بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[joumane]

ام امين بصحتك ليكروفات وكيما قلتي اقليهم مع حوالح وزيديلهم صوص تومات مع فريت حاجه مليحه
انا الحق منحبهمش مقليين هكاك نحبهم مع الروز ونحب الصغار برك الكبار جامي طيبتهم

 

[روعة انثى]

عندك الصح ام امين ممكن ما نجيش بعد عامين و نحتاج باش نبدل الحمدلله اقتنعت بلي ندي 10 حجابات و بلاك اكثر مع الملايات وحدة و لا زوج

أمين يا رب العالمين رنيم حبيبتي الله يسلمك اختي
رنومة ساعفي الاولاد واش تديري ما تعبيش روحك بزاف غير بالشوية بالشوية و يكبرو و تتهناي
واش تقصدي رنيم بديال المغاربة تقصدي الجلابات ؟؟؟ هناايا كاين بزاف ديال لمغاربه و تراكا مي اللي تلبسوهم في لبلاد ناقصين مي لعبايات اين يهبلووووا
قلتي لعبايات يهبلواااا و اش تقصدي زعمة كاين كيما تاع البلاد و لا تاع المراركا و التراكا ؟ كيفاش دايريين هاد العبايات ؟
انا نحب ليشال و الخمارات السامبل ما نحبش المزركشي مزية كي كاين تماك

 

[joumane]

بيونه والله ربي يعينك وتحيري بلي كاين ناس وقحين لهاد الدرجه
والله تخافي تروحي ليها وتحاوزك ناس كيما هادو توقعي منهم كلشي
ام الحلوين والله مام انا عندي خويا في باري ومزوج مروكيه والله تضل تعرض فيا وكنت حنهبط المره هادي عندهم مي جاوها والديها قلت منكثرش عليهم

 

[أم أمين23]

ام امين بصحتك ليكروفات وكيما قلتي اقليهم مع حوالح وزيديلهم صوص تومات مع فريت حاجه مليحه
انا الحق منحبهمش مقليين هكاك نحبهم مع الروز ونحب الصغار برك الكبار جامي طيبتهم

راهم الكبار حنونة الصغار ماشي مشكل مالفة نعملهم اما هادو اول مرة نشريهم على بيها حايرة فيهم ههههه

 

[أم أمين23]

ام الحلوين سمعتك تهدري على البقلاوة بو قريت ماشي سمعت ههه
وقلتي ما تصلحلكش انا عندي وصفة هايلة جربتها اول مرة هنا وصلحتلي على الكيف من بعد والا غدوة نجبد كراستي ونعطيهالك وجربيها ان شاءا لله لو وانو راكي مع الحمل ما يظهرليش تقدري والا عادي؟؟؟؟

 

[أم أمين23]

هكاك روعة اسمعي الكلام يا الفحلة قاتلك زوج حجابا تقاتلك هههه ماشي قلنالك ما تكثريش خلاص ولى كل شيء لا انت وميزك :$

 

[أم أمين23]

شاركينا يا minoucha anoucha
رالا راكي تقراي السح منورة اخيتي

حالياً الأعضاء النشيطين الذين يشاهدون هذا الموضوع : 5 (4 عضو و 1 ضيف) ‏أم أمين23, ‏روعة انثى, ‏ام الحلوين, ‏minoucha anoucha

 

[روعة انثى]

ام امين انتي راكي فالطاليان بلاك ما عندكمش لكن في فرنسا و بلجيكا كيما قالت الاخت رنيم كاين
راني نسقسي كل وحدة على حساب ما شافت كي تروح تشري
و رانا مقصرين ما فيها والو ما تتقلقيش اختي مني كل شي يفوت بالعقل

 

[ام الحلوين]

سلام حبيباتي
رحت جبت وليدي من المدرسة و فطرتو و جيت نشوفكم
lalichka بصحتك الفطور انا البارح جا الزين يفطر قتلو طيبت الزيتون و بنين (زعما نشكر في روحي )قالي كون عرفتك مطيبة الزيتون كون فطرت برا و انا شعري وقف رحت طيبتلو بيض بالطوماطيش و سلاطة و حطيت التون بالطماطم و غير شافني حطيت كلشي قالي حطيلي الزيتون قتلو لالا علاه قلت مانحبوش من بعد حطيتلو كمل طبسي .
روعة الصياغ كاين عند الهبطة تاع الرحا كاين محمد و كاين يوسف و واحد فتح جديد منعرفش اسمو .و كامل يبيعو رخيص على البلاد .
رنيم ربي يصبرك حنونة هدو هما لولاد .
ام امين من بعد مديلي الوصفة راني الحمد لله مرات حتى ننسى بلي راني حاملة ،غير الجاج مرانيش نحبو بزاف بصح عادي .
نروح نصلي الظهر و نجي .

