مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[fatouma2012]

أم الحلوين هل صرالك مشكل مع كاش وحدة تعرفتي عليها فالغربة وندمت على معرفتها ؟

كيفاش تديري باه تقتصدي ف مصروف الدار ، انتي متكلفة بشرا ولا زينك ؟

 

[ام الحلوين]

أم الحلوين هل صرالك مشكل مع كاش وحدة تعرفتي عليها فالغربة وندمت على معرفتها ؟

كيفاش تديري باه تقتصدي ف مصروف الدار ، انتي متكلفة بشرا ولا زينك ؟

الحمد لله مانحبش الخلاط ومانتلاقاش مع صحاباتي بزاف تقريبا في المناسبات و لا في العطلة .
الحمد لله مقتصدة بصح ماشي مشحاحة و الشرا انا لي متكلفة بيه خاصة الملابس و الاكل انا نقضي واش رايحة نطيب .

 

[روعة انثى]

اذا كتب الله العام الجاي ان شاء الله .
سقسي واش تحبي ثقيل و لا خفيف انا كلشي خفيف عليا من عند خياتي .

الله يسلمك يا الشلفية القافزة عيينا نشطارو و انتي فوتينا
ربي يخليك و يعطيك على حساب نيتك ذوبتيني قتلتيني بالقدر ما خليتي فيا
قارعي تروحلي الحشمة ونعاود نسقسي :$

 

[ام الحلوين]

ربي يخليك يا روعة ماتحشمي ني والو راني اختك .

 

[روعة انثى]

الله يسلمك و يعزك حنونة
طيب :
-قررتي باش تدخلي للبلاد علاش ؟ شتاهو السبب ؟
-خممتي في اولادك و المستوى المعيشي اللي رايح يهبط ؟
-خممتي في اولادك و النيفو تاع القراية اللي راه غير يهبط ؟
-خممتي في ولادك عندهم جنسية غير يلحقو 18 عام يرجعو للبلاد اللي زادو فيها ؟
-الزين يبقى تماك وحدو و يبقى يجي و يروح ؟ و لا يجي معاكم ؟
-اذا جا معاكم عندكم دخل هنا فالبلاد باش تعيشو مليح ؟
-و اذا ما جاش معاكم شكون يطيبلو مسكين بعد اللي ولفتيه طيابك ؟
-و كيفاش يعيش بعيد على اولادو خاطر ترباو في حجرو ؟
-ما راكيش خايفة على الزين وحدو تماك يدير وحدة اخرى باش يعوض بعدكم عليه؟
-صار انتي تصبري على الزين تشوفيه مرة و لا مرتين فالعام بعد اللي كان قريب ليك و حنين عليك باش والفتي ؟
-تقدري تعيشي بلا بيه ؟ منين ذاك تشوفيه ؟

 

[ام الحلوين]

