بين البارح واليوم بين جداتنا وونحن اليوم

[mohamed ali 1992]

أهــلا خويا لالا عادي عبر عن شعورك انتا تاني ،،،

ههه ما فسدتش بنات اللمة كل وحدة راهي موالفة على نمط معين
مش كلامي لي يبدللهم النمط تاعهم ،،، أ،ا ما قلتش ما نعرفش نطيب
والطفلة ما لازمش تتعلم ,,, حتى انا قلت نعرف مي ما نمدش يدي
وكل وحدة حرة أنا من الناس لي ما يمدوش يدهم حتى ويعرضوني
ما نحبش الكوزينة والطياب والخدمة تاع الدار بصفة عامة تجيني
تضياع وقت خاصة كي نشوف مرا قاتلة روحها على الخدمة هذي
في الوقت لي تقدر تقتل روحها في حاجة خلاف نشوفهم يخشعوا
في خدمة الدار والصلاة ينقبوها باش يرجعوا يدمــروا ,,,
الطفلة آخرتها إذا كتبلها ربي مكتوب تتزوج وتدير دار وهذا مش
معناه أنها تغبن روحها في الدار هذيك والدار تدي صحتها كاملة
هذا واش حبيت نقول الدار لازم تكون جزء من حياتنا مش حياتنا
بحد ذاتها ’’’ هذا رايي الشــخصي وكل وحدة ومنظورها كاين
لي يحبوا خدمة الدار والطياب ووو ،،، أنا ما نحــبش ’’’
ولي يقيسني على الأساس هذا ما نحبوش تاني ,,,
مــغسي خويا عالتدخل الظريف ،،، ســــلآمي​

ربي يحفظك ويهنيك ياأختي وشكرا كي تقبلتي رأيي بصدر رحب
أما انتي كيما نقولوا باينة تعرفي كلش بصح ماتحبيش تعاوني ههه
وتلعبيها خاطيك هو صح في الدنيا في اي مجال الي يحسب روحه يعرف
كلش ويدير كلش هو الناس الي اطيح عليه بالخدمة والتعب والشقاء
المراة كي تتعرف بلي تعرف اطيب مثلا وفحلة في الاعراس وتقضي وهكا
الناس الكل تولي تعيطلها اقاربها واهلها وهكا الجيران اما كي تكون تعرف
وتجبد روحها كيفك دارت لافير :up: بصحتك الراحة انت جات امك غايضتها
بنتها ومخليتها تقرا ومادير والو ههه وكون طحتي عند أم أخرى توريلك كيفاه
ماتقضيش وماتدخليش للكوزينة أما حسي بماماك شوي مسكينة قد هرمت
من المطبخ ومن شغل الدار :$ ربي يعطي لماماك الصحة ويهنيكم...
وبالنسبة لواش قلتي على المتعة والله عندك الحق حرموا رواحهم ساعات
نشوف امي تولي تقضي هكا وتاكلها روحها على حوايج بسيطة للاخر
هي تجي تقعد وتقولك يااانسيت حاجة وهي ماكان حتى حاجة تستاهل
باش تعاود تنوض وكون تقلها ريحي ويزي من الخدمة تاكلك بالعياط ههه
وانتم غير التفنيين ووو الخ...هوما عاشوا عيشة واحنا عشنا عيشة وكل
واحد كيفاه تربى وعاش وكل واحد ونظرته للخدمة والقضية والخ .
العفو أختي ...ربي يكون معاكـ

 

[ISMA.dz]

ما علاباليش في ماماك ما عشتش معاها مي نعرف ماما
و وي حرمت روحها من المتعة وتحسب الدار هي كلش
عييت نفهمها والو ’’’ وكي نقول المتعـة مش معناها زهو
الدنيا نخرج نفرح نشطح نضحك ونخدم لالا ما نحكيش
على توافه الأمور هذي ,,, كاين ألف متعة مليــحة نشوف
ماما ما عاشتهمش ’’’ أهــلآ بيك أختي وتدخلك على
العين والراس ’’’ رانا نتناقشــو ,,, :regards01:
​

