البنت بين الدراسة والزواج

[bilal22]

نسيت ماقتلكش
دوكا كامل يسحقوها خدامة
زعما باش يتعاونو على مشاق الحياة :p
و الفاهم يفهم

هيه كامل يحوسوها تخرج تخدم علا جال تنقص عليه شوي امور
وبلاك هو لي يريح ويحكم الدار هههه
ولفاهم يفهم كيما قلتي ههه
شكرا لك

 

[الحياة كلمة]

اي واحد مسموحلو يخرج يخدم اذا معندوش وش ياكل
مي حنا قلنا كي يجيك مكتوب لاباس بيه علاه الرفض وتكرسي حياتك للقرايه والعمل
الستره احسن من كل هادو
وربي يعطيك علا قد نيتك خيتو
احكمي دارك خير لك هههه
شكرا لك واهلا بيك في اي وقت

مين ذاك مايعجبهمش هذاك العبد مالا يتسبو بالقراية هاذي هي
هههههههههههههههههههههه
ضحكتني فزو حوايج يخي يخي
جيت علا جال السطر التالي باه مانبقيش فالخاطر
خخخخخ:-oخخخخخ​

 

[bilal22]

مين ذاك مايعجبهمش هذاك العبد مالا يتسبو بالقراية هاذي هي
هههههههههههههههههههههه
ضحكتني فزو حوايج يخي يخي
جيت علا جال السطر التالي باه مانبقيش فالخاطر
خخخخخ:-oخخخخخ​

هيه زعما برك ههههههههههه
علا خاطر مزالهم حابين الخرجات والدخلات ومزالو صغار
حتي انا جابني السطر التالي برك هههههههههه

 

[أم راضية ~_]

السلام وعليكم
حقيقة موضوع مليح اللي طرحتو
ويحتاج لتفصيييييييل كبير
اولا انو معظم لبنات الي يقولولك نحبو نخدمو وما نتكلوش على الراجل شافو في الواقع رجال خداعين او اسر ناقصتهم امووور كتيييرة ولا يحبو الدخلات والخرجات بزااف وحدة من زووج
و قليييل الي تلقاها تخدم باش تكون فعالة في المجتمع و تخمم تفيد الامة.. هادي اديها من عندي رسمي
اما من ناحية تقدر توفق ولا لالا؟ كل وحدة وشطارتها
نعرف وحدة خدامة من الصباح للعشية ولادها الله يبارك ودارها كيف كيف
وكاين وحدوخرا تخدم نص نهار وماشي متهلية في دارها و ولادها
بالنسبة ليا الدراسة مهمة لليسانس وخلاص يعني سلاح اولي لغدر الزمان
اما الباقي ادا جاها اللي يطبطب فالباب يكون خلوق و مربي وخدام ويخااااااااااااااااف ربي
في زادها المعرفي مليح تكمل نصف الدين احسنلها وتقعد فالدار خير مية مرة من انها تتمرمد برا
من المفروض الراجل تاع الصح ما يخليش مرتو تخدم هو يستكلف بكل شي من مصاريف و ماكلة ولبسة وتاويل وكلللش والمرا تاع الصح مما تتشرطش بزاااف بالمعرووف
خلاصة القول : قال تعالى "وقرن في بيوتكن "
طولت علابالي
السلام وعليكم

 

[chamma]

ربي يحفضلك ماماك ويخليهالكم
مي واش نقولك الامر صعيب شوي ويماك اذا تخدم اكيد راهي غايبه في لمنزل لفتره ما وكاين وقت وين لواحد يحتاجها في وقت ولاكن الله غالب عملها ميخليهاش متوفره امامك وهادا المشكل الوحيد
وفي الاخير منقدرش نفرض عليك رايي كل واحد وكل وحده كفاه يخمم
شكرا لك نورتي

السلام عليكم يا اخي بلال ربي يحفظك نتا ثاني انا قصدي كي شفت ماما تخدم برا (استاذة) و في دار و كل شيء منظم عليها نخدم و هي يا بعد حاباتنا نخدموا و مام كي تخدم ماما ديما نلقاها والفنا تاع حاجة عادية و شكرا لك

 

[فراشة المنتدى]

بالنسبة ليا الدراسة مهمة يعني سلاح اولي لغدر الزمان

 

[joumane]

اكبر خطا تقع فيه الفتات انها تتزوج وهي مزال تقرااااا

 

[عاصفة الورود]

السلام عليكم
بارك الله فيك خويا على الموضوع
فيما يخص لقراية أنا رأيي لايختلف
عن آراء الأخوات لي سبقوني فالرد
يعني مستحيل ومن سابع المستحيلات نبطل قرايتي ونتزوج
وحتى ويقولي نخليك تقراي مش رح نوافق لأني عارفة نفسي
منقدرش نوفق بين الأمرين بيسك القراية تديلي كل وقتي
أما فيما يخص العمل اذا كان لاباس بيه نقدر نتنازل على الخدمة نورمال
هذا رأيي
حاجة أخيرة برك
علاه الشباب يخليو لي قاعدين فالديار ومعندهم حتى التزام ني خدمة ني قراية
ويروحو يجرو مورا لي تقرا ولا لي تخدم ويبطلوها :s
والله غريبة
سلام


