خلــــــــــــونا نتعـــــــــارفوا [ المغتربين و المهاجرين ]

السلام عليكم ورحمة الله وبركاته
بسم الله الرحمان الرحيم

ما نعرف الا راح تعجبكم الفكرة والا لا ؟؟؟

بصح نقولها وان شاءا لله تلقى استحسان منكن بما اننا مغتربات واحيانا لا نجد حتى مع من نتحدث ولا كيما يقولوا نفرغوا قلبنا لان الهاتف اكيد لا يكفي للحديث مع الاهل في كثير من الامور وفي احيانا اخرى لا يكون لدينا حتى صديقات في الغربة*******

فأحببت ان يكون هذا الموضوع للتعارف بين المهاجرات والحديث عن مشاكلهن، وما يعترضهن ويحدث لهن من احداث او ما يجول في خاطرهن نتعارف من خلاله ونتاقش في بعض الامور التي ممكن ان تدور في رأسنا
وطبعا لا ضير في تدخل الاخوات غير المغتربات والتعرف عليهن، ومشاركتهن ايضا في حل بعض الامور التي ممكن ان نطرحها
أنتــــظر رأيكن بالموضوع لانو طبعا الموضوع لن يكون الا بوجودكن
إقـــــامة طيبة في منتدى اللمة الجزائرية
​

 

[manel 83]

labass okhti swal 3likom

 

[fatouma2012]

البنات اليوم حابة نحكي على حاجة والي هي الصولد في الماكياج والروايح بالعادة يقولولك بلي الريحة كي ما تكونش غالية وماركة والماكياج كيما يكونش ثاني من الماركات ماكان لاه تشريه بصح انا حبيت نعرف رايكم انتوما وتجربتكم لانو انا نشوف ساعات اديرو قراعي تاع ريحة بين 6 اورو و 10 اورو ويقول صولد او عرض خاص وكاين الي يشكر فيهم وكاين الي يقولك لا ما شي ملاح انا الحق نحب نشري منهم كي نروح للبلاد هاك علابالكم يعني مانيش راح نقدر نشري تاع 20 و30 اورو وماشي لواحد والا زوج فادا لقيت منهم ندي فحبيت نعرف تجربتكم انتوما فيهم مالاح والا لا؟؟؟
والماكياج كيف كيف تلقاي الغيسيل والفوندوتان يطيحو فيهم حتى لنص او الربع احيانا وبصح الماركة ماشي روايال والا لخرا هاديك ماسكرا كاين ماركات اخرين يعني ماشي معروفين بزاف بصح يكونو غاليين بالعادة وفي الصولد ينقصولهم ندو منهم وما نخافوش والا ماكان لاه ترسكي خصوصا اني انا ما نعرفش للماكياج كعبة لربي لا

أنا فالحق تاني معنديش تجربة كبيرة لأني حوادت مرة وحدة للبلاد فقط وكي رحت ديت معايا من هاد الروايح تاع 7 اورو للكبارات وحتى تاع 4 اورو لكن هادو يجو صغار خاصين بالبنوتات تاع 12 و-13 عام ونفعوني بزاف وديت تاني ال- protege des levres و-les creme تاع اليدين والرجلين حاشاكم هادو يكونو طبيين ومتخافيش منهم ، لكن حاجة تاع وجه صراحة ندي غير لخواتاتي حاجة غالية وماركة معروفة لأني منقدرش نشري الغاع الناس حاجات غاليين وتاني منرسكيش بحاجة تاع وجه رخيصة alors الريحة والالكريمات تاع النسيم واليدين أضمن ، تسرالهم حاجة يدعو عليا ، راكي عارفة العقلية ههههههه

 

[sirin2013]

سلام سيرين كراكي ؟ بيلنسبة الأونتي بيوتيك قالي مشي مليح ليها راه مجهد بنسبة للسن تاعها ونضن ولدك راه أيضا في نفس عمر سارة.....
هي مازال مبداتش تدور والماكلة راني نعطيها الغبرة تاع البسكوت المطحون الخاص بالرضع وتاني الغبرة تاع كريمة الارز والماييز نخلطهم فالبيبرون مع لحليب

