البنت بين الدراسة والزواج

[bilal22]

السلام
قريت الموضوع بالنسبة ليا موضوع مهم لكن لا اوافقك الراي تماما و تاني قريب كامل الرجال عندهم هاد العقلية باش نجاوبك علا الاسئلة انا وحدة مانقدرش حياتي كامل و انا نقرا باش يجي واحد غريب يحبسني في وسط الطريق و يخيرتي بين الدراسة و الزواج عندي قرايتي و خدمتي اهم شئء لانها حاجة مضمونة اما الزواج فهو مكتوب و ماتدري الطفلة وين اطيح ادا بين ايدي امينة ولا ولاد لحرام لي يتمسخرو ببنات الناس لهذا انا نخير لحاجة لي مضمونة طبعا و تاني الرجال لازم يكونو متفهمين لهاذ الامور مشي انانيين و تاني نعرف بزاف نسا قدرو يوفقو بين خدمتهم و دارهم لازم برك الوحدة تكون شاطرة و سايي
شكرا على الموضوع الوجيه

قبل ما نرد عليك ديري في بالك بلي مكانش حاجه مضمونه الضامن ربي سبحانو
انك تخيري تكملي قرايتك هاذا امر عادي ومن حقك مي انك تخدمي هادي مش من حقك بكل صراحه
لمرا خدمتها في بيتها ومع زوجها واولادها مشي تحتك برا بالرجال وتلك الامور هادي مش افار خلاص والله اعلم
شكرا لك ختي نورتي

 

[bilal22]

بالنسبة ليا خويا بلال اني راح نتبع قرايتي اما الزواج يجي ما يجيش كيف كيف و زيد دارنا قراوني هذي الفترة و متأملين فيا باش نجي انا فالأخير نقولهم نبطل و نتزوج و كيما قالوا خواتاتي القراية اذا راحت ما تتعوضش و راجل يروح وحدخر يجي غيرو
​

اهلا بنت باباها هادي غيبه صح عاش من شافك خيتو
صح قرايتك تقدري تكمليها اما انك تقولي يروح ويجي اخر هادي مكتوب وما تدري وش يصرا
علا ديك انا نقول الطفله متكثرش تتهرب وتتشرط حتي يفوتها كل شيء
شكرا لك خيتو

 

[bilal22]

القراية بيان سير ...
منقدرش نضحي بأحلامي وأحلام والديا

ايه من حقك خيتو وربي يوفقك ويقدرك ان شاء الله

 

[wafa peace 2011]

vive lakeraya merci 3la had sujet

 

[sara 92]

بالطبع قرايتي ومن بعد خدمتي ان شاء الله
مش بعد جد وكد نخلي كلش اما الراجل فكلش بالمكتوب ان شاء الله يكون مكتوبي مثقف ومتفهم

 

[bilal22]

vive lakeraya merci 3la had sujet

نقولولك ربي يوفقك ختي
شكرا

 

[bilal22]

بالطبع قرايتي ومن بعد خدمتي ان شاء الله
مش بعد جد وكد نخلي كلش اما الراجل فكلش بالمكتوب ان شاء الله يكون مكتوبي مثقف ومتفهم

لقرايه معليش مي لخدمه مانعرف ههه
ربي يوفقك ختي شكرا لك

 

[R@MA]

موضوع في محلو
القراية ـــــــــــــــــــــــــــ الخدمة ــــــــــــــــــــــــــــــ الزواج
هذا سلم الحياة يعني هدوا كلهم تجارب في الحياة ورأيي
الوحدة تخمم مليح باه تمد كل حاجة وقتها لكن الغرور
تلقاه في وحدة تقلك انا نخدم مانتزوجش بعيد على اطار القراية
كملي ومن بعد شوفي حياتك
مرسي على الموضوع في محلو
​

 

[الورد الأحمر]