امي وامك راهم كيف كيف تخمام الجيل السابق

اللي تخمم في بيتها واهلها وعندها متعتها انها تهتم بشؤون اولادها وزوجها

احسن ليها من العمل في الخارج

انا مانيش هنا باش ننتقد كلامك ولا طريقة تفكيرك

حبيت فقط نعرف رأيك :regards01:​

 

[ملكًة الاحسآس]

وعليــكم السلآآآم
هاو وليــت اليوم نحكي شويا فالسوجي الباهي
اممم ياحسراا على جداتنــآآ ، انا جدتي الله يرحمها كانت تقولي بكري كانو اولادي كي ينوضو على 6.30 يلقاوني درت الكسرة تاع المطلوع للغذا والعشا من جهة والكسرة اليابسة كما نقولوها للفطور من جهة خلاف :-o
وتكون حلبت البقرة وهبطتها تخليها ترعى باش كي ينوضو سي بابا وعمومي يطلعوهــا تكون شبعت ديجا :d
امم وحوايج بزاااف تكون دارتهم فالبحيرة على قولتها بين تزرع وتداوي فالي زرعته وكذا ، وهدي كــآآمل قبل 6.30 تاع الصبــآآح ، هدوو الي هكدا قليل عليهم كلمة فحلات
أمــا حنا دركـ ايييييييييييه الوحده كي تعرف تقلي البطاطا تسقسيها تعرفي تطيبي تقولكـ بكل افتخار وي بيان سير خخخ وكون تقوليلها ديرهالي اوملاث تقولكـ لالا هديكـ صعيبة شويا :-r
شوفي هو الوقت تبدل ، عندنا دركـ حوايج الله غالب يتباعوو مرايحاش نضيع وقتي باش نخدمهم فالدار وكاين حوايج أخريــن محتمين عليكـ تدريهم فالدار كما الكسرة والغرايف وجماعتهم ياكـ يتباعوو برا اععع وانا وين عرفني الي دارتهم كفاه جايــه :s
وباش نقولكـ نعرف للكوزينة من a لـ z يعني نكذب بصــح نسلكـ راسي وياكلوو ماكلتي وهما فرحانين ويقولولي عاودي دريهالنــا ـ يقولولي يدكـ بنين :$ ـ وبالمقابل انا تاني نحب الكوزينة هكدا تبانلي فن تاع الصح ونلقى راحتي بزااااف فيهــآآآ ، وآبــاغ الكوزينــة هدوكـ حوايج ساهليــن ومنضيقش منهم كون نخدم صباح وعشية سوغثوو غسيل الماعن نمووووت نغسلهم ونغني خخخخخ بصــح نكره حاجـة نديبراسي الطابلــة في ديكـ الدقيقة قوليلي طيبي الكسرة ولا نديبراسي الطابلــة

هيــآآآ علبالي طولت وبزااااف مش غير شويـــا
بصــح واش نديرلكـ انتي تجيبي مواضيع غير تاع الرحي :p
يعطيكـ الصحــة على السوجي المليح بزاااااف
​

 

[تاعبة كل الناس]

اولا ياااااااااااااااااااااااا فتاة الكونت اللي بعتيهولي مافيهش اجوتي كوم امي :-o
تانياااااااااااااااااا نعرف نطيب البيتزا و البيفبرغر راني غير فاستفود :-r يوءبرني حبيبي :-r
هههههههههه فلخر تروح كلش عسل من يدك حنونتي و يقولها يعطيك الكسر كان هادي ماكلة هههههههههههههههههههههههه

انا حبة مندرينة :-r
​

 

[أم راضية ~_]

السلام وعليكم ورحمة الله وبركاته
ملييح الموضوع هادا
صح تاع بكري كانو يخدمو كلش de A à Z بحكم نمط العيش تاعهم تاع بكري ودوكا راهم قلبو كلش بحكم التفنيين و التحضر ولا كيفاش يشوفوها :s