الله يسلمك و يعزك حنونة
تعيشي حبيبتي
طيب :
نتي الطيبة
-قررتي باش تدخلي للبلاد علاش ؟ شتاهو السبب ؟
قررت نهبط على جال ولادي و شفت بلي هدي الغربة مافيها حتى فايدة و انا مانحبش نبقى وحدي حبيت نقرب ميمتي و نعيش واش كتبلي ربي و نضحك و نفرح ماشي كيما هنا نظل مشنفة و زعفانة .
-خممتي في اولادك و المستوى المعيشي اللي رايح يهبط ؟
ولادي عادي و المستوى المعيشي عادي مارايحش يتبدل كيما ناكل هنا ناكل في البلاد .
-خممتي في اولادك و النيفو تاع القراية اللي راه غير يهبط ؟
ايه خممت و ولادي يقراو كيما قريت انا و في البلاد راه كاين الطبيب و الصيدلي و المحامي و الاستاد وووووو هدو كامل قراو في الجزائر .
-خممتي في ولادك عندهم جنسية غير يلحقو 18 عام يرجعو للبلاد اللي زادو فيها ؟
على حسب الظروف ادا سمحتلهم في البلاد علاه يجو هنا و ادا كان لازم يطلعو مانخافش عليهم و ربي يحفظهم .
-الزين يبقى تماك وحدو و يبقى يجي و يروح ؟ و لا يجي معاكم ؟
ها لالا لالا الزين كيما صاكي وين نروح نديه معايا ،ادا كتب ربي نولو نطلعو فاكونس مع بعض .
-اذا جا معاكم عندكم دخل هنا فالبلاد باش تعيشو مليح ؟
ايه الحمد لله الزين ماهوش من النوع لي يحب القعاد و لازم يجيب المصروف و زاد لي خلق ما يضيع .
-و اذا ما جاش معاكم شكون يطيبلو مسكين بعد اللي ولفتيه طيابك ؟
ما تخميش نهبطو معايا (مربي الكبدة عليا مايقدرش يفارقني ).
-و كيفاش يعيش بعيد على اولادو خاطر ترباو في حجرو ؟
انا 50% و لولاد 50% موحال يعيش بعيد علينا .
-ما راكيش خايفة على الزين وحدو تماك يدير وحدة اخرى باش يعوض بعدكم عليه؟
مانخافش دايرة فيه ثقة عمية ههههههههه .
-صار انتي تصبري على الزين تشوفيه مرة و لا مرتين فالعام بعد اللي كان قريب ليك و حنين عليك باش والفتي ؟
مانصبرش و هو كثر مني ههههههههه الحب الحقيقي .
-تقدري تعيشي بلا بيه ؟ منين ذاك تشوفيه ؟

موحال و الف موحال .

 

[روعة انثى]

تحليل :
هههههه عجبتيني تاع الصح كي قلتي الزين كي صاكك املا تهلاي في صاكك
حبيبتي راكي دايرة ثقة عميا فالزين هذا يدل على انو بيناتكم حب حقيقي انتي ما تستغناي عليه و هو ما يستغنى عليك و كيما انتي تبغيه هو تاني يبغيك ربي يطيب بيناكم بلاما نوصيك ما تخليهش موراك
الاولاد المستوى المعيشي ما قصدتش الماكلة قصدت المسابح و الخرجات و الحدائق ........مي معليش تقدري تعيشيهم هنا كاين عندنا بحر
والقراية زيدي ركزي لهم على اللغات قلتي يسلكو رسانهم فالانجليزية زيدلهم الفرنسي و دخليهم للبلاد و ربي ينجحهم
انتي مرا و نص دايرة حسابك على كلشي عقلك كبير على سنك على هكدا بغاك الزين و يوثق في رايك
ربي يحفظك و يحفظلك الزين و يحفظ وليداتك و يوفقك يا رب في مشروع حياتك
ان شاء الله كنا خفاف عليك :d

 

[ام الحلوين]

تحليل :
تفضلي يا لعميرة ماتخلي والو في قلبك .
هههههه عجبتيني تاع الصح كي قلتي الزين كي صاكك املا تهلاي في صاكك
ايه كيما صاكي و لا خيماري يعني وين نروح نديه معايا .
حبيبتي راكي دايرة ثقة عميا فالزين هذا يدل على انو بيناتكم حب حقيقي انتي ما تستغناي عليه و هو ما يستغنى عليك و كيما انتي تبغيه هو تاني يبغيك ربي يطيب بيناكم بلاما نوصيك ما تخليهش موراك
الحمد لله يا رب هو يثيق فيا الف في 100 و ان شاء الله ناوين وين نروحو نكونو مع بعض .
الاولاد المستوى المعيشي ما قصدتش الماكلة قصدت المسابح و الخرجات و الحدائق ........مي معليش تقدري تعيشيهم هنا كاين عندنا بحر
ايه البحر عندي دار بابا في البحر و نروح ليها غير انا و راجلي ،و الحدائق يديهم خويا للبارك تاع الشرفة بسكو انا مايخلينيش الزين نروح و نخرجهم اذا كتب ربي في الولايات المجاورة عندي فاميلتي في الجزائر و وهران و تاني البليدة قريبة لشلف ،و المسابح ماعلباليش اذا كاين في الشلف تاع الصغار .و ربي يفرج .
والقراية زيدي ركزي لهم على اللغات قلتي يسلكو رسانهم فالانجليزية زيدلهم الفرنسي و دخليهم للبلاد و ربي ينجحهم
الانجليزية عادي و مانخليهمش ينساوها و الفرنسية راني نعلم فيهم كلمات و الحروف كيما الانجليزية غير النطق مختلف و العربية دخلتهم هاذ العام راهم يقراو و بداو يتعلمو يكتبو و القران تاني نديرلهم في الميكرو و لا الموبايل يسمعوه .ربي يقدرني على تربيتهم .
انتي مرا و نص دايرة حسابك على كلشي عقلك كبير على سنك على هكدا بغاك الزين و يوثق في رايك
الحمد لله هو دايما يقولهالي و حتى دارهم يقولولو عقلها كبير .
ربي يحفظك و يحفظلك الزين و يحفظ وليداتك و يوفقك يا رب في مشروع حياتك
ان شاء الله كنا خفاف عليك :d