 

[روعة انثى]

هكاك روعة اسمعي الكلام يا الفحلة قاتلك زوج حجابا ت قاتلك هههه ماشي قلنالك ما تكثريش خلاص ولى كل شيء لا انت وميزك :$

ما تتقلقيش يا ام امين تمنيت تكبري خاطرك اكثر من هاك بصح معليش

 

[رنيم الغربه]

عندك الصح ام امين ممكن ما نجيش بعد عامين و نحتاج باش نبدل الحمدلله اقتنعت بلي ندي 10 حجابات و بلاك اكثر مع الملايات وحدة و لا زوج

أمين يا رب العالمين رنيم حبيبتي الله يسلمك اختي
رنومة ساعفي الاولاد واش تديري ما تعبيش روحك بزاف غير بالشوية بالشوية و يكبرو و تتهناي
واش تقصدي رنيم بديال المغاربة تقصدي الجلابات ؟؟؟ هناايا كاين بزاف ديال لمغاربه و تراكا مي اللي تلبسوهم في لبلاد ناقصين مي لعبايات اين يهبلووووا
قلتي لعبايات يهبلواااا و اش تقصدي زعمة كاين كيما تاع البلاد و لا تاع المراركا و التراكا ؟ كيفاش دايريين هاد العبايات ؟
انا نحب ليشال و الخمارات السامبل ما نحبش المزركشي مزية كي كاين تماك

يااختي راني نساااعف ما صبتش اللي يساعفني هههههه
شوفي ديال لمغاربه هوما الجلابيات صح ياااااي يهبلوووووووا مي ما يحبش راجلي يخليني نلبسهم يكرهم مي انا يعجبوووووووني فور
و العبايات كيما ديال الخليجيين رووووعه انتي و دراهمك مي رووووعه و التراكا يلبسوا كيما ليمونتو طواااااال مي قماش تاني شابين قالولي راهم يلبسووهم في لبلاد مي انا ما شفتش عندي عامين ما نزلتش للبلاد
و ليشال كاينين بززززاف مي الخمارات ما نعرف جامي شفتهم وو ما كاش كيما السامبل:up:

 

[روعة انثى]

سلام
روعة الصياغ كاين عند الهبطة تاع الرحا كاين محمد و كاين يوسف و واحد فتح جديد منعرفش اسمو .و كامل يبيعو رخيص على البلاد .

ام الحلوين هكدا ما نقدرش نعرفو و صفيلي البلاصة نيشان و لا قوليلي اسمو كامل

 

[رنيم الغربه]

سلام حبيباتي
رحت جبت وليدي من المدرسة و فطرتو و جيت نشوفكم
lalichka بصحتك الفطور انا البارح جا الزين يفطر قتلو طيبت الزيتون و بنين (زعما نشكر في روحي )قالي كون عرفتك مطيبة الزيتون كون فطرت برا و انا شعري وقف رحت طيبتلو بيض بالطوماطيش و سلاطة و حطيت التون بالطماطم و غير شافني حطيت كلشي قالي حطيلي الزيتون قتلو لالا علاه قلت مانحبوش من بعد حطيتلو كمل طبسي .
روعة الصياغ كاين عند الهبطة تاع الرحا كاين محمد و كاين يوسف و واحد فتح جديد منعرفش اسمو .و كامل يبيعو رخيص على البلاد .
رنيم ربي يصبرك حنونة هدو هما لولاد .
ام امين من بعد مديلي الوصفة راني الحمد لله مرات حتى ننسى بلي راني حاملة ،غير الجاج مرانيش نحبو بزاف بصح عادي .
نروح نصلي الظهر و نجي .

بصحتكم اختي حتى انا جبتهم اليوم نص نهار عندنا ميرسي على الدعوى
​

 

[روعة انثى]

يااختي راني نساااعف ما صبتش اللي يساعفني هههههه
شوفي ديال لمغاربه هوما الجلابيات صح ياااااي يهبلوووووووا مي ما يحبش راجلي يخليني نلبسهم يكرهم مي انا يعجبوووووووني فور
و العبايات كيما ديال الخليجيين رووووعه انتي و دراهمك مي رووووعه و التراكا يلبسوا كيما ليمونتو طواااااال مي قماش تاني شابين قالولي راهم يلبسووهم في لبلاد مي انا ما شفتش عندي عامين ما نزلتش للبلاد
و ليشال كاينين بززززاف مي الخمارات ما نعرف جامي شفتهم وو ما كاش كيما السامبل:up:

