بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[مريومةمم]

سلام للجميع
شكرا روعة وام الحلوين على الدعوة
وللخت فطوووم مبروك عليك الحمل

 

[مريومةمم]

سلاااااااااااااام بناااااااااااااات
غير دروك جيت من المستشفى درت الايكو و عندي

بنـــــــــــــــــــــــــت​

مبروووووووك عليك اختي تتربي في عزكم يااااارب لعقوبة ليااااااا

 

[أم أمين23]

ام امين احنا عندنا فالعرس اللي نديرو فيها ثقة نعطوها مفتاح تاع دار قش العروس و صياغتها كي تكون تتصدر مع انتي تكوني نافسة ما بغيتش نتعبك نخليلك غير هادي المهمة الساهلة و الكبيرة في نفس الوقت :d:d:d

اها اوك هكا فهميني ربي اخليك على الثيقة وهكا راني قاعدة وحاكمة الباب وتربح :up:

 

[رنيم الغربه]

مبرووووووك ام الحلوين الله يكملك على خير

 

[أم أمين23]

الله يسلمك أم أمين ، صح سرسورة مازال متبدا تخرب ف الصوالح بزاف نبرفيتي شوية قبل متكبر وتقلب الدار وسورتو كي معنديش شومبرا لها ، دروك كي حملت بلاك ندبرو f3 نشالله ، معي أني هاد الدار منلقى كيفها psq دافية بزاف بزاف ، ف جانفي نمشهي بكسوة الصيف بلا منشعل السخان

كيما داري لولة كانت صغيرة ودافية وكي بدلنا على جال الكبر تلبسي وتتغطاي ويا ربي
شوفي مليح قبل ما تبدلي ردي بالك تتكلحي كيما انا واهم حاجة ما تشوفيش الديار الي تحتك الجيران من بعد تكبر صارة شوي واولو يقلقو فيكم كيما راه صاري معايا ضرك

 

[fatouma2012]

Clavier Arabe Intelligent Yamliâ„¢
بيونة أنا نكتب بهادا خير مل فارتويال تكتبي عادي بالحروف الفرنسية وهو يرجعلك بالعربية بعد ماتديري بطون espase ومنبعد سلكسيوني وكوبي كولي

 

[fatouma2012]

أم الحلوين ألف ألف مبروك إسراء غادي تفرح والزين تاني psq قلتي انو متمني بنوتة ، تتربى ف عزكم نشالله

على شعال من أسبوع يعرفوا جنس الجنين ؟

 

[fatouma2012]

كيما داري لولة كانت صغيرة ودافية وكي بدلنا على جال الكبر تلبسي وتتغطاي ويا ربي
شوفي مليح قبل ما تبدلي ردي بالك تتكلحي كيما انا واهم حاجة ما تشوفيش الديار الي تحتك الجيران من بعد تكبر صارة شوي واولو يقلقو فيكم كيما راه صاري معايا ضرك

صح أم أمين الجوارين مشكلة وخاصة كي أوروبا باردة يعني الاطفال غاع الشتاء يفوتوه ف دار ويخرجو كامل الطاقة تاعهم والجوارين يبغو الكالم خاصة الشوابين ، الله يسهل

 

[joumane]

أم لحلوين مبروك حبيبتي ألف ألف مبروك هو عطاك ربي وش برتي
أنا كنت لبرا لعشية هذي درنا شوى من بعد نحتلكم شوي تصور

 

[ام الحلوين]

الله يخليكم حبيباتي و العقوبة للافراح عندكم
فطومة هنا يعرفو من السمانة 20 حتى 22 انا اليوم راني 20 سمانة و يومين نتي ممكن تعرفي قبل ماتروحي للبلاد و ادا ماعرفتيش روحي للطبيبة في البلاد
جمان الزين راه طاير بالفرحة
بيونة كاش جديد ؟ درتي تاست و لا مازال ؟

 

[ام الحلوين]

بيونة انا زايدة اللغة العربية للانجليزية
اذا راكي دايرة اللغة الانجليزية اتبعي هذه الخطوات
روحي start ثم control panel ثم clock -language- and region ثم region and language ثم format و فيها سهم كليكي يخرجولك كامل اللغات اختاري arabic algeria و كليكي ok
و يخرجلك في الاسفل حدا الساعة 2 لغات العربية و الانجليزية او الفرنسية
ان شاء الله فهمتيني .