سلام فطومة والله غير لباس راه ثلج راني غير فدار,ربي يخليلك سرسورة حتى انا كمعرفتش وش كان عندي قلت الراجلي ولا زيدة طفلا نسمها سارة اسم شباب ويتمشا هنا,عطاه الطبيب الاونتي بيوتك بصح شرب منو غير يومين وحبستهولو حتى انا شكية مزالو صغير ,حبس رضاعة في 4 شهور وراني نمدلو لحليب تع لبيبي و خترا في نهار نعطيه خضرا طايبا ومرحية زرودية وبطاطا وقرعة مسكين راه فأر التجارب ههههه راني وحدي نجرب فيهم

 

[manel 83]

rabi ychdolek okhti sirin hta rani nt3alem fi wlidi chhal fi 3omro wlidek alah yhfdo

 

[sirin2013]

rabi ychdolek okhti sirin hta rani nt3alem fi wlidi chhal fi 3omro wlidek alah yhfdo

سلام ختي منال يعيشك وربي يشدهولك ,ولدي لبارح دخل 6 شهور لكان مش هو الي مونسني كراني هبلة الهنا وحدي ونتي ولدك راه بدا يتمشا ولا مزال يقولو يبدا لبيبي يمشي ككون عندو عام و4 اشهور

 

[manel 83]

macha allah rabi ychdolek wytwel fi 3omro
ana wlidi rah 3ndo doka 11 nchhar rah yhbi blor mazal maymchi
rana kif kif ana rani whdi rir m3a wlidi lhmdolilah ali rabi sbhano n3am 3lina bni3mat doria rana mtwnsin bihom alah la yhrem wahed manhom

 

[manel 83]

ma3liche nsaksik win raki 3aycha ana rani fi la suisse

 

[fatouma2012]

جمانة هادي القضية تاعك هي قضية فلسطين ساهلة ومعقدة ف نفس الوقت ،تعرفي أنا كون جيت في بلاصتك واش ندير ؟ نروح ديراكت الدارنا نسلم عليهم ندوش ، نبدل ملابسي ونروح أنا وماما ولا أختي .....لدار راجلي ،كون جاو ف مدينة أخرى معليش متروحيش عندهم لكن راكي تقولي ف نفس الحي صدقيني مشي جاية متروحيش عندهم راهم جيران ، وتخيلي ف هداك ال-0sboo3 لتفوتعيه ف داركم تخرجي ويشوفك أحد منهم ....... سلمي عليهم جمعي معاهم شوية على اتاي ولا قهوة وعطيهم هداياهم ، لازم تكوني كاتبة إسم كل واحد على هديته ، وروحi بعدها لداركم مرتاحة البال ومرضية غاع الاطراف وحتى هوما غادي يفهمو بلي راكي عاية ولازم تروحي الداركم لي راكي متوحشثهم و- راجلك كي يعرف بلي رحتي سلمتي على والديه صدقيني يفرح حتى كون هو يقولك روحي ديراكت الداركم ودارنا حتى نجي بصح كون تديري هاد eljest مليح ، وحتى كي تروحي الداركم ف هاداك الأسبوع حاولي تعرضي عجوزتك وأخوات راجلك العازبات إن وجدو على قهوة باه تتعرفي عليهم أكتر ومتجيكش صعيبة نهار لتروحي تقاعدي عندهم ، تنحي الجليد والمسافات وف نفس الوقت هوما يفرحوا بيك وميدعيرو والو في بالهم
وهاد الحل طبعا يعتمد على وقت الطايرة ،توسلي الصباح ولا ف ليل ....ولكان وصلتي ف ليل وقت متاخر ، باتي ف داركم وصباح ستيكي روحك مليح وكوافي وروحي psq غاع يبغو يشوفو العروسة الجديدة لكان جات عليها الغربة ولا لا ههههههه هههه

هادا هو الحل تاعي anaa وانتي وراسك ومشورت راجلك

 

[fatouma2012]

سلام سين ومنال وغاع البنات ، احنا تاني التلج راه داير حالة ، سمحولي غادي نروح نفطر راني صايمة .....قبل مننسا سيرين أكيد راكي تعطي الوالدك فيتامين د كل يوم لانو هنا لازم لنقص أشعة الشمس ، بغيت بارك نبهك إدا راكي تعتيهولة كاشيات بدلي وعطيه قطرات ف الحليب كل يوم قطرة لأنا الكاشيات فيهم جيلاتين الخنزيرالله يعافينا ويعافي ولادنا ، أنا سمعتها وكي سقسيت الطبيب أكدهالي