وأنتي أيّتها الفتاة : بكل صراحة واش حوالك مع الكوزينة ؟
انا احوالي معاها مليييحة بزاااااف , و دخلت ليها بكري ملي كنت صغيرة يعني كبرت فيها
تعرفي تطيبي كلش ؟
نعرف واش تعرف ماما طيابات تاع الدزاير و شوية من عند جداتي تاع القبايل وشوية من كل بلاصة وين نلقى ماكلة بنينة نتعلم نديرها ولو تكون تاع الشناوة :d
او انتي من النوع اللي يليكيدي برك ؟
لالا ما نليكيديش في الكوزينة حتى ماما تتقلق مني وتقولي ماكيش وحدك راهم كاينين الي يحوسو ياكلو تم تم غاااولي حطي وانا نحب نجمر الماكلة و نشبحها مي هي تقولي غاولي ماشي وقتها
أو أنتي من النوع لي لاعلاقة بالكوزينة وأشغال المنزل ؟
قتلك الكوزينة مليحة معاها ومام الشغل لوخر بصح مشكلتي الوحيدة هي الماااااااااعن على خاطر ما يخلاصوش

صحيتي على الموضوع

 

[homework]

مشكورة على الموضوع الباهي كيما مولات
موضوع في وقتوا لان ولينا نشتاق نشوفوا حرة من لحراير نتاع زمان
زمان المراة تخدم وتسكت المهم الزوج يكون مرتاح و زاهي و ذورك ولا كل واحد يخمم على روحوا زوجين تحت سقف واحد كل واحد يجبد على حساب مصلحتوا
المراة لي متدخلش الكوزينة وتعرى على ذراعيه مهيش مرأة
بكل صراحة واش حوالك مع الكوزينة ؟ لاباس و نحب الطبخ و التنوع
تعرفي تطيبي كلش ؟
الحمد لله نعرف نعجن و نطيب و نزيد نتعلم جديد
او انتي من النوع اللي يليكيدي برك ؟ ليكداج نكره نخدم خدمة معدولة والا منخدمهاش

 

[السلطانة]

أهـــلآ بشبش وليت كي نشوف اسم نعرفو هنا نفرح
وأهــلا بماكانش مدة ما شفتوش الحمد لله كي راه بخـــير
...
حتى اليوم باه جيت نكمل نرد ههه
مرحبا بيك
واش نقول في موضوعك والله يا شوشو الموضوع هذا والقضية هذي ديما
نتقابض مع ماما في سبتها ... ياك تعرفي بلي جداتنا ولا ماماتنا تقدري تقولي
راهم كيف كيف صح أمهاتنا ضيعوا حوايج مي خفاف واحنا ضيعنا تقريب كلش
أنا صراحة نعرف نطيب كلش من غير الأطباق الثقيلة ,,, تاع شخشوخة ولا
فتات ولا هذو نونو
نعرفك بشبش تحبّي الأطباق الساهلة بصح تكون شيك
... مي بصراحة أكثر أمقت الكوزينة وكان طيبت نطيب
حاجة خفيفة ... أمقت الكوزينة وكون نصيب ما ندخلهاش مي ديفوا تحتم عليا
ماما نخبـــز .
ههه او جايك رمضان وتصايدك مليح على لخبيز
.. نحكيو على الرزواج والخدمة تاع الدار أنا لي يحسب روحو
رايح يديني خدامة لدارو ويشوفلي واش نعرف نطيب ويركز عالجانب هذا
نقولو روح خوك راه في السوق وما يضرنيش أني ما نتزوجش ... أنا حياتي
قانعة بلي مش مأطرة في دار نخبز ونطيب ونسيق رانا في 2012 زمان
التطور والعلــم ,,, يعني ما بقاتش تاع لمرا تفني عمرها في الدار تربي وتطيب
وكيما نقول ديما لماما أنا ما خلقنيش ربي للخدمة هذي ...
غير كي تسلكي روحك سيرتو كي عدتي خدامة راه ميقولك والو
:d
بكري يا شوشو كانو دايرين الدار هي الدنيا وهي لحياة ألوغ كو أنا نشوف
الدار جزء من الدنيا وجزء من حياتي وماهيش من أولوياتي ... علاش
تاع الهارج متقدمين علينا مع أنو مرا ما تقعد في الدار مي ديارهم يسخــفو
واحنا نهار طول وهي تندب وتسود في الدار وتبقى كي تاع لهزارش ,,,
هههه
أو كون نقولك حنا عندنا اكثر من 20 يوم نخدمو في الدار وكل يوم حاجة جديدة تخلق
قريب يأست بلي راح نكملو
طبعا تحت رعاية ماما شغل الدار مايفضش
وكل وحدة وكيفاش تربات ,,, أنا تربيت كلش نلقاه عند يدي ما نمدش يدي
وقليل وين يطلبوني نعاون ... نفضل كلمة خايبة على كلمة تدمر مليح
تجيني إهانة كي يقولوا تعرف تخدم ,,, شغل نعرف ندمــــر ,,,
:p:p:pتاني كي عادو خواتاك يعاونوك
تقسمو الخدمة
مغسي عالموضوع خليتيني نعبر عن شعوري لي ديما نعبر عليه مع
ماما وتولي تاكل فيا ... وعلى فكرة لي تحسب بلي الدار هي كلش وهذيك
هي الدنيا وتقضي على صحتها فيها وتأطر حياتها على هذا الأساس
نقوللها عمرك راح خسارة اخـــتي كاينة حياة تقدري تعيشيها وتتهلاي
في دارك ونوغمال ,,, تاع بكري حرموا رواحهم من المتــعة ,,, حتى
صحتهم كاحت بغير وقــت ,,, ســـلآمو بشبش
ههه فكرتيني في المغامرات خخخ

