الجزء الــــ18 من ماذا ستطبخين اليوم

[إيمان88]

محل ما يسري يمري تسلم الايادي ام ندى والله يخليك على وصفة الخبز​

 

[روعة2005]

الله يبارك عفوفة غداء يشهي والله وهذاك التمر ممممممممممممممممم وماتقوليليش الرمان راهو جاء وقتو راني نحوس عليه بضو خخخخخخخخخ
الجاجة متربعة ومين قدها هههههههههههه بصحتكم والطوال سيري يهبلو الوانه
=
حبيت نسقسيك على وصفة تاع لكراب لي درتيهم موضوع هل يجيو مقرمشين راني حابة نسي كراب بصح يكونو مقرمشين
=
لبنات من فضلكم لي عندها وصفة معجون تين(كرطوس) مجربة تمدهالي

 

[nada242008]

الله يخليك اختي ايمان ومرحبا بيك معانا
فوفة الله يسلمك حبيبتي
الرمان جابوه من جنان تاعهم نظن فال حتى هو
لي كراب باش يجوك مقرمشين ديريهم رقاق خلاص يعني ماتكثريش من الخليط كي تصبيه فوق المقلة وقلبيه من الجهتين مليح باش يجيك يتقرمش ولون ذهبي وبعد ما يطيبو ماتحطهيمش فوق بعضاهم باش ما يتنداوش انا الوصفة لي عندي هذيك هيا تبانلي الحكاية كل في كيفية الطبخ مش في المقادير
وانا ثاني راهم في بالي ماعنديش النوتيلا برك ههههههه

 

[بنت الجسور المعلقة]

سلام لبنات وصحا غداكم
الاخت ايمان خبز الدار ساهل خلاص
350 غ فرينة ملعقة كبيرة ونصف خميرة خبز + 2 مغارف كبار سكر تقدري تنقصي كان ماحبيتيهش حلو ديري مغرف واحدة
و فنجان زيت وكاس ونص حليب فاتر و 2 بيضات ونص كاس ما زهر وملح
تبسي الفرينة بالزيت ومن بعد تضيفي بقية المكونات والعجينة تكون تتلاصق لانو فيها البيض ماتتيبسيهاش ياسر خليها مرخوفة وغطيها بغلاف بلاستيكي حتان تخمر
ومن بعد فشيها وادلكي شوي وحطيها في مول مدهون بالزيت ومرشوش بالفرينة بالشكل لي تحبيه قرصة او ظفيرة وادهنيها بصفار بيض + شوية خل ورشي بالسينوج ولا جلجلانية وحطيها تخمر مرة ثانية ومن بعد دخليها لفور مسخن مسبقا على 200
ان شاء الله تجربيه ويعجبك
هذا غدايا

مشاء الله حبيبتي ممكن الوصفة راح نتعبك
بصحتكم كامل واش طيبتو
انا ليوم روحت نقرا صباح رجعونا لازم طابلية من لي دخلت لدار مخرجتش حلفت منرجع حتى لسمانة الجاية ههههه
فرزت شوية وسيقت وطيبت محجوبة​

 

[روعة2005]

بصحتك الفال هههههه
اييه تعرفي نمووووت على ليكراب يكونو مقرمشين وحمورا مممممممم في بانته في بارك قادري يديرهم واحد روعة والله سقسيتو ناض يتقلش يحسبني راح نشري لاباراي ونجي نقاشرو في خبزته هههههه مام في دزاير يخدموهم رووووعة روعة
صح ممكن السر تاع القرمشة في انو متكثريش العجين وانا ثاني معنديش نوتيلا قلت نخدم شوي في الدار برك

 

[روعة2005]

الله يبارك رقية والله يابنتي حنا نساء متزوجات ونهار المحجوبة مانسيقو مانفرزو غير هي وحدها تشد الوقت وانت الله يبارك سيقتي وفرزتي ودرت محاجب يشهو ممممممممم بصحتك الحبيبة

 

[nada242008]

الله يبارك عليك يا رقية مرا صغيرة :p كيما قاتلك فوفة نهار المحجوبة نهار طوارئ عندنا هههههههههه جاتك تهبل وتبان مقرمشة امممممممم
الدجاجة تبلتها كيما الشوارما جات هايلة
وجدت التتبيلة رابيت نص راس ثوم + 2 م ك زيت + م ك خل + ملح وفلفل اكحل وكمون وشوية راس الحانوت و 2 م ص موطارد + 2 م ص طماطم مصبرة و م ص عسل ( تمد طعم هايل بلا ماتمد الحلاوة )
مسحت بيه الدجاجة مليح وخليتها منقوعة فيه لمدة نص ساعة
ومن بعد ربطتلها رجليها بالخيط وحطيتها في طنجرة الضغط مع كاس ما سخون وغلقت الطنجرة حتان نقصت كمية الما ويقات حوالي فنجان
ومن بعد دهنتها بالزبدة ودخلتها للفور بلاصوص لي معاها
قطعت البطاطا دوائر وقليتها ومن بعد حطيتها تتحمر مع الدجاجة