 

[manel 83]

syamek fi ljna okhti fatouma wsaha ftorek
ana tani rani n3ti lwlidi fitamin D wlktrat mlah y3tik asaha 3la nasiha malgri machi liya

 

[SONYA25]

صباح الخير ونهارك ازين

سلام سين ومنال وغاع البنات ، احنا تاني التلج راه داير حالة ، سمحولي غادي نروح نفطر راني صايمة .....قبل مننسا سيرين أكيد راكي تعطي الوالدك فيتامين د كل يوم لانو هنا لازم لنقص أشعة الشمس ، بغيت بارك نبهك إدا راكي تعتيهولة كاشيات بدلي وعطيه قطرات ف الحليب كل يوم قطرة لأنا الكاشيات فيهم جيلاتين الخنزيرالله يعافينا ويعافي ولادنا ، أنا سمعتها وكي سقسيت الطبيب أكدهالي

صح فطورك وربي يتقبل ان شاء الله ما تنسايناش بالدعااااااااااء

 

[أم أمين23]

tweheshtkoum lbnat,semhouli aala alghiba knt mrida hna elberd yktel wtelj dayer hala

بالشفا عليك حنونة راه بار تو الحال عاود دار احنا البرد برك نشوف الجبال الي مقابليني الجليدة بصح الثلج ما صبش صبت البارح النو كيلي ثلج بصح ما حكمش
والذراري راهم مراض من السمانة الي فاتت وراني بديت انا ثاني

 

[أم أمين23]

وااااااعععععععع لبنات زدتو حيرتونيييييي
مخرجتولي على راي وانا موقفي من موقف ام امين
الناس هادي لازم تقدر شعور البنت اول مرة نغيب على دارنا كيفاه ياربي نروح عندهم وانا قلبي محروق على يما وبابا ودارنا وبلاصتي القديمة
كيييفاه ولو جاو استقبلوني في المطار هادو والديا وقلبي محروق عليهم
ونقولكم الصح ارضاء الناس غاية لاتدرك ولو تقولولي يا سميرة وسيرين ماما تسامح مي العجوز تحكم في قلبها
مي انا نقولكم بلي امي عندها الحق عليا قبل اي واحد ونرضي والديا قبل كلشي
وكيما قالت ام امين ناس منعرفهمش سبحان الله نروح نبات عندهم منقدرش لازم زوجي هو لي يعرفني بماليه
ديري الكوراج وزيدي اهدري مع راجلك والا وقف معاك غير ما كان لاه تاخذي راي سميرة وسيرين راهم يخرطو عليك هههههههههههههه
وانا قلت منروحش حتان نهار يلحق هو يجي يديني من دارنا ونروحو ليهم
اما امين كي دخلتي اول مرة كشما دارولك بيت شيخك

ههههه هزولي العصا ههههه مادارولي والو جاو اداوني من دارنا رحت لدارهم وخلاص ما درارولي والو قبل ما نروح يبيومين عرضوني تعاشيت عندهم مي كي رجعت والو لا علاقة هوما بهاد الحوايج ما نعرف ما يعرفوش والا يتمهبلو خخخخ ولو انو عجوزتي قاتلي في العيد لخاطر العام الي هبطت فيه قعدت حتى العيد الصغير النهار لول عقبتو عندهم وكي جيت نروح لدارنا قاتلي نورمالمو ما تروحيش هي تجيبلك عيدك لول مع العلم هوما كي كنت مخطوبة وعاقدة ماشي خطوبة برك ماجابولي حتى عيد من العياد ولا حتى مناسبة من المناسبات

 

[أم أمين23]

راي فطوم مليح روحي سلمي عليهم وهوما اكيد على بالهم جاية ما على باليش انا النضام تاعكم كيفاش بصح كيما انا ما نروحش وحدي يعني هوما اجيو يدوني عيطتلي العجوز وقاتلي كي نكملو نجو ندوك وهاداك الي كان وقعدت في دارنا تقريبا 4 ايام وجاو داوني رحت عندهم ثاني ايامات ورجعت لدارنا وقعدت حتان لحق ابو امين وجا داني رحت زدت عندهم ايامات ووليت روحت لدارنا وكي ورح هو قعدت في دارنا تقريبا طول الوقت بصح في اخر سفرة قعدت برك شهر وكان معايا ما شبعتش خلاص بدارنا نهار نهارين ويجيني هيا لدارنا

