شاوية قبائل عرب موضوع شوية حساس

[mohamed ali 1992]

معك حق في الموضوع بصراحة موضوعك رائع عجبني كان جاي النهار وين نطرح موضوع كيما نتاعك بالضبط
انا تاني نحس بنفس الاحساس هي في الحقيقة مجاياش انك تبدل الهدرة مع وحداخر و خاصة في جماعة و لا مع احد من الاصدقاء اذا كان شاوي مع شاوي وحدهم معليش هما حرين و لكن مع احد غريب لا يحق لهما
و معك حق كلنا نحسو انو فيه خلل في الموضوع و كلنا نقولوا راهم يحكو علينا و لا يعيبو علينا
هذه الطريقة تفسد المجتمع نتاعنا للاسف
لكل منطقة و لكل ولاية لغة معينة و لهجة خاصة و لكن يجب اتقان اللغة اللتي يفهمها كل الجزاائريين

انتظر الجديد و شكرا على الموضوع / تحياتي
​

شكرا أختي هند على مرورك الطيب
كلامك جميل ويصب في مجرى الموضوع,,,
حسب علمي للجزائريين لغة يستطيع الكل فهمها على الأقل وتوصيل الأفكار لبعضهم البعض من المستحب أن تتداول بيننا لنكون في غنى عن مشاكل قد تقع بين الجماعة المتحاورة مع بعضها البعض,,
بارك الله فيكـ ربي يوفقك

 

[mohamed ali 1992]

لما تكون في جماعة تكلم بلغة يفهمها الجميع فهذا يدل على ان الشخص المتكلم دو اصل وفصل وصاحب اخلاق عالية اما ان نتكلم بلغة لا تفهمها الجماعة التي تتكلم في وسطها فهذا فيه تقليل من إحترام الغير.

أنا جد مستغرب من البعض انه اخد على عاتقه من بعض الردود ان اللهجة الأمازيغية هي عار ومن يتحدث بها فهو غير خلوق الى ما ذلك من كلام...!!


(( الموضوع واضح جداً )) : هل من سمات الفرد ومن الاخلاق ان يتحدث بين مجموعة بلهجة لا يفهمها الجميع ؟؟

يعني : انا عندما اكون بين مجموعة فيها 2 يفهمون اللهجة الأمازغية والبقية لا يفهمونها ااتحدث بالأمازيغية وكأن البقية أعمدة لا وجود لها ؟؟

نرجو من البعض ان لا تأخده الحمية كثيراً بردود تهجمية على البعض.

شكراً

السلام عليكم ,,,مرحبا أخي فتحي
العفو,,بارك الله فيك على التوضيح
تعدد اللغات ليس عيبا ولم أقل لا تتكلموا باللغة
الشاوية أو القبائلية او غيرها,,,أنا واحد من الناس
لو نقدر نتعلمهم نتعلمهم عادي على الرحب والسعة,,

 

[الرومنسي الجاد]

سلآمو ..

طلعتوه تاع دراع يا الزف ..

فقط كسؤال اكثر من بسيط ..

علاه العربي كي يتلاقا مع خوه يميلونجيها بزوج كيلو فرنسيو و كلمة عربية ..؟
​

 

[dana1993]

السلام عليكم
وي كاين منها انا شاوية حرة لكن فالجماعة امبوسيبل نجبد كلمة منها

روماركيتها بزاف هاذ العفسة و متعجبنيش
سي فري مليح الواحد يتحكم في اصلو لكن مش بهاذ الشي يودر مبادؤو

انابعد منحبش هاذ الجاست و الحمد لله مدرتها ماتندارتلي

ربي يهدي العباد ز كي رانا كامل ولاد الحمرا و الخضرا و البيضة رانا كامل ولاد الدزاير و خاوة في بعض

ربي يصلح الحوار



​

مرسي خويا محمد علي
:regards01:

​

 

[mohamed ali 1992]

شكرا اخي على التوضيح واتمنى من البقية يقرو مليح الردود ولما لا اعاودوها 10 مرات صاحب الموضوع قال قبايل شاوية وعرب اذا كان متربيين متربيين قاع واذا ماشي متربين ماشي متربيين قاع:regards01:
​

إسمحيلي أختي إنتصار لأني رايح نعقب على ردك
أنا نحب تفهمي الموضوع من الزاوية المشرقة وهي الزاوية الي حبينا
نتفادوا بيها الوقوع في النميمة أو تنمية الحقد في القلوب من خلال الحديث فيما بيننا بلغة لا يفهمها أحد بيننا ولا نشعر أحدا معنا بنقص أو عيب فيه,, هذا ماكان,,مانحبش نخرجوا على نطاق الموضوع,,

 

[mohamed ali 1992]

سلآمو ..

طلعتوه تاع دراع يا الزف ..

فقط كسؤال اكثر من بسيط ..