 

[أم دودو]

صح غداكم كاااااااامل
دخلت طول نلقى دجاجة محمرة شكون كيفي تربعت و هزيت فخذ يعطيك الصح عفاف و بصحتك الطوال سيري
غداي روز بصوص طوماط و دلاع
روعة معجون الكرموس تعرفوا أختي نسقسيهالك و نردلك الخبر
​

 

[narjes81]

السلام عليكم

رواحو نهنوها مع بعض

https://www.4algeria.com/vb/showthread.php?t=344531

 

[oum kaouther]

salam 3elikoume nharkoume mabrouk
bssahtek djaja nadoucha rahi tarayere
raw3a diri kilou karmousse m3a 700g sucre w jue de citron khalihoume lila kamla w radwa men dake cha3eli nare w khalihe yetibe 3ela nare klila w mara 3ela mara harki ri b el 3ekale hata yetibe

ana nmoute 3elihe fakartini fihe
oum doudou sa ftourek oukheti
rkaya mhajeb wa 3elihoume el klem machaa allah "3elike ya sajiya
lyoume darte hrira w hmisse w jarti ba3etatli barkoukesse

 

[prncess fifi]

السلام عليكم
هاهوعشايا تاع البارح​

 

[serinee]

السلام عليكم ما احوالكم
يعيشكم محتاجة مساعدتكم
https://www.4algeria.com/vb/showthread.php?t=344441
​

 

[أم دودو]

salam 3elikoume nharkoume mabrouk
bssahtek djaja nadoucha rahi tarayere
raw3a diri kilou karmousse m3a 700g sucre w jue de citron khalihoume lila kamla w radwa men dake cha3eli nare w khalihe yetibe 3ela nare klila w mara 3ela mara harki ri b el 3ekale hata yetibe

ana nmoute 3elihe fakartini fihe
oum doudou sa ftourek oukheti
rkaya mhajeb wa 3elihoume el klem machaa allah "3elike ya sajiya
lyoume darte hrira w hmisse w jarti ba3etatli barkoukesse

الله يسلمك فريدة و يعطيك الصح على معجون الكرموس و بصحتك الحميص و البركوكس

 

[anissa 13]

السلام عليكم ورحمة الله وبركاته
fifi عشاك يشهي بصحتك ختي
قوليلي الغراتان هادي باش عملتيها؟
​

 

[anissa 13]

البنات من فضلكم اللي موالفة تعمل الكاران (قرنطيطة كيما يقول البعض )
عندي الوصفة بصح مشكلتي فالمقادير
يعني شحال لازمني نحط غبرة وشحال نحط معاها الماء
راني حابة مقادير دقيقة ومدة الطياب من فضلكن
​

 

[prncess fifi]

الله يسلمك انيسة
هديك ماشي غراتان هداك bread pouding كتحلية
اما فيما يخص الكرانتيتة انا كنت نخدمها كي كنت في الدزاير وخويا يبيعها
متلا تحطي كاس غبرة تحطيلو تلاتة ماومدة الطياب كي تشوفيها دارت الفقعات اشعلي لها الفرن من الفوق
وخليها حتى تحمار كامل​

 

[nada242008]

برانساي فيفي اطباق تشهي تسلم الايادي والمعجنات هذوك يسخفووووووو واش هوما ؟
ام دودو وفريدة بصحتكم
فريدة شهيتيني في المعجون تفكرت واحد المرة حطيتيلنا صورتو امممممم

 

[رآج ـية العفو]

مسـآء الخيرآآت على لحبآب
بصحتكم كآآمل شآ طيبتوا مش قآدرة نرد بالوحدة
اني صآيمة وعآية هههههههه
حتى نصحصح نرجعلكم ونرد عليكم ​

مي يآ أم ندوش والله حرآم عليك كيمآ تقول خيرورة رآعي شعورنآ
آه منك ومن طيآآآبك هههههه يعطيك الصحة حبيبتي الغآلية ​

 

[oumsif]

صح غداكم لبنات
ام ندي بصحتك الدجاجة لمحمرة
بنت الجسور اممممم محجوبة جتك روعة تسلم ايدك
فيفي يعطيك الصحة اطباق تشهي​

 

[روعة2005]

مساء الخيرات لبنات
انيسة اختي صراحة خاطيتني لكان نتي تعطيني المقادير واش حابة نذوقها خخخخخخخ
فريدة الغالية ربي يعطيك كل الخير على الوصفة اليوم نخدمه في ليل كيما قلتي وبصحتك الحريرة والبركوكس
فيفي الله يبارك المعجنات يسخفو والتحلية قالتلهم اشششششششششش هاتي الوصفة من فضلك حنونة