الجزء الــــ18 من ماذا ستطبخين اليوم

[serinee]

البنات من فضلكم اللي موالفة تعمل الكاران (قرنطيطة كيما يقول البعض )
عندي الوصفة بصح مشكلتي فالمقادير
يعني شحال لازمني نحط غبرة وشحال نحط معاها الماء
راني حابة مقادير دقيقة ومدة الطياب من فضلكن
​

شوفي اختي انيسة انا القرنطيطة من عادتي نعملها بهاته الطريقة
ساشي نتاع قرنطيطة اي حمص مرحي + لتر و نصف ماء + 3 حبات بيض+ شوية ملح و فلفل اكحل و كثري من الكمون
فرغي الصاشي تاعك تاع الحمص و بداي تضيفي في الما غير بلعقل و كي تشوفي الخليط امتزج مليح ضيفي بقية المقادير
و ديرها في الفور غير تشوفيها بدات تنشف نحيها متخليهاش تنشف بزاف جيك يابسة و او مشكل انا في الخدمة
بصحتكم
​

 

[anissa 13]

روعة غير جربيها ساهلة وبنينة وكي نعملها ندوقك ههههههههههههه
سيرين يعطيك 1000 صحة ختي قوليلي غي الصاشي شحال فيها؟ انا عندي صاشي تاع 500 غ
​

 

[labed93]

يعطيك الصحة يا ام ندى على وصفة الروز بالكروفات جعلها الله في ميزان حسناتك

 

[بوح المشاعر]

السلام عليكم مسائكم مسك وعنبر لبنات
واش حوالكم صافا
بصحتكم الكل واش طيبتوا
اختي ام ندى بصحتك دجاجة تشهي
اختي بنت الجسور المعلقة لمحاجب جاوك روعة
اختي فيفي كل شيء هايل صحيتي
احنا ليوم درنا لفطور غرتان بطاطا بالفيونداشي


​

 

[oumniati]

بصحتكم لبنات ندوش، فيفي، فريدة، لقسنطينية الحراقة، فوفة، ..........

حدودة عجبني هذاك جامي يحكم البابيون على طول يجري هههههههه

بوح الاطباق ااااااه المشاعر يعطيك الصحة وبصحتكم لقراتان، اعطيني اسم ندلعك بيه يكون مايشدش الوقت في الكتبة ههههه بوحة؟؟؟ يوالمك؟؟

اسوم صيامك في الجنة، خبي شوي لينارجي اللي عندك ماتكتبيش حتى تفطري

البارح بيتزا تاع برا حااااارة، صورتها بصصصصح......

 

[روعة2005]

سلام لبنات
صح فطور الصايمات وصحا عشاء الفاطرات
المهم انا فطرت والحمد لله كي ندير فيها واحد قهوة براس نولي زااااااااااااااهية والمورال عال العال
فطوري اليوم كان زعمة طهليت في روحي شوي هههه ودرت سلاطة تاع اسومة لي حطتها البارح تاع ليكورني تجي تسخف وحاجة جديدة وطبقت على اخت من منتدى اخر طاجين الشفلور بدجاج ممممممممم ويمي يمي بارك الله فيك يااختي ربي يخليلك رامي

 

[nada242008]

اممممممممممممم فوفة صحا فطورك يا ريتني صمت وفطرت معاك ههه بالصحة ولهنا
الله يسلمكم لبنات
خيرة عجبني اسم بوحة هههههه بصح تبان اسم دلع بالشاوية تاع اسم محمد شوفيلها اسم اوخر
ماتتغشبش منا بوح المشاعر نشتو نضحكو برك :p
لعابد بلا مزية اختي
اسومة صحا فطورك ومسامحين في الاقتباسات لا تزيدي تشياني ههههههههههه

 

[روعة2005]

اهلا بيك فوفة .......بصح كلش تلحس ههههههههه
لبنات عفاف الجزائرية ودهبية مش يبانو خير ان شاء الله فوفة مالفة لاشته طل علينا وتمسي ولا تصبح

