الوحيييييييييييييييد نكمل قرايتي بعد الزواج ولا قبلو المهم نتخرج نقرى للزمان عقوبة نتسلح كيما يقولو :d الدنيا هادي صعيبة بزاف ودوارة ماتعرف الوحدة واش يمكن يجيها وراجلها ماراحش يدوملها + تلقاها في ولادها تقدر تقريهم يعني يكون عندها مستوى ماتندارش للزواج وبس اصلا الوقت هادا كامل يحوسو على الطفلة تكون قارية و مثقفة وكاملة ووو...........المهم انا قلت رايي نحب نكمل قرايتي سوا بعد الزواج ولا قبلو نلقاها في يدي منا وجاي

ومرسي على الموضوع
سلآمو
​

 

[مفآهيمـ الخجل]

اوووو شكون راه هنـــا .... صحــااا بلااااال

>>راحو حبابنا نتاع بكري<<

هنا مانتفاهمووش .... وانا مانيش ماليتلك عينيك هههه >> كي يروحو كامل نبقى انا هنا :d

**

امم موضوع زيــــن ... صحا شوف واش نقلك وقولي وش رايكــ

انا نقرا و حلمي نكمل قرايتي و نخدم على روحي و نولي نخلص و ندير لي في بالي

اما اذا جا خطــاب :$ نشوف لحاجة ... اذا كنت ضامنة انو راح نتهنى معاه و راح يعيشني la belle vie و ما يخليني نحتاج والو ... ممكن نفرط في قرايتي ...لانو مصير المرا الدار و تكوين اسرة كيما قلت

مي اذا العكـــس ماشكيتش نفرط في قرايتي يا لوكان نلحق للبوران ههه .. ماعليه نقعد هاك ... اوموان بخدمتي مانحتاج حتى واحد ... لانو بصراحة الرجال تع هاذ الوقت >>مش كامل<< الاغلبية حــgــارين ... يليق وحدة تكون ضامنة روحها .. على هاذا تلقى كامل البنات يفضلو القراية على الزواج

ايا عارفة روحي طولتــ >>> الله قالب نهرف مش بيدي :p

ايا ميرسيي عالموضوع الزيــــن و نشوفك على خيـــر :regards01:
​

 

[مرام التيبازية]

الســـــلام عليكـــــم اخـــــي بـــــلال،،شكــــــرا علـــــى الموضــــــــوع....
بصـــــح رااك قلت رانـــــا نشــــوفـوا الوجــوه الجــــديدة عــــلاه معجبوكـــــــش normalement ترحــــب بيهـــــم ههههه...
المهــــم خـــويا انـــــا بالنسبــــــــة ليـا القـــــراية هـــــي الاولــــــى والاهـــــــــــم،،،يـــــــا خويـــــــا راك عـــــارف القــــــــراية هــــــي الاهـــــــم مــــــن الـــــزواج ،،،وحســـــــب الـــــوقـــــت اللـــــي راااانا فيـــــــه الخــــــدة هــــــى اجــــــــــيب الــــــــراجل ههههههههههه.......
----بصـــــح خويــــــــا بـــــــــلال راااك طيحتـــــــلنا كــــــي قلتلنـــــا كـــــــي تكبــــــــروا اذااا جاكـــــــم شيـــــخ هـــــــــاذي طيــــــــاحة هههه..
***خويا بــــــــلال ربـــــي يستــــــــرك***

 

[nour mary]

ســــــلام
ايـــــــه على الزواج
انا نمد الاولوية لقــــــرايتي
و كلش بالمكتوب
مي مام ادا تزوجت نشرط قرايتي و خدمتي
مغسي على الموضوع

 

[Estrella]

هيه صح لقرايه مليحه مي قصدي هل تكرسي نفسك ليها برك حتي تتخرجي ولي يجي ترفضيه وكي تكملي قرايتك تكوني علا حافة البوران وساعتها شيخ ومنعرف اذا جاك ههههههه
الطفله كي سلعه ولها مدة صلاحيه كاين وقت وين كتر عليها الطلب ولاكن وين تلحق لوقت ما المشتريين يروحو لسلعه اخري هههه
مرسي علا ردك الباهي
وصح شبابنا درك يسيورتي لخدامه بزاف حابها راقده وتمونجي ههههه
شكرا لك خيتو نورتي
والتقييم مخلوف في عرسك هههه

