بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

ايه يسكن عند جامع بن حليمة على الطريق عند لاري الرحا
مازال ما عرفتش بالضبط

شوفي كي تولي جاية من البلاد و تفوتي على لاسيتي عروج و جي عند جدك ربي يحفظو ، دوري على جهة اليسار و كاينة وحدة تخدم القاطو تما معروفة و تلقاي الصياغ شوية تحت .

 

[روعة انثى]

شوفي كي تولي جاية من البلاد و تفوتي على لاسيتي عروج و جي عند جدك ربي يحفظو ، دوري على جهة اليسار و كاينة وحدة تخدم القاطو تما معروفة و تلقاي الصياغ شوية تحت .

قصدك ندور على جهة اليسار زعمة الطريق اللي تدي لتحت الساقية ؟؟؟؟؟؟؟؟؟؟
زعمة الطريق اللي شوية كبيرة و تخرج فالبلاد عند القناطر
راني عارفة بلي مانوصلش لتمة بصح هاديك هي الطريق بصح انا نمشي بلاك 50 و لا 100 متر منها برك
راني شايفة تماك وحدة تبيع القاطو و سمعت عليها و شفت من تمة الصياغين بصح اكزاكت شكون خايفة نغلط
املا نروح تمة و نسقسي محمد و لا يوسف الصياغ ؟؟؟ هكدا و هوما يورهلي ؟؟؟
و يلا حبيتي بعيثلي اسمو كامل على الخاص

 

[ام الحلوين]

قصدك ندور على جهة اليسار زعمة الطريق اللي تدي لتحت الساقية ؟؟؟؟؟؟؟؟؟؟
زعمة الطريق اللي شوية كبيرة و تخرج فالبلاد عند القناطر
راني عارفة بلي مانوصلش لتمة بصح هاديك هي الطريق بصح انا نمشي بلاك 50 و لا 100 متر منها برك
راني شايفة تماك وحدة تبيع القاطو و سمعت عليها و شفت من تمة الصياغين بصح اكزاكت شكون خايفة نغلط
املا نروح تمة و نسقسي محمد و لا يوسف الصياغ ؟؟؟ هكدا و هوما يورهلي ؟؟؟
و يلا حبيتي بعيثلي اسمو كامل على الخاص

برافو عليك راكي عرفتي
ايه ماتوصليش للقناطر كي دوري تمشي 5 د و تلقاي 2 و الثالث تمشي 2د و دوري على اليمين تلقايه ،و تلقاي يما ناشرة اللحوف في البالكون .هههههههههه.

 

[SAMIRA25]

مساء النور عليكم جميعا
راني نراجع واش فاتني و نولي ليكم:d

 

[ام الحلوين]

مساء النور عليكم جميعا
راني نراجع واش فاتني و نولي ليكم:d

مرحبا بيك
ماتنسايش جوزي عليا راني تحت المجهر.:p

 

[روعة انثى]

برافو عليك راكي عرفتي
ايه ماتوصليش للقناطر كي دوري تمشي 5 د و تلقاي 2 و الثالث تمشي 2د و دوري على اليمين تلقايه ،و تلقاي يما ناشرة اللحوف في البالكون .هههههههههه.

ايا مليح راني عرفت البلاصة :yahoo01:
و يماك راكي تحكي معاها و لا نوصل لها السلام :graduation:
نروح للصياغ و نشوف البلاصة اللي لعبتي فيها لامارين و الكاش كاش :p

 

[ام الحلوين]

روحي يا روعة و وصلي السلام و بلاك تلقاي اختي تلعب تما باش تتخيليني انا .
لبنات انا راني خارجة نجيب بنتي من المدرسة و نديها مع خوها للابيسين و نتلقاو العشية ان شاء الله .
سلام للحاضرات و الغايبات و لي راهم تحت يطلو من التواقي .

 

[روعة انثى]

صحيتي ام الحلوين القصرة حلوة تاع اليوم كيما انتي :d
ربي يحفظك و يحفظلك الزين و وليداتك

 

[مريومةمم]

ياهلالالالالالالالالالالالالالا بالحلوين ان شاء الله نهااااااااااركم مليح؟

 

[ام الحلوين]

ياهلالالالالالالالالالالالالالا بالحلوين ان شاء الله نهااااااااااركم مليح؟

الحمد لله يا رب واش راكي نتيا ؟
روعة تعيشي حنونة ،راني ديت وليدات عامو شوية و رجعت.

