بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[مجيد.]

شكرا يا ام الحلوين
بما انك درتيلي اعجبني قررت ان ادير لك اعجبني
و لو انك ما درتيليش اعجبني فوالله ما تديها من عندي
===
انا اسفون على لغتين الركيكة لانني لا اتكالك العربي مليح انا اصلي نهدر اوروبي

 

[ام الحلوين]

مريومة رانا بخير الحمد لله
واش راكي نتي و العائلة ؟
و الجديد هو ان سميرة راهي تحت المجهر ادا تحبي تتعرفي عليها ديري خمارك و لحقيها .

 

[مريومةمم]

ياجماعةخاصة المغتربين قولو الصح
لبلاد خير ولا الغربة؟بغض النظر عن سلبيات البلدن
شكون خير؟

 

[مريومةمم]

رنيم تعيشي واش راكي توجدي فطور المدرسة لولادك بسكو عندي بنتي ماشاء الله عليها تقولي عجوزة الحاجة لازم تشمها و تعاود باش تقرر ادا تاكلها ولا لا .
و اي اخت عندها افكار تقولي ربي يخليكم .

خير يا ام الحلوين بنتك مهبلاتك تبان دلوعة الله يبارك وربي حفظها حال عمرها؟

 

[مجيد.]

ياجماعةخاصة المغتربين قولو الصح
لبلاد خير ولا الغربة؟بغض النظر عن سلبيات البلدن
شكون خير؟

الغربة خير انا عندي 20 سنة عايش برا
جامي توحشت لبلاد جامي

 

[ام الحلوين]

خير يا ام الحلوين بنتك مهبلاتك تبان دلوعة الله يبارك وربي حفظها حال عمرها؟

ربي يخليك مريومة دلوعة باباها ، انا ماكاش معايا الدلع هههههههه.
بنتي عندها 5 سنين بصح حاسة الدوق و الشم عندها بزاف و مستحيل تاكل حاجة قبل ما تشمها .و ادا سيفت عليها حاجة تسمع كامل الجوارين بالبكا و ماتاكلهاش .

 

[imen ahmad]

سلام بنات كيفاش راكم

 

[روعة انثى]

مساء الخير الوردات كي راكم اليوم
ان شاء الله تكونو بخير
جمان حنونة سلامة راسك الحمد لي خرجت سلامات يا عمري بلاكي على روحك تولي تلهاي مع كاش حاجة و تنساي روحك قريب اطفرت فيك ردي بالك على روحك و غير تشمي ريحة ارفدي صاكك و اهربي
فطومة الحمدلله كي راكي مليحة و بريتي و راكي تحوسي
ام الحلوين و رنيم الله يبارك ديما مزهيين الجماعة
الاخت ايمان مرحبا بيك حنونة نورتي البيت
ام امين و سميرة ان شاء الله تكونو بخير
جهاد كي راكي مع الوحم ان شاء الله تكوني ريحتي
مريومة ربي يعطيك ما تتمناي زوج صالح يعوضك اللي فات و يهنيك يا رب
و اللي نسيتها تسمحلي راني ما زلت نقرا ما لحقتش راكم بولمرقات في الجري هههههه

 

[روعة انثى]

روعه وين راهي ما بانتش هدي لعشيه

الله يسلمك رنيم حتى انا تاني توحشتكم كنت مشغولة شوي و هاد ليامات عندي راهي خدمة بزاف
عقلي و بالي راه غير عندكم ربي يحفظكم
و اليوم نهار كامل و المطر تصب ما حبستش و البرد راه تاني

 

[روعة انثى]

روعة و ام امين و مريومة و جمان و جهاد و فطومة و بيونة وين راكم ؟؟؟؟؟؟؟؟؟؟؟

ربي يخليك ام الحلوين راكي تسقسي علينا بالوحدة حتى توحشتكم مي الله غالب هاد ليامات عندي خدمة بزاف معليش غير نطل من التاقة و نخطف كلمة و لا زوج

 

[روعة انثى]

ههههه قريب تولي جارتي و نعرضك واش رايك هههههه

الله يسلم رنيم مادا بيا حنونة نتعرف بيك اكثر

 

[رنيم الغربه]

كل واحد كيفاش يشوفها ، تبانلي البلاد صعيبة على الراجل بسكو يخدم و المدخول قليل اما بالنسبة للمراة قاعدة في البيت و لا خدامة عادي المهم عايشة .
بصح جاوبي بصراحة كون زوجتي مع واحد في البلاد ، هل تقوليلو لازم تديني للغربة ؟؟؟

شوفي لبلاد صعيبه على الراجل كيما قلتي في المدخول و المرا اكييييد رايحه تسوفري معاه ولالالا نحس باللي بلادنا حاقرة بزاف شعبها و انا لوكان تزوجت في لبلاد ما كنتش رايحه نقولو اديني للغربه على خاطر ما شفتش قبل كيفاش السيستام بين بلادنا و الغربه و ما شفت الفرق بينهم و بينا و رياسنا و رياسهم ان شاء الله تكوني فهمتيني حبيبتي

 

[رنيم الغربه]

الله يسلم رنيم مادا بيا حنونة نتعرف بيك اكثر

يعيشك حبيبتي هدا شرف ليا و الله مرحبا بيك عندي راني كي اختك

 

[رنيم الغربه]

رنيم تعيشي واش راكي توجدي فطور المدرسة لولادك بسكو عندي بنتي ماشاء الله عليها تقولي عجوزة الحاجة لازم تشمها و تعاود باش تقرر ادا تاكلها ولا لا .
و اي اخت عندها افكار تقولي ربي يخليكم .