يعطيك الصحة رنيم هونتي عليا انا ندير ليشال ما نديرش خمارات جات فالكتيبة برك
صح هنا فالبلاد راحت لبسة سوريا و راهم يلبسو غير من الترك مام راهم يستودو من الترك هادوك اللي قلتي عليهم كيما ليمونتو طواااااااااال مي قماش راهم يلبسوهم تاني هنا و شابين تاني

و العبايات تاع الخليجيين زعما كاين السامبل تماك ؟؟؟؟؟؟؟
الجلابيات تاع المغاربة انا تاني ما نلبسهمش حنونة يجو مزوقين و مفتوحين من تحت ما يجونيش نديريهم حجاب

 

[روعة انثى]

يااختي راني نساااعف ما صبتش اللي يساعفني ههههه

رنيم حنونة انتي راكي ام و الجنة تحت اقدام الامهات ربي يعوضك صبرك و تعبك الجنة ان شاء الله و زيد ضحكة من عند واحد من اولادك و لا كلمة ماما برك من فمو تنسيك تعب الدنيا كامل
ربي يخليهم لك و يجعلهم ذرية صالحة

 

[ام الحلوين]

ام الحلوين هكدا ما نقدرش نعرفو و صفيلي البلاصة نيشان و لا قوليلي اسمو كامل

شوفي حبيبتي روحي للرحا واهبطي و تسقسي اي واحد يقلك وين جاي و مقابلو واحد يبيه الفراش تاني رخيص على البلاد اذا ماعرفتيش البلاصة نزيد نشرحلك.
جدك وين يسكن بالضبط ؟عند جامع بن حليمة ؟

 

[روعة انثى]

شوفي حبيبتي روحي للرحا واهبطي و تسقسي اي واحد يقلك وين جاي و مقابلو واحد يبيه الفراش تاني رخيص على البلاد اذا ماعرفتيش البلاصة نزيد نشرحلك.
جدك وين يسكن بالضبط ؟عند جامع بن حليمة ؟

ايه يسكن عند جامع بن حليمة على الطريق عند لاري الرحا
مازال ما عرفتش بالضبط

 

[رنيم الغربه]

يعطيك الصحة رنيم هونتي عليا انا ندير ليشال ما نديرش خمارات جات فالكتيبة برك
صح هنا فالبلاد راحت لبسة سوريا و راهم يلبسو غير من الترك مام راهم يستودو من الترك هادوك اللي قلتي عليهم كيما ليمونتو طواااااااااال مي قماش راهم يلبسوهم تاني هنا و شابين تاني

و العبايات تاع الخليجيين زعما كاين السامبل تماك ؟؟؟؟؟؟؟
الجلابيات تاع المغاربة انا تاني ما نلبسهمش حنونة يجو مزوقين و مفتوحين من تحت ما يجونيش نديريهم حجاب

ايه قالولي نسا خاوتي عليهم حتى انا يعجبوني مستورين
شوفي العبايات اللي كاينين اصلاااا سامبل ههههه ماكاش هدوك الشابيييييييين ديال المناسبات مي هايلين للخرجه هادو اللي كاين و الجلابات يعجبوووني هههههه:d

 

[روعة انثى]

ايه قالولي نسا خاوتي عليهم حتى انا يعجبوني مستورين
شوفي العبايات اللي كاينين اصلاااا سامبل ههههه ماكاش هدوك الشابيييييييين ديال المناسبات مي هايلين للخرجه هادو اللي كاين و الجلابات يعجبوووني هههههه:d

رنيم العبايات تقصدي الملايات ؟؟؟؟
اسمحيلي رنيم راني حاسة روحي هبلتك ههههههه :-r بصح معليش رانا مقصرين
ام الحلوين زيدي وصفيلي الصياغين اكثر باش نعرفهم صحا اختي

 

[رنيم الغربه]

رنيم حنونة انتي راكي ام و الجنة تحت اقدام الامهات ربي يعوضك صبرك و تعبك الجنة ان شاء الله و زيد ضحكة من عند واحد من اولادك و لا كلمة ماما برك من فمو تنسيك تعب الدنيا كامل
ربي يخليهم لك و يجعلهم ذرية صالحة

امييييييييين يا رب شكرا حبيبتي و الله عندك الحق مي مرات نكره كل شي خاصه مع الغربه و الوحده بزاااااف كرهت مي كي نشوفهم فرحانين و يضحكوا و الله ننسى كل شي
الله يرزقك انتي تاني و تفرحي بيهم يا رب