بين البارح واليوم بين جداتنا وونحن اليوم

[ملكًة الاحسآس]

وعليــكم السلآآآم
اممم قريت موضوعكـ مي مشي مكونصونثريــآآآ معاه
لي عودة نرحي شويــآآآ :p
​

 

[السلطانة]

أهلا بيك شوشو
يعطيك الصحة على مواضيعك الباهيين
هادا بلاصتو يتثبت ولكن مازال ماوالفوش الأعضاء يرفعو ريسانهم للمواضيع المثبتة ...
راني يومين مارقدتش الموضوع راني نشوف فيه ابيبري برك هههههه
أهلا سفيان
راني كتبتو على صباح ربّي خخ تقول بتت نحلم بيه
صحيت على الاعتماد
والحمد لله أنو عجبك

كيما قلتي جيل بكري جيل وحدو
خويا لكبير يسخف ياكل الشخشوخة في دارو ههههه
أما واحد اخر تزوجها من واحد القرية رحمة ربي متهليا فيه شخاشخ برابش حالة ههه
بصحتو هادا راه جاب مرا ونص ماش كيما خوك لوخر خخخ

يعني كاين نقاط لازم نحكيو عليهم
وهي الفرق بين بنت الدوار والقرية وبين بنت لمدينة ولبلاد
صح مام بنات الدوار وتفرعنو ووصلتهم الحضارة ولكن ديما ديما خير من بنت لمدينة في الكوزينة
صح هادي راني معاك فيها
لاغبار عليها

وهكداك المرأة ألي ماقراتش وحكمت الدار خير ملي قرات وحياتها كامل وهيا زعما تقرا وتتسيتت هههه
طبعا ماشي كامل ولكن الأغلبية ...
---
ههه لي ريحت في الدرا هاديك هي حياتها تنوض للخبيز وتدير دروس في الطبخ خخخ في بلاصة الدروس تاع لقراية وكيفاه متخرجش شاطرة هيهيه
أما انا بربي مانسكنش مع الوالدة باش نستر على مرتي لعزيزة هههههه
مالا ناويها على وحدة متعرفش تطيب خخخخ

لأنو الراجل ألي يسكن مع يماه راح يلقى مشاكل كبار والأم ديما مشكلها في الدنيا مرت ولدها ...
صح وتلقى المشاكل يتخلقو من حاجات تافهة خلاه ويبقا الانسان ماش مستقر في حياتو
ويخاف يرضي مرتو يلمها دعاوي من أمو وتطفر فيه
وأكيد الطفلة ألي تعرف اطيب واطيب كلش مليحة ، والراجل ياكل ويشوف الطابلة مزوقة برك ههههه
ان شاء الله مقصودي وصل شوشو
تستاهلي تقييم
أنت مو أنت وأنت جوعان خخ
​

شكرا سفيان
سلامي وشكرا على التقييم

​

 

[السلطانة]

رد محجوز


لي عودة للرد ان شاء الله​

مرحبا بيك أسومة في كل وقت

 

[mahwossat crochet]

سلام
عندك الحق جدات زمان كانو بسلامتهم كلشي يعملوه بيديهم بنات اليوم ماشي كلهم البعض منهم تقول باربي ماتعرف الطياب وماتعرف القدر فالحة غير في الماكياج وكلام البورتابل ربي يهديهم ويسترهم
مانقولك نعرف نطيب مانقولك نعرف الكوزينة خيما يجوني بزاف خطابة عند الباب ههههههههههه
سلامي لك راقني موضوعك ودي اتكلم كثيرا لكن لا استطيع

 

[ISMA.dz]

رد محجوز


لي عودة للرد ان شاء الله​

السلام عليكم​

راني رجعت روطار بالصح ماعليه​

وأنتي أيّتها الفتاة : بكل صراحة واش حوالك مع الكوزينة ؟​

لاباس نحب المطبخ ونحب نتعلم الطياب​

تعرفي تطيبي كلش ؟ او انتي من النوع اللي يليكيدي برك ؟​

نعرف لكن التقليدية شوية شوية خاطيني ههههه
لا مانيش من النوع اللي يليكيدي بصراحةمرات تصيب ومرات تخيب
​