​

 

[بسمةالحياة]

مساء الخير مام أنا راني غير نشوف وجوه جديدة
انت نورمالمو شايفتك من قبل
ما تبهدلنيش وتقول جامي شفتك
و الله غير عندي هدرة بزاف بصح ضْرحت نكتب
المهم الاولوية رايحة تكون لقرايتي
​

 

[ميسومة الدلوعة]

و عليكم السلام و رحمة الله و بركاته
انا كون يخيروني بين لقراية ولا زواج نخير نكمل قرايتي سع باش
نزوج خاطر العلم هو سلاح المراة و كي ما نكملش قرايتي و هدا لي يديني كيفاش
رايحة نقري ولادوا ولا نقعد مع خواتاتوا ولا لبنات تاع لفامي تاعوا
هما قارين وانا لالا
وكي يهدروا وهوما متقفين و انا نقعد نتفرج فيهم
لازم نكمل قرايتي ونخدم
وراجل لي نديه لازم نقنعوا بخدمتي خاطر لمعيشة غلات و لازم لزوج نخدموا و يا ربي
وادا ما خالانيش الله غالب نقعد في الدار كيما حاب هو لمهم نكمل قرايتي قبل
شكرا اخي على الموضوع

 

[القلب الابيض]

السلام
قريت الموضوع بالنسبة ليا موضوع مهم لكن لا اوافقك الراي تماما و تاني قريب كامل الرجال عندهم هاد العقلية باش نجاوبك علا الاسئلة انا وحدة مانقدرش حياتي كامل و انا نقرا باش يجي واحد غريب يحبسني في وسط الطريق و يخيرتي بين الدراسة و الزواج عندي قرايتي و خدمتي اهم شئء لانها حاجة مضمونة اما الزواج فهو مكتوب و ماتدري الطفلة وين اطيح ادا بين ايدي امينة ولا ولاد لحرام لي يتمسخرو ببنات الناس لهذا انا نخير لحاجة لي مضمونة طبعا و تاني الرجال لازم يكونو متفهمين لهاذ الامور مشي انانيين و تاني نعرف بزاف نسا قدرو يوفقو بين خدمتهم و دارهم لازم برك الوحدة تكون شاطرة و سايي
شكرا على الموضوع الوجيه

 

[**** بنت أبوها ***]

بالنسبة ليا خويا بلال اني راح نتبع قرايتي اما الزواج يجي ما يجيش كيف كيف و زيد دارنا قراوني هذي الفترة و متأملين فيا باش نجي انا فالأخير نقولهم نبطل و نتزوج و كيما قالوا خواتاتي القراية اذا راحت ما تتعوضش و راجل يروح وحدخر يجي غيرو
​

 

[bilal22]

السلام وعليكم
حقيقة موضوع مليح اللي طرحتو
ويحتاج لتفصيييييييل كبير
اولا انو معظم لبنات الي يقولولك نحبو نخدمو وما نتكلوش على الراجل شافو في الواقع رجال خداعين او اسر ناقصتهم امووور كتيييرة ولا يحبو الدخلات والخرجات بزااف وحدة من زووج
و قليييل الي تلقاها تخدم باش تكون فعالة في المجتمع و تخمم تفيد الامة.. هادي اديها من عندي رسمي
اما من ناحية تقدر توفق ولا لالا؟ كل وحدة وشطارتها
نعرف وحدة خدامة من الصباح للعشية ولادها الله يبارك ودارها كيف كيف
وكاين وحدوخرا تخدم نص نهار وماشي متهلية في دارها و ولادها
بالنسبة ليا الدراسة مهمة لليسانس وخلاص يعني سلاح اولي لغدر الزمان
اما الباقي ادا جاها اللي يطبطب فالباب يكون خلوق و مربي وخدام ويخااااااااااااااااف ربي
في زادها المعرفي مليح تكمل نصف الدين احسنلها وتقعد فالدار خير مية مرة من انها تتمرمد برا
من المفروض الراجل تاع الصح ما يخليش مرتو تخدم هو يستكلف بكل شي من مصاريف و ماكلة ولبسة وتاويل وكلللش والمرا تاع الصح مما تتشرطش بزاااف بالمعرووف
خلاصة القول : قال تعالى "وقرن في بيوتكن "
طولت علابالي
السلام وعليكم

