بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
واش نقولك ايمان ستراسبورغ مليحة صغيرة و شابة و قريبة بزاف لالمانيا كي شغل عايشين في زوج دول بصح ماكانش بزاف العرب كيما باريس و دورك تتعرفي على ناس و كيما قاتلك ام الحلوين مع الدراري توالفي
 
قال djihad-17:
واش نقولك ايمان ستراسبورغ مليحة صغيرة و شابة و قريبة بزاف لالمانيا كي شغل عايشين في زوج دول بصح ماكانش بزاف العرب كيما باريس و دورك تتعرفي على ناس و كيما قاتلك ام الحلوين مع الدراري توالفي
إضغط للتوسيع...

اي باريس فيها العرب بزاااااااااااااف غير هوما انا و الله نتوحش باش انشوف قاوري و الا قازرية هههههه
 
قال SAMIRA25:
فطومة ربي يجعلك الشفى اختي و الله حاجة حنا ما نديرولهاش حساب تظهر المشاكل ربي يعين و يجيب الخير و بوسيلس البوبية تاعك و كاش ما بدات تتحرك و الا مازال؟؟؟؟
​
إضغط للتوسيع...
Salam lbnaat bghiit bark n9 oulkom dyaarkom chaabiin Allah ybaarak, ana maniich lahya had les jours rana f la swiss vacances 10 ayaam jinaa elbaara7 , rabbi ya7fad kol wa7da fikom , samira sursoira rahi tdour kima els3a
 
آخر تعديل:
قال fatouma2012:
Salam lbnaat bghiit bark n9 oulkom dyaarkom chaabiin Allah ybaarak, ana maniich lahya had les jours rana f la swiss vacances 10 ayaam jinaa elbaara7 , rabbi ya7fad kol wa7da fikom , samira sursoira rahi tdour kima els3a
إضغط للتوسيع...

فطومه بصحتك حببتي التحويسه وخلي تبدلي شوي الجو
بوسيلي سرسوره
 
قال imen ahmad:
اي باريس فيها العرب بزاااااااااااااف غير هوما انا و الله نتوحش باش انشوف قاوري و الا قازرية هههههه
إضغط للتوسيع...

مرحبا ببك اختي ايمان معانا وبداية الغربه ديما صعيبه هكا ارواحي هنا رانا نتوانسو كامل مع بعض
مي نقولك 4اشهر علابالي راكي في قمة الوحش اهبطي لبلاد حببتي بدلي الجو وارجعي باه يخف عليك شوي الوحش صدقيني هكا تمرضي سيرتو ادا متعرفيش ناس تم
قوليلي عندك لافامي تم تاعك والا تاع راجلك
 
يا لبنات انا البارح فوت واحد الفاجعه والله دعاوي يما ربي لي سترني الحمد لله
نحكيلكم ايا في المومون هذاك وين كنت نحي معاك ام الحلوين ونسقسيك على التابل وهكاك
ناضو الجيران يصونيو عليا ويخبطو في الباب خبيط وانا المعلم قالي متحلي لحتا واحد وانا مكانش والحق انا خلعوني طبطيب هذاك اول مره يخبطو بابي هكاك وحتى جربو يحلوه خلعت وعيطت للمسيو قالي زيدي شوي لحبسو متحليش ايا حبسو ونسمع في الجيران يحكيو ويعيطووالباب تاع البرا يتحل ويتقفل انا قلت ايه هذا سير كشما تهاوشو الا واحد سكران وانا واش دخلني
رجعت نتفرج نرمال وانا هكا نشم في ريحة حاجه تحرقت على الاول قلت ان كشما تحرقلي روحت للكوزينه نشم ومنلقى والو ولات حاتني الريحه من التاقه قلتي ايه هادو الجيران يديرو الشواصراتلي كيفك ام الحلوين هههه
ونسمع في الناس وحركه غير طبيعيه البرا وانا نطل نلقى الجيران كامل خرجو غير انا روحت وجري حليت باب الدار ونلقى الدخاخين وباب الجيران محلول واش نقولكم طاح قلبي رجعت نجري لبست عبايتي لي نصلي بيها ودرت خيمار تاع الصلاة وهزيت صاكي فيه باسبوري وليبابي تاوعي وعيطت للمسيو وانا نبكي قتلو اجري لبلوك يتحرق وانا راني فيه قالي اخرجي وانا زوج دقايق نكون عندك
ايا كوبيت عليه وجريت لباب داري خرجت قدقد وجاو رجال طالعين ويجاراو تبالي ليبومبيي مالا عاودت دخلت للدار و واش نقولكم قلت خلاص الفشله طاحت في ركابيا وقلت خلاص لاكتبلي ربي نروح فبها معندي مندير والمسيو يعيطلي وانا محبيتش نهز عليه فشلت خلاص قاعده غير نبكي ونشهد والله حاسه قلبي مولاش يخبط وصدقوني لوكان نقولكم غير شريط حياتي فات عليا ونقول ايه يادنيا واقيلا كتبلي ربي نموت بعيده علا ماليا
المهم ستر ربي ياخي ومجا يلحق حتان لقا طفاوها والدخاخين خارجه من البلوك ومسكين جا دخل عليا لقاني نص عبد المشيا مقدرتش نمشي وهو تانيك مسكين مات بسكو هو ديما يقولي هنا عندهم مشكل الحريق ميقدروش يتحكمو فيه
المهم ياخي تكالميت شوي ومن الخلعه واصلا البلوك ككامل ريحة الحريق والدخاخين مالا خرجنا وتعشينا البرا مدخلناش حتى الحداعش تاع الليل
وهادي هيا الحكايا راني حكيتها بالتفصيل وغير ليكم بسكو منقدرش نحكيها لدارنا ونشطنهم عليا
 