 

[روعة2005]

فريدة اختي تعيشي شحال يبقى هكاك من الوقت المعجون وهو يطيب

 

[imane27]

روعة غير جربيها ساهلة وبنينة وكي نعملها ندوقك ههههههههههههه

سيرين يعطيك 1000 صحة ختي قوليلي غي الصاشي شحال فيها؟ انا عندي صاشي تاع 500 غ​

انيسة انا طرقتى فى قرنطيطة
كيلة حمص مرحى نص كيلة زيت نصف كيلة حليب 3 حبات بيض ملح فلفل اسود كمون تخلطيهم مليح بالباتور وضفى 2ونص كيلات ماء وخلطى بالباتور وفرغيها فى سنيوة ورشى عليها كمون ودخليها طيب:up:

 

[imane27]

سلام لبنات صح فطوركم وعشاكم
لى حطو اطباقهم ليوم يعطيهم الصحة كامل هايلين بصحتكم باش ما ننسا حتى واحدة

 

[oum kaouther]

salam 3elikoume ki 3achitou khewatati
bssahatkoum kamel wache tayabtou
raw3a saha ftourek hayel men sabni hdeke
ma3ejoune karmousse yabke tekribane moudet sa3a bassah nare thoune mhiyela nakssa bzef
la3echa bkatli hrira w darte cokka

 

[روعة2005]

بارك الله فيك ياغالية وبصحتك الكوكا لحبيبة واش توحشنا نشوفو طيابك الزين مممممممم
انا نخليكم لبنات راني كاااو

 

[أم دودو]

صح عشاواتكم كامل
روعة صح فطورك شهيتيني في لي كورني الطريقة من فضلك و طاجين الشوفلير تاع أم رامي فعلا روعة يعطيها الصح جربته قداه من مرة و عجبهم كـــــــــــــــــــامل
عشاي صبيعات الدجاج محشيين بالزيتون و دلاع راكم تشوفوا ما حبتش تتم الدلاعة ههههههههههه
​

 

[hadda0425]

لعيونك حدودة راني حطيتو موضوع

خبز الهمبرغر من مطبخي بالخطوات المصورة
​

ممممممممممممم مرسي ام منصف ربي يعطيك ما تتمناي ويعيشلك ولادك مح مح مح

 

[hadda0425]

بصحتكم لبنات روعة فيفي ام ندى رقية طيابتكم هايلين من المحاجب للجاجة المربعة وباقي البنات
روعة من فضلك اعطيني وصفة طاجين الشفلور بدجاج
​

 

[رآج ـية العفو]

وهآآآآآآآني رجعت وانآ بكآمل قوآي البدنية ههههههه

صح عشآوآتكم جيت نحطلكم فوتو من فطوري
ونروح نشوف كآش تمنشير في غيآبي :-r

يهآآآآو البيتزآ مشرية :p

​

 

[بنت الجسور المعلقة]

الله يبارك عليك يا رقية مرا صغيرة :p كيما قاتلك فوفة نهار المحجوبة نهار طوارئ عندنا هههههههههه جاتك تهبل وتبان مقرمشة امممممممم
الدجاجة تبلتها كيما الشوارما جات هايلة
وجدت التتبيلة رابيت نص راس ثوم + 2 م ك زيت + م ك خل + ملح وفلفل اكحل وكمون وشوية راس الحانوت و 2 م ص موطارد + 2 م ص طماطم مصبرة و م ص عسل ( تمد طعم هايل بلا ماتمد الحلاوة )
مسحت بيه الدجاجة مليح وخليتها منقوعة فيه لمدة نص ساعة
ومن بعد ربطتلها رجليها بالخيط وحطيتها في طنجرة الضغط مع كاس ما سخون وغلقت الطنجرة حتان نقصت كمية الما ويقات حوالي فنجان
ومن بعد دهنتها بالزبدة ودخلتها للفور بلاصوص لي معاها
قطعت البطاطا دوائر وقليتها ومن بعد حطيتها تتحمر مع الدجاجة