[/COLOR

]أو أنتي من النوع لي لاعلاقة بالكوزينة وأشغال المنزل ؟​

عيب كبير :p وش راكي تسبي فيا:sهههههه
لا عادي نخدم ونطيب ونسيق نديرهم كامل خاطر محتمة :-r
​

وانا من رأيي المرة اللي خاطيها تريح في دار باباها خير يمكن يجيبها خدامة

اما انها تتزوج وهي لا علاقة ماجاياش مع كل احتراماتي:regards01:​

مشكورة غاليتي موضوع جميل:up:​

 

[السلطانة]

وعليكم السلام ورحمة الله تعالى وبركاته

الحديث في موضوعك أختي يطول ويطول ياسر
وكل طفلة تمد رأي وكل راجل يمد رأي وكل انسان
يحب حاجة بصح الواقع يفرض أنوا لكل انسان عقلية
ولكل انسان مبدأ يمشي بيه وكل عائلة كيفاه تربت
_____
أهلا أخي
أكيد لكلّ منا رأيه الخاص به تفضّل
كاين بنات من صغرهم يحبوا يطيبوا ويحبوا يعاونوا
يعني في مصطلح جداتنا بنات قافزات :d وشاطرات
وعليهم الكلمة هكا هوما يقولوا وكاين بنات خاصة الي
قروا ودخلوا للجامعة ومن بعد للشغل ديما دير الوقت
سبب ماتعرفش اطيب ماتعرفش تغسل مانيش عارف
_____
وي الخدمة تمن الصغر تخلي الطفلة توالف وتتقنها مليح
أما لي تتهرب منها تجي غير فيها
لقراية تفض ومباعد تتزوج وتقابل الواقع المرير
باش نكونوا متفاهمين هو كل انسان يحب مرته
تكون تعرف كلش تعرف تغسل تعرف اطيب تعرف تعجن
بصح على حسب البلاصة وعلى حسب الظروف كاين
في بعض الاماكن والولايات ماعندهم حاجة في المراة
ديما اطيب هكا الكسكس وطيب الخبز والرخساس والحوايج
هذه ويكونوا مهملين لجانب الاكل يعني ماعندوش حاجة
الراجل في الاكل بصفة كبيرة يعني الي طاب مرحبا بيه
مم قصدك كاين راجل يهتم بالجانب تاع الطياب ويحب مرتو تطيبلو
وكاين لي معندوش حاجة واش تطيب ياكل نورمال معندوش قصة
وي صح كاينة هادي النقطة وانت بينتهالنا

______
اما كاين رجالة تحب تتشرط وتحب ديما هي الي تطلب الماكلة
مثلا يحب ديما الكسرة تكون يوميا ولا في الجمعة والخميس
ديما طعام اي كسكس وكل واحد وكيفاه هو كاين عايلات
نعرفهم يوميا يطيبوا الخبز وكاين ناس بلاك نسوه طول
الي يحب ياكل يجيب مراة قافزة والي مايحبش يجيبها فنيانة
ههه وهو في الاصل لازم كل طفلة تولي تعرف اطيب
الا ماتعرفش معليش تحاول بالعقل بالعقل حتى الطفلة الجامعية
ولا الي تقرا عندها فرصة باش تتعلم في الصيف ولا العطل
وكاين بنات يتعلموا حتى كي يكونوا في الجامعة
_____
هه تسمى كل واحد وزهرو خخ ياسعدو لي طاح في الفحلة ويامحنتو لي طاح في لبرا كاسي خخخخ

التطياب حاجة مفروغة منها اما الحوايج تاع الكسرة والعجين ووو
بالعقل بالعقل تتعلم المرة الاولى تبدأ تشوف والمرة ثانية
تشارك في التطياب حتى وين تهز الخبرة وتولي هي طيب وحدها
:pأواه لي تخلي روحها روطار متتعلمش الخدمة على أصولها
حتى الطياب عندو تكنيك
أي وحدة تعرف تطيب بصح ماش أي وحدة تتقن