السلام عليكم ورحمة الله وبركاته
...
أهـلا بلال أنا عن نفــسي ما نقبلش واحد يقولي حبسي لقراية
وما نقبلش واحد يقولــي حبسي الخدمــة ... كملت قرايتي
والحمد لله ودرك راني نخدم ولفحل يقولي حبسي نقولو باي باي
هذي قناعة واحد ما ينحيهالــي ... ومغسي عالسيجي وســلامي
​

 

[أنثى مختلفة]

السلام عليك
يقولك المرأة خدمتها في بيتها و الإسلام صانها و عطاها كرامتها
كل وحدة و كي تفكر
كاين تبغي تقرى و كاين تبغي تخدم و كاين الي تبغي
تقعد في داراها مادام زوجها معززها و مكرمها
علاش بيها الي روتور
و بيناتنا كاين الي كي ما تنخطبش تحصل في الخدمة و لا القراية
صحية على الموضوع
​

 

[naGam]

اخي القراية هي الأهم
وكي تدرس الطفلة وتكمل قرايتها يجي الزواج والزواج وين يجي يهني
وراحش تبور كيما تقول لأنوا اذا كملت الجامعة راح يكون في عمرها 22ولا23 سنة هذا اذا كثرت
​

 

[koukou04]

مرسي بلال على الموضوع الوين

انا بالنسبة ليا قرايتي سع و انا متأكدة بلي كاين نساء و ان شاء الله نكون مثلهم لي يعرفو كيفاه يوفقو بين الدراسة و الزوج و البيت معناها ذكيات الله يبارك
مالا وي نكمل قرايتي و نزوج و ندير اسرة و اولاد و نتهالا فيهم و نكونو سعداء

حاجة مش ساهلة لكن ضرورية


مرسي

سلام
​

 

[homework]

هذا راي الخاص
انا بالنسبة ليا الراجل لي يخطب طفلة تقرى باك والا بيام راه
1- دراري
2- الطفلة متقدرش على مسؤولية الزواج رانا في 2012 ماشي لبنات نتاع بكري
3- كي ختار طفيلة راه حاب يدير دار و يجيب دراري والا
بالنسبة ليا الطفلة تكمل قرايتها اولا الزمان صعيب اليوم الراجل مكتفي مي بصح الدنيا طويلة و فيها عثرات
كي تكون قارية اذا قدر ربي حاجة تقدر تخدم على راجلها و اولادها تعينهم خير من تمد يديها للناس
اما بالنسبة للعمل على حساب رغبة الراجل كاين لي حب امراة خدامة وكاين العكس هذيك رغبة خاصة

 

[bilal22]

موضوع في محلو
القراية ـــــــــــــــــــــــــــ الخدمة ــــــــــــــــــــــــــــــ الزواج
هذا سلم الحياة يعني هدوا كلهم تجارب في الحياة ورأيي
الوحدة تخمم مليح باه تمد كل حاجة وقتها لكن الغرور
تلقاه في وحدة تقلك انا نخدم مانتزوجش بعيد على اطار القراية
كملي ومن بعد شوفي حياتك
مرسي على الموضوع في محلو
​

ايه تخدم مي تاني كاين وقت تكون فيه باهيه الطفله واذا فاتها الوقت داك وتغرت وقالت مزال لحال ونكمل ونخدم هنا يجي وقت وين يفوت الوقت داك وتندم
شكرا لك ختي

 

[bilal22]

السلام عليكم ورحمة الله وبركاته
...
أهـلا بلال أنا عن نفــسي ما نقبلش واحد يقولي حبسي لقراية
وما نقبلش واحد يقولــي حبسي الخدمــة ... كملت قرايتي
والحمد لله ودرك راني نخدم ولفحل يقولي حبسي نقولو باي باي
هذي قناعة واحد ما ينحيهالــي ... ومغسي عالسيجي وســلامي
​

اهلين نور
ايه قناعتك وتمشي في جيهتكم مي صدقيني لو كانت عندنا وسيرتو اذا قلتي لفحل يقولي حبسي
انا نضمنلك بلي تبقاي عند دار باباك
ربي يعطيك واحد كيما تحبي ويديرلك طلباتك
نورتي

 

[bilal22]

