الجزء الــــ18 من ماذا ستطبخين اليوم

[ibtesem]

26 (9 عضو و 17 ضيف) ‏ibtesem, ‏أم دودو+, ‏ميساء 12, ‏ام اماني05, ‏Djazaire-El-Ghalia+, ‏imane27, ‏رلندا, ‏oum kaouther, ‏ مساء الخيرات عليكم

 

[ام اماني05]

بسم الله ماشاء الله عليكم غالياتي اطباق اكثر من راااائعة بصحتكم
جبتلكم غداي
http://

://

</B></I>

 

[SAMIRA25]

بارك الله فيكم كامل واش طيبتو و يعطيكم الصحة

 

[ibtesem]

اهلا سهلا ام امون كل شئ هايل عجبني الخبز ابان تقول تاع زمان بكري هداك لطيبوه في الطين او تاع لرض نسيت اسمو
بصحتكم
توحشناك اختي طلي علينا مين دالك

 

[oumsif]

مساكم بالخير
الله يبارك قايمين بالحالة اطباقكم كلها روعة تسلم ايديكم

​

 

[nada242008]

مساء الخير
ابتسام بصحتك كاشير لبلاد ويعطيها الصحة لويزة
مرحبا بيك ام اماني والحمد لله على سلامتك
غداك يشهي اممم والله يالخميرة جاتك هايلة بصحتكم
ام دودو حاضر من عيوني نقعد برك ونكتبهالك
درت تارتولات بالنكتارين

 

[بنت الجسور المعلقة]

هههه يا أم ندوش ويا دعوة حتى في اسمك بدعتي فيه واش نقولك يعطيك الصحة وانا نموت على لي ترتولات بأنواعهم يكونو ملاحين ولا لحلوين
خرجو يسخفو
بصح حبيت نسقسيك على الكريمة درتيها بنشاء والحليب والبيض والسكر ولا طريقة واحد أخرى ؟؟؟؟
​

 

[nada242008]

هههه يا أم ندوش ويا دعوة حتى في اسمك بدعتي فيه واش نقولك يعطيك الصحة وانا نموت على لي ترتولات بأنواعهم يكونو ملاحين ولا لحلوين
خرجو يسخفو
بصح حبيت نسقسيك على الكريمة درتيها بنشاء والحليب والبيض والسكر ولا طريقة واحد أخرى ؟؟؟؟
​

ههههههههه تولهتي للاسم :p
درت حبة بيض + مغرف كبيرة ونص سكر + فاني + مغرف كبيرة ونص نشا وخبطتهم مليح
وسخنت كاس حليب على النار ومن بعد رجعت خلطتو بالبيض ووو
ورجعتها للنار حتان خثار بصح مش ياسر تبقى شوي ليكيد باش ماتجيش ناشفة خطراه كي تبرد راهي تزيد تجمد و من بعد نحيتها من الكسرونة ودرتلها مغرف زبدة وبقيت نخبط فيها جات هاايلة وخفيفة

 

[أم دودو]

مساء الخير
ابتسام بصحتك كاشير لبلاد ويعطيها الصحة لويزة
مرحبا بيك ام اماني والحمد لله على سلامتك
غداك يشهي اممم والله يالخميرة جاتك هايلة بصحتكم
ام دودو حاضر من عيوني نقعد برك ونكتبهالك
درت تارتولات بالنكتارين

تسلملي عيونك يا أحلى عفوفة و التارتولات جوك هايلين كون غير درتيهم موضوع :$
​

 

[روعة2005]

بصحتك بسومة وبارك الله في امونة
ام اماني منورة الغالية والمطلوع خفيف روعة
سقسيتي على المعجون وصفة ام كوثر هاكي راني نقلتهالك
raw3a diri kilou karmousse m3a 700g sucre w jue de citron khalihoume lila kamla w radwa men dake cha3eli nare w khalihe yetibe 3ela nare klila w mara 3ela mara harki ri b el 3ekale hata yetibe
ام ندوش التارتولات هايلين ماشاء الله شكلهم يكفي ممممممممم​

 

[رآج ـية العفو]

مسـآء الأنوآآر عليكم
أهلييييييين بسووووووووم ليك وحشة يعطيك الصحة
على الأطبـآق وبصحتك القعدة مع أمون ربي يخليهآ ويحفظهآ

أم دودو مرسي ليك خيتو ربي يخليك

أم أمآني أهلآآآ بيك عآش من شآآفك ليك وحشة يعطيك الصحة خرجتلي غير فوطو تآع الخبز :-r

أهلآ بكل الملتحقآآت على سلآمتكم

صحا غداكم لبنات
اسووووووووومة اممممم الخبز جاك هايل هايل بصحتك ومع اللوبيا اممممم
فوفيتا المعجون تحفة خسارة مادرتوش والكرطوس لي عندي خمج بلا ماكليناه لابغوشان فوا ان شاء الله
خيرة بصحتك الخبز ومليح كي عجبك
وبخصوص السبع والله قط يا ختي لايام اخرى .............. مش عليه .. عليهم
البارح بايت رائد في حالة النوم ماشفتوش على جال زوج سنات من فوق ماخروجش رانا في العذاب غير البكي ليل نهار .. وعليه شرينا دوبارة واجدة صورتها ومسحت الصورة بلا مافقت
بصحتكم كامل واش طيبتوا

الله يسلمك حبيبتي وممممممم على لي تآرتولآت شهيتيني فيهم
ههههههههههه ضحكني اللي بينك وبين خيرورة :p

