مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[ام الحلوين]

اه نسيت واش هو الفتوش اللبناني اللي يحبو الزين ربي يحفظو ؟
ربي يخليك حنونة .و هدا هو الفتوش هنا كنت في داري 1 .

اذا ممكن دريلنا الوصفة ؟
سلاطة خضرا و طماطم و خيار و الفلفل بالالون و البصل و المعدنوس و الخبز اللبناني نقطعو مربعت صغار و نقليه و نعناع يابس و سماق يجي كيما البابريكا و نخلط كلش و ندير خل و ملح و زيت و قارص .
زيدي وصفات اجنبية اللي تحبوهم تماك ؟
نحبو ورق عنب محشي بالروز هذا ماتفكرت .
البسبوسة ديرلنا المقادير نتاعها ؟
اوكي حنونة من بعد نحطلك المقادير .
الحريرة نتاعك اذا عندك عفسة و لا حيلة باش تخرج بنينة قوليها لي ؟

ماعندي حتى حيلة و ان شاء الله نحطلك المقادير .
بقاولي يومين هيا زيدي سقسي واش تحبي .

 

[ام الحلوين]

روعة حبيبتي تفضلي طريقة البثبوثة كيما يقولها وليدي و يحبها بذاف .
ضربي 3 بيض + نص كاس سكر عادي + لفاني+ ربع كاس حليب دافي + كاس زيت ثم ضفي 2 خميرة حلوة و السميد الخشين و مرات نخلط سميد و شابلير ثم طيبيها و غير تخرجيها اسقيها بالشاربات تكون باردة (6 كيسان ما + 3 كيسان سكر) .
و هذي صورتها هنا كنت دايتها لصاحبتي .

 

[روعة انثى]

شحال تعبري السميد و شحال شابلير ؟؟؟؟؟؟؟؟؟؟؟
اممممممممممممم خرجت تشهي
تبان خفيفة

 

[ام الحلوين]

تفضلي روعة طريقتي في الحريرة و كل الاخوات لي حابين يعرفوها .
انا نحط عيني ميزاني ،نقلي اللحم و (البصل و الزرودية و القرعة و البطاطا و الطماطم نقطعوهم كبار و مرات نضيف الفلفل الاخضر لان بنتي ماتاكلوش و نقول في الحريرة مايبانش و الكرافس ادا كان عندي ) و الزيت و نزيد الملح + الفلفل+راس الحانوت+قرفة لازم+سكنجبير+فلفل احمر حلو و نقلي و نزيد ربطة قصبر و معدنوس و نعناع لازم و نزيد الطماطم مصبرة ماشي بزاف مانحبهاش حمرة بزاف و حتى الزين و نمرق بالما سخون و كي يطيب اللحم نحيوه مع الربطة تاع الحشاوش و نميكسي الخضار مع المرق و نزيد 5 مغارف (تشيشة او فريك) و نخليه يطيب و نحي العظم من اللحم و نرجع اللحم للقدر حتى تطيب التشيشة ثم نجيب طبسي كبير و نحط فيه ( قصبر و معدنوس مقطعين و القرفة و الفلفل الاسود ادا كانت ماشي حارة و 2 مغارف زيت و 2 مغرف خل او عصير القارص و نخلطوهم )و نجيبو غراف تاع حريرة و نخلطو مع المواد السابقة و نرجعو في القدر نحرك 2 د ثم نضيف 2 اغصان تاع نعناع و طفي و كليها بصحتك .

 

[ام الحلوين]

شحال تعبري السميد و شحال شابلير ؟؟؟؟؟؟؟؟؟؟؟
اممممممممممممم خرجت تشهي
تبان خفيفة

انا مانعبرش بصح شابلير باش جي خفيفة و السميد عينك ميزانك ادا كانت جارية كي دخليها للفور تهبط و ادا كانت ناشفة بزاف جي ثقيلة يعني تقريبا كيما المسكوتشو .
ايه جي خفيفة و الحمد لله و لي كلاوها عندي دايما يسقسو واش درت فيها و تعجبهم .

 

[روعة انثى]

الله يعطيك الصحة حنونة انتي حنينة و كريمة بزاف اللي نسألهالك تجاوبي بصدر رحب
ربي يعطيك ما تتمناي

 

[ام الحلوين]

ان شاء الله روعة و لازم الانسان يمشي بنيتو
ربي يحققلك واش في بالك .