اكيد لا انا قصدي حتا نكمل قرايتي باه نخمم نتزوج هههههههه
ماشي نبطل على جال الزواج
ولا نكمل قرايتي و اانا متزوجة
ويلا تقدرت وجاني انسان مليح ومايتعوضش
واانا مازلت نقراا تما نشرط عليه حتا نكمل قرايتي ههههه
لصونسيال منسمحش في قرايتي
هدا قـــــصدي ,,,,
يعطيك الصحة
:regards01:
​

 

[أم عبد الله]

السلام عليكم

اه اخي راني خاطيتني القراية مي عجبني الموضوع قلت اندير رد

والمراة مهما قرات المصير ديالها بيت زوجها يعني الزواج نصف الدين وماتقدرش تستغني ع الرجل
فهناك وقت تحتاج اليه مثلما يحتاج اليها

سلامي

 

[LOTFI2044]

موضوعك مليح

شوف صاحبي البنت مهما تنال شهادات وتقرا وتتخرج وتاكل روحها بالقراية ماش راح تكون كيف المرأة اللي متزوجة وساترة روحها في دارها مع راجلها و ام لأطفال ترعاهم

أنا ماش ضد الدراسة أنا نقول البنت تقرا مي لما يدق الباب واحد يتزوجك انساي موضوع القراية
واش روح الدنيا اليوم غير كلمتين **خطبوني وما قبلتش **و**حابة نكمل قرايتي **

نعرف واحد صاحبي خدام لاباس بيه كان ناوي يتزوج راح لواحدة قالتلو حابة نكمل قرايتي
تباا شحال نكره هاذ الكلمتيين

المهم الطفلة تبقى تقرى وقت يجيها المكتووب تنسى القراية وتدور لحياتها الزوجية

سلام
+++++++
​

 

[bilal22]

نفطن مليح غدوه ونجي نفهمكم هههه
وبالاخص لي يحكو علا لبوران هههه

​

 

[محبة الهدوء]

موضوع اجتماعي مهم
انا مع الراي تع الطفلة لازم تكمل قراتها اولا وبعدها تتزوج
وين راح النقص انو تكمل دراستها ؟؟ وديجا التخرج من الجامعات يكون بين 22 الى 24 وعلاه هدا عمر كبير ؟؟العكس انا نشوف بلي هدا هو العمر المناسب لتحمل المسؤولية
والثقافة تاع المراة امر مهم في الاسرة وهو لي يحدد اسلوبها في تربيتها لولادها
سيرتو مع وقتنا هدا
وبالنسبة للعمل يا بلال خويا تمرميدة للطفلة فرات هههههه انوثتها تروح
وانا كي نتزوج نشرط عليه هو لي يحبسني من الخدمة ههه
الرجل في حياتي لازم يكون هو القيادي والا مانحسش بلي انا انثى
هدا رايي
قبل مانروح حبيت نقلك بلي ماعجبتنيش الهدرة الاولى تع نشوف غير فالجدد وقاعد تتحسر على القدم
طيحة كبيرة لينا ههههههه تحب نديرو انقلاب عليك ولا ههه
سلامو

​

 

[manel@]

السلام عليكم
على حساب ما راني نشوف البنات قاع حابين القراية

حتى أنا راني معاهم

و الطفلة قرات و عيات و من بعد تحبس هذي أنورمال و قليل وين تلقى البنت الي تفضل الزواج على القراية


مي أنا عندي القراية أهم شيء

شكرا على الطرح

 

[youyoumaya]

mer6 3la elmawdou3 elbahi
ana wa7da men elnas nkamel 9rayti 3la 5ater 9rayti aham 7aja fi 7yati we ba3ed ma na9ra we nakamel we na5dem n5amem fi elzawaj 3la 5ater howa a5er 7aja fi 7yati ana
:d

 

[sarah_]

شكرا على الموضوع الرائع انا لوكان تكون فيا غير قارايتي الي منا نخليهاش بسك هيا الصح والوقت الي رانا فيه بقرايتك او وليت ما تسواش والزواج قسمة ونصيب وكل واحد او مكتوب مي غير قرايتي الي ما نفرطكش فيها ههههههههههه شكرا تقبل ردي

 

[bilal22]

خويا عندي 21 سنة
24 سنة نكون كملت القراية و العريس موجود
و منعاونوش غير ميتكلش هههههههههه :regards01:
اذا كامل محبوهاش تخدم كامل ميتزوجوش ههه

ربي يطول في عمرك وكي تلحقي لل24 راكي بديتي تشرفي هههه
مي اذا لعريس راكي رابطاتو هنا منخافوش عليك عندك برك يتحلو الرباط ويفلت من يديك
ياي كامل يجرو علا لخدامه وفامهم يقولو لعكس ههه