اما طفلة تقولك مانتعلمش وماندخلش للكوزينة ووو مش منطق
وبالنسبة الي يشروا الكسكسي ويكسكسوه نقولوا عندنا
مابقاتش كي بكري ومابقاش القمح ومانعرف واش
خاطر كلش ولى يتباع في السوق حاضر غير اشري
وطيب وانت وعلى ذراعك الا تعرفي,,,
هههه وي كلش في السوق
هادوك جداتنا كانو يفتلو
درك الكسكسي يتشرى تفاديا للتهنبير والوقت تاني معندناش
وخاصة للمرأة العاملة
هوما الامهات والجدات عندهم الحق ياسر كي ينصحوا بناتهم
والامر هذا مايتعلقش بالطفلة كونها جامعية ولا في الدار
الي تحب اطيب وتخدم زوجها واطيبله الي يحب ادير المستحيل
وفي المنطق ثاني حتى الزوج مش رايح يكون يتشرط
ولا يتعب مرته يوميا خاطر الحوايج هذه مش ساهلة لهذه الدرجة
باش كل يوم المراة اطيب وبكري كانت المعاونة ووو
يكونوا بنات ونساء ياسر في الدار يتعاونوا اما كي تكون هي وزوجها
مش عيب باش تتعلم وتولي اطيب واش قاعدة دير تتفرج في المسلسل ههه :p
ههه المشكل درك يحبو الساهل والواجد
كون تلقى الراجل ساكتلها تروح فيها ههه

_____

انا بالنسبة لرأيي مش راح نبقى نفرز في الطفلة على جال كوزينة
وحوايج كيما هكا اما الطفلة المليحة تكون مليحة فكلش وتعرف كلش ههه والا ماتعرفش مش عيب تتعلم وبالعقل بالعقل تولي تعرف
حتى الا جات من دار اهلها ماتعرفش بالعقل وتتعلم عادي مانشوفوش
يعني أنت تحط الكوزينة عنصر ثاني غير ضروري جدا جدا
نظرة تاع اول عام وثاني عام والا هي فيها طبع تاع تفنيين
اكيد راح تبقى ماتعرف والو والا ماحبتش تتعلم ثاني
ماعليهم الا ان يشتروا طعاما جاهزا من المطعم كل يوم وتنتهي القصة
:down:
أي تبانلك برك ههه تنتهي القصة مي كي توالف هي وتبقى تتفنين وتجيبلك لبهادل مع داركم خخخ تم تقول ماش آفرا هادي هيا سقمي روحك يامرا لا نقربعلك راسك
الرجال الكل حسب مانعرف يحبوا نساهم يكونوا يطيبوا ويعرفوا ووو

شكرا على الموضوع,,,
​

صحيت على المرور الطيب أخي
طيحتيلي جهدي هههه
سلامي

​

 

[السلطانة]

يعطيك آآلصحة سوجي في آآلقمة
مي لوكآآن نقولك بلي آآلجيل هدآآ نتآآع الآيمو
مآآيعرفوش حتى يزغرتو
خلي يآآ تروح ترحي آآلقمح هههه
​

ههه حتى التزغريت ميعرفوش ؟؟
مالا يخافو تطيحلهم لا طونسيون
تبا هههه
صحيت حسني على المرور الطيب
سلامي
​

محجوز نقرآ الموضوع و نرجـع

مرحبا بيك خيتي
​

واااو قلتي الحق ههههه
انا نعرق شوية من شوية
معنديش وقت مازلني نقرا

خخخ نينا تحب تتقلش نعرفك حبوبتي دلوعة
ربي يوفقك في قرايتك
صحيتي عزيزتي على المرور
​

 

[ISMA.dz]