 

[أم أمين23]

ام امين انتي راكي فالطاليان بلاك ما عندكمش لكن في فرنسا و بلجيكا كيما قالت الاخت رنيم كاين
راني نسقسي كل وحدة على حساب ما شافت كي تروح تشري
و رانا مقصرين ما فيها والو ما تتقلقيش اختي مني كل شي يفوت بالعقل

ما فهمتش علاش راح نتقلق باين فيك ما تعرفيش التمسخير وباين انت الي زعفتي ماشي انا انا ما نتقلقش من والو وخاصة النت احنا قاعدين مقصرين واشنو الي راح يقلقنيو راني قتلك قبل انا ما نقلقش من عباد ما نعرفهمش غير من النت مهبولة باش نتقلق والا نزعف من الهدرة في الخيوط هههههههههههه

 

[أم أمين23]

ما تتقلقيش يا ام امين تمنيت تكبري خاطرك اكثر من هاك بصح معليش

واشنو يا روعة ضرك حابة تقلقيني بالسيف تحبي نحلفلك ضرك والا كيفاش يا بنتي واشنو الي اقلق وواشنو الي في كلامي يبين بلي انا مقلقة راني نقصر برك معاك والا فهمتي بلي ضاق خارطي اسمحيلي واخر مرة نتمسخر معاك يا اختي

 

[رنيم الغربه]

رنيم العبايات تقصدي الملايات ؟؟؟؟
اسمحيلي رنيم راني حاسة روحي هبلتك ههههههه :-r بصح معليش رانا مقصرين
ام الحلوين زيدي وصفيلي الصياغين اكثر باش نعرفهم صحا اختي

هههههه خسارة عليك ياك قتلك خدي راحتك اللي تقيله عليك خفيفه على اختك ما تخميش ايه هما لملايات انا نقوللهم عبايه ههههه:p

 

[أم أمين23]

ام الحلوين ان شاء الله نحطهالي اسمحيلي برك ضرك ومن بعد نجبد كراستي لخاطر العشية كنت عند الطبيب ديت معاذ وما لحقتش نجبدو وضرك راني داخلة قبل ما يجي المخلوق مانيش حابة نضيغ وقت في التفركيت بصح وعد غدوة ان شاء الله اول ما ندخل نكتبهالك

 

[أم أمين23]

اهلا سميرة منورة حنونة وين كنتي هاد ان شاءا لله برك خير من البارح ما طلتيش وان شاء الله لحقتي تقراي واش كان واش ماكانش ؟؟؟

 

[ام الحلوين]

ام امين غير الخير رحتي للطبيب نتي و لا معاد ؟ و تولدي في رمضان ؟
و خدي راحتك حنونة في الوصفة مرانيش رايحة نطيبو هاد السمانة .الميكسور نتاع الكوكاو خسرلي .حتى نشري واحد باش نطيب ان شاء الله .

 

[أم أمين23]

ما على باليش انتو واش قصدكم بصجا حنا الملاية هاد هي:

وهادي العباية تجي محلولة ونلبسوها برك في العراس من فوق كي تجي رايحة والا مروحة من العرس :

وهادي القشبية :
ديما كحلة ومزينة ممكن وممكن سامبل ما فيها والو واكون بالقفال والا السكراتش :

 

[أم أمين23]

ام امين غير الخير رحتي للطبيب نتي و لا معاد ؟ و تولدي في رمضان ؟
و خدي راحتك حنونة في الوصفة مرانيش رايحة نطيبو هاد السمانة .الميكسور نتاع الكوكاو خسرلي .حتى نشري واحد باش نطيب ان شاء الله .

ان شاء الله حنونة
لا لا معاذ ما حبش يرتاح من قراجمو
ايه انا نولد في رمضان ان شاء الله قالولي في 18 جويلية ان شاء الله يعني نكونو سمنا تقريبا 10 او تسع ايام على حساب انو رمضان بكون 9 او 10 جويلية

 

[أم أمين23]

نسيت نرحب بمريومة اهلا حنونة منورة الطلة علينا

 

[ام الحلوين]

ام امين ربي يشفيه و مايشوف شر ان شاء الله و ربي يعطيك وقفة ساهلة .
الملاية هي النوع الاخير لي يجي قماشها خفيف و نلبسوها في لعراس و حنا في الشلف كاين لي يلبسوها في الخرجات بصح لي تكون سامبل ماشي المزوقين بزاف .و الجلابة هي لي كيما تاع المغاربة .
كلنا جزائريين لكن التسميات تختلف .