​

صحيت على الرد الطيب
سلامي

​

 

[السلطانة]

موضوع رائع رائع و في القمة و الله جبتيها في الصميم يا اختي واش نقولك يا حسراه على جيل بكري و جيل دركا حنا جيل الجاج تاع تريسيتي
​

أهلا أختي

وي واحصراتاه شتّان بين جيل الماضي وجيلنا اليوم
صحيتي على المرور
سلامي

​

 

[السلطانة]

هههههههه
فرحنيتي مي في فئة برك باسكو ماشي تاع نقولك انا و انا مي كل شي الحمد الله نعرف نديرو مي ما يعجبنيش الحال خطرات لاخاطر اللي تبغي تصنع القاطو ها نورة رانا تاكلين عليك لا زواج انا لا حج انا لا طهارة انا لا عقيقة انا بززززززززززاف و زيد الفناينات هوما اللي زاهتلهم درت كي المطرق م التعب

أهلا أختي
الله يزيّنلك سعدك ان شاء الله
وي الناس يحبّو يبروفيتيو
مالا قولهم افهمو روحكم ماش ديما نحب نعاون
صحيتي على المرور
سلامي

​

 

[السلطانة]

وعليــكم السلآآآم
اممم قريت موضوعكـ مي مشي مكونصونثريــآآآ معاه
لي عودة نرحي شويــآآآ :p
​

:p:p:p:p:p:pارواحي

 

[السلطانة]

سلام
عندك الحق جدات زمان كانو بسلامتهم كلشي يعملوه بيديهم بنات اليوم ماشي كلهم البعض منهم تقول باربي ماتعرف الطياب وماتعرف القدر فالحة غير في الماكياج وكلام البورتابل ربي يهديهم ويسترهم
مانقولك نعرف نطيب مانقولك نعرف الكوزينة خيما يجوني بزاف خطابة عند الباب ههههههههههه
سلامي لك راقني موضوعك ودي اتكلم كثيرا لكن لا استطيع

