الجزء الــــ18 من ماذا ستطبخين اليوم

[ام منصف]

بصحتك ام سيفو سبقلي وشفت الوصفة نتاع البقلاوة الحارة هذيك في الفايس بوك وباينة هايلة يعطيك الصحة

ام اماني عشاك يشهي والصابلي هذاك قالهم اسكتو يعطيك الصحة والشكر موصول للمبدعة ندى الورود

فوفة حتى انا اول مرة نديرو بهذا الشكل موالفة نديرو مثلثات
قلت نبدل شوية اذا حبيتي نوافيك بالوصفة ساهل وما يحكش اليد عاونتني في ندى مسكينة اللي يجي تقولو
كول من هذا انا اللي درتو

ام ندى اشكال الصابلي هايلين حتى انا شفتهم وعجبوني قلت ندير منه واحد لعرس اختي لاني في رحلة بحث عن انواع القاطو الباهيين للعرس
​

 

[ام منصف]

تفضلوا

خيرورة سامحيني طولت عليك

مسمنات اللوز للسيدة بوحامد من مطبخي وبصوري
​

 

[ام سيف]

صح ام منصف جبتها من الفايس
بصح انا غيرت في العجينة​

 

[imane27]

سلام لبنات صح فطوركم
هادا عشايا

 

[nada242008]

ام منصف قاطو العرس لازملو حاجة بنينة وماتحكمش ليد .. كون تقعدي تنقشي بالحبة واش يكملو .. الا اذا عند الوقت وطول البال
انا غدايا اليوم بيتزا على 3 دفعات ههه
هذي الدفعة الاولى

وزووووووووووووووووم

وهذي زوووووووووووم تاع الزوووووووووووووم هههه

 

[ام اماني05]

صح غداكم يالبنات كل واحدة باسمها
انا غداي شربة فرميسال ورخسيس وسلطة كنت مزروبة ما صورتش
عفاف الغالية انت تؤمر ياgميل
الطريقة طريقة الغالية روعة ربي يخليها ويجي هايل
نرحي ثوم بزيادة+معدنوس مقطع عصير ليمون +فلفل اسود+فلفل احمر +طماطم مركزة+شوية هريسة+كمون+شوية زيت نشرح الحوتة بالسكين ونتبلها مليح من الافضل نخليها عدة ساعات في الثلاجة ناخذ المول نفرشو بالبطاطا مقطعة دوائر ثم نحط الحوتة ونضيف شوية ماء للتتبيلة لبقات ونفرغها عالبطاطا نحط ورقات رند من فوق ودوائر الطماطم والبصل انا ماحطيتش البصل مايحبوهش اولادي نغطيها بورق الالمنيوم وندخلها للفرن تجي يمي يمي على قول لميس الزينة ربي يحفظها

 

[ام اماني05]

الله الله عليك ياعفوفة راح تقتلي بالبيتزا دايما نطبق وصفات ونرضى على تطبيقي الا البيتزا نتاعك نديرها ونتقنها لكن ماتجنيش كيما نتاعك ما فهمتش السبب حبيت نسالك الصلصة تخليها تخثار بزااااف ولا شوية وكديريها تكثري ولاديري شوية برك والفرماج عملتي goudaولا واش عماتي وتحطيه من الاول ولاكطيب وتعاودي تدخليها للفرن يذوب اسمحلي كثرت عليك بصح راكي فعلا مختصة في البيتزا ماشاء الله عليك
ايمان امممم عشاك يشهي نظن الكروفات واش هذاك لمعاه والسلطة نتاعك كالعادة فووووووور

 

[shahrazad]

سلاااام لبنات
ام منصف ام سيف روعة حدة ايمان 27 ختي ام ندى وكامل لبنات
يعطيكم الصحة اطباقكم اممممم


​

 

[shahrazad]

وزووووووووووووووووم

وهذي زوووووووووووم تاع الزوووووووووووووم هههه

يااااربي ختي عفاف والله راني نغيير من البيتزا تاعك

هههههه
كيما قالت ختي ام اماني نديرها مي ماتخرجش فوور كيما نتاعك
ايا قولينا السررر

​

 

[ام منصف]

الله يبارك على هذيك البيتزا ام ندى جاتك هايلة والزوم نتاع الزوم راح ينطق
حلويات العرس قلت نخير الانواع واللي يشدوا اليد نخدموهم من برا على خاطر ما عندناش اليد العاملة وزيد وقت خدمة الناس كامل مشغولة
----
ام اماني ولويزة والجميع بدون استثناء
بصحتكم
​

 

[imane27]

عفاف بيتزا تشهى بصحتكم رانى نفسي فيها وعجزت نديرها
صح فطوركم كامل لبنات

 

[ام منصف]

راهو طار عليا التفنيين هذ العشية قلت نحطلكم واش كاين عندي كامل

اصابع الشوفلور باللحم المفروم من مطيخي وبصوري
​

 

[prncess fifi]

السلام عليكم
واش من حوت واش من بيتزا واش بقلاوة حارة يعطيكم الصحة كامل اكلاتكم تشهي
ايمان اختي بصحتكم لعشا وشنوهداك بانتلي كرانطيطة لالا​

 

[ام منصف]

وهذا على جال
prncess fifi
اللي راح نهبلها
:p:d
تفضلي

كبة الارز بالبيض من مطبخي وبصوري
​

 

[Setifienne]

بصحتكم كامل واش طيبتو​

 

[ibtesem]

مشاء الله عليكم عيت واش نشوف هدا هوت هدي بيتزا هدي وصفات من عند ام منصف
كي قلت نعمل رجيم انتم تحلفتو
بصحة وراحة عليكم كامل
عشانا روز

 

[oum kaouther]

salam 3elikoum
bssahatkoume ya chatrete rakoume tssakhefou b tiyebetkoume koul chi men yadikoume hayel allah yatikoume saha

 

[روعة2005]

مساء الخير الصح انا دخلت خص نص ليكراب سع ملقيتهمش وقيلة قالت سع نعمر كريشتي ونروح نذوق فوفة يخي من بكري صايمة على روحها هههههههه/البيتزا كيما قالولك لبنات ومالفة نقولهالك لمستك بتعمل فرق والله الله يبارك فعلا يمي يمي
=
هدى بصحتك ممم رخساس وشربة يجيو روعة بصحتكم لحبيبة
=
ايمانو ممممم والله توحشنا طيابك يالالة هههههه
=
بسومة الله يبارك الروز هايل لكان عينك تنقصي صومي والله يجيب نتيجة هايلة
=
برنسس وشهرزاد يعطيكم الصحة
=
شوشو ايه دا كلو ايه دا كلو ربي يديمو النشاط هذا ويسلملي لي يطيب القاطو ههههههه اكيد بغيت الطريقة بشرط تعاوني لميس ههه

 

[ام اماني05]

جيت نجري قلت تعطيني ام ندوش السر في البيتزا لقيتها مازال مادخلتش نظن كلات بزااااف من البيتزا عيات تتحرك هههه
ابتسام امممم الرز جاك يشهي بصحتكم
روعة ربي يتقبل الصيام وصح فطورك
اهلا بالغالية ام كوثر اشرقت الانوار
ام منصف شكرا على الوصفات دائما عندك الجديد ربي يبارك فيك

 

[روعة2005]

الله يسلمك ام اماني حبيبتي
ام ندى حقة ليصابلي يهبلو واللي عجبك ميهونش يتاكل هههههه وصابلي الشيكولا تاع الصح فور نجربه قريبا