السلام عليك
يقولك المرأة خدمتها في بيتها و الإسلام صانها و عطاها كرامتها
كل وحدة و كي تفكر
كاين تبغي تقرى و كاين تبغي تخدم و كاين الي تبغي
تقعد في داراها مادام زوجها معززها و مكرمها
علاش بيها الي روتور
و بيناتنا كاين الي كي ما تنخطبش تحصل في الخدمة و لا القراية
صحية على الموضوع
​

عجبني كلامك الاول والاخير هههه
انا نقول بلي اذا كان كيما قلتي لاباس وعايشه علاه تخرج تتسكع في شوارع ولا حابه تخرج مش همها الخدمه هههه
ركزلي علا كلامك الاخير علا خاطر راه كاين منو بزاف ههه
شكرا لك

 

[bilal22]

اخي القراية هي الأهم
وكي تدرس الطفلة وتكمل قرايتها يجي الزواج والزواج وين يجي يهني
وراحش تبور كيما تقول لأنوا اذا كملت الجامعة راح يكون في عمرها 22ولا23 سنة هذا اذا كثرت
​

ايه لقرايه مليحه مي مش شرط حتي تتخرج وتكمل اذا جا مكتوب مليح تقدر تدرس الامر
اما قضية البوران رانا نقصرو برك
وديري في بالك بلي 23 راه قريب تلحق يعني مش بعيده بزاف ههه
شكرا لك ختي

 

[bilal22]

مرسي بلال على الموضوع الوين

انا بالنسبة ليا قرايتي سع و انا متأكدة بلي كاين نساء و ان شاء الله نكون مثلهم لي يعرفو كيفاه يوفقو بين الدراسة و الزوج و البيت معناها ذكيات الله يبارك
مالا وي نكمل قرايتي و نزوج و ندير اسرة و اولاد و نتهالا فيهم و نكونو سعداء

حاجة مش ساهلة لكن ضرورية


مرسي

سلام
​

اهلين حبه كوكاو هههه
صح لقرايه مليحه ووتقدر تكملها الطفله
مي مليح كي مراكيش تتشرطي وتقولي لازم نخدم هادي متفاهمين فيها ههههههه
ربي يوفقك خيتو ويعطيك علا قد نيتك
شكرا لك نورتي

 

[bilal22]

هذا راي الخاص
انا بالنسبة ليا الراجل لي يخطب طفلة تقرى باك والا بيام راه
1- دراري
2- الطفلة متقدرش على مسؤولية الزواج رانا في 2012 ماشي لبنات نتاع بكري
3- كي ختار طفيلة راه حاب يدير دار و يجيب دراري والا
بالنسبة ليا الطفلة تكمل قرايتها اولا الزمان صعيب اليوم الراجل مكتفي مي بصح الدنيا طويلة و فيها عثرات
كي تكون قارية اذا قدر ربي حاجة تقدر تخدم على راجلها و اولادها تعينهم خير من تمد يديها للناس
اما بالنسبة للعمل على حساب رغبة الراجل كاين لي حب امراة خدامة وكاين العكس هذيك رغبة خاصة

صح رايك ختي وديما نحب نسمعو علا خاطر يعجبني
المهم
قضيت باك ولا بيام معناها مزالت دراري هادي نقطه من الاحسن تراجعيها علا خاطر العقل مش بالعمر ولا بالمستوى الدراسي كاين لي بيام وعقلية عجايز وعلا قد المسؤوليه يعني صح الله يبارك
اما قضية 2012 ومش عارف هاديك تاني راجعه ليهم في زوج اذا كاو متفاهمين وحاجه باينه الطفله كي تروح لدار راجلها تزيد تتعلم امور يعني مش كل شيء من الاول
صح مليح تكمل قرايتها احتياط وعجبتني كي تكلمتي علا الخدمه هي رغبه خاصه ولبنت لي من درك تشرط الخدمه علا اي اساس نورمالمو الخدمه نتاعها تكون علا حساب الضروف اذا مقدرش راجلها هي تتدخل وتعاونو مي اذا كان لاباس بيه علاه تخدم وهنا نطرح السؤال علاه يشرطو الخدمه من الاول
شكرا لك خيتو ديما تنوري بردودك الجميله

