بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[lina-67]

عندك الصح ام الحلوين احنا في دارنا امي تاني ادير هكا بصح انا لا ما نحبش القاطو كي يطول نبغي نديرو و ناكلو ههه

 

[روعة انثى]

سلام روعة ان شاء الله تكوني بخير
يادرا كاش ما شريتي و خطيبك ماهوش جاي فاكونس راكي تحكي معاه
ربي يسهل امورك

سلام جهاد الحمدلله راني بخير
مازال مابديتش نشري خاطر ما نيش رايحة نكثر غير شوية شوية كي يقرب الوقت
خطيبي يجي في رمضان ان شاء
على بالك يا جهاد بخلافات مرحلة الخطوبة ما نيش باغية نحكي معاه بزاااااف
كرهت من تليفوناته وين راكي ؟ مع من رحتي ؟ ماكيش دايتها فيا ؟ ما علابالكش بيا ؟

 

[lina-67]

ههه ضحكتيني
عندك الصح ما تقويش الهدرة باش تقعدي عزيزة هدري غير المفيد
و كي يجي في رمضان رايحين تعقدو!

 

[روعة انثى]

ههه ضحكتيني
عندك الصح ما تقويش الهدرة باش تقعدي عزيزة هدري غير المفيد
و كي يجي في رمضان رايحين تعقدو!

بإذن الله في رمضان يجي باش نعقدو
الهدرة كون نصيب كي نحتاج حاجة نبعث مساج فالتليفون هههههههههههه

 

[lina-67]

ربي يسهل روعة و يسهلولك في لي بابيي ان شاء الله باش تجي بلخف:d

 

[روعة انثى]

ربي يسهل روعة و يسهلولك في لي بابيي ان شاء الله باش تجي بلخف:d

امين يا رب من فمك لربي صحيتي حنونة

 

[ام الحلوين]

عندك الصح ام الحلوين احنا في دارنا امي تاني ادير هكا بصح انا لا ما نحبش القاطو كي يطول نبغي نديرو و ناكلو ههه

ايه صح جهاد بصح انا ماكنتش نطول بزاف سمانة و لا 10 ايام سيرتو في الصيف نخاف ييبس و نمدو لخاوتي ياكلوه و نصنع 2 انواع جدد بسكو في البلاد يجو الضياف ماشي كيما هنا غير بالرونديفو .

 

[ام الحلوين]

بإذن الله في رمضان يجي باش نعقدو
الهدرة كون نصيب كي نحتاج حاجة نبعث مساج فالتليفون هههههههههههه

و الله فكرتيني يا روعة كي كنت مخطوبة انا تاني ماكنتش نحكي معاه بزاف حتى مدولي الفيزا و لا كل يوم في الليل يعيط و يصيبني راقدة حتى نوض الصباح نلقاي معيط 4 و لا 5 مرات كي نقول ليما تقولي يا بنتي شكارة الرقاد كيفاش البورتابل يصوني عند راسك ماتسمعيهش .
ربي يكملك و يفرحك ان شاء الله .

 

[أم أمين23]

سلام يا البنات والكعك جاك هايل ام الحلوين انا ما نديروش كيما الوصفة تاعك هاي ليك الوصفة تاعي:
4 بيضات + كاس سكر وفاني والا مبشور ليمون تخلطي باليد مليح حتى يدوب السكر زيدي كاس زيت بالشوي وتكملي تخدمي بيدك ومن بعد خلطي الليفور 2 والا مليحة الليفور واحدة تكفي مع كاس مايزينة ومن بعد تزيدي الفرنية بالشوي تلمي بيها حتى تولي العجينة تقدري تتحكمي فيها اعملي البراسليات ممكن تدهني بالبيض وترشي الجنجلان والا تمرمديها في السكر خشين وللفور 180 لمدة 15 د والا بعينك كي تشوفيه بدا يحمار شوي خلاص

 

[ام الحلوين]

سلام ام امين واش راكي نتي و لولاد و معاذ راه مليح ؟
و الكعك سير يجي خفيف بالمايزينة ،انا اول مرة نصنعو ان شاء الله نزيد نجرب طريقتك و ربي يخليك .

 

[أم أمين23]

مبروك تغيير الاسم لاليشكا هههه
الوصفات السريعة انا نموت عليهم كاين واحد درتو هنا سميتو حاضر باش اسهل حاجة ممكن تعمليها"
حاضر باش
وثاني الميلفاي مادام هنا تشري كل شيء واجد الكرام باتيسيار والبات فوييتي والي من فوق بالسكر برك وشوي ما وخلاص فيسع فيسع
وهاي ليكم الطمينة:

 

[أم أمين23]

هاد فديو درتها في الطريق لداري القديمة يعني من ترانتو نهار روحنا من دزاير شوفو معبيا غير بالجبال:

 

[lina-67]

ممممم هايلة الطمينة تشهي بصحتكم و القاطو هاذاك انا تاني نديرو احنا نقولولو السيقار

 

[أم أمين23]

وهادي الداخل في لافيل:

 

[lina-67]

ام امين هايلين لي فيديو عندكم جبال بزاف كيما المانيا تاني هاك جبال و غابات بصح هنا في فرنسا ماكاش بزاف

 

[lina-67]

هاي لبنات اللي تقدر تحط صور تاع دارها باش ندو ليزيدي من بعضانا ديكور ووو

 

[lina-67]

واش رايكم
اذا موافقين نروح نصور هههه

 

[أم أمين23]

انا نصورلك ان شاءا لله بصح ما عندي حتى ديكور يعني هكاك برك وكل مرة نبدل بجيه غير الشهرين الاخرين وين حبست التبدال كي ثقلت خلاص بصج ان شاء الله نصورلك ماشي اليوم بصح

 

[أم أمين23]

ام امين هايلين لي فيديو عندكم جبال بزاف كيما المانيا تاني هاك جبال و غابات بصح هنا في فرنسا ماكاش بزاف

ايه اصلا هاد المدينة عندها الحدود مع المانيا على بيها تشبهلها

 

[lina-67]

اوكي غدوة ان شاء الله نحطلكم تصاوري راني خارجة ندور شويه ههه