ياي الاغلبيه يا سوسو علا جال الخرجه والحطه والدخله هههههه
صح خلاصة القول تحتاط للزمان تكمل برك قرايتها واذا جاها مكتوب تتستر وتلهي ببيتها
احسنلها من انها تبدا تتشرط وتقولك نخدم ومش عارف
ومن حقو الراجل كي يبطل علا خاطر هكا يحسها راجل مش انثي
وكل واحد كفاه يخمم
راي زين سوسو وربي يوفقك في حياتك ان شاء الله

 

[bilal22]

السلام عليكم يا اخي بلال ربي يحفظك نتا ثاني انا قصدي كي شفت ماما تخدم برا (استاذة) و في دار و كل شيء منظم عليها نخدم و هي يا بعد حاباتنا نخدموا و مام كي تخدم ماما ديما نلقاها والفنا تاع حاجة عادية و شكرا لك

هيه ممكن هي قدرت توفق مي الامر صعيب تخيلي تتزوجي وتسكني نتي وزوجك وحدكم
الاولاد كي يكونو صغار وشكون راح يتكفل بيهم وقت الخدمه
يعني تدوهم من بيت لبيت هل هاذا امر عادي الله اعلم
شكرا لك خيتو مره اخري

 

[Melia azedarach]

القراية بيان سير ...
منقدرش نضحي بأحلامي وأحلام والديا

 

[bilal22]

بالنسبة ليا الدراسة مهمة يعني سلاح اولي لغدر الزمان

الدراسه مليحه مي انها تخدم ومش عارف هنا علا حسب ما يقول الراجل مش تشرط هي
شكرا لك نورتي

 

[bilal22]

اكبر خطا تقع فيه الفتات انها تتزوج وهي مزال تقرااااا

علاه خطا ها بنت الناس رديتيها جريمه ههه
معلش هادا رايك شكرا لك ختي

 

[bilal22]

السلام عليكم
بارك الله فيك خويا على الموضوع
فيما يخص لقراية أنا رأيي لايختلف
عن آراء الأخوات لي سبقوني فالرد
يعني مستحيل ومن سابع المستحيلات نبطل قرايتي ونتزوج
وحتى ويقولي نخليك تقراي مش رح نوافق لأني عارفة نفسي
منقدرش نوفق بين الأمرين بيسك القراية تديلي كل وقتي
أما فيما يخص العمل اذا كان لاباس بيه نقدر نتنازل على الخدمة نورمال
هذا رأيي
حاجة أخيرة برك
علاه الشباب يخليو لي قاعدين فالديار ومعندهم حتى التزام ني خدمة ني قراية
ويروحو يجرو مورا لي تقرا ولا لي تخدم ويبطلوها :s
والله غريبة
سلام


​

اهلا اعصار قصدي عاصفه ههه
صح لقرايه مليحه مي مش شرط حتي التخرج اذا تقدم لها انسان علا دين وخلق وميسور الحال وهي في سن الزواج علاه الرفض
اما الخدمه هادي مفروغ منها المرا عمرها لا تشرط انها تخدم هو لي يقرر علا حسب ضروفو
وهاديك نتاع يخلو لي قاعده في الدار بلاك مشافوهاش وهاديك لي تقرا راهي ديما تخرج ههههههههه
قضية مكتوب برك هادي خيتو
شكرا لك نورتي
سلام

 

[bilal22]

مساء الخير مام أنا راني غير نشوف وجوه جديدة
انت نورمالمو شايفتك من قبل
ما تبهدلنيش وتقول جامي شفتك
و الله غير عندي هدرة بزاف بصح ضْرحت نكتب
المهم الاولوية رايحة تكون لقرايتي
​

ههههههههه تقول عمري لا شفتك هههههه اهلا بيك خيتو
كامل ضرحتنا السخانه ومش قادرين نخربشو
مي معلش طله خير من مكانش شكرا لك نورتي

 

[bilal22]

و عليكم السلام و رحمة الله و بركاته
انا كون يخيروني بين لقراية ولا زواج نخير نكمل قرايتي سع باش
نزوج خاطر العلم هو سلاح المراة و كي ما نكملش قرايتي و هدا لي يديني كيفاش
رايحة نقري ولادوا ولا نقعد مع خواتاتوا ولا لبنات تاع لفامي تاعوا
هما قارين وانا لالا
وكي يهدروا وهوما متقفين و انا نقعد نتفرج فيهم
لازم نكمل قرايتي ونخدم
وراجل لي نديه لازم نقنعوا بخدمتي خاطر لمعيشة غلات و لازم لزوج نخدموا و يا ربي
وادا ما خالانيش الله غالب نقعد في الدار كيما حاب هو لمهم نكمل قرايتي قبل
شكرا اخي على الموضوع

صح لقرايه مليحه والثقافه مش من لقرايه برك تتعلمي تاني من دينك ودنيتك
اما لخدمه وغلات لمعيشه هادي متخصكش نتي هو لي يقرر فيها وزيد في الاخير راه راجل وهو رب الاسره يعني لازم يكون قدها
شكرا لك خيتو