وعليكم السلام
اهلا بيك
هه راكي جبتيها تاع كلام البورتابل
فكرتيني في بنت عمي نهار تخطبت تضال معلقة السيروم وكي تقولها أمها نوضي تخدمي تقولها عيانة متشوفيش في وجهي صفر هههه تقولها صفر من التيليفون لي تضالي تحكي فيه
انتي راكي الله يبارك في الكروشي هاد الحرفة لي راها قلّت بزاف في وقتنا
:up:
صحيتي على المرور

​

 

[السلطانة]

السلام عليكم​

راني رجعت روطار بالصح ماعليه​

وأنتي أيّتها الفتاة : بكل صراحة واش حوالك مع الكوزينة ؟​

لاباس نحب المطبخ ونحب نتعلم الطياب​

تعرفي تطيبي كلش ؟ او انتي من النوع اللي يليكيدي برك ؟​

نعرف لكن التقليدية شوية شوية خاطيني ههههه
لا مانيش من النوع اللي يليكيدي بصراحةمرات تصيب ومرات تخيب
​

[/COLOR

]أو أنتي من النوع لي لاعلاقة بالكوزينة وأشغال المنزل ؟​

عيب كبير :p وش راكي تسبي فيا:sهههههه
لا عادي نخدم ونطيب ونسيق نديرهم كامل خاطر محتمة :-r
​

وانا من رأيي المرة اللي خاطيها تريح في دار باباها خير يمكن يجيبها خدامة

اما انها تتزوج وهي لا علاقة ماجاياش مع كل احتراماتي:regards01:​

مشكورة غاليتي موضوع جميل:up:​

وعليكم السلام اهلا اسومة
هههه قتلتييني بالضحك ياموصيبة
نعرفها اسومة رزانة وعقلية وخدمة وشيك وكلشي :-r
صحيتي على المرور الطيب

​

 

[السلطانة]

السّلام عليكم
نولّي لراي الأخ ماكانش.
كاين فرق صح بين بلاصة وختها كيما تقدري تقولي صباع اليدين ما همش كيفكيف.
وعليكم السلام
أكيد وكل بنت والبيئة اللي عايشة فيها
يعني حنا في الدّوار -القبائل بصفة عامة- وين مازالت التّقاليد هي اللّي تحكم ماكانش فرق كبير بين المرا نتاع بكري ونتاع ضرك. يعني الطّفلة من صغرها متدربة على هذي الأمور قارية ولّا ماشي قارية. يعني مازالت تنوض بكري تروح تجيب الماء ولحطب وتطيّب الكسرة للفطور وتنوّض خاوتها وتعدلهم حوايجهم...ومرّات كي يلحق موسم الزيتون تتسرّح من قرايتها تروح تلايم الزّيتون...بلا واش راه يستنّاها من شغل الدّار.
الله الله على ناس لقبايل
معروفين أنهم يتمسكو بعاداتهم

أنا ساعات كي نروح للدّوار نقول عليهم روبوّات مي بصّح يعجبهم الأمر ويلقاو فيه راحتهم.
الدقة في العمل والنظام :up:
هذا خويا عايش في فرنسا وكي جا يتزوّج راه جاب واحدة ألجيرواز...هي دايرة في بالها بلّي يديها معاه من النّهار اللّولّ وحنا عوايدنا تقعد عام في الدّار تقدش وتعاون...ألور النهارات اللّولين مخليتها جدّا تتفشّش ومن بعد ما فات عليها شهر ريكيزيسيوني في الكوزينة، تقوللها جدّا أنا ولادي ما ياكلوش ماكلة الماشينة ولا ماكلة برّا...الطّفلة مسكينة جاتها لمبعد الفيزا راحت ما ولّاتش...حرقت كواغطها.
ههه ألجيغواز بعد باينة كانت ناويتها على التفشفيش شوي لقاتها غير شكل
المهم ربّي نشاء الله يخلّينا بركة بكري.
عفوا على الإطالة الحديث ذو شجون.
شكرا.
تستاهلي تقييم وكل خير +++
بالعكس أخي راقتني مشاركتك كثيرا
+أفدتنا بعادات القبائل
​

