الجزء الــــ18 من ماذا ستطبخين اليوم

[oumniati]

يعطيكم الصحة لبنات بلاما نذكر اسماء راكم تلفتوهالي نقولكم كااااااااامل الله يحفظكم ويبارك فيكم كي راكم تشاركونا اطباقكم
البارح درتلهم لابيري بالمرقاز وسلاطة الروز، لقيت الصورة في النت نقلت عليها بتصرف هههههه هي فيها السوريمي انا ماعنديش وما نعرفوش:d امالا درت زرودية:$
وهي زوقت بالطماطم انا درت الطون .......

.المهم ضرك نجيبلكم الصورة اللي عجبتني بززززززاف ان شاء الله تعجبكم
سامحوني ردي مختصر

 

[anissa 13]

pricess fifi

الوصفة كالاتي
تاخدي حبات الفطر الطازج اللي تكوني شريتيه من السوق تغسليه مليح وتقطريه وتنحيلو الرجلين (الساق) وتعمري قلوب الفطر اولا ب fromage fondu باه يدوب ( la vache qui rit او اي نوع تحبي ) وفوق طبقة الفرماج تحطي لحم مفروم عمليه على شكل قبة (اللحم خضر ماشي طايب ) وفوق القبة هادي حطي روندال تاع fromage de chèvre او اي نوع تحبي .
المشكل فطيابو لازم تحطي شوية مرقة مع حبات الفطر انا ماكانش عندي عملت شوية ما خلطتو بحبة جومبو وفرغتو فالمول وحطيت حبات الفطر بصح ماتكثريش المرق فقط 1 سم تاع علاوة ومدة الطبخ 25 د اقصى مدة
يلا مافهمتيش حاجة قوليلي ختي
​

 

[anissa 13]

خيرة مسموحلك ختي
العشا هاااااااااايل
ديكور السلاطة رووووووووووووووعة
​

 

[nada242008]

الله يسلمكم لبنات
ياسمينو والله كون جيتي قريبة نعطيك الكوكوطة كاملة طيبت قنطار هههههه رايحة نقسمها في لي بورت مونجي وكي يعود عندي الميناج نجبد نسخن
اسومة ايه دا كلو .. ايه دا كلو هههه كلش هااااااااااااااااااايل وبنين من يديك يعطيك الصحة يالشاطرة
انا الحق المقرونة تاع نانوس وفوفة ماخليتهاش في قلبي وكي رحت للكةوزينة لقيت المقرونة بححححح
تفكرت واحد الوصفة عطاتهالي ابتسام ... خدمت لابات في الدار وجات اممممممممممممم
وماتنساوش تباركولي على الطوال سيري الجديد هههههههههههه:d

زووووووووووووووووووم:p

خيرة وعفاف الجزائرية مابنتوش اليوم ؟؟
وذهبيتو ثاني :s

 

[nada242008]

جبنا سيرة القط جا قال مييييييييييييييو هههه .. علسلامتك خيرة والديكور تاع السلاطة وااااااااااااو

 

[روعة2005]

الله يبارك يابنتي حرام عليك تعرفي تقعدي تقعدي وتشوكينا ممممم عذااااااااااااااااااااااااااااب وفن راقي تبارك الله اكيد رانا نغيضوك متخليناش غير نتفرجو هاتي لاغوسات نذوقو معاك شوي
وربي يعزك ويعلي مقدارك في دارين يااسومتي
خيرة ديكورك تاع السلاطة هايل والبيري مع المرقاز ممممممممم بصحتكم
انا فطرت والحمد لله وهذا كان الفطور رشته

انيسة طيابك يشهي والله سمحيلي اختي هذا وين شفتو وتعيشي اعطيني غوسات تاع الطماطم فارسي من فضلك

 

[ام حبيب]

يعطيك الصحة اختي ممكن كيفية ديسار روعة

 

[Djazaire-El-Ghalia]

أسّوم يعطيك العافية يسلّم هذوك اليدّين،أمنياتي كلشي هايل ندّوش مبروك الطوال سيري الجديد :up: وياريت تعلمينّا لبات يعطيكم الصحّة كامل يالبنات

 

[oumniati]

هاهي التصوررة






ايه ودرتلهم لاجولي موالفة نشوهها ترجف هكذاك في لميكييات حبيت نجربها هههههه ما عجبنيش الذوق عجبتني انا وزكزوك غير كي ترجف في الطبسي ههههه

 

[روعة2005]

عفوفة الله الله خدمة ايديك علمينا معاك تبان تسخف والله ومبروك اللبسة الجديدة جات في الفوطو تسخف

 

[ninafret]

اختي راجية العفو الله يبيارك دوختيني وسخفتيني
ياريت تحطيلنا الوصفات عجبني كلشي يعطيك الصحة اللي لحقتي تعملي كل هادا