صباح الانوار حبيباتي
فطومة بصحتك التحواس تنحي على خاطرك و صوري بنتك باش نشوفوها .
جمان الحمد لله كي خرجت سلامات ،هكدا سراتلي في الشهر الاول لي رحلت هنا بصح انا كنت برا رحت نجيب لولاد من المدرسة و الدار لي تحتي نحرقت و داري كامل ولات نواغ و غير دخلنا بداو ولادي بالكحة ماقدروش يتنفسو و داري تابي تبهدلت ،و لقيتهم دخلو للدار و فاتحين التاقة تاع الحمام وقيلة رجال الحماية دخلو منها .
 
صباح الانواح ام الحلوين شفتي حببتي وما دار فينا الحريق سترك ربي مكنتيش في الدار
انا والله قلت للمعلم ياو منت بالكرش راني طيحت من الخلعه
 
صباح الخير عليكم لبنات
جمان على سلامتك حنونة شفتي الخلعة و سيرتو كي تكوني وحدك ربي يستر بصح راكي كوراج وليتي للدار هنا كاين هذ المشكل تاع الحريق انا المسيو كي جيت وصاني كاش شميتي ريحة ديري خمارك و رفدي صاكك و اجري ربي معانا و خلاص
فطومة كيراكي بصحتك التحويسة وريلنا سرسورة اذا صورتي عندكم لافامي تما و لا قعدتو في لوتال
 
جهاد واش راكي مع الوحم نقص شوية و لا مازال و شحال عندك من اسبوع ؟؟؟
 
اولا اهلا بايمان وناس عنابة نورتينا وبالشوي برك وتوالفي وكيما قالولك البنات باري راهي تغلي بالعرب وما تحسيش فيها مغتربة حطي روحك رحتي لولاية اخرى برك ههههه
فطوم بصحتك التحويسة ومستنيين عودتك غيبتي علينا
جوجو ربي سترك والله ما على بالي العقلية هادي تاع ما تحليش الباب علاش المخلوق تاعي تاني في الاول هكا يقولي يصونو ما تحليش بصح ضرك وليت نحل وحسب الحالة يعني نشوف من العين السحرية والا شفتو راجل تاع الاشهارات ما نحلش ونت والله ربي يهديك الطبطيب بالحس كارك حليتي وشفتي ربي سترك والله
وجهاد ربي اكمك على خير والوحم كل واحدة كيفاش ممكن حتى الرابع وممكن يكمل معاك للولادة
سلامي للباقي رنيم روعة الي غيبة سميرة يلا للمجهر جات دالتك
 
جهاد انا تاعي ديما يحكيلي على الحريق بلي دونجي مي جامي توقعنا تفوت علينا
ام امين هاكي تشوفي هديك العقليه تقول حياكلونا لوكان حنحلولهم الباب وانا العين السحريه معنديش في الباب الدخلاني عندي في الباب البراني وانا كي سمعت هداك لخبيط ياختي خفت قلت كشما سكران والا بارتي منطلش طول
المهم الحمد لله خرجنا منها سلامات
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top