أهـــلآ بشبش وليت كي نشوف اسم نعرفو هنا نفرح
وأهــلا بماكانش مدة ما شفتوش الحمد لله كي راه بخـــير
...
واش نقول في موضوعك والله يا شوشو الموضوع هذا والقضية هذي ديما
نتقابض مع ماما في سبتها ... ياك تعرفي بلي جداتنا ولا ماماتنا تقدري تقولي
راهم كيف كيف صح أمهاتنا ضيعوا حوايج مي خفاف واحنا ضيعنا تقريب كلش
أنا صراحة نعرف نطيب كلش من غير الأطباق الثقيلة ,,, تاع شخشوخة ولا
فتات ولا هذو نونو ... مي بصراحة أكثر أمقت الكوزينة وكان طيبت نطيب
حاجة خفيفة ... أمقت الكوزينة وكون نصيب ما ندخلهاش مي ديفوا تحتم عليا
ماما نخبـــز ... نحكيو على الرزواج والخدمة تاع الدار أنا لي يحسب روحو
رايح يديني خدامة لدارو ويشوفلي واش نعرف نطيب ويركز عالجانب هذا
نقولو روح خوك راه في السوق وما يضرنيش أني ما نتزوجش ... أنا حياتي
قانعة بلي مش مأطرة في دار نخبز ونطيب ونسيق رانا في 2012 زمان
التطور والعلــم ,,, يعني ما بقاتش تاع لمرا تفني عمرها في الدار تربي وتطيب
وكيما نقول ديما لماما أنا ما خلقنيش ربي للخدمة هذي ...
بكري يا شوشو كانو دايرين الدار هي الدنيا وهي لحياة ألوغ كو أنا نشوف
الدار جزء من الدنيا وجزء من حياتي وماهيش من أولوياتي ... علاش
تاع الهارج متقدمين علينا مع أنو مرا ما تقعد في الدار مي ديارهم يسخــفو
واحنا نهار طول وهي تندب وتسود في الدار وتبقى كي تاع لهزارش ,,,
وكل وحدة وكيفاش تربات ,,, أنا تربيت كلش نلقاه عند يدي ما نمدش يدي
وقليل وين يطلبوني نعاون ... نفضل كلمة خايبة على كلمة تدمر مليح
تجيني إهانة كي يقولوا تعرف تخدم ,,, شغل نعرف ندمــــر ,,,
مغسي عالموضوع خليتيني نعبر عن شعوري لي ديما نعبر عليه مع
ماما وتولي تاكل فيا ... وعلى فكرة لي تحسب بلي الدار هي كلش وهذيك
هي الدنيا وتقضي على صحتها فيها وتأطر حياتها على هذا الأساس
نقوللها عمرك راح خسارة اخـــتي كاينة حياة تقدري تعيشيها وتتهلاي
في دارك ونوغمال ,,, تاع بكري حرموا رواحهم من المتــعة ,,, حتى
صحتهم كاحت بغير وقــت ,,, ســـلآمو بشبش
​

السلام عليكم اختي نور

لي تعقيب فقط سوف ارد عليه بعد ردك هل يعني اتشوفي امي وامك حرموا روحهم من المتعة؟

هل المتعة في العمل؟وعدم التركيز على اشغال البيت ؟؟

اعدريني على التطفل عزيزتي:regards01:

 

[السلطانة]

ههههههههههههههههههههههههه الوقت هادا عبز يسيل كلش اوتاماتيك

ههه تلبزي يلبزك راجلك وأمو خخخ
صحيتي حبوبة على المرور الطيب
​

ههه راه مازال كاين الخير حنا عندنا بصح في القرى الطفلة لازم تتعلم الفتيل من صغرها والبنات الصغار ديما يروحو لوحد لمرايتعلمو النسيج والخياطة ولكروشي.....
هكا بيان خلاه
انا ماتعلمت فتيل ماتعلمت نسيج
بصح على طياب شخاشخ وبرابش كيما قال الاخ مكانش ههه وخياطة راني ندير وكاين شحال من بلاصة مزال كاين الخير مع اني عايشة في مدينة
ومش مليح تعمو على البنات كامل
راكي شاطرة الله يبارك
هه لالا ماعممتش طرحت الموضوع بصيغة ونتقبل آأرائكم بكل جوانبها
​

صحيتي على المرور الطيب خيتو
سلامي

​

 

[أمازيغي]