 

[روعة انثى]

امين يا رب

 

[أم أمين23]

مشكورة عىل الوصفة بصح قوليلنا على الاقل شحال هكاكا سميد
وبالنسبة للكاس تاع الشاربات كاس تاي والا كاس عادي وما يجيش بزاف بالكاس العادي؟؟؟
والضرب على اليد ماشي على المقادير كاينين وحايد اكلهم بنين من ربي وباين فيك منهم
يلا نرجع لبعض الاسئلة الاخرى
عندكم مساجد وين تسكني والا برك مصلى؟
احنا عندنا هنا يعلمو القرآن للنسا ومدرسة قرآنية صغيرة تابعة للمسجد انت قلتي بنتك تروح تتعلم العربية في المسجد والا كاينة مدرسة خاصة؟
كاين مدارس التعليم العربي يعني كيما البريطانية بصح يدرسو عربي والا لا؟

اكثر شيء اقلقك في رمضان ؟
تصومي بلا تعب والا اتعبك الصيام؟
تعرضو بزاف والا تتعرضو اكثر في رمضان؟
والعرضات يكون لفاميلات والا برك رجال ديما في رمضان؟
في العيد اديري حلويات والا على حسب المود؟

 

[ام الحلوين]

مشكورة عىل الوصفة بصح قوليلنا على الاقل شحال هكاكا سميد
و الله مانقدر نكذب عليك بسكو نفرغ السميد بالباطة ان شاء الله هاذ السمانة نديرها و نصور المقادير .
وبالنسبة للكاس تاع الشاربات كاس تاي والا كاس عادي وما يجيش بزاف بالكاس العادي؟؟؟
كاس كبير على تاع الشاي انا ندير و خلاص و مرات اذا جاتني الشاربات قليلة نزيد شوية عسل .
والضرب على اليد ماشي على المقادير كاينين وحايد اكلهم بنين من ربي وباين فيك منهم
الحمد لله يا رب تعيشي .
يلا نرجع لبعض الاسئلة الاخرى
تفضلي حنونة .
عندكم مساجد وين تسكني والا برك مصلى؟
في داري 1 كان مسجد قريب ليا و كبير و في داري هذي كاين مصلى و بعيد عليا .
احنا عندنا هنا يعلمو القرآن للنسا ومدرسة قرآنية صغيرة تابعة للمسجد انت قلتي بنتك تروح تتعلم العربية في المسجد والا كاينة مدرسة خاصة؟
في مدرسة خاصة تاع فلسطينيين و يقرو فيها الفلسطينيين و السوريين و نخلص يعلموهم اللغة العربية و القران و في التحضيري يبداولهم الصلاة .و ولادي دخلتهم غير هاذ العام يعني مازالو في الحضانة .
كاين مدارس التعليم العربي يعني كيما البريطانية بصح يدرسو عربي والا لا؟
ايه كاين بزاف .

اكثر شيء اقلقك في رمضان ؟
الحمد لله مقلقة على طول العام و في رمضان ربي يعطيني الصبر .
تصومي بلا تعب والا اتعبك الصيام؟
عادي مايتعبنيش مع اني ناكل من الفطور للفطور يعني مانسحرش .
تعرضو بزاف والا تتعرضو اكثر في رمضان؟
كنا نعرضو و ننعرضو و دروك لالا (بصح ماعرفتش شكون ربي يهديهم) و هذو عامين لي فاتو يجي غير وليد اخ زوجي يفطر عندي رمضان كامل .
والعرضات يكون لفاميلات والا برك رجال ديما في رمضان؟
كنا نعرضو صحاب راجلي و نساهم و هما تاني يعرضوني و مرات يجو غير صحاب راجلي .
في العيد اديري حلويات والا على حسب المود؟

الحمد لله ندير و نقسمو يديه زوجي للعمل و يمد للصحابو .
هذا في العيد الصغير 2011

و هذا المسمن .

 

[ام الحلوين]

ام امين شوفي الصورة الاخيرة هذاك الكاس الاخضر و الازرق هذوك لي نعبر بيهم الزيت و السكر .

 

[lina-67]

الله يبارك ام الحلوين شآاطرة عجبتني الغريبية واش اديري فيها انا سييتها 2مرات و ما خرجتليش ولات تهبط و تيبس ما علاباليش علاش

 

[fatouma2012]

أم الحلوين الله يبارك فيك وفي ولادك وزوجك ودارك نشالله
هل حاولتي ف الغربة تحفضي القران الكريم ؟
ماهي علاقتك مع المكياج ؟
ولادك كي كانو صغار وفي زوج ميمشوش كي كنتي تديري باه تخرجيهم ، نقصد كي تخرجي وحدك مشي بسيارة ؟ هل كانت عندك poussete تاع زوج بلايس ؟

 

[SAMIRA25]

الله عليك يا ام الحلوين كل شيء تاعك حلو
ما شاء الله عليك كل صبع بصنعة
ربي يهنيك اختي و يجازيك كل خير ​

 

[ام الحلوين]

الله يبارك ام الحلوين شآاطرة عجبتني الغريبية واش اديري فيها انا سييتها 2مرات و ما خرجتليش ولات تهبط و تيبس ما علاباليش علاش

صباح النور حبيبتي سامحيني البارح مادخلتش حتى دروك باش دخلت المهم الغريبية ،
حطي كاس سكر ناعم و 2 كيسان زيت خلطيهم غير بيديك و زيدي حفنة الجلجلان ادا تحبيه و لمي بالفرينة و شكليها كيما تحبي و ماتخليهاش طول في الفور باش ماجيكش يابسة .و كليها بصحتك .
سلام .