ههههه تعيشي أم ندوش والله يبارك في حسناتك عزيزتي
مشكورة على الوصفة أطبقاك كامل كي نشوف شكلهم يجوني صعاب كي تعطيني الوصفة يظهرولي ساهلين
غير جيني جاجا نجربها ان شاء الله ......لي عندنا فلكونجلتور كامل راهم مقسومين على ربعة ههههه

نطبقها ونردلك لخبر

​

 

[رآج ـية العفو]

أهلآ وسهلآ بييييييييك سمية سمحيلي هذآ وين انتبهت ليك ليك وحشة وآش خبآرك
أم دودو أهلآ وسهلآ بيك خيتو صح عشآآك
يلآ اسعفني الوقت رآني نحطلك درك سلآطة لي كورني
فيفي الله يبآرك كل شي يشهي والمعجنآت ممممممم ونفس سؤآل أم ندوش هههه

يارب يعطيك ماتتمناي عاااجلاا غير اجل

يارب يعطيك ماتتمناي عاااجلاا غير اجل
يارب يعطيك ماتتمناي عاااجلاا غير اجل
يارب يعطيك ماتتمناي عاااجلاا غير اجل
يارب يعطيك ماتتمناي عاااجلاا غير اجل
يارب يعطيك ماتتمناي عاااجلاا غير اجل
يارب يعطيك ماتتمناي عاااجلاا غير اجل
:$اسومتي الحبية:$
:$
​

يآآآآآآآآآآآآه على عمريييييييي :$
اللهم آمييييييييييييييييييييين يآآآآآآآآآآآآآآرب ولكي بمثل غآليتي :regards01:

السلام عليكم


صحا عشاكم الكل
اختي راجية العفو ماشاء الله عليك وتبراك الله عليك
ماعندي مانقول كل شيء يهبل ربي يعطيك ماتتمني

أهلآ خيتو مرسي ليك يبآرك فيكي شكرآ واللهم آمين يآآرب ولكي بالمثل

اسوم صيامك في الجنة، خبي شوي لينارجي اللي عندك ماتكتبيش حتى تفطري

البارح بيتزا تاع برا حااااارة، صورتها بصصصصح......

اللهم آمين حبيبتي
هههههههه درت على رآيك بلآ مآ نشوف وصيتك :up:
والبيتزآ صورتهآ في بلآآصتك وحطيتهآ هههههههه

سلام لبنات
صح فطور الصايمات وصحا عشاء الفاطرات
المهم انا فطرت والحمد لله كي ندير فيها واحد قهوة براس نولي زااااااااااااااهية والمورال عال العال
فطوري اليوم كان زعمة طهليت في روحي شوي هههه ودرت سلاطة تاع اسومة لي حطتها البارح تاع ليكورني تجي تسخف وحاجة جديدة وطبقت على اخت من منتدى اخر طاجين الشفلور بدجاج ممممممممم ويمي يمي بارك الله فيك يااختي ربي يخليلك رامي

ممممممممممم صح فطورك حبيبتي وربي يتقبل يآآرب
يعطيك الصحة كل شي جآك هآآآيل خآصة اصآبع الشوفلور مممم
ومربى التين غدوآ ان شآء الله رح نخدمه نصورلك الخطوآت
يلآ تحبي ونحطهملك

اسومة صحا فطورك ومسامحين في الاقتباسات لا تزيدي تشياني ههههههههههه

ههههههههههههههه
الله يسلمك حبوبتي غير قد مآ فطرت اني رجعتلهم :p​

 

[رآج ـية العفو]

رقية الله على ذوك المحآآجب يعطيك الصحة يالشآطرة

بسووووووووووووم مآآآلك سآكتة غير الخير ​