علاه العربي كي يتلاقا مع خوه يميلونجيها بزوج كيلو فرنسيو و كلمة عربية ..؟
​

وعليكم السلام ورحمة الله
أولا العبارة الي بعد سلامو صدقني مافهمتهاش
المهم صديقي أنا نرد على الكلام الي فهمته
الجواب على سؤالك أخي القيصر وهذا السؤال لا يجب
أن يسأل لي لوحدي عليك بطرح السؤال على جميع الشعب الجزائري
فهذا راجع الى الإستعمار الثقافي المسلط من طرف فرنسا جراء
الأحتلال الفرنسي,,,والحمد لله أنا كفرد من هذا المجتمع أحبب لنفسي الكلام باللغة العربية الغير ممزوجة باللغة الأجنبية الا القليل و أحيانا ,,,يكفي أن نتفخر بأننا مسلمون لا عرب ولا شاوية ولا قبائل ولا أي شيئ آخر
توافقني الرأي أم لا ؟؟
والموضوع الذي طرحته يخالف ماندور فيه أصلا,,معذرة

 

[mohamed ali 1992]

سلام عليكم محمد علي
صح عندك حق هاد الظاهرة روماركيتها في كل بلاصة
مرة فالبيس تع الجامعة كنت مع صحاباتي
مبعد طلع واحد زميلنا قبايلي وكان معاه صاحبو
جى زميلنا وقف معانا ويحكي ممبعد نلقاو صاحبو هداك بدا يشوف معانا
ويحكي معاه بالقبايلي ويضحكو
وحدة من لبنات صحاباتي دمها سخون شوي هههه محملتش وقاتلو:
ايواااااا يا تهدر كيفنا يا تهز بعضاك وتروح
:-h
*****
ونلقاوها تاني عند بني مزاب احنا عندنا في قسنطينة بزاف محلات تعهم
تلقاهم يحكيو معاك (كمشتري) نورمال مي مع بعضاهم يحكيو بلهجة غير مفهومة لينا :-o
هنا مفهمتش السبب:s
*****
كيما قلت محمد علي هادي قليل لي يديروها
وراهي عادة سيئة سيرتو كي يكونو في وسط ناس ميفهموش هاد اللهجة
يا سدي معاكم طرف ثالث وحاب تنمشر فيه؟ خليه يروح ومنشر في ظهرو :down:
ولا كان حاب تحكي مع صاحبك في امر خاص كيف كيف
كي يروح الطرف الثالث يخليلك المجال
وربي يهدينا ويخلينا أمة وحدة

مشكور عالموضوع
​

وعليكم السلام ورحمة الله
العفو أختي شكرا لك على الإضافة
ربي يهنيك ان شاء الله\

 

[mohamed ali 1992]

السّلام عليكم.
بني مزاب ما تخافيش منهم، راه عندهم عادات وتقاليد صارمة. وراهم ما يمنشروش.
زيدي راكي دخلت لعندو للمحل وما هوش يهدر معاك انت...يعني لاباس.
الموضوع هو كي تكونو في جماعة ويدخل واحد بيناتكم بالهدرة الغير مفهومة، سواء كانت لهجة جزائرية وإلا عربية وإلّا غربية.
فكّرتيني في الأستاذ الدّكتورمولود قاسم رحمه الله مرّة يهدر مع واحد الوفد إيراني في المؤتمر الإسلامي نهار كانت الجزائر بخير عليها، ناض واحد منهم يهدر بالفارسيّة والأستاذ فهم عليه وضحك وقالو: تحب نهدرلك بلغة ما تفهمها لا أنت لا المترجم نتاعك-القبائلية- ويقال أنّ كلامه كان موجّها لشاه إيران..
جزاكم الله خيرا.





​

وعليكم السلام ورحمة الله
جزاك الله خيرا على الأضافة أخي الكريم
جزيل الشكر لك

 

[قناص الغرام]

ارواحو تشوفو تمنراست
راهو ايشوفك ابيض
يبغي يقتلك موش يهدر بالتارقية
العقلية هادي غير في تمنراست
تقبلوا مروي
​

 

[mohgladiator]

على كل حال الواحد كي يهدر على ولاية و لا على عرش محدد
لازم مايعممش
لاخاطر مكاش عرش كامل تلقاهم كامل ملاح و يفهمو
معناتها داااايما لازم نخدمو بأداة الاستثناء
​

 

[AnGeL*dZ]

السلآمـ عليكم
موضوعـك مليـح مي كل واحد وعندو رأيـو الخـآص
حتى بينا حنا اللي ماناش قبايل وشاوية وتحصل
ساعات تتحتم عليا نعدل هدرتي ولا نبدلها شوي ونعيا مانحسش روحي على راحتي علابيها مانصدق نلقى واحد من جيهتي ونبدا نهدر برك مي نفيق لروحي
انا ماعنديش اشكال كون جاو زوج قبايل يهدرو قدامي عادي نستحملهم أكره ماعندي هاذوك اللي يحسبوا روحهم ويجيوا يحكيو فرونسي في جماعة بلا مراعات للعباد اللي معاهم
هي في الأصـل كي نعودوا في جماعة الكل لازم يتنازلو يعني ميش أنا من الشرق نهدرزي تاع الغرب
ولا العكـس نهدروا بلهجاتنا مي مانتغمقوش فيها نستعملوا الالفاظ السهلة
​