 

[miss Go]

السلام عليكم وتحيه للجميع
مع اني وليت نشوف غير الوجوه لي منعرفهاش هنا
راحو حبابنا نتاع بكري
لاعلينا المهم حبيت نشوف رايكم وبالاخص لبنات في موضوع ما
اكيد ان اي بنت في الجزائر يجي وقت وين تتزوج وتكون اسره
وهاذي سنة الحياة
وفي نفس لوقت لها اهداف كالدراسه والتتفوق في الشهادات والعمل وما الا ذالك
وهاذي من طموحاتها وهي حق مشروع
وحيانا تتفوق حتي علا الرجال في عدة مجالات
ولاكن في الاخير هي انثي ونهاية مطافها هو الزواج وتكوين اسره
يعني ممكن تدرس وتتخرج وتتفوق ولاكن تطيح في رجل يطلب منها القيام بالبييت والاسره وليس العمل
وهنا السؤال يعني لو تقدم لك رجل وانتي مزلتي في طور الدراسه وطلب منك ان تكوني زوجه وربت بيت وتنساي الدراسه وتلك الامور
هل ترفضي لاجل انك تكملي الدراسه وتبقاي كل مره هكا كل من يتقدم مصيرو الرفض وتتجهي نحو الشهادات والتفوق من اجل العمل وكلنا نعرف ان سلك التعليم لمشوار فيه طويل يعني
ممكن بعد ما تكمل تكون علا مشارف البوران ههه ضحكه برك هه
لمهم قلنا هل ترفض ام انها تدرس الامر بجديه
وتخمم في كيفية تكوين اسره وحسن تربية وتعليم الاولاد والقيام بالزوج
وحتي كل هادو لازمهم خبره وتعليم ههه
والسعال للرجل هل تقبل انك تخطب وتخلي خطيبتك تقرا وتكمل دراستها وبلاك حتي تخدم منعرف لمجالات مش محدده ولما تكون عندك في لمنزل وتشترط العمل مع انك عارف بلي هادا الامر ينقص من قيامها بامور المنزل فهل توافق

وفي الاخير نشكر لكم حسن الانتباه والاصغاء
شكرا لكم


​

السلام عليكم .. وشراك؟
المهم يا خويا من وين نبداك من الكبدة ولا الرية ههههههه :regards01::regards01:
" لالا خلينا نبداوها بالنية خير :p:p"

صدقني يا خويا حيرتني .. بورتو الجوابــ معروفــ كل واحد او رايو في الحقيقة ..

مي أنا نظن هذا السؤال للرجال قبل من النسا!!

شوف درك الرجال تع دركــ يحوس عليها تخدم الحاجة الاولى، تعرف تطيب الثانية او شابة أو ينسى الدين و مشتقاتو " وبزاف حاجات راهم وراء الستارة..."

اومبعد كي جي تشوف يقلك انا نحوس بنت لحلال الي تستر عليا او نستر عليها يا خويا خلاصة القول هي لا تخدم لا ما تخدمش
"الطيبيين للطيبات والخبيثيين لخبيثات..." سورتو في وقتنا هذا تخاف وين تحط رجلك !!..

نتا حطها في النية و بنت لحلال تاني اومبعد ربي يوفق كل شي :up::up:

.. طولتــ عليكم مي رايي الشخصي :" أنا راهم عندي تجاربــ بزاف يا خويا ودوافع اللي تخليني نقرى ونكافح باش نخدم، مي اذا ربي رزقني وليد لحلال اللي يوفرلي كل شي وما يقصر معايا في حتى حاجة و يستر عليا ونستر عليه ويتقي ربي فيا الله يسهل ... " باسكو درك رانا نشوفوا " عيش تشوف" شبعنا من الميزيرية تاع الغاشي اللي سبقونا غير الخدامات اللي عايشين \\ مع كل احتراماتي ..\\

وشكرا ..
​