بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

سلام بنات
جمان الانسان يتوقع كلش و الحمد لله على سلامتك .
جهاد ربي يكملك حنونة و دروك تريحي من الوحم انا هاد المرة عييت من الاسبوع 5 حتى الاسبوع 13 و من بعد ريحت الحمد لله مرات حتى ننسا بلي راني حاملة نهبط نجري في الدرج و كل وحدة كيفاش يفوت وحمها.
ام امين واش راكي نتي و لولاد
روعة و رنيم و سميرة و ايمان و مريومة مبانوش اليوم .
انا خرجت الصباح جبت وليدي فطرتو و خرجت باش نخرج التصاور تاعو بسكو نستحقهم كي رحت مالقيتش عمي الصوار املا قضيت غير ماكلة للدار و غير دروك جيت و شوية و نخرج نجيب بنتي .

 

[SAMIRA25]

السلام عليكم واش احوالكم ان شاء الله راكم بخير

 

[SAMIRA25]

 

[SAMIRA25]

الحمد لله كي جاتك سلمات ربي يحفظك جمانة و ما تشوفي شر
بصح و الله غير ضحكت اسمحيلي سيرتو تاع تتحكاي مع ام الحلوين على التابل​

 

[SAMIRA25]

Salam lbnaat bghiit bark n9 oulkom dyaarkom chaabiin Allah ybaarak, ana maniich lahya had les jours rana f la swiss vacances 10 ayaam jinaa elbaara7 , rabbi ya7fad kol wa7da fikom , samira sursoira rahi tdour kima els3a

فطومة بصحتك اختي التحويسة ربي يهنيك و بنيتك ما كيش دايرتلها المشاية؟؟؟
راهي مليحة تساعدها على المشي​

 

[SAMIRA25]

جمانة انت حاطتني تحت المجهر و انا راني هنا نسوج​

 

[رنيم الغربه]

ربي يبارك راكي والفتي الغربة

الله يسلمك ايه والفتها دوك وليت كي ننزل للبلاد نحب نرجع نحس تما بالغربه هههه

 

[رنيم الغربه]

رنيم اعطيك الثحة على الاكلار انا ما عنديش الصراحة طولة بال نعملهم انا نحب الحاجة الساهلة ههههه

الله يسلمك حبيبتي انا عكسك نحب نخلط ههههه:d

 

[رنيم الغربه]

جومان حبيبتي الحمد لله على سلامتك و الله خوفتيني عينيا دمعوا الله يجيب الخير برك و اتصدقي كي خرجتلك سلامات

 

[ام الحلوين]

بنات راني رجعت واش راكم ؟
سميرة المناظر ماشاء الله هايلة و نقية بزاف بزاف ،بصح علاه الجزائر ماتكونش تقية هكدا ؟؟؟؟

 

[رنيم الغربه]

سلام بنات
جمان الانسان يتوقع كلش و الحمد لله على سلامتك .
جهاد ربي يكملك حنونة و دروك تريحي من الوحم انا هاد المرة عييت من الاسبوع 5 حتى الاسبوع 13 و من بعد ريحت الحمد لله مرات حتى ننسا بلي راني حاملة نهبط نجري في الدرج و كل وحدة كيفاش يفوت وحمها.
ام امين واش راكي نتي و لولاد
روعة و رنيم و سميرة و ايمان و مريومة مبانوش اليوم .
انا خرجت الصباح جبت وليدي فطرتو و خرجت باش نخرج التصاور تاعو بسكو نستحقهم كي رحت مالقيتش عمي الصوار املا قضيت غير ماكلة للدار و غير دروك جيت و شوية و نخرج نجيب بنتي .

سلام ختيتي راني هنا ههههه اليوم كان طويييييل و عييت بزاف نضت على 4 مع راجلي و كي خرج رحت سيقت الدار و خملتها مليح و طيبت لغدا و وجدت السندويش للولاد و اديتهم الليكول و انا رحت الاصال درت سبور حتى 11.00 و رحت شريت صوالح كانو خاصيني حتى 12.45 باش دخلت للدار كنت راح نمووووووت بالجوع هههههه جيت قاتلتني المجاعه و زيد جا راجلي و راكي تعرفي حطيلو و ارفدي وووووو نكملك ادوخي هههههههه هدا وين قعدت رايحه نرقد واقفه اليوم خخخخ

 

[رنيم الغربه]

بنات راني رجعت واش راكم ؟
سميرة المناظر ماشاء الله هايلة و نقية بزاف بزاف ،بصح علاه الجزائر ماتكونش تقية هكدا ؟؟؟؟

دوكا هدا سؤال ههههههههه سوووور راكي نعسانه و لا ما تغديتيش مليح بلادنا هديك هي معوجه كي الرياس كي الشعب

 

[ام الحلوين]

دوكا هدا سؤال ههههههههه سوووور راكي نعسانه و لا ما تغديتيش مليح بلادنا هديك هي معوجه كي الرياس كي الشعب

و الله غير ضحكتيني بصح مهما كانت و مادام فيها يما مانكدبش نحبها و نرتاح فيها .
و لو خيروني بين بريطانيا و الجزائر لاخترت الجزائر .

 

[رنيم الغربه]

يل ااختي كامل نحبو الجزائر مي انا مستحيل نعيش فيها ههههه ما نقدرش خلاص كاين فرق كبييير بينها و بين هنا

 

[مجيد.]

انا راني في سيدني و كرهت حاتي
نحوس نرجع ليلادي الحبيبة دزاير
بعععععععععععع

 

[ام الحلوين]

يل ااختي كامل نحبو الجزائر مي انا مستحيل نعيش فيها ههههه ما نقدرش خلاص كاين فرق كبييير بينها و بين هنا

كل واحد كيفاش يشوفها ، تبانلي البلاد صعيبة على الراجل بسكو يخدم و المدخول قليل اما بالنسبة للمراة قاعدة في البيت و لا خدامة عادي المهم عايشة .
بصح جاوبي بصراحة كون زوجتي مع واحد في البلاد ، هل تقوليلو لازم تديني للغربة ؟؟؟

 

[ام الحلوين]

اخي مجيد ان شاء الله ترجع لبلادك و تشوف اهلك .

 

[مريومةمم]

السلام عليكم
ام الحلوين روعة رنيم سميرة جهااد جمان وكامل لبنات
وش احوالكم؟انا الحمد لله نتمنى راكم مرتاحن كامل بالمريض بالصحيح كاش جديد؟

 

[ام الحلوين]

رنيم تعيشي واش راكي توجدي فطور المدرسة لولادك بسكو عندي بنتي ماشاء الله عليها تقولي عجوزة الحاجة لازم تشمها و تعاود باش تقرر ادا تاكلها ولا لا .
و اي اخت عندها افكار تقولي ربي يخليكم .

 

[مريومةمم]

ربي سرتك اخت جمان الحمد لله.