 

[mohamed ali 1992]

اه والله غير صح كاينة منها انا عن نفسي تجيني قلة أدب و احترام باسكو عيب عليكم تكونو قاعدين في جماعة يجي واحد ملغري يكون صحبكم ولالا وتبدلو اللهجة تاعكم ولا اللغة تاعكم باه ما يفهمكمش انا و الله كون تصرالي تجيني ام يحكيو علي ولا حابين يهدرو هدرة مهمش حابيني نعرفها و في لخ انا نقول وكتاه نثقفوا و نترقاو في الفكر تاعنا و نبطلو من les jestes سامطين هاذو موضوع باهي يعطيك الصحة

شكرا على مرورك أختي السطايفية
وشكرا على الإضافة,,,نحترم رأي الجميع
فالأختلاف في الرأي لا يفسد للود قضية
بارك الله فيك

 

[mohamed ali 1992]

انا شاوية ولا أتقن الشاوية ولكن افهمها
وعندي صحباتي يهدروها
وماكان حى بروبلام لاني افهمهم ويفهموني ونفهمو كل بعض
وما تنساش انو مشي اللي يهدروا لهجة اخرى يكونوا مخبيين عليك حاجة
بلاك هاداك اللي مساعدهم تفهموا العباد واذا كان كلمة ما لازمش تسمعها ماراحش تسمعها بالسيف حاجة بيناتهم تبقى بيناتهم وحتى كي يشوفوك يسكتو ماشها جاست
يعني كي يهدرو بلهجة ما تفهمهاش افهم روحك بلي راك خاطي الموضوع


ارجو تقبل مروري
​

أختي الموضوع يرمي في حاجة هو أنه كاين بعض الناس
لما يكونوا يحكوا بلهجة ومعهم صديق لا يتقن تلك اللهجة
عليهم احترامه وعدم جرحه بالتخالي فيما بينهم بلهجة
هو يجهلها حتى لا يرى نفسه غريبا بينهم ,,,
أشكرك جزيل الشكر على مرورك والإبداء برأيك

 

[mohamed ali 1992]

وعليكم السلام ورحمة الله وبركاته
هذي غلطة كبيرة واي واحد يتحط في الموقف هذا ما يعجبوش الحال
مام ما يحكوش على الي معاهم مي لازم الابتعاد عن الشبهات
يعطيك الصحة على الموضوع
​

مرحبا بيك ليديا,,إن شاء الله راكي بخير
صح كلامك صحيح
الله يسلمكـ,,,أسعدني مرورك

 

[mohamed ali 1992]

الاسلام نهي ان يتناجي اثنان من دون ثالث فما بالك كيهدرو 2 بهجتهم وال 3 ما فاهم والو

شكرا لك على مرورك

بالتوفيق لكـ

 

[mohamed ali 1992]

salam alikom rani nechouf rah qawi soue adan surtout 3la la qbayel
li rah ikhamem belli rahom yehkou 3lih hada rebbi yechfih henna qbayel c est difficile wahed qbayli yehder me3a qbayli b le3arbiya zid ida kanou jema3a imala rebhet hadi welf bark ou makan walou

معليش يا أخي هذا رأيكـ
قد يوافقك البعض وقد يختلف البعض معك
ماناش نحكوا على القبايل بصفة خاصة ولا غيرهم
نحكوا بصورة عامة على اي جماعة تتعامل بالطريقة
هذه,,,بالعكس مش مرض هذا كاين شيئ نسموه احترام
علينا أن نحترم مشاعر بعضنا البعض,,,لكي نكسب الود
ولن نخسر شيئا أبداا,,

 

[mohamed ali 1992]

بالنسبةليا نكره القبلية كلنا ولاد تسعة وربنا واحد وعلاش تفرقة كانقول كلمة الحمد لله الارض تجمع كل شي الشاوي والقبائلي والكافر والمسلم والفقير والغني وكنا نتحاسبو علاش هد التفرقة​

الحمد لله,,,كلنا ضد العنصرية
شكرا لك على مرورك

 

[mohamed ali 1992]

الصراحة خويا
انا واحد يديرلي هاد الجاست
نقولو زوج كلمات
و الله مانخليه
مش جاست هادا

​

السلام عليكم,,
شكرا على مرورك أخي محمد
بالتوفيق لك

 

[milindajemmy]

السلام عليكم
بارك الله فيك أخي علي....موضوعك في الصميم
أنا في الحقيقة شاوية و عمري ما تصرفت تصرف كيما هاك في حياتي...كي متعجبنيش حاجة نقولها في الوجه
مي نعرف ناس يتصرفو هكا....ربي يهديهم...

 

[mohamed ali 1992]

ارواحو تشوفو تمنراست
راهو ايشوفك ابيض
يبغي يقتلك موش يهدر بالتارقية
العقلية هادي غير في تمنراست
تقبلوا مروي
​

مرحبا بك خويا,,
حقيقة ماسمعتش بهذا من قبل
وممكن يكون,,مانعرفش
شكرا على مرورك,..