 

[fatouma2012]

مريومة الله يبارك فيك والعقوبة لفرحتك نشالله وربي يرزقك بوالد الحلال في أقرب وقت يا رب

 

[sirin2013]

ام الحلوين الف الف مبروك وتتربا في عزك انشاء الله ولعقوبا ليا نجيب بنوتت نموت على لبنات
فطومة كتعرفي بشرينا
بيونة يدرا واش درتي راكي حاملا ولا
والحوامل كلهم ربي يكملهم ويسلكهم على خير ولعقوبا لقعدو
لبنات عندي موضوع حبا نشوركم فيه
ريحين نبدلو ادار بعد رمضان نشاء الله ختر داري صغيرة بصح دافيا وحبين f3 على جال ولدي و منسكنوش في وسط لبلاد يعني ماش بعاد بزاف3 ولا 4 كيلو م و قريبا من خدمة راجلي وجيها كالم وتع غابات ونقدر نطلع البلاد على رجليا
ودرك قالي ولا حبا نرحلو وسط لبلاد وين الغاشي والعرب ولجامع ولا نبدلو غير هنا في الحوما
انا خفة نرحلو لوسط لبلاد ونندم والفة اطبيعة والغابات ولكالم وراجلي خدام غير في جراني ومن جيهة وحدخرا بغيا لغاشي ولمات والجمعة في الجامع و بلاك يكون عندي حباب
عطوني رايكم راني حاصلا واش ندير

 

[ام الحلوين]

بيونة سيييييييييييير راهي دايرتها و حشمانة باش تطلع هههههه
سيرين الله يبارك فيك حنونة و العقوبة ليك و الله حتى انا نموت على لبنات و راجلي كيما انا ، و بالنسبة للدار صعب الاختيار لكن شوفو دار تكون في الوسط يعني ماشي بعيدة بزاف على خدمة راجلك و ماشي بعيدة على وسط المدينة يعني ادا يقدر راجلك يروح 30 د في السيارة لشغلو عادي و نتي بلاك تلقاي حباب و لا جوارين ملاح .
ربي يسهلك امورك حبيبتي

 

[روعة انثى]

سلامو البنات ان شاء الله كامل لاباس
فطومه الف الف مبروك حببتي وربي يرزقك بالذريه الصالحه وعندك الحق انتي قاعده وتربيهم مع بعض احسن وزيد سرسوره تلقى معامن تلعب ومتكبرش وحدها والعقوبه ليا واللي بغات تزيت ان شاء الله وصالونك يهبل ماشاء الله والخبز يشهي يعطيك الصحه
روعه حببتي مهمه هايله ديري فيا الثقه ومتخافيش والله نبدع فيك مي قوليلي من درك نوعية شعرك اكحل ولا مصبوغ وطويل والا قصير باه نخمم من ضرك وياربي واش نديرلك ونخرجك تحفه :p ههه يقعدو غير يحكو عليك وين مشطت ههههه
ام الحلوين حببتي راني حاصله مع الفاليزات اسكتي برك الكش بزاااف ومكانش كيفاه حنديرولو انا قلت للمسيو دبراسك انا قشي كامل نديه ونتا شوف كيفاه تدير هههه والله حصلنا

جمان يعطيك الصحة حبوبة حسيت بيك بلي تعرفي تمشطي
اليوم راني هاك :yahoo01:خاطر لقيت المشاطة
و نوعية شعري كي يقرب العرس نقولك ما تخافيش ما تتعبيش معاه بزاف
لبنات شكون تعرف تزغرت ؟؟؟؟؟؟؟؟؟؟؟؟؟؟؟؟
​

 

[روعة انثى]

الله يبارك راكم كامل هنا هادي جماعة زينة

 

[ام الحلوين]

روعة يبارك فيك يا لغزالة
انا كون نزغرت تقولي قط فاتت عليه طوموبيل هههههههه نعوg ماشي نزغرت .

 

[روعة انثى]

سلاااااااااااااام بناااااااااااااات
غير دروك جيت من المستشفى درت الايكو و عندي

بنـــــــــــــــــــــــــت:-r​

مبرووووووووووووووووووووووووك عليك ام الحلوين تتربى في عزك انتي و الزين
بنوتة تاني مليحة املا انتي تخالفي فالولادة جبتي بنت و من بعد ولد و من بعد بنت الله يبارك لك و يفرح اكثر و اكثر :d

 

[روعة انثى]

شكراااا حبيتي
الله يرزقني ويرزقك ياااارب

امين يا رب ربي يعطيك ما تتمناي

 

[روعة انثى]

اها اوك هكا فهميني ربي اخليك على الثيقة وهكا راني قاعدة وحاكمة الباب وتربح :up:

ربي يخليك يا الغالية ربي يسهلك امورك و يفرحك بوليداتك
​