امين يا رب و راكم خفاف كيما ريش النعام .
ربي يتمملك على خير و نفرحو بيك و يجمعك نتي و خطيبك عاجلا غير اجلا ،يا رب استجب دعائي في هذه الجمعة المباركة .

 

[lina-67]

حنونة ام الحلوين مليح لوكان تسجليهم يقراو في مدرسة فرنسية كاينة في الجزائر بريفي مليحة باش ان شاء الله اذا حبو يولو ما ينغبنوش و دبلوم معترف بيه بصح تاع الجزائر علابالك ماشي معترف بيه لازم يعاودو يقراو
ما علاباليش اذا كاين في وولايات اخرى
ربي يسهل ان شاء الله

 

[أم أمين23]

ربي اكون الخير والي كاتبو ربي يكون:
يلا نولي للاسئلة على حساب واش قلتي :
عندكم دار في البلاد والا مازال ؟
الزين كاشما عامل مشروع في البلاد والا؟
ما تخافيش كي تروحي للبلاد ما يوالفش الزين على الحياة لتم خصوصا انو في ذزاير كل شيء ماشي بالمعريفة والعوج؟
الزين كي يهبط للبلاد يكون مرتاح يعني يحوس يخرج والا من الدار ما يخرجش؟
كان عندي اسئلة ونسيتهم كي نتفكر نولي

 

[ام الحلوين]

حنونة ام الحلوين مليح لوكان تسجليهم يقراو في مدرسة فرنسية كاينة في الجزائر بريفي مليحة باش ان شاء الله اذا حبو يولو ما ينغبنوش و دبلوم معترف بيه بصح تاع الجزائر علابالك ماشي معترف بيه لازم يعاودو يقراو
ما علاباليش اذا كاين في وولايات اخرى
ربي يسهل ان شاء الله

ربي يخليك جهاد
بصح المدرسة الله اعلم ماكانش في الشلف و مانيش عارفة ادا فتحت غير كيما و انا ماعلباليش ،و ان شاء الله ندير المستحيل غير باش يقراو و يتعلمو .
ربي يسهلي و يسهلك في كل امورك حنونة .

 

[ام الحلوين]