 

[أم أمين23]

رانا كل هنا نعطو لولادنا فيتامين د راه ضروري يتمد ديما وانا ديما يعطوني قطرات يعني ما جربتش الحبوب
منال حنونة سامحيني راني شوي نتعب في قراية العربية الي بالفرنسي على بيها ممكن ما نركزش بزاف في واش تكتبي حنونة سامحيني

 

[manel 83]

Ma3lih okhti Ana ma3ndiche klavi bl3arbi domage

 

[sirin2013]

ma3liche nsaksik win raki 3aycha ana rani fi la suisse

ا
امين اجمعين ونشاء الله يرزق كل واحد بهاد النعمة ,معليش حنونة رانا خواة انا في للمان و بضبط في دروتموند

 

[sirin2013]

سلام سين ومنال وغاع البنات ، احنا تاني التلج راه داير حالة ، سمحولي غادي نروح نفطر راني صايمة .....قبل مننسا سيرين أكيد راكي تعطي الوالدك فيتامين د كل يوم لانو هنا لازم لنقص أشعة الشمس ، بغيت بارك نبهك إدا راكي تعتيهولة كاشيات بدلي وعطيه قطرات ف الحليب كل يوم قطرة لأنا الكاشيات فيهم جيلاتين الخنزيرالله يعافينا ويعافي ولادنا ، أنا سمعتها وكي سقسيت الطبيب أكدهالي

يما خلعتينني رني نعطيه كشيات كل يوم وحدا قلولي حتى يولي عندو عام زعما هومااااااا؟؟؟؟[/SIZE]وصحا فطورك ربي يتقبل حتى انا كنت صايما

 

[sirin2013]

لبنات حبيت نحكيلكم مشكل ونشاء الله تفيدوني
تراجعة شويا باه نحكي بصح قلت معليش راكم كخياتي ,تعرفة على وحدا عربية منقدرش نقول الجنسية باش منديرش مشكل نرمارمو تقدرو تعرفو, شكون المهيم ككنت نقرا تعرفة عليها تسكن قريبا عليا كنا نروحو ونجو مع بعض ونخرجو من داك بصح راجلي مكانش عاجبو الحال ويقولي منحبكش تعرفي نساء من هاد الجنسية ختر وعراة و......وهي لوحيدة لكانت مونستني يعني لكان نقطع العلاقة معاها نقعد وحدي المهم كل منتلقها ولا نخرج معاها نجي نصيب راجلي زعفان ونقول راهم الناس مش كامل كيف كيف وزين وشين في كل بلاسا يقلي قتلك متقطعيش معها بصح غير صحية يسلمك غير السلام متبقايش ترحلها و دجيك ,نقصة معاها بزاف ولاة غير هي دجيني حتى بطلة وكل متعيطلي تقلي وعلاه تبدلتي واش بناتنا انا حصلة حتى ولية نقولها لالا غير لهية مع الولد ومعنديش الوقت ,راني صح حاصلا بنها وبين راجلي والمشكل قاتلي نجي فالمولود نديره مع باعض ومعرفتش واش نجاوبها ولا واش ندير على هداك حبية ندي رايكم

 

[أم أمين23]

والله مشكل انت غالطة من الاول كون كيما قالك ما كان لاه تخالطيها جبدتي روحك ضرك عليك تبقاي في نفس السيستام تاع تجبدي روحك وعلى المولد اتحجي باي حاجة راجلك ما يحبش هاد المناسبات والا خارجة والا اي شيء لازم تنفذي واش قال راجلك من جيه اخرى لازم تفهمي علاش راجلك ما حبكش تكوني معاها اونكونتاكت وانت كي مالفة معها كاش شفتي عليها ؟؟؟ الا هي ناس ملاح حاولي تنحي الفكرة الغالطة عليها من راس راجلك انا صراتلي مع واحدة هكا بصح من بعد عادي ابو امين تنحاتلو هاديك النظرة كي صلحتلو واش كان هو حاط في بالو ولو انا ما نمشوش بزاف لبعض المكثر بالتيليفون برك