:regards01::regards01::regards01::regards01::regards01:
​

 

[عفاف الجزائرية]

هههه والله يا ششوشو
جداتك دارتلك سوسة
صح يا شوشو ساعاتنشوفو غير المسودات مديين مراكز هاي كلاص والمشكل كل شي ينشرى من برا ساعاتخفااااف وين يديرو اوملات وفي بالهم راهم دارو انجاز
-------
الحمد لله نديرلك الكسكس والعيش ونطيب ونخبز بلا بيتران ورحمة ربي من فوق
ربي يجعل الخير اشوشو اختي ونفرحو بيك
الفايدة برك اعرضيني نزغرت اني نموت على الزغاريت
وخلطيلي شويا حنة نديرها في يديتي تحن علينا
​

 

[السلطانة]

السلاموا عليك قطوتي
مممممممممممممم موضوع هايل مثل مامتعودين منك يا شاطرة
مي هنا برك ههههههههههه:p
وعليكم السلام
اهلا بيك يالمونغو
:p:p:p:p:p
لالا تضحك حبيبتي فحلة وكي تسيق تكسر لوفروطوار
ههههههههههههههههههههههه
:p
هههههه مازلتي تشفاي عليها هههههههههههه
وي عندك حق ايه بين خدمة زمان وبين خدمة ضرك اييييييييييييييييييييييييييييييييييه الله يرحمك يا جدة مالحقتش عليك
مي على حساب ماحكاولي كانت تخدم برة ولداخل
ناس بكري كانت تحلب باش يجيبوا لحليب مي ضرك
الساشي نتاع لحليب ماتتغسلش مامبا *غلبانين*
الكسرة مش خمس خبزات
الكسرة نتاع عيلة مكونة من 12-15 عبد
وتزيد تكنس تزرع تقطف
ااااااااااااااااااييييييييييييه واش جاب لضرك
هذا بيتران للكسرة وهاذي يباتي وهذا برحي وه..............................
وماشينا ................. الخ
على هذا الطفلة ولات تتكسل لانوا عمو الروبو كاين
هههههه تاع بكري تقولي في المزرعة السعيدة
ودرك يحسبو روحهم لميس وروبي
:down:
ويجريو يتزوجو ههه
كيما هاديك لي حكيتيلي عليها الكريثة
تاع لمضربة خخخ :-o

وأنتي أيّتها الفتاة : بكل صراحة واش حوالك مع الكوزينة ؟
ماشي الحال نسلك روحي
مازلت لفتيل برك
مي غسيل الصوف لغرايف طياب صايي
شفت شحال شاطرة
الطفلة يا تمدحها امها ولا فمها ههههههه
+ ماكنلاه كي تجي تخطبي تسقسي ادي وماتخافش
مازالت الصلاحية غير منتهية
ههههههههههههه
هههههه ماكنلاه تشكري برك
راني عارفة :up::up::up::up::up:

تعرفي تطيبي كلش ؟ او انتي من النوع اللي يليكيدي برك ؟
ممممممممممممم قالولي نفسك مليح وبنين في الطياب
هكذا قالوا وقالولي هههههههههه
لالا مانحبش نليكيدي لازم نكملها للاخر وبراحتي خلاص
:p
خخخ نعرفك تحبي تخدمي بصماطة باه تتقني الخدمة مليح مليح
ياصامطة :p قصدي كي تعودي تاكلي برك ههه
أو أنتي من النوع لي لاعلاقة بالكوزينة وأشغال المنزل ؟

مممممممممممممممم راكي عارفة
راني لكبيرة والطفلة الي تكون لكبيرة هي كلش لازم تعرف سينون
تسمع كلام مايعجبش

حقا قالوا بلي الام بكري بنتها لازم تعرف كلش
وذا ماعرفتش
راسها يتلاح في القصعة
:-o:up:

