بين البارح واليوم بين جداتنا وونحن اليوم

[السلطانة]

مشكورة على الموضوع الباهي كيما مولات
موضوع في وقتوا لان ولينا نشتاق نشوفوا حرة من لحراير نتاع زمان
زمان المراة تخدم وتسكت المهم الزوج يكون مرتاح و زاهي و ذورك ولا كل واحد يخمم على روحوا زوجين تحت سقف واحد كل واحد يجبد على حساب مصلحتوا
المراة لي متدخلش الكوزينة وتعرى على ذراعيه مهيش مرأة
بكل صراحة واش حوالك مع الكوزينة ؟ لاباس و نحب الطبخ و التنوع
تعرفي تطيبي كلش ؟
الحمد لله نعرف نعجن و نطيب و نزيد نتعلم جديد
او انتي من النوع اللي يليكيدي برك ؟ ليكداج نكره نخدم خدمة معدولة والا منخدمهاش

اهلا بيك غلاتي
الله يبارك فحلة وطيبة وكلشي
صحيتي على المرور ا لطيب
سلامي

​

 

[السلطانة]

ربي يحفظك ويهنيك ياأختي وشكرا كي تقبلتي رأيي بصدر رحب
أما انتي كيما نقولوا باينة تعرفي كلش بصح ماتحبيش تعاوني ههه
وتلعبيها خاطيك هو صح في الدنيا في اي مجال الي يحسب روحه يعرف
كلش ويدير كلش هو الناس الي اطيح عليه بالخدمة والتعب والشقاء
المراة كي تتعرف بلي تعرف اطيب مثلا وفحلة في الاعراس وتقضي وهكا
الناس الكل تولي تعيطلها اقاربها واهلها وهكا الجيران اما كي تكون تعرف
وتجبد روحها كيفك دارت لافير :up: بصحتك الراحة انت جات امك غايضتها
بنتها ومخليتها تقرا ومادير والو ههه وكون طحتي عند أم أخرى توريلك كيفاه
ماتقضيش وماتدخليش للكوزينة أما حسي بماماك شوي مسكينة قد هرمت
من المطبخ ومن شغل الدار :$ ربي يعطي لماماك الصحة ويهنيكم...
وبالنسبة لواش قلتي على المتعة والله عندك الحق حرموا رواحهم ساعات
نشوف امي تولي تقضي هكا وتاكلها روحها على حوايج بسيطة للاخر
هي تجي تقعد وتقولك يااانسيت حاجة وهي ماكان حتى حاجة تستاهل
باش تعاود تنوض وكون تقلها ريحي ويزي من الخدمة تاكلك بالعياط ههه
وانتم غير التفنيين ووو الخ...هوما عاشوا عيشة واحنا عشنا عيشة وكل
واحد كيفاه تربى وعاش وكل واحد ونظرته للخدمة والقضية والخ .
العفو أختي ...ربي يكون معاكـ

يعطيك الصحة أخي على نقاشاتك الطيبة اللي زينت الموضوع
:regards01:
​

 

[أحبك ياجزائر]

حي عليا وحي على بناات اليوم الشيكي والبيكي الرقاد حتى الفجر الصباح البقراج ملان تراب فراشها ترفده لالاها الحاجة،وهي تعرف الماكيااج ساعة والشعر ساعة والتليفون 03 سااعة بنات اليوم مافيهم فادية بلاك 1/100 اللي صادقة لخرين ادفع فيالنار وين راه اللي تعرف تبركش وتفتل وتسيق الدار وماشي كرلاج كيما اليوم ناس بكري كان تحلب تغسل تسيق الحجر وماشي الكارلاج وحده تقوم وليمة اليوم بنات اليوم تعرض صحابك تصرعك زيت وتقولك ياجدك درت ليك اليوم بلا جوارين يسكرو ياللي يعطيك ضربة سرعتيني انا رجعنا مرين مع بنات البنانة ولافريم
لاافش كيري وبركة ماتحشيلي هذا هوما انتوما بنات اليوم
​