ربي اكون الخير والي كاتبو ربي يكون:
ان شاء الله .
يلا نولي للاسئلة على حساب واش قلتي :
تفضلي حنونة .
عندكم دار في البلاد والا مازال ؟
الحمد لله عندي في ليباتيمون و عندي ارض راني رايحة نبنيها هاد العام ادا قدرنا الله .
الزين كاشما عامل مشروع في البلاد والا؟
مازال هاد لرض حبينا نديرو حوانت تحت و سكنة الفوق .
ما تخافيش كي تروحي للبلاد ما يوالفش الزين على الحياة لتم خصوصا انو في ذزاير كل شيء ماشي بالمعريفة والعوج؟
هو صابر و ماعندو حاجة كي يحب يخرج اوراق يروح و يبقى يستنا ،ما يحبش يدابز و لا يعيط يقولي يا لوكان نبقي من الصباح للعشية المهم نقضي شغلي . و ربي فيه الخير .
الزين كي يهبط للبلاد يكون مرتاح يعني يحوس يخرج والا من الدار ما يخرجش؟
ايه يرتاح ومايحبش يبقى في الدار كل دقيقة يقولي هيا نخرجو نروحو عند فاميلتي و لا فاميلتو،و كي نكون في دارنا يجي مرات يدي غير لولاد عند خاوتو و يقولي ريحي مع داركم و هاد العام في رمضان تاني كنت عيانة يجي يديهم وقت الفطور و يخليني نفطر على راحتي و يحب البحر بزاف و يرتاح تما و عندي دار بابا تما كل ما نروحو يمدلنا بابا المفتاح و نروحو غير حنا و مرات يجو خاوتو تما و مرات دارنا.
كان عندي اسئلة ونسيتهم كي نتفكر نولي

معليش حنونة غير تتفكريهم كتبيهم و ان شاء الله نجاوبك .

 

[ام الحلوين]

سلام لبنات لي سقساو على داري هيا مرحبا بيكم .
هنا لولاد كانو يصنعو في رجل الثلج و ابيهم يصور فيهم .

و هنا كان يصور فيا انا في التاقة نطل ،وقابة كبيرة .و شوفي الدار لي تحتي كانت غير كيما نحرقت ز دروك عاودو خدموها .

 

[ام الحلوين]

هدي صور من لندن جبتها من قوقل .
هذي وسط لندن centre .

هذي عين لندن .

هذي القنطرة لي تنفتح .

 

[SAMIRA25]

ربي يهنيك ام الحلوين و يدوم العشرة و المحبة ان شاء الله يا رب
و الصور ملاح
و الثلج عندكم تاني مليح
بارك الله فيك​

 

[ام الحلوين]

تعيشي سميرة ،و نتي ربي يهنيك و يسعدك في حياتك .

 

[om abdulhadi 2011]

sbah el kheir 3likom habit nsaksik om el hilwin badalti ismak
machi nti om israa wa ishak

 

[joumane]

صباح الانوار ام الحلوين ويوم سعيد ان شاء الله
والله ياختي من اجاباتك ماشاء الله عليك وعلى الزين حب حقيقي تاع الصح ملقري مزوجين زواج تقليدي
وانتو مثال على انو الحب الحقيقي يجي بعد الزواج مش كيما لي يقولك كي تزوجي سيرتو كي تجيبي الاولاد تبقى غير العشره والاحترام والحب كامل يروح
ربي يهنيك حببتي انتي وزوجك ويحفضلكم وليداتكم
و وش تقولي انتي صحيح كي جاو الاولاد نقصو شوي من وتيرة الحب بيناتكم والا بالعكس
وهل اهتمامك بزوجك بقا نفسو قبل الاطفال والا نقص بعد ماجاو وديما هو الاخير لي تفكري فيه
وكي تتزاعفو شكون اول من يبادر بالمصالحه
وهل تتذكرو بعضاكم في اعياد ميلادكم بالهدايا والا كلام برك
وهل يشتريلك زوجك ورد طبيعي والا لا
وماهي اخر هديه درتيها لزوجك واخر هديه دارهالك والمناسبه
وهل تحتفلو باعياد ميلاد اطفالكم وديرولهم هدايا والا لا

 

[lina-67]

ام الحلوين اذا تقدري تحطيلنا صور من داخل دارك باش نشوف الديكور و ننقل عليك هههه
اذ امكن سي نون ماعليش

 

[ام الحلوين]

sbah el kheir 3likom habit nsaksik om el hilwin badalti ismak
machi nti om israa wa ishak

ايه يا ام عبد الهادي بدلت اسمي ، واش راكي نتي و عبدو ؟
نتلاقاو من بعد في بيت المغترب .
سلام .