مشش نتاع ضرك
ههههه قصدك كيما حنا رانا تاع بكري ههههههههه

حتشي راهي نعرف كلش مي كي تروح لدار راجلها ماتعرف والوا

يجي نهار ونعرضك تاكلي من يدي


نعرف مي ناقصة شوي ولازم نتعلم
حتى لعزوز ماتسحتنيش
قالوا رجال هذا الوقت يحبوا الكسرة
ههههه لازم يابنتي لازم
شكرا شكرا يا فحلة على الموضوع مممممممممممممممممم الطفلة تخمم في لعزوز والراجل ههههههههههه
الله يجيبلنا الزوج الصالح
ولعزوز الي ماتشرطش

سلاموا
:p
آأأأأأأأأأأأأأأأأأأمين راجل وعجوز ناس ملاح خخخخخخ
​

صحيتي على المرور صدعتيلي راسي

 

[السلطانة]

مرحبا
ألور إذا جا يخطبك واحد من جهتنا أطونسيون...راه مازلنا نعيشو على طياب لحطب ولوازمه.

وما زال الجدّات نتاوعنا تربط في محزمها المعزة وتحوّس بيها...
أضربي دورة لعندكم في القل راها مازالت العوايد كيفكيف.
شرّفني ردّك.
شكرا.
​

:d:d:dسلكنا كي درنا نزوح للبلاد
​

 

[السلطانة]

وعليــكم السلآآآم
هاو وليــت اليوم نحكي شويا فالسوجي الباهي
اممم ياحسراا على جداتنــآآ ، انا جدتي الله يرحمها كانت تقولي بكري كانو اولادي كي ينوضو على 6.30 يلقاوني درت الكسرة تاع المطلوع للغذا والعشا من جهة والكسرة اليابسة كما نقولوها للفطور من جهة خلاف :-o
أهلا الحوب تفضلي ارحي كيما حبيتي
الله يرحمها خخخ كانو يبكرو تقول راح يحصدو
وتكون حلبت البقرة وهبطتها تخليها ترعى باش كي ينوضو سي بابا وعمومي يطلعوهــا تكون شبعت ديجا :d
تنوض ناشطة بعد متحمسة جدا جدا
امم وحوايج بزاااف تكون دارتهم فالبحيرة على قولتها بين تزرع وتداوي فالي زرعته وكذا ، وهدي كــآآمل قبل 6.30 تاع الصبــآآح ، هدوو الي هكدا قليل عليهم كلمة فحلات
:regards01::regards01::regards01::regards01::regards01:
أمــا حنا دركـ ايييييييييييه الوحده كي تعرف تقلي البطاطا تسقسيها تعرفي تطيبي تقولكـ بكل افتخار وي بيان سير خخخ وكون تقوليلها ديرهالي اوملاث تقولكـ لالا هديكـ صعيبة شويا
هههههه نقولو نعرفو نطيبو ونجريو نصوروها ونحطوفي كوزينة اللمة هههههههه
شوفي هو الوقت تبدل ، عندنا دركـ حوايج الله غالب يتباعوو مرايحاش نضيع وقتي باش نخدمهم فالدار وكاين حوايج أخريــن محتمين عليكـ تدريهم فالدار كما الكسرة والغرايف وجماعتهم ياكـ يتباعوو برا اععع وانا وين عرفني الي دارتهم كفاه جايــه :s
وي انا تاني كونتر لي تشري الكسرة ولحوايج هادوك وين عارفة لي طيبتهم كيفاه كيما قلتي
وباش نقولكـ نعرف للكوزينة من a لـ z يعني نكذب بصــح نسلكـ راسي وياكلوو ماكلتي وهما فرحانين ويقولولي عاودي دريهالنــا ـ يقولولي يدكـ بنين :$ ـ وبالمقابل انا تاني نحب الكوزينة هكدا تبانلي فن تاع الصح ونلقى راحتي بزااااف فيهــآآآ ،
مالا معندناش واش نسناو باه نزوجوك أحم أحم
وآبــاغ الكوزينــة هدوكـ حوايج ساهليــن ومنضيقش منهم كون نخدم صباح وعشية سوغثوو غسيل الماعن نمووووت نغسلهم ونغني خخخخخ بصــح نكره حاجـة نديبراسي الطابلــة في ديكـ الدقيقة قوليلي طيبي الكسرة ولا نديبراسي الطابلــة
ههه لماعن معاهم النش هوما والتسياق هههههه
ماماك كيما ماما خخخ تحب تحرّم هيهيهيه تقصلك الحفلة لي دايرتها ههه