السّلام عليكم
نولّي لراي الأخ ماكانش.
كاين فرق صح بين بلاصة وختها كيما تقدري تقولي صباع اليدين ما همش كيفكيف.
يعني حنا في الدّوار -القبائل بصفة عامة- وين مازالت التّقاليد هي اللّي تحكم ماكانش فرق كبير بين المرا نتاع بكري ونتاع ضرك. يعني الطّفلة من صغرها متدربة على هذي الأمور قارية ولّا ماشي قارية. يعني مازالت تنوض بكري تروح تجيب الماء ولحطب وتطيّب الكسرة للفطور وتنوّض خاوتها وتعدلهم حوايجهم...ومرّات كي يلحق موسم الزيتون تتسرّح من قرايتها تروح تلايم الزّيتون...بلا واش راه يستنّاها من شغل الدّار.
أنا ساعات كي نروح للدّوار نقول عليهم روبوّات مي بصّح يعجبهم الأمر ويلقاو فيه راحتهم.
هذا خويا عايش في فرنسا وكي جا يتزوّج راه جاب واحدة ألجيرواز...هي دايرة في بالها بلّي يديها معاه من النّهار اللّولّ وحنا عوايدنا تقعد عام في الدّار تقدش وتعاون...ألور النهارات اللّولين مخليتها جدّا تتفشّش ومن بعد ما فات عليها شهر ريكيزيسيوني في الكوزينة، تقوللها جدّا أنا ولادي ما ياكلوش ماكلة الماشينة ولا ماكلة برّا...الطّفلة مسكينة جاتها لمبعد الفيزا راحت ما ولّاتش...حرقت كواغطها.
المهم ربّي نشاء الله يخلّينا بركة بكري.
عفوا على الإطالة الحديث ذو شجون.
شكرا.
تستاهلي تقييم وكل خير +++
​

 

[السلطانة]

والله يا شوشو غير قستيها عندك الحق في كلش بكري راح يكري صح هوما كانو شاطرات في كلش مالـgـري يتزوجو صغار
أهلا ايمان عاش من شافك أختي
ايه بكري يتزوجو صغار خلاه
12 سنة 15 سنة دايرة الدار ورزينة في مخها وكلشي
وحنا درك شارفة وعقليتها تاع فرخ :-o
مي تلقايهم فاحلات في كوزينة بارسكو يتعلمو من صغرهم مايخرجوش مايقراوش مايخدموش ماكانوش عندهم لي موايان لي يـpـاسيو بيها الوقت ملي ينودو وهوما في كوزينة وشغل ولغسيل ولفتيل هدو لي يجوزو بيهم حياتهم بسيف يتعلموهم
ايه الخدمة هاديك هي حياتهم
مي دوكة كاين لي موايان لي تنساي روحك فيهم ماتقعديش غير للكوزينة ولاو لبنات يخدمو على هداك راحت الـgـانا تاع طياب كلش واجد حتى لي فريت مقطعين امالا لمرا ماعليها تجبد تحط في لافريتوس ولاو يعجزو ع طياب حنا معيشة سون سوفرانس مي مايعنيش ماطيب والو امالا واش ياكلو لحجر pـوغ موا نعرف نطيب دي pـلا مي خاطيني خبر دار ومانفتلش خليت لاماشين تفتل يجيني واجد
وي راني معاك المرا درك رجعت تخدم وبين الدار والخدمة تعيا لازمها تشري ماقاعداش للفتيل وديك الحاجات
أما هاديك لي قاعدة ومتخدمش ديك لي تغزّل
يطيك الصحة خيتو عجبني بزاف سـuـجي حنون كي مولاتو ​

وانا عجبني مرورك الطيب ايمانو
الله يحفظك زينونة
سلامي

​

 

[السلطانة]

هههههههه وشنو هادا يا بابا قتلتينا يت بنتي بالقدر ...

مي عندك الحق هاذا هو الزمان دوار ..
​

ههه راكي تشوفي
صحيتي على المرور :p
​

 

[السلطانة]

وعليگم السلآم هــآ شوشو
واش هآد موضوع إنه فآضح ههه
جدآتگ والي گيفهآ الله يرحم يآمآتهم
أمــآ انا نقولگ نگره الگوزينةة موآلفة نليگيدي برگ
مي دگ رآني تهديت ورآني ندخل نطيب وو مي گسرة نوووو ههه مانديرهاش
هيا يامصيبة صحيتي ع الموضوع خخ (فضحتينا)
سلاموو
​

ههههه هاي رانا نستناو تحطيلنا التطبيقات في الكوزينة
بيان برك كي دخلتي للكوزينة ياموصيبة خخخ
رايحين نزوجو
صحيتي على المرور ياكارهة الكوزينة هههه


​

 

[السلطانة]