هههههه ضحكتيني على عجوزه كي وليدي لكبير هكدا هبلني شوفي انا انوعلهم نشري بزاف ليسلاد يجو في ليبوات صغار تصيبيهم في ليدل و لا اللي يبيعوا الحلال انا من ليدل نجيب ديال البيض و الخيار و الحوت و السوريمي و من عند الجزار نجيب ديال الكباب (الشوارما ) و الجاج و نديرلهم ليتارتين كل يوم نوع و مرات كي ندير كيش و لا خبزه السلق نخبيلهم ياكلوهم ان شاء الله نكون عاونتك يا لوكان شووووووويه حنونه
​

 

[رنيم الغربه]

الغربة خير انا عندي 20 سنة عايش برا
جامي توحشت لبلاد جامي

راك تهدر عربيه اخي من فضلك هدا التجمع ديال النسا باش نتكلموا براحتنا ممكن تدير تجمع تدير فيه الرجال و احكي على روحك

 

[روعة انثى]

صباح الخير لبنات رنومة مع سمورة صبحتو مبكرين الله يبارك
ام الحلوين حنونة كي راكي و كي راهم الوليدات و الزين
جهاد مازلتي تتشهاي ؟ واش راكي متشهية هاد ليامات
جمان راحتلك الخلعة شوية ؟ و داركم خبرتيهم و لا لا ؟
ام امين و معاذ كي راهم الدراري ؟
مريومة ان شاء الله تكوني بخير و ربي يعطيك ما تتمناي
سمورة راكي منورة تحت المجهر
فطومة سلمي على سرسورة و حوسي حقك و حقي
ايمان حنونة انتي جديدة فالغربة عندك غير 04 اشهر وقتاش راكي معولة تهبطي للبلاد باش تنحي على روحك شوية وحش

 

[lina-67]

صباح النور لبنات واش راكم احنا البرد و المطر تقول جانفي
روعة واش راكي حنونة انا الحمد لله راني مرة مليحة و مرة ..ما رانيش نتشهى بصح الجاج مارانيش نحملو ما نقدرش حتى نشوف فيه قلت للمخلوق غير اصبر الجاج ما تزيدش تجيبولي جابلي نصف خروف قتلو كي تتوحش الجاج روح كول برا
و انت واش دايرة فيها كاش ما شريتي وريلنا

 

[ام الحلوين]

صباح الانوار خياتي ان شاء الله راكم بخير
رنيم حنونة مشكورة على الاقتراحات بصح العجوزة تاعي ماتاكلش السلاطات بكل انواعها تحب غير الفروماج تقولي فارة هههههه.ليوم درتلها باستا بالفروماج .
روعة يسقسي عليك الخير حبيبتي
ام امين و سميرة و جهاد و جمان و ايمان و مريومة واش راكم ؟
اليوم نضت قلت نعجن خبز و نطيب شطيطحة جاج دروك الصباح بسكو العشية لولاد عندهم لابيسين و بانتلي خرجة لازم نروح و من بعد نطيب .
سلامي .

 

[أم أمين23]

سلام يالبنات واحدة واحدة وما تنساوش الخمارات راه عندنا ضيف
مريومة الغربة مليحة في حاجات وماشي مليحة في حوايج بو الي جا وجربها راه يلقى صعوبة في الرجعة للبلاد خاصة من ناحية النضام والتعامل في المؤسسات الحكومية من الطبا للبلدية لاي مكان الناس كامل كيف كيف لا معريفة ولا بيسطو ولا فرق بين مسؤول والا مواطن عادي كل واحد يستنى دالتو وزيد من ناحية النضافة والمناظر المليجة والامان
في حين البلاد للاسف كل شيء فيها ولى يخوف وكل شيء بالمعريفة وطبعا المشكل منا للحاكمين هوما يعملو في العوج واحنا انطبقو فيه ربي يصلح الامور برك
ام الحولين الولاد الحمد الله راهم بخير وانا كيف كيف واحدة واحدة ومي تعبت مسنيا برك الولادة تعبتني بزاف هاد الكرش

 

[روعة انثى]

جهاد انا مازال ما بديتش نشري من بعد رمضان ان شاء الله ربي يسهل