بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
جهاد حنونة ما عنديش تجربة مي المخلوق لازم يتحمل على جال الدراري ويساعفك و يشريلك واش تتشاهاي
زيدي تفشي عليه باش تجيبي ولي العهد ههههههه
ربي يشافيك و يثبت حملك و يفوتو هادو الاشهر بخير و تيزيدي بسلام
 
قال djihad-17:
صباح الخير عليكم لبنات واش راكم
حبيت نسقسيقكم الوحم تتشهاي حاجة وحدة ولا كل مرة حاجة انا كل يوم تجي في بالي حاجة كيفاش نفرق بلي وحم و لا غير هاك مخوق هبلتو كل يوم نقولو جيب حاجةومارانيش نحمل الجاج و المراقي
ربي يخليكم
إضغط للتوسيع...
ايه راه يتبدل كل مرة تجي في بالك حاجة قلو برك يصبر وخلاص فترة وتعدي
 
قال ام الحلوين:
ام امين شفتي لهجتنا كيفاش .
في اي اسبوع عملتي ايكو باش عرفتي جنس الجنين ؟
إضغط للتوسيع...
ماشفيتش بصح في الايكو الثانية يخي هوما ثلاثة في الثانية يمكن الاسبوع 18 او 19
 
هاي ليكم الوصفة
4 كيلات فرين +كيلة زبدة وكيلة ماء وزهر بصح في الاول تخلطي الزبدة والفرينة ومن بعد الزهر والماء تزيدي بالشوي وتشوفي لخاطر على حساب الفرينة ماشي تصبيها كاملة ومن بعد تحصلي مون تكون ما تشربش وتخليها ترتاح ومن بعد تخدمي الكريات تاعك وزيدي خليهم يرتاحو ومن بعد قرصي وخلاص
للداخل 3 كيلات واش حبيت لوز كوكاو جوز فستق خالوطة مرحي متوسط الا اللوز على بالكم ياك بيدك برك والا اللقراص وهو سخون لخاطر ما يترحاش والا يولي زيت مع كيلة سكر والماء بعينك ما تجريها ما تخليها شايحة تكون مليحة برك حبر ما تقدري تمديها فوق العجين
 
سميرة اهلا حنونة نورتي واش بيك متعاركة معايا ان نصقصي فيك وين الغيبة وانت مطنشتني هههه
 
صباح الخير على وجوه الخير
روعة واش راكي حنونة راني جاوبتك في تحت المجهر ربي يخليك و يحققلك واش في بالك .
جهاد ربي يكملك حملك و عادي حبيبتي تشهاي كلشي و لو حاجة ماكنتيش تحبيها تولي تشهايها .
سميرة واش راهي لعروسة تاعك ؟
ام امين مشكورة حبيبتي على الوصفة و حنا ادا كان الحمل طبيعي نديرو ايكو 2 مرات فقط في الاسبوع 13 و 22 انا في جوان ان شاء الله نعرف و مرات نقول نخليها مفاجاة بصح ولادي مهبليني يظلو يسقسو امي واش عندك .
رنيم مابانتش اليوم سير راهي دير في الكراتي مع ولادها و شغل الدار .
lalichka تاني ماجاتش اليوم .
لبنات انا نخليكم نروح نوجد الفطور و نخمل الدار و نجيب الولد من المدرسة نفطرو و نديه عند جارتي و يجي الزين يديني للمستشفى عندي موعد اليوم غير visit و غير نجي نجيب بنتي من المدرسة و نديها لطبيب الاسنان و كي نرجع ان شاء الله نحكي معاكم .
تحياتي للغايبات فطومة و بيونة و سيرين هذا ماتفكرت اذا نسيت وحدة تسمحلي .
يلا سلام العشية ان شاء الله .
 
ام الحلوين ربي يعينك اقض شغالاتك
و اخرجي بدلي جو
راني حاسة روحي لمبة شعلت على الاسئلة نخليك تريحي شوية :bravo01:
 
قال روعة انثى:
فطومة اديتي سلسلة وحدة و قورمات و خاتم يعني هادو اللي دايرتهم كل يوم
إضغط للتوسيع...