سـلام
خخخخ جيل الاييمو وش تستناي منو خخخخ​

والو خخخ يلبسو ويحطو الحطة برك
:p
​

 

[الورد الأحمر]

أسمحيلي على التدخل أختي أما حبيت نوضح حاجات برك
كي الطفلة تدخل للكوزينة وطيب ولا تتعلم عادي القضية
مش مرتبطة بعام ولا قرن ولا حتى حاجة,,,هاكي فسدتي بنات
اللمة الكل ههه تو من اليوم ينوضوا لأمهاتهم ماعاد نمسوا والو
وماعاد نقضوا ليك والو وبشرتي حساسة واظافري ماتستحملش ههه
وكون يمس الصابون يديا وانا وانا ,,, ههه
عادي الامر ببساطة الطفلة لازمها تتعلم لازمها تدخل في التطياب وفي هذا المجال صح مش لازم تعب روحها لدرجة كبيرة كل انسان
وعنده درجة احتمال,,ماراحش تتكلف بفوق من طاقتها,,هذا رأيك
عادي وانا نحترمه,,,
البنت راح تقرا وتتعلم ووو كيما راهم حابين بنات الوقت الحالي ومن بعد لكتب ربي طلع صواريخ ايه واش مزال استنى ادير اقمار صناعية
بصح من بعد رايحة تروح لدار زوجها وراح يكون ملزوم عليها اطيب
وتتعلم ماقال حتى انسان لازم نقهروا المراة ولازم كل يوم اطيب الكسكس ولازم ديما ووو ,,, ولا راكي غلطتي بالعكس كل انسان ويعرف كيفاه يتصرف ممكن تاع بكري خدموا خدمة تاع ضغط كيما نقولوا وتعبوا رواحهم فوق اللازم لكن صحتنا وصحتهم ماتتقارنش
يااختي احنا واحد في عمرو 15 ويقولك ظهري يوجع وواحد تاع بكري والله يكون قريب يموت وظهرك مازال مابيه والو وتعب وخدم ووو
انا والله تو صغير وظهري يوجعني حنا الي بالعكس ماكلتنا ماكان والو
هوما كلوا غير الحاجة المليحة صح بالاك جاعوا في اوقات اما الماكلة الي كلوها مافيهاش حوايج مش مليحة,,ومضرة بالصحة,,
انا والله تعرفي كي قبل كنت نشوف امي تغسل في الحوايج وو
نحير ونستغرب نقول سبحان الله تقوم بهذا العمل مرتين ولا مرة في الاسبوع والتطياب ووو واحنا الان نديروا حاجة برك خفيفة نحسوا بالتعب..هوما صح صبروا ورضوا أزوجاهم ورضوا ربي وخدموا الخير وتعلموا كلش ونجحوا في حياتهم والحمد لله,,,بالاك حتى انا راني نخرف ههه
اما عادي طفلة جامعية ولا قاعدة في الدار لازمها تتعلم ولازمها تعرف اطيب وتكون محيطة بجوانب المطبخ ههه ويزي من الافكار تاع نتعب روحي ومش عارف ابقوا اقلوا في البيض ديما ههه خير :p
اسمحيلي على الرد والتدخل
وشكرا لك ,,,

أهــلا خويا لالا عادي عبر عن شعورك انتا تاني ،،،
ههه ما فسدتش بنات اللمة كل وحدة راهي موالفة على نمط معين
مش كلامي لي يبدللهم النمط تاعهم ،،، أ،ا ما قلتش ما نعرفش نطيب
والطفلة ما لازمش تتعلم ,,, حتى انا قلت نعرف مي ما نمدش يدي
وكل وحدة حرة أنا من الناس لي ما يمدوش يدهم حتى ويعرضوني
ما نحبش الكوزينة والطياب والخدمة تاع الدار بصفة عامة تجيني
تضياع وقت خاصة كي نشوف مرا قاتلة روحها على الخدمة هذي
في الوقت لي تقدر تقتل روحها في حاجة خلاف نشوفهم يخشعوا
في خدمة الدار والصلاة ينقبوها باش يرجعوا يدمــروا ,,,
الطفلة آخرتها إذا كتبلها ربي مكتوب تتزوج وتدير دار وهذا مش
معناه أنها تغبن روحها في الدار هذيك والدار تدي صحتها كاملة
هذا واش حبيت نقول الدار لازم تكون جزء من حياتنا مش حياتنا
بحد ذاتها ’’’ هذا رايي الشــخصي وكل وحدة ومنظورها كاين
لي يحبوا خدمة الدار والطياب ووو ،،، أنا ما نحــبش ’’’
ولي يقيسني على الأساس هذا ما نحبوش تاني ,,,
مــغسي خويا عالتدخل الظريف ،،، ســــلآمي
​