 

[oumniati]

مياااااااااااو قط واعر ههههههههه
الله يبارك حرة خدمتي حتى السباقيتي االله برافو، ماظنيتش يتزعزعو من عندك هي هي هي
فوفة بصحتك الرشتة تهبببببل بصح قلليلي علاه ماتخدميهاش وحدك ي يخي عندك المشينة


انيسة الله يسلمك اختي حتى نت طيابك هايل

 

[anissa 13]

روعة هادا ماكان؟ تطلبي عينيا نمدهملك ماشي غير وصفة !
طوماط فارسي سااااااهلة
خديت حبات طماطم نحيتلهم اللب
سلقت شووووية روز
وجدت شوية لحم مرحي بصح ماقليتوش عملتو غي التوابل وخلطتو مع الروز ويلا حبيتي خلطي معاه حتى اللب اللي نحيناه وعمري حبات الطماطم
ستفيهم فمول مدهون بالزيت ودخليه لفرن ساخن مدة 40 الى 45 د
وبالصحة والراحة كيما تقول شميشة :d
​

 

[nada242008]

فوفة صحا فطورك وربي يتقبل ان شاء الله والرشتة اممممممممممم تهبل
الغالية وفوفة الوصغة ساهلة وماتديش الوقت خلاص
انا درت كيلة صغيرة كتجربة
2 بيضات و م ص ملح و 2 م ك ماء وتقدري تضاعفي المقادير
تخلطي البيض والما والملح وتضيفي الفرينة حتان تتحصلي على عجينة ماتتلاصقش
تقسميها كريات وتحليها في ماشينة البقلاوة على الرقم 6 ومن بعد 4 ومن بعد 2
وترشي الفرينة مليح ومن بعد تفوتيها في لي تقطعها شرائح
و بعد التقطيع رشي عليها الفرينة وانفضي باش ماتلصفش في بعضاها
وطيبيها عادي كالمقرونة غلي الما وديري شوية ملح وزيت وحطيها تغلي
ومن بعد صفيتها وجمرتها في لاصوص
مزية خطفت صورة

 

[روعة2005]

بارك الله فيك انيسة وصفة هايلة واهم شي ساهلة
عفوفة خسارة معنديش الماشينة والا جربتها غدوة للغداء
خيرة حبيبتي وراسك مانسعاها الماشينة تاع البقلاوة كل مرة نقول نشريها وتظهر حاجة اخرى في بلاصتها ههههههه
حنا راهو رعد والبرق كان غير تختمها مطرة يااااااارب

 

[oumniati]

ام بيبرس ربي يكمللك على خير وناكلو الطمينة عن قريب

 

[nada242008]

فوفة ان شاء الله تشريها في اقرب وقت ... فقط ننصحك ماتشريش تاع لاشين راهي دير 90 الف بصح معوجة ومكرفصة .. انا شريت لعام لي فات واحدة ب 450 لقيتها في باتنة وفي العلمة ب 300
حنا النو دارت حالة وضرك حبست
--
بصحتك لاجولي هههه القط الواعر :up:

 

[oumniati]

اسوم يا اسوم والله ماعرفت واش نقول، تعرفي هذيك صغيييييييرة في العمر كبييييييييييرة في لعقل؟ممكن ماتعرفيهاش طراز قديم تاع السلالة تاعي هههههه
ربي يحفظك ويعطيك ماتتمناي ان شاء الله

 

[anissa 13]

460 (42 عضو و 418 ضيف)

anissa 13, ‏ŚσÚмĨÁ.Ďz, ‏21maria, ‏أم أسامة, ‏أم دودو, ‏مريم07, ‏نور الصباح الجزائرية, ‏وليد سلمى, ‏وافية1, ‏الماني, ‏ام تقوى, ‏ام حبيب, ‏ام سارة1, ‏امة الرحمن, ‏بنت الجسور المعلقة, ‏feneclady, ‏hadda0425, ‏hiba14, ‏karima tati, ‏La Princesa, ‏mamouka, ‏nada242008, ‏NaNouS, ‏ninafret, ‏روعة2005, ‏om abdulhadi 2011, ‏oum BIBARS, ‏oum kaouther, ‏oumniati, ‏ساندريلا زماني, ‏rima29, ‏SAMIRA25, ‏sasaz, ‏smaily, ‏s_luna, ‏youdi, ‏فايزة1207, ‏فيروز سوسو, ‏فرح الجزائرية, ‏ZOINA2105, ‏قوتة, ‏°/°مبدعة اللمة°/°

:-o:-o
​

 

[anissa 13]

عفاف مرسي بوكو على الوصفة نجربها بصح حتى نشري مشينة ههههههه
بصحتك طوال سيري تقطعيه بالصحة هههههههه
​