مممممممممم راجية الخبز جاك الله يباااااااااااااااااااااااارك وين روحتي اعطينا لاغوسات ضربتي اللوبيا بلخبز ندوختي وقيلة ههههههههه
وبصحتك المعجون في الانتظار ممممممم

ههههههههههههههه أهلين عيوني والله درت رآيي في اللوبيآ
مي مآ دختش كنت غآطسة في الكوزينة ههههه رآني ندير في قآطو
عندنآ عرس في مستغآنيم نهآر الخميس ورآني نوجد :-h

ان شآء الله نريح برك ونحطلك المعجون ومآفيهش اختلآف على وصفة فريدة​

 

[nada242008]

تسلملي عيونك يا أحلى عفوفة و التارتولات جوك هايلين كون غير درتيهم موضوع :$
​

الدوبارة يا ام دودو
الفول او الحمص ترنخيه في الما ليلة كاملة ومن الاحسن مع ساشي خميرة حلوى باش يجيك طري ياسر
والغدوة تصفيه وتطيبيه في لا كوكوط بدون ملح واذا حبيتي تديري في الما كمون و نصف حبة قارص سيرتو اذا كان فول باش ماتجيكش المرقة كحلة وكي يطرى ملحيه وخليه يغلي شوي
وكي يطيب خليه بالما لي طاب فيه
لاصوص
3 مغارف زيت زيتون و3 فصوص ثوم مرابيين وملح وفلفل اكحل وفلفل احمر حار بزيادة شوي وراس الحانوت وكمون
رابي 3 حبا ت طماطم كبار وطايبين مليح و 2 مغارف كبار طماطم مصبرة وفلفل حار اخضر مقطع الى شرائح وربطة دبشة ولا حشيش كيما يسميها البعض وشرائح ليمون وخلطيهم مع مزيج التوابل
وهذا ماكان ... كي تجي تقدميها سخني الفول بالما لي طاب فيه وحطي شوي في الصحن مع لاصوص من فوق وخلطي واذا حبيتي تزيدي لهريسة مع انو التوابل لي فيها والفلفل يفي بالغرض هههه وزينيها بالدبشة والقارص ورشة زيت زيتون

 

[روعة2005]

ربي يقدرك حبيبتي اسومة ويكون معاك بس طلب لو مفيهش ازعاج ممكن وصفة صبيعات الفرماج والقرعة اختك صايمة وتشهاتهم هههههههه​

 

[nada242008]

تسلملي عيونك يا أحلى عفوفة و التارتولات جوك هايلين كون غير درتيهم موضوع :$
​

https://www.4algeria.com/vb/showthread.php?t=344693

 

[ام اماني05]

شكرا حبيباتي ام ندى ابتسام روعة اسومة المنتدى منور بوجودكم غالياتي
ام ندى بصحتكم التارتولات جاوك روعة
لعشية طبقت حلوى اليويو من منتدى اخر وجاو روعة وللعشاء غراتان االلوبيا بصحتكم واش طيبتو

 

[رآج ـية العفو]

ربي يقدرك حبيبتي اسومة ويكون معاك بس طلب لو مفيهش ازعاج ممكن وصفة صبيعات الفرماج والقرعة اختك صايمة وتشهاتهم هههههههه​

حآآآآآآآآآآآآآآآآآآآضر انتي تأمري يآ غآلية درك نكتبهآلك مع الخبز :regards01:
صيآمك في الجنة حبيبتي وصح فطوووووووووورك ​

 

[oum kaouther]

masaa el khire
bssahatkoume ya fahlet bladi rakoume koule sbo3e b harfa
bassouma bssahtek ka3eda m3a luisa yekatare khirha ki tfakratek
raw3a siyemek f jana w bsahtek cha tayabti chatra mankhafche 3elik slata khajatlek tssakhaf w ma3ejoune jake chebebe bzefe
nadoucha rabi yechafi wlidek bsahtek tartelette
oum amani marhba bike lik wahcha w bsahtek matlou3e w loubiya gratain

 

[رآج ـية العفو]

هآذي الوصفة ليك يآ عيوني



رآبي كورجآت في الوصفة حآطين 4 أنآ درت غير 2 وجآت يآسرة
وضفي ليهآ 1 م ك شآبلير + قطعة مليحة فرمآج تآع ميزآن + لحم مرحي
طآيب نص طيآب أنآ درت جآج طآيب وفتته + معدنوس + ثوم + توآبل
وخلطي مليح وزيدي بيض انآ جآتني 1 يآسرة وكفآتني
شكليهم صبيعآت ورمديهم في الفرينة وغطسيهم في البيض ثم شآبلير
وقليهم ثم رجعيهم في المرق تآع الجلبآنة أو أي صوص وخليهم على نآر خفيفة
لدقآيق برك

-------------

خبز الدآر
2 بيض + 1ك حليب + 1م ك سكر + ملح + 1م ك خمآرة خبز + 1/2 فنجآن زيت
+ رطل فرينة و 1/2 بآكي خمآرة تآع قآطو
خلطي الموآد السآئلة مع بعض والجآفة لوحدهآ وفرغي السآئل على الجآف ولميه
وخبزيه في صينية دهنيه بصفآر البيض وجلجلآنية وخليه يخمر 2سآ
وطيبيه

-------------

يآ عيوني لي فوتو تآع الكونفيتير تمحآولي :s بقآلي غير هآذو قريب بكيت

هنآ كي طآب وهو في القدرة صورتو

​

 

[oumsif]

اممممم يام ندوش يعطيك الصحة جاوك يسخفوا تأكَلُوهَم بالصَحة​

 

[رآج ـية العفو]

لبنآت هآذ السآرفيس دوخنييييييييي شفتو في النت