هيــآآآ علبالي طولت وبزااااف مش غير شويـــا
بصــح واش نديرلكـ انتي تجيبي مواضيع غير تاع الرحي :p
يعطيكـ الصحــة على السوجي المليح بزاااااف
​

هههه شتيني كيفاه نحب الرّحي خخخ
صحيتي ميوس على المرور الطيب
:-r

 

[السلطانة]

اولا ياااااااااااااااااااااااا فتاة الكونت اللي بعتيهولي مافيهش اجوتي كوم امي :-o
ياي راهي فيه نرومالمون دوختوني ههه مالا كيفاه الناس بعثولي درك نزيد نروح نفيريفي خخخ
ماجاتنيش الفايس بووك تاعي بلابيكم ياو :-r
تانياااااااااااااااااا نعرف نطيب البيتزا و البيفبرغر راني غير فاستفود :-r يوءبرني حبيبي :-r
ههههههه والله ياانتي خخخخخ حابة تدي واحد مقلذش فقتلك
هههههههههه فلخر تروح كلش عسل من يدك حنونتي و يقولها يعطيك الكسر كان هادي ماكلة هههههههههههههههههههههههه

انا حبة مندرينة :-r
ههههه يقولها روحي يعطيك ضربة هيهيه
​

صحيتي الحوب على المرور المنغولي خخخ

 

[ღحنين الروحღ]

صحيتي على المرور صدعتيلي راسي

ياو كون نحكمك يا مونغو
ناس تتربج وهي تقولي صامطة
وصدعتيلي
هاني خارجه
:p:p
​

 

[السلطانة]

السلام وعليكم ورحمة الله وبركاته
ملييح الموضوع هادا
صح تاع بكري كانو يخدمو كلش de A à Z بحكم نمط العيش تاعهم تاع بكري ودوكا راهم قلبو كلش بحكم التفنيين و التحضر ولا كيفاش يشوفوها :s

وعليكم السلام معاك يالخضرا ديري حالة :d
​

يقولولك تاع بكري دأة أديمة
​

وأنتي أيّتها الفتاة : بكل صراحة واش حوالك مع الكوزينة ؟
انا احوالي معاها مليييحة بزاااااف , و دخلت ليها بكري ملي كنت صغيرة يعني كبرت فيها

ولي تتدخلها صغيرة تتعلم وتتقن مليح مليح :up:
​

تعرفي تطيبي كلش ؟
نعرف واش تعرف ماما طيابات تاع الدزاير و شوية من عند جداتي تاع القبايل وشوية من كل بلاصة وين نلقى ماكلة بنينة نتعلم نديرها ولو تكون تاع الشناوة :d

راكي تطيبي من كل بستان زهرة ههه الله يبارك :-r
​

او انتي من النوع اللي يليكيدي برك ؟
لالا ما نليكيديش في الكوزينة حتى ماما تتقلق مني وتقولي ماكيش وحدك راهم كاينين الي يحوسو ياكلو تم تم غاااولي حطي وانا نحب نجمر الماكلة و نشبحها مي هي تقولي غاولي ماشي وقتها

:up::up::up::up:كل حاجة على كارها
​

أو أنتي من النوع لي لاعلاقة بالكوزينة وأشغال المنزل ؟
قتلك الكوزينة مليحة معاها ومام الشغل لوخر بصح مشكلتي الوحيدة هي الماااااااااعن على خاطر ما يخلاصوش

ههه هادوك راهم زي المسلسل المكسيسي مايفضوش
​

صحيتي على الموضوع

صحيتي حبوبة