سلام عليكم واه روعة هادة مجبت معايا ومنديرهمش كل يوم مع أني نبغي الدهب بصح يدرنجيني ونضايق به وأغلب الاوقات ماندير والو سرتو فالكزينة ، وشكرا على سؤال عليا وعلى سرسورة ف ركن مغترب تحت المجهر ، سمحولي البنات منقدرش نتواصل هاد الايام راني مريضة سلامي لكم جميعا
جهاد الحمل ca va ؟ منبعد نتواصلو نشالله
 
قال ام الحلوين:
صباح الخير على وجوه الخير

رنيم مابانتش اليوم سير راهي دير في الكراتي مع ولادها و شغل الدار .
إضغط للتوسيع...

هههههههههه و الله ضحكتيني صباح النور و الفل و الياااااسمين يا لالا
انا راني مع البسبوسه و زيد اليوم ما يقراوش الدراري خرجنا نخدموا الجاغدان هههه very busy شفتي
 
ربي اسهل ام الحلوين وان شاءا لله خير
فطوم بالشفا عليك حبوبة ما اتعبيش روحك وقت ما تقدري وتشوفي روحك مليحة طلي
 
فطومة بالشفاء عليك اختي
رنيم بصحتك البسبوسة انا راني حابة قلب اللوز قلت للمخلوق يروح يشريلي منعرف اذا يلقى باسكو هنا يديروه غير في رمضان
 
مساء الانوار يا حلوين
راني رجعت لداري .
فطومة ربي يشفيك
رنيم ربي معاك و بوسيلي لوليدات
روعة نتي النور كله .
ام امين و سميرة واش راكي اليوم؟
جهاد خسارة حنونة كون راكي حدايا مانخلي والو في قلبك بصح ادا مالقيتيش قلب اللوز طيبي البسبوسة وانويها قلب اللوز .
سلامي لكن .
 
السلام عليكم اخواتي ادا ممكن حبيت ننا حابة ندير فيزا سياحية لفرنسا ونروح لثما
هل يقبلو انه عمة ابي هي تبعثلي
Hébergement
؟؟؟؟؟؟ ويوافقوا ويعطوني الفيزاااا

لا تبخلو علي بردكم ادا علابالكم
 
يا اختي واش نقولك انتي و زهرك سيي و شوفي انا اختي بعثتلها و ما اعطاوهاش كيما يحبو هوما
 
قال عائشة حسان:
السلام عليكم اخواتي ادا ممكن حبيت ننا حابة ندير فيزا سياحية لفرنسا ونروح لثما
هل يقبلو انه عمة ابي هي تبعثلي
Hébergement
؟؟؟؟؟؟ ويوافقوا ويعطوني الفيزاااا

لا تبخلو علي بردكم ادا علابالكم
إضغط للتوسيع...
سلام اختي
اظن اذا كان نفس اللقب مايصعبوش بزاف و الله اعلم و كيما قالت جهاد كيما يحبو هما .
ربي يوفقك ان شاء الله و يسهلك امورك اختي .
 
عائشة اختي انا مانيش مغتربة حنونة مي توكلي على ربي ديري الدوسي و ادعي ربي سبحانو يقبلوه
خاطر انتي و الزهر ربي يسهلك امورك و مرسي على الدعوة اختي
 
سلامو البنات ان شاء الله كامل لاباس
فطومه طهور ان شاء الله وعجبني سؤالك لام الحلوين على الزين والله كانت في بالي ههههه
وجهاد ربي يعينك حببتي على الوحام والله علاهادي محبيتش نهز الكرش وانا هنا خفت نتوحم على ماكلة البلاد وكيفاه حاندير
ام الحلوين راني قريت واش فاتني متهليين البنات الله يبارك والله انا اليوم مقعدتش جبتو البرا
عيد النصر هنا في روسيا الاحتفالات مخلاوش والاجواء البره مبهجه والناس كامل لابسا لاتوني تاع العسكر
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top