بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[روعة انثى]

ام امين ربي يعطيك وقفة ساهلة و تولدي بسلام و على خير
السنة ماكيش جاية للبلاد ؟؟؟؟؟ خاطر يكون المزيود صغير و إيلا جيتي تخافي تزيدي فالبلاد
بغيت نسقسيك على معاذ كي راه داير ريح شوية مع الدوا ؟؟؟؟؟

 

[ام الحلوين]

صباح النور لبنات و جمعة مباركة
lalichka راني جاوبت فطومة على السؤال لي كان في بالك ربي يخليك حنونة .
ام امين و سميرة و فطومة و روعة و رنيم و جهاد ان شاء الله تكونو بخير .
راني رايحة ندير الفطور .

 

[lina-67]

صباح النور و جمعة مباركة
راني لقيت قلب اللوز عند واحد تونسي البارح خرجت جبت انا والمخلوق
كنت معروضة البارح عند وحدة صاحبتي دارتلنا الباربيكيو المرقاز و قصرنا شوية نحيت على بالي
سلامي لبنات

 

[أم أمين23]

جوجو مالا لبستي انت ثاني البزة هههه
روعة ايه ما نيش هابطة على جال الورق مام انا تموتلي تاعي في اكتوبر على بيها ما نقدرش نهبط
الحمد الله راه خير اليوم ما ديتهمش للحضانة راهم في الدار زاد صب المطر قلتلهم اقعدو برك
جهاد بصحتكم العرضة والمزية الي لقيتي واش تحوسي

 

[أم أمين23]

عائشة حسان الله اعلم وكيما قالولك البنات راهم كيما يحبو انت اعملي الدوسي وربي يسهل ان شاء الله

 

[ام الحلوين]

جهاد بصحتك قلب اللوز و الخرجة تاع البارح و الله مليح الواحد يبدل شوية .
ام امين ربي يشفي معاد بوسيهلي هو و امين .
جهاد راكي تشربي فيتامينات و لا فليك اسيد ؟؟؟؟؟؟؟؟؟؟
و كلي العدس و البيطراف لان معظم الحوامل تحكمهم انيميا في الحمل ، انا في ولادي كانت عندي و هدي المرة مازال ماشفتش .
عائشة حسان واش راكي اختي لاباس ؟

 

[lina-67]

لا لا اسيد فوليك شربتو راه في وحد 6اشهر بصح ماعلاباليش اذا نعاود نشربو ولالا

 

[ام الحلوين]

لا لا اسيد فوليك شربتو راه في وحد 6اشهر بصح ماعلاباليش اذا نعاود نشربو ولالا

ايه تشربيه حتى يكمل تكوين الجنين ،و يشربوه قبل الحمل لانه يساعد على الحمل و الله اعلم .
انا من الشهر 1 راني نشرب فيه ، و سقسي الدكتورة تاعك .لانه فيتامينات تساعدك نتي و الجنين .

 

[أم أمين23]

انا حسب علمي الطبيبة هي الي تقر ام الحلوين والا تشربي من راسك
انا عطاتني فيتامين باطة فيها 90 كعبة من شهرين عطاتني تاع الحديد مالغري ما عنديش نقص فيه بصح انا شربتو في ولادي الاولين فقاتلي المرة هادي ثاني اشربيه وراني مرة نشرب ومرة ننساه

 

[ام الحلوين]

انا حسب علمي الطبيبة هي الي تقر ام الحلوين والا تشربي من راسك
انا عطاتني فيتامين باطة فيها 90 كعبة من شهرين عطاتني تاع الحديد مالغري ما عنديش نقص فيه بصح انا شربتو في ولادي الاولين فقاتلي المرة هادي ثاني اشربيه وراني مرة نشرب ومرة ننساه

ام امين مشكورة حبيبتي .
انا الدكتورة هي لي اعطاتهوني و قاتلي هدو فيتامينات و يساعدو المراة و الجنين و في ولادي 2 شربتهم من الشهر الثاني حتى الشهر 7 قاتلي الدكتورة تقدري تحبسيهم لان الجنين راه كامل و قاتلي ادا زدتي شربتيهم حتى الشهر 9 عادي .و حتى انا كنت نشرب لي فيهم 90 حبة و الان بدلت شريت واحد فيه 21 فيتامين و الدكتورة قاتلي هدا مليح لانه فيه بزاف حديد و قاتلي معظم الحوامل يكون عندهم انيميا.
و هدي المرة قاتلي الممرضة تقدري تشربي vitamin D لان الشمس قليلة في لندن و 90% من الناس يعانيو من نقص هدا الفيتامين و انا ماشربتهم لان الفليك اسيد فيه الفيتامين D و الحديد بزاف.
جهاد زيدي سقسي الدكتورة تاعك و ربي يثبتلك حملك .

 

[أم أمين23]

اوك جنونة المهم راي الطبيبة ديما خاصة في الحمل ما كانش لعب

 

[ام الحلوين]

ايه صح ام امين انسان عادي او الحامل لازم استشارة الطبيب ،و هنا في لندن مايمدوش الدوا الا للضرورة مرات نقول مليح بصح مرات نكره حياتي .
و كاين الدوا لي نجيبو معايا من البلاد بسكو هنا مايمدوش .

 

[أم أمين23]

لا لا احنا هنا يمدو كيما البلاد الدوا الي ما يدير والو كيما تاع السخانة والكحة والدياري والقي والكحة بصح باقيها لا لا بيلول حبوب منع الحمل وما يمدوهاش بلا طبيب

 

[ام الحلوين]

مليح ام امين حنا الطبيب و مايمدش و كان عندي مشكل مع بنتي تولي هي تبكي و انا نبكي و كل ما نديها للطبيب يقولي مديلها غير الما من بعد كي خفت عليها بزاف رجعتهالو و كدبت عليه باش مدلي دوا ربي يسامحني بسكو صحة بنتي ماشي حتى تضيع مني و نرجع نندم على هكدا راني نجيبلها الدوا من البلاد ، الطبيب يوصفهولي في لوردنونس و انا نشريه و نطلعو معايا .
الاخوات مابانوش اليوم انا راني نطيب في الكعك املا وجدو القهوة و دروك نخرج نجيب بنتي من المدرسة و نشربو مع بعض.
سلامي .

 

[أم أمين23]

انا ثاني كنت نعجن في الغرس وشوي وانوض ندير شوي طمينة تاعنا ماشي تاع العاصمة انا بصح نضيفكم غدوة لخاطر اليوم نستنى كعك ام الحلوين

 

[ام الحلوين]

تفضلو بصحتكم هذي اول مرة نخدم الكعك .
شوية محروق و شوية طايب نص طياب هههه.

 

[lina-67]

يعطيك الصحة ام الحلوين خرجلك هايل بصحتكم انا جامي سييتو اعطيني واش اديري فيه
ام امين بصحتك الطمينة
انا الفيتامينD اعطاتهولي الطبيبة قبل ما نحمل مع اسيد فوليك بصح دوك ماعلاباليش مازال الرونديفو تاعي مع GYNECOLOGUE
بصح كي رحت عند GENERALISTEعلى القيء حاشاكم ما قاتليش عليهم
نسنى الرونديفو و خلاص

 

[ام الحلوين]

الله يسلمك جهاد و المقادير و الله غير درت عيني ميزاني ههههههه .
و الفيتامينات استناي حتى تروحي للاخصائية و سقسيها .
نروح نصلي العصر .

 

[lina-67]

ربي يتقبل منا و منكم

 

[SAMIRA25]

ام الحلوين كعك رائع بصحتك حنونة