 

[ام الحلوين]

أم الحلوين الله يبارك فيك وفي ولادك وزوجك ودارك نشالله
بارك الله فيك و ربي يخليك حنونة .
هل حاولتي ف الغربة تحفضي القران الكريم ؟
صراحة ماحفضتش لكن نقرا بعد كل صلاة و خاصة بعد صلاة العشا بسكو لولاد يكونو راقدين و نسمعو في الميكرو سيرتو كي نكون في الكوزينة ،و ولادي غير تضرهم حاجة يقولولي امي ديريلنا قران باش يروحلنا ديدي .
ماهي علاقتك مع المكياج ؟
برا مانديرش بزاف لكن كي تكون عندي مناسبة ندير و تاني في الدار مرة على مرة نبدا نحمر و نزرق روحي هههههه.
ولادك كي كانو صغار وفي زوج ميمشوش كي كنتي تديري باه تخرجيهم ، نقصد كي تخرجي وحدك مشي بسيارة ؟ هل كانت عندك poussete تاع زوج بلايس ؟

ماشريتش تاع 2 بسبب ؟؟؟؟؟ الله يسامحها ، لكن كانت عندي لابوسات تاعي كبيرة كنت نحط الولد فيها و البنت نحطها الفوق و تقابلني بصح نبقى شادتها .من بعد ولات تمشي و مرات تعيا امالا شريت board هديك لي يركبوها من تحت في لابوسات و يوقف عليها الطفل .
ربي يجازيك اختي .

 

[ام الحلوين]

الله عليك يا ام الحلوين كل شيء تاعك حلو

ما شاء الله عليك كل صبع بصنعة

ربي يهنيك اختي و يجازيك كل خير ​

ربي يخليك حبيبتي و يجعل ايامك كلها فرح .

 

[روعة انثى]

ما شاء ما عندي ما نزيد نقول ام الحلوين قافزة و شطورة في كلشي ربي يحفظها
حتى على الطياب جاوبتنا كون جات قريبة ليا ندير عندها ستاج هههههه
معليش ام الحلوين مام تخرجي من تحت المجهر نبقى نسقسيك منين ذاك
شتا قلتي فيها ؟
بغيت نسقسيك على السبور درتي و لا جامي ؟

 

[ام الحلوين]

ما شاء ما عندي ما نزيد نقول ام الحلوين قافزة و شطورة في كلشي ربي يحفظها
حتى على الطياب جاوبتنا كون جات قريبة ليا ندير عندها ستاج هههههه
معليش ام الحلوين مام تخرجي من تحت المجهر نبقى نسقسيك منين ذاك
شتا قلتي فيها ؟
بغيت نسقسيك على السبور درتي و لا جامي ؟

الله يسلمك حنونة و ربي يحفظك
معليش يا لعميرة سقسي واش تحبي و في اي وقت رانا هنا باش نتعاونو و نتعلمو .
و السبور مانحبوش سيرتو من العام لي فات شرالي الزين دراجة تاع سبور و انا قلت لازم نجرب امالا لبست حوايج خفاف تاع سبور و جبت قرعة ما حدايا و بديت يالله يا الله قريب 30د من بعد جا الزين يطبطب رحت فتحت عليه الباب و يضربني الهوا و برا كان الثلج طايح و مرضت قريب سمانة و انا في حالة من ذاك اليوم طلعتها الفوق للشومبرا تاعي و دروك سير بلي تكون الرتيلة بانية فيلا فيها .
داود ما يعاود .

 

[أم أمين23]

قصدك الكيسان تاع الاولاد هادوك برك الي خضر وزرق او ك عرفت بالتقريب قداش:
خليني نشوفلك شوي اسئلة اخرين:
اكثر اكلة تحبيها وتستمتعي وانت اطيبي فيها؟
واش عندك من اجهزة تواصل يعني بخلاف الكمبيوتر والتيليفون؟
في التيليفون اديرو ديما الاوفيرطات اتبعي انت هاد الحوايج والا لا علاقة؟
شحال من متعامل تاع هاتف عندكم؟ وانت بشحال من نيمرو ماشية؟
كي تروحي للبلاد تخلي خطك تاع بريطانيا والا تمشي بتاع الجزائر؟
يطلبو منك تاع البلاد التيليفونات والحوايج تاع الالكتروميناجي والا لا؟
كي تشري الكادوات لتاع البلاد تشري من راسك والا تصقصيهم واش حبين؟
اكثر واحد تحيرلك واش تشريلو كي تجي مروحة شكون هو؟
حاجة هبطتيها للبلاد وعجبتهم كامل وقالولك علاش ما جبتلناش كامل كيفها؟