 

[السلطانة]

غلبت ياجماعة ههه
غدوة نرجع نكمل بقية الردود
تحلفتو في اليوم هادا كادو عيد ميلادي خخخ
صحيتو حبايبي

​

 

[الورد الأحمر]

السلام عليكم اختي نور

لي تعقيب فقط سوف ارد عليه بعد ردك هل يعني اتشوفي امي وامك حرموا روحهم من المتعة؟

هل المتعة في العمل؟وعدم التركيز على اشغال البيت ؟؟

اعدريني على التطفل عزيزتي:regards01:

ما علاباليش في ماماك ما عشتش معاها مي نعرف ماما
و وي حرمت روحها من المتعة وتحسب الدار هي كلش
عييت نفهمها والو ’’’ وكي نقول المتعـة مش معناها زهو
الدنيا نخرج نفرح نشطح نضحك ونخدم لالا ما نحكيش
على توافه الأمور هذي ,,, كاين ألف متعة مليــحة نشوف
ماما ما عاشتهمش ’’’ أهــلآ بيك أختي وتدخلك على
العين والراس ’’’ رانا نتناقشــو ,,, :regards01:
​

 

[الورد الأحمر]

السّلام عليكم
نولّي لراي الأخ ماكانش.
كاين فرق صح بين بلاصة وختها كيما تقدري تقولي صباع اليدين ما همش كيفكيف.
يعني حنا في الدّوار -القبائل بصفة عامة- وين مازالت التّقاليد هي اللّي تحكم ماكانش فرق كبير بين المرا نتاع بكري ونتاع ضرك. يعني الطّفلة من صغرها متدربة على هذي الأمور قارية ولّا ماشي قارية. يعني مازالت تنوض بكري تروح تجيب الماء ولحطب وتطيّب الكسرة للفطور وتنوّض خاوتها وتعدلهم حوايجهم...ومرّات كي يلحق موسم الزيتون تتسرّح من قرايتها تروح تلايم الزّيتون...بلا واش راه يستنّاها من شغل الدّار.
أنا ساعات كي نروح للدّوار نقول عليهم روبوّات مي بصّح يعجبهم الأمر ويلقاو فيه راحتهم.
هذا خويا عايش في فرنسا وكي جا يتزوّج راه جاب واحدة ألجيرواز...هي دايرة في بالها بلّي يديها معاه من النّهار اللّولّ وحنا عوايدنا تقعد عام في الدّار تقدش وتعاون...ألور النهارات اللّولين مخليتها جدّا تتفشّش ومن بعد ما فات عليها شهر ريكيزيسيوني في الكوزينة، تقوللها جدّا أنا ولادي ما ياكلوش ماكلة الماشينة ولا ماكلة برّا...الطّفلة مسكينة جاتها لمبعد الفيزا راحت ما ولّاتش...حرقت كواغطها.
المهم ربّي نشاء الله يخلّينا بركة بكري.
عفوا على الإطالة الحديث ذو شجون.
شكرا.
تستاهلي تقييم وكل خير +++
​

أهــلا أخــي حبيت نعقب على كــلامك معليش :s
أنا عجبتني تاع الغيكيزيسيون في الكوزينة ’’’ صراحة عادة جامي
سمعت بيها تاع يلزم تبقى عام في الدار هدي ما عندناش حنا ,,,
الراجل يدي مرتو بنهارها لا تبقى عام لا نهار ’’’ العادة هذي
ما عجبتنيش ’’’ مي ريـgـلتها جداتك يعطيها الصــحة ’’’
حتى هي هربت ما ولاتش كنت ندير كيفها :-r علاش نخمم
نرجع باش يديرولي تسخير في حاجة خــلاف :p
مــغسي خويا عجبني ردك ديما نقرا ردودك
ســـلآمي
​

 

[ღحنين الروحღ]

السلاموا عليك قطوتي
مممممممممممممم موضوع هايل مثل مامتعودين منك يا شاطرة
مي هنا برك ههههههههههه:p
لالا تضحك حبيبتي فحلة وكي تسيق تكسر لوفروطوار
ههههههههههههههههههههههه
:p

وي عندك حق ايه بين خدمة زمان وبين خدمة ضرك اييييييييييييييييييييييييييييييييييه الله يرحمك يا جدة مالحقتش عليك
مي على حساب ماحكاولي كانت تخدم برة ولداخل
ناس بكري كانت تحلب باش يجيبوا لحليب مي ضرك
الساشي نتاع لحليب ماتتغسلش مامبا *غلبانين*
الكسرة مش خمس خبزات
الكسرة نتاع عيلة مكونة من 12-15 عبد
وتزيد تكنس تزرع تقطف
ااااااااااااااااااييييييييييييه واش جاب لضرك
هذا بيتران للكسرة وهاذي يباتي وهذا برحي وه..............................
وماشينا ................. الخ
على هذا الطفلة ولات تتكسل لانوا عمو الروبو كاين


وأنتي أيّتها الفتاة : بكل صراحة واش حوالك مع الكوزينة ؟
ماشي الحال نسلك روحي
مازلت لفتيل برك
مي غسيل الصوف لغرايف طياب صايي
شفت شحال شاطرة
الطفلة يا تمدحها امها ولا فمها ههههههه
+ ماكنلاه كي تجي تخطبي تسقسي ادي وماتخافش
مازالت الصلاحية غير منتهية
ههههههههههههه

تعرفي تطيبي كلش ؟ او انتي من النوع اللي يليكيدي برك ؟
ممممممممممممم قالولي نفسك مليح وبنين في الطياب
هكذا قالوا وقالولي هههههههههه
لالا مانحبش نليكيدي لازم نكملها للاخر وبراحتي خلاص
:p
أو أنتي من النوع لي لاعلاقة بالكوزينة وأشغال المنزل ؟

مممممممممممممممم راكي عارفة
راني لكبيرة والطفلة الي تكون لكبيرة هي كلش لازم تعرف سينون
تسمع كلام مايعجبش

حقا قالوا بلي الام بكري بنتها لازم تعرف كلش
وذا ماعرفتش
راسها يتلاح في القصعة
:-o:up:

مشش نتاع ضرك

حتشي راهي نعرف كلش مي كي تروح لدار راجلها ماتعرف والوا

يجي نهار ونعرضك تاكلي من يدي


نعرف مي ناقصة شوي ولازم نتعلم
حتى لعزوز ماتسحتنيش
قالوا رجال هذا الوقت يحبوا الكسرة

شكرا شكرا يا فحلة على الموضوع مممممممممممممممممم الطفلة تخمم في لعزوز والراجل ههههههههههه
الله يجيبلنا الزوج الصالح
ولعزوز الي ماتشرطش

سلاموا
:p​

 

[أمازيغي]

أهــلا أخــي حبيت نعقب على كــلامك معليش :s
أنا عجبتني تاع الغيكيزيسيون في الكوزينة ’’’ صراحة عادة جامي
سمعت بيها تاع يلزم تبقى عام في الدار هدي ما عندناش حنا ,,,
الراجل يدي مرتو بنهارها لا تبقى عام لا نهار ’’’ العادة هذي
ما عجبتنيش ’’’ مي ريـgـلتها جداتك يعطيها الصــحة ’’’
حتى هي هربت ما ولاتش كنت ندير كيفها :-r علاش نخمم
نرجع باش يديرولي تسخير في حاجة خــلاف :p
مــغسي خويا عجبني ردك ديما نقرا ردودك
ســـلآمي
​

مرحبا
ألور إذا جا يخطبك واحد من جهتنا أطونسيون...راه مازلنا نعيشو على طياب لحطب ولوازمه.

وما زال الجدّات نتاوعنا تربط في محزمها المعزة وتحوّس بيها...
أضربي دورة لعندكم في القل راها مازالت العوايد كيفكيف.
